الشمالي "افهميه لتحبيه"

[present]

حبيبتي احساس كيف اخلي الشمالي الغربي ينام معي في غرفة النوم
من بعد زواجنا ب ستة شهور والا الان وهو دايما ينام بالصالة ويتحجج بالتلفزيون زانه ما يقدر ينام بدونه
وبالفعل لما خرب التلفزيون شهرين تقريبا قلتله يلله ننام في غرفة النوم قال طيب وصار ينام معي بالغرفة بس اول ما صلحة رجع لعادته والحين لنا 5 سنوات متزوجين ياما صارحته وقلتلله اني ابغاه ينام جنبي بس ما فيه فايده

 

[حياتي معك غير]

تسلمين ياعسوله حسوسه
هو شمالي شرقي بس فيه من الغربي نقطه يعني الغالب الشمالي الشرقي

 

[طموح..}]

ماقصرتي احساس الله يعطيك العافيه

تصدقين انا سويت الاختباروطلع لي انا زوجي شرقي شمالي 

والله ماادري احترت ..

طيب ياحلوات ابي مواضيع الشمالي الغربي بشوف ينطبق عليه ..**

 

[حياتي معك غير]

حبيبتي حسوسه ابي اعطيك نبذه عني وعن تعاملي مع الشمالي
شوفي حبيبتي هو كل وقته في الداوم يعني من 8 الى 5 وبعدها يرجع للبيت اعطيه ملابسه اذا كان يبي غداء اعطيه وكثير يتغدى في الدوام المهم اجلس شوي معه وبعدها انشغل بالنت وانا عنده او اروح اقرا قران او كتاب
اول كنت اذا راح ينام ازعل واعصب واقوله ليش ماتجلس عندي كل يومك بالدوام الحين لا خليت الموضوع عادي صرت ما اتكلم ولاحتي تصرفي يدل اني متضايقه من نومه الا اوقات الاجازه
يجلس ساعتين اما ينام بعدها او يجلس يتعشى وانا طبعا كله مبتسمه واتابع بنتي لانها توها تمشي واخاف عليها وهو نفس الشي الى درجه يقول خليكي وراها
انا عندي امه وخادمتها بالطبخ بكل الانواع اللي تحبه بدون ما اجبر نفسي على التغيير او اسوي شي انا مااعرفه مجرد مانها طلبت مني لاني قبل كنت افني نفسي لها من خدمه ومن طبخ وفي اخر شي عند اقل مشكله قال انتي ماتبين امي لاني اطالب بحقوقي
المهم الحين عندها خدامه وارتحت صار وقت فرااااغ بس ماسكه بالنت اتثقف وحاول اطور نفسي وقريب ابروح لاني عندي كتاب السر ما احب يعرف اني اقراه
واذا راح ينوم اروح اشوف وش يبي واغطيه واطلع بسرعه احيانا ما اجلس بس ادخل وراه واقول تبي شي واطلع هل هذا (لصقه)
والشي الثاني الصباح اجهز له اغراضه وفطوره واذا طلع اودعه ودعي له هذا( لصقه)اول كنت ابوسه قبل يطلع الحين بطلتها حسيت انها لصقه
هو اذا بغى يبوسني
والشي الثاني ابي يحترم اهلي مع اني احترم اهله واسال عنهم هذا مضايقني مررره اول كان يجي عندهم وينام ويرفض ناخذ شقه والحين تغير كل شي لانه صارت بيننا مشكله كبيررره تدخل كلن فيها وبعدها تغير على اهلي حتى اذا جاء يكلمهم لو بالغلط تلاقينه من غير نفس الصراحه احسه اذا ما احترم هلي مايتحرمني مع انه ماقد جاب طاري اهلي بشر بس يحاول يبتعد عنهم وقبل ما كان كذا انا الصراحه متفشله من اهلي دايم يسالون عنه وابوي خصوصا حتى مره جاء عندي ابوي بعد ما انحلت المشكله تخييلي قلت له ابوي يبي يتغدى ماجاء الا مع العصر وانا تفشلت من ابوي كل شوي يقول وينه وانا اتصل عليه يقول شوي الحين اجي انا بعيد ويوم جاء صدق رحب بابوي بس من غير نفس باين عليه
انا ودي اكلمه بالموضوع كيييف اقوله؟؟ او اصبر مع الايام يتعدل يمكن هو متفشل من اهلي
(انا افكر اقوله انك يمكن تقول مستحي من اهلي لانك غلطت في حقهم بس لاتخاف ترى اهل الزوجه مو زي اهل الزوجه يغفرن لزوج بنتهم وتراى تقدير اهلي من تقدري )هل ها من حقي اطالب فيه احترام اهلي
والشي الثاني انه احيانا يقول بطلع مشوار مع انه طلعاته قليل مررره مره يقول لي ومره لا يقول معزوم وبس طبعا انا ماساله ابدا اقوله الله يساعدك هذا صح او لازم اساله علشان مايهمشني

