اللي ضيعت زوجها بعد الولاده

[aldana]

طبعاً يجوز يا أختي قبل الأربعين مادمتي طاهره ....تكفين وين بتلقين دليل أصلاً على خزعبلات الأربعين ...من وين سنوا هالسنه والله صارت عدة مو نفاس ..

النفاس يا عزيزتي ماهو عدة على المرأه وهذا كله سوالف اخترعوها الناس وتواثرتها الأجيال بدون داعي .

أصلاً لو بتدورين على أدله ...بتلقين أنه ما يجوز للمرأه أن تطهر وتتمنع عن زوجها ..

عيشوا حياتكم طبيعين واهتموا في أنفسكم ...كم رجال ضيع زوجته وبيته بسبب الأربعين والحلبه والكلف الأسود والنفس الشينه ؟

يا جماعه هذي سنه كامله لا تضيعونها من عمر زواجكم وتنكرون عواقبها .

 

[ام الحلوين]

طيب وش ناكل وش نشرب في الاربعين ويعني مانتبخر
انا مو معك الي زوجها يحبها راح يتحمل حتى تخلص من الاربعين بعدين تظهر له بشكل جديد ويتفاجا بها هاذا عن نفسي

 

[aldana]

طيب وش ناكل وش نشرب في الاربعين ويعني مانتبخر
انا مو معك الي زوجها يحبها راح يتحمل حتى تخلص من الاربعين بعدين تظهر له بشكل جديد ويتفاجا بها هاذا عن نفسي

أنا ما لي حق أجبرك تغيرين رأيك ...لكن من حقي أوضحلك وجهة نظري في ردك يا أم الحلوين ...الله يحفظهم لك .

عزيزتي ...حتى لو زوجك يحبك ...أنا ما أقولك أكيد يبي ينحرف ويضيع منك بعد الأربعين . ولا أقولك أن الزواج عباره عن جنس فقط ...


بس كوني معي في الصوره وتخيلي ....

أيهم أفضل ... أن الزوج يتشوق لزوجته وهو شايفها قدام عينه جميله ونظيفه وريحتها تسر الخاطر .... ولا يتشوق لزوجته إذا تركت البيت وهي في أسوء حالاتها

وغابت عنه 40 يوم ؟ يعني شهرين و10 أيام ... (حق وشو ما أعرف )


تأكدي ......كل ما كنتي قدام عينه ....وشافك بأفضل حالاتك ...كل ما اشتاق أكثر ...

 

[aldana]

وتسأليني ...وش ناكل ووش نشرب .........

ما قلت لك زاعلي أمك ... ممكن تزورك الماما كل صباح وتجيبلك الأكلات الطيبه ...كأنك لازلتي بالمستشفى ... بس انتبهي من الأكلات اللي روايحها تسد النفس ..

والله وأقسم ...ولا حلفتيني ... يستحيل أحط في فمي شي من سوالف الحريم بالنفاس ...

في كل ولاداتي الحمدالله رب العالمين ... آكل كل أصناف الغذاء المغذي والمفيد .... اللحم والعدس ...والخضروات والبيض ... وأشرب القرفه (الدارسين) والحليب



وأطلع من النفاس مثل الورده يارب لك الحمد والشكر ...


ودايم قدام زوجي ... أتفنن باختيار الأكلات اللي تغير فكرته السلبيه اللي ماخذها عن النفاس ....

حتى مره دخل علي وأنا جالسه على السرير وآكل كيك بالفراوله ....قال أول مره أشوف ولدانه تاكل كيك بالفراوله ....

لأنه كان يشوف خواته ...ويعتقد أن النفاس له أكل معين وريحته شينه ...

وكانت نظراته لي دايم كلها إعجاب وانبهار في شكلي ولبسي وريحتي وحتى السفره اللي تجيني كنت أأكد على الخدامه أنها ترتبها بشكل فني ...وضروري يكون فيها مزهريه وورده كل يوم لون ...

مدلعه نفسي وكأني أميره مدلـله ... وكل شي منظم عندي ...

