هدهد يا حبيبتي ............. تعوذي من ابليس .... لاتفكرين بالشين المحتمل ...وتنسين الزين الأكيد ...
لا تناظرين نص الكوب الفارغ وناظري المملوء يالغاليه ....
أخذتي العبره من قصة ساندريلا ... وليش ما تاخذين العبره من أم بسمه ... اللي تعدلت وتغيرت وطورت من نفسها حتى زوجها رمى باللبنانيه ...مو الأندونوسيه المعفنه .
حبيبتي شيلي من راسك أن زوجك يفكر بالشغاله واستبدليها ...بشي إيجابي .
قولي بخلي زوجي يشوفني في أحلى صوره وأجذبه لي قدر المستطاع .
صدقيني إذا الرجال شافك بالصوره الجميله يبي يخزنها في باله ويجلس ينتظرك
نفس الطفل لما يشوف لعبه حلوه وينعمي عن كل ألعاب الدنيا ما يبيها .مهما كان أفضل وأكبر وأجمل ........وينتظر اللعبه اللي في باله ...لأنها مخزنه في راسه يجلس يتخيل أنه يلعب فيها وينتظر أمه تجيبها له .
نفس الشي الرجل ... يدري أنه جالس ينتظرك مثل الحلم ويتمنى يتحقق هالحلم ..
بعدين الشرع صح حرم الجماع ...بس ما حرم القبل والضم والإستمتاع بالزوجه حتى لو بيدها ...
مافيها شي ...لا تقولين أوفره لبعد ما أطهر ... ترى كلام فاضي ... الإستمتاع الكامل باقي ينتظركم بعد الطهاره إن شاءالله ...
وأنت قارني .... ولا ينقصك الذكاء طبعاً ..
قارني ما بين رجل بعيد عن زوجته .... ويزورها كل يوم ويشوفها مثل العجوز المريضه ...وجهها ناشف وأصفر ...مثل أفلام اسماعيل ياسين (أسود وأبيض)
وزوج زوجته عنده في البيت ... وريحتها ترد الروح ...كل يوم روب شكل ومره مناكير أحمر ومره أورانج ....ومره روج وردي ...ومره روج أحمر ... وشعر سايح وسشوار ... ولا يمنع أيضاً عدسات ملونه ... وشباشب طقم مع الأرواب ...اللي بالريش واللي بالفصوص ...
تلبس خلاخل ... وخواتم ...وأساور ... وتمشي آآآآخر دلع ...
تكفين ...بربك ... أيهم اللي زوجها يبي يدور لو دجاجه ينام معاها ؟ ...
الأول يائس .... يقول خلاااااص زوجتي أنتهت وصارت أم ...وحالتها تجيب الهم . ويبدأ يواسي نفسه بالبديل ...
أما الثاني .... يقول عندي زوجه قمرررر ...تختلف عن كل الناس اللي يولدون .... شوفتها ترد الروح ....
الثاني في شي يصبره ...يشده لزوجته ... يخليه ينتظرها حتى لو تمت 4 اشهر مو بس شهر .
وبعدين الطهارة في اسبوعين ... أنت بتقعدين اسبوع عند الماما ... والأسبوع الثاني تشويق .... خلين 20 يوم يا بنت الحلال ... معقوله ما يصبر 20 يوم على القمررر الحلال ... ويدور اندنوسيه ؟
لا إسمحيلي والله لو كان الرجال شايل مخه ومركب عضوه هناك أقولك يمكن صح ...بس غير معقوووول . بعدين انتي لو ما كنتي طاهره ما أعتقد أنك بتغيبين عن الوعي لين تطهرين ...
وشو البيت فاضي مافي الا هو والمعفنه بالبيت ؟
وين بتروحين عنهم يا قلبي ... هي قدام عيونك بالبيت ... ولا عاد تفكرين بالسلب خلك إيجابيه