جبت علاقه مواسير دورين ...وحطيتها في طرف الغرفه (جنب الحمام) ...وجبت العلاقات الساتان الفخمه ...وعلقت كل قمصاني وأروابي وحطيت تحتهم أنواع من الشباشب الراقيه

وجنبها سله من العطورات ...والكريمات ...

وعشت أجمل أيام حياتي ..وآكل كل ما يخطر على بالي .........ولا فكرت بموضوع الضيق والوسع ...

ولعلمك أنا بعد كل ولاده أراجع لمدة 4 أشهر عند الدكتوره ... وبعدها آخذ المانع ...بعد ما أتأكد وأطمئن أني ما وسعت الحمدالله . ولعلمك ولا بحياتي تبخرت .

ولا مشيت على سوالف الحريم من لهوم وبخور و لا تجوعين ولا تاكلين برتقال ... هذا كله اسمه هوس بالفتحه ...ابعدي عنه ...وبتشوفين كل خير ان شاءالله

 

[aldana]

تعديل ****** 40 يوم ؟ يعني شهرين و10 أيام ... (حق وشو ما أعرف )
أقصد شهر و 10 أيام .

 

[helwaya]

بصراااااااااااااااااااااااااحة كلامك حلو ويفتح النفس :clap:


ولا موضوع الكريستالاتتتتتتتتتت:icon26: تجنن

لالالالالالالالالالالالا انتي اكتيبيلنا عن هذه الاشيااء والموضة فيها والتفنن فيهاا لأن النفسية الآن :thumbdown:


ومشكورة جدا

ومشاء الله عليكي عن جد :icon31:

 

[ام الحلوين]

الصرحة كلام مقنع راح اجرب في الولادة الجاية
بصراحة بالنسبة للهومات مااحس ذاك الزود بس وش نسوي تعرفين الحريم الكبار وسوليفهم
جزاك اللة خير

 

[الحلا كله]

الي انا اشوفه ان الرجل هو الي لازم يعذر المراه في هذه الفتره ويراعيها

مو يكون اناني بكل شي وبعدين الزواج شراكه شي له وشي عليه

انا عن نفسي مستحيل اترك بيت اهلي الا بعد الاربعين

صحتي وراحتي انا اهممممم <<<

 

[دونات666]

أهلين حبيباتي
أبعض الستات تقول لاحظت الفرق اذا أكلت لهومات أنها تكون ناشفة وهذا شي مهم....
ويختلفون الرجال فبعظهم يكون دايم معصب اذا دخل عليها يلاقيها على السرير أو عندها ظيوف ،يبغاها زي أول دايم ماليه البيت حركه وعنايه بالأطفال ومذاكرتهم وأهتمام بكل شأون البيت ....ماهمه شكلها وهذا صعب عليها خاصه إذا هي والده بعمليه:no:
وبيني وبينكم النفسا صعب تكون حلوة بشويت مكياج لأنه وجهها شاحب من فقر الدم والسهر مع البيبي أو ألي أمها وأخواتها بعيدين عنها
أما اذا طهرت قبل الأربعين فالأفظل طبيا ما يجا....م...ع....ها زوجها لأن عظلات المهبل يادوب تلحق تشد .
هل تعلمين أن السودانيات تبقى شهرين بعد الولاده !!!
والسودانيات مشهورااات بالظوق لهتمامها الجيد بنفسها من بخور وأستعمال الدلكة السودانيه وأخيرا الحلاوة لكامل الجسم....لذالك رشحت السودانيات الأحلى وأعذب فراش (ولا يهونن القارءات من باقي الجنسيات)
وسألي أي سودانيه عن أسرار بخورهم وأي خشب تستخدم:bye1:

 

[nada14]

والله موضووووووووووع رائع جدا جدا

انا الحين حامل في الشهر 4 وبحكم اني بعيده عن اهلي فما راح اترك بيتي يعني راح اقضي مده 40 يوم في بيتي وامي هي اللي راح تيجي عندي

يعني ما راح ابعد عن زوجي نهائيا

وبيتي افضل لي لاني ممكن اتحرك على راحتي والبس اللبس اللي ابغي واتعطر واتمكيج وكل شيء كاني مو في نفاس

وانا سامعه ان في وايد حريم يخلص نفاسهم قبل 40 يوم ويتطهرون وكل شيء عادي

وحتى لو قضيت مده نفاس 40 يوم كامل ما راح انقطع عن زوجي او اني ما راح اريحه بالعكس

مو لازم انه يدخله في المكان المعتاد ممكن بالمداعبه او المص او على جسمي مو شرط 00000

وبها الطريقه راح اريحه وارتاح انا نفسيا
والله يوفق الجميع

 

[عليا الشمري]

حبيبتي تعالي نمسك موضوعك كلمه كلمه لاني باصراحه
مش معك في بعض افكارك
[grade="00008B FF6347 008000 008000"] بالنسبة للنفاس مدري ليش تتخيلون أنه سجن .وتنحبسون 40 يوم بالبيت .... ناهيك عن الحلبه والسفوف اللي ريحتها [/grade][grade="00008B FF6347 008000 2E8B57"]تجيب الهم
[/grade]
ليش يااختي كلها اشياء مفيده للنفاس وانا مجربتها وكل اللي يقربون لي يجربونها اللهوم والاعشاب
وهي اللي تنظف المراءة من جد
[grade="00008B FF6347 008000 FF0000"]طبعاً الرجل طول عمره ما يفكر إلا بنفسه ... وصعب يفكر مثل ما نفكر . [/grade]

ليش كذا الرجل والرجل والرجل ايش فيه الرجل علشان
نصب الاهتمام كله له اهتمي بس بقدر المطلوب لا تيسير لصقه فيه حتي
في الحمل
[grade="00008B FF1493 008000 4B0082"]نامي اسبوع واحد فقط وهذا كاااافي جداً جداً ...مو شرط تنامين 40 يوم ...وحافظي على بيتك وزوجك[/grade]

شوفي اسبوع واحد مش مكفي ابدا
بعدين هو اللي جابني عند اهلي
علشان ارتاح هو يرتاح من الصراخ
والم
[glint]استئجري خدامه تساعدك على البيبي وهذا ضروري جداً جداً .

جهزي غرفة للبيبي بجميع المستلزمات .....ونيمي الخدامه فيها ...[/glint]

واذا ظروفي الماديه ماتسمح
او مالقيت شغاله ليش اتالم واتعذب
وهو يبغي راحتي عند اهلي او اهله
وليش احط طفلي عند وحده غريبه
طفل مايتجاوز الايام البسيطه علشان
ارضي هذا الزوج وانا تعبانه بقول
وش هالمراءة ولاهمه حاجه لاولد ولابيت
وحلو الابتعاد عنه فترة لانه مش منقطع
عني اكيد بزورني ولاني بتركه 40سنه
بعدين وش هذا الرجال اللي يفكر فقط
بس في رغباته الحياة عطا وحب ومودة
الحياة يحملني واحمله الرجل موقف وفعل
بعدين طول فترة النفاس فرصه للمراءة
انها تسوي لها صنفرة وزيوت للشعر
لما ينتهي فترة النفاس تكون حلوة
متقشرة زي الفرواله وتنمع في هذه
الفترة بمرة حلو مافيه مانع ترسلي
له عبر الجوال رسائل حب وشوق
لما يكلمك تبين له شوقك له وبس
واسفه للاطاله

 

[فراشه]

اختي الدانة كلامك فيه تشجيع وتحبيط في نفس الوقت..

أنا أشجع ان الوحده ما تهمل نفسها تماماً في فترة الأربعين، ومش لازم النوم عند الأهل إذا كانت في بيتها

مرتاحة ما وراها شغل وتعب (عندها خدامة مثلاُ)

لكن ليش نعتبر ان الزوج ماراح يتفهم أبداً الحالة اللي تمر بها الزوجة؟ يعني هي تعبانة ومستانسة بها التعب؟

في وحده في الدنيا تحب انها تتوحم وجسمها يتغير ويزيد وزنها وكلف وصداع وثقل .. الخ؟؟

ولا كل هذا علشان تييب طفل يملا عين أبوه؟؟

طيب هو شو خسران؟ مهو مرتاح ومحصل عيال عالبارد، ما يقدر يصبر شهر واحد؟

وين حسن المعاشرة وين الاهتمام والرعاية؟ ولا ها الأشياء من نصيب الزوج فقط والزوجة ما لها شي؟

ليش احنا اللي تعبانين واحنا اللي نركض وراهم؟؟

صحيح منطقي يمكن ما يمشي على الأزواج، لكن والله قهر.. بالعكس بعض الرجال يلاقيها حجة ان الزوجة

ما تطلع في الأربعين علشان كشتاته مع الربع بدون ما يحس بأي تأنيب ضمير..

هذا بدل ما يقول باقعد شوي مع مرتي حبيبتي أونسها وأحسسها إني معاها..

 

[غاليه]

مشكوووووووره على نصايحك الثمينه

 

[aldana]

للــــــــــرفع

 

[الجازيه]

يعطيج العافية على موضوعج الروعة ..

 

[أم فزاع]

تصدقون يوم الريال يشوف غيره مستانس من دون زوجته اللي تكون في فترة النفاس..
يتمنى يكون في مكان هالريال عشان يسافر وياخذ راحته..

انا استغرب من البنات اللي يتمون تقريبا اسابيع بعاد عن رياييلهم وحتى فترة النفاس..
ليش ما تقدرين تتحكمين في شهوته

أنا ما اييد هالوضع.. اسبوع ونص كفاية لج في بيت اهلج.. وعقب روحي بيت الزوجية ابرك لج وهم تحافظين على ريلج

 

[هدهد]

الدانه عزيزتي مشكوره على الموضوع الاكثر من رائع...
عندي عده اسئله ودي تجاوبيني عليها جزاك الله خيرا:
كيف تغلبت على مشكله التوسع بعد الولاده.... لان كل البلاوي اللي يسووها الحريم تدور حول هذا الموضوع....
الشي الثاني ... صحيح ان الخادمه ضروريه اثناء النفاس بس اخاف منها لان هذي الفتره تعتبر فتره حرمان جنسي للزوج....واذا زوجي يحبني ويخاف الله ...الشيطانه الخادمه ما راح تتطوف هذي الفرصه والشيطان شاطر ...وكل شي جايز ... يعني لو تطيبت وتزينت وكنت حوريه بنفاسي ....بس ما اقدر البي حاجاته الجنسيه ...وفي كل الاحوال ما راح اكون متطمنه ان الشغاله ما راح تستغل هذي الفتره الى اقصى حد.......
صحيح الخادمه بتريحني من ناحيه البيبي ....بس لما تعتزم الغلط ما راح تشاورني ... وبتلاقي لها بدل الطريقه عشره....

 

[khawlah]

مراحب،مشكوووورة يالغالية على النصائح المهمة.وسلامتك

 

[CanDle-Kuw]

يعطيج العافيه وبصراحه كلامج عين العقل


موضوع مفيييد جدا

 

[aldana]

يا هدد أحد قالك أن النفاس يعني خارج نطاق التغطية ؟ وش يمنعك ما تهتمين في بيتك وزوجك ؟

وعلى بالك الخادمة من تدخل من الباب تبي تنط على الرجال ؟
لا تصدقين أن رجال محترم ويخاف الله تبي تسحبه الخدامه خلال شهر !!

وبعدين ما فهمت يعني كيف تتعطرين وتتزينين وزوجك يروح للخدامه ...ليش مهبول هو يخلي القمر ويروح للقرف !

وعن التوسع صدقيني تمارين كيجل فقط ..فقط ..فقط . لو ما عندك القدره على العمليه .