 

[حياتي معك غير]

حبيبتي حسوسه بالنسبه للرسايل الرومنسيه هو مايحبها طويله يحبها قصير وفعلا يتجاوب معها
يعني مره ارسلت له من يلوم الطير في حب الشجر
انبهر وبدا يرسل لي بعدها ثلاث رسايل نفس لحنها
يقول من يلوم الليل في حب القمر وبعدها ثانيه وثالثه على نفس الموال ولا اكثر اتصالات هو مايحبها اذا اتصل رديت عليه وبسس

 

[الم وعشناه]

اختي احساس احب اقولك ان نتيجة اختبار نمط شخصية زوجي...شمالي 14 /جنوبي 6 /

شرقي 18 // غربي 2//


وش رايك ماهو نمطه وكيف اتعامل معه

 

[Mesho Nawaf]

هلا اخت احساس رجعت لك من جديد مع مشكله اخرى خخخ

عريس الغفله الي عندي يبيني البس عباية راس وانا مابي الصراحه بحجة ان الكتف مبينه مفاتني بالله عباة فراشه بتبين الفتن ادري بيتحكم ويفرض اراء تناقشت معه وانها شروط الحجاب الشرعي متوفره فيها قالي خلاص بس بطلي نقاش انا علمتك وانت بكيفك قلت له مشكور عالنصيحه ويوم جينا ننام فتح الموضوع مره ثانيه وش اسوي به هذا الحين كيف اقنعه اني مابي الراس

 

[Tooma]

هلا إحساس ..

أنا جنوبية غربية .. بس فيني صفات من الشمالي .. مثل الطموح والمنافسة والقيادية ..

فيني بعد صفة الإندماج مع المجموعة وحب الناس وتكوين الصداقات ..

يعني احس فيني بعض الصفات المتناقضة ..

 

[احاسيس الزهور]

مشكوره احساس ماينداس ع الموضوع الروووووعه استفدت منه انا زوجي شمالي شرقي والحمدلله مطبقه الي تقولينه قبل اعرفه من نفسي وبعضها استفدت منها وماشيه تمام بس من فتره قريبه زوجي تغير صار يدخل الغرفه ويقفل عليه بالنت وبينت له انه يضايقني لاني ابغى حاجاتي من الغرفه مع العلم اني يبين له انه يقفلها عشان دوره المياه جوى الغرفه يقول ماابيك تشمين الريحه وهو بالحمام <<<<طبعا يكذب لانه يقعد ب3 ساعات قلت طيب افتحه اذا خلصت يقول نسيت وقعدت ع النت المهم ماعاد صارر يسويها صار يستغل الفرصه اذا انا نايمه يقعد بالصاله بحيث اذا طلعت مااشوف مره دخلت عليه فجاه وخاااف مره وقعد يسكر الصفحات بعدين سكر الجهاز بكبره تصرفاته هذي شككتني ان فيه شي قمت امس فتحت المحفوظات وشفت ف موقع الهوتميل بريد اكتروني جديد انا ماقد شفته يعني يسوي بلاوي من وراي
والي صدمني زياده انه يقعدني جنبه ع النت ويوريني رسايل ف البريد الي انا اعرفه وكل شي ويفتح قدامي المسن بس اكتشفت ان فيه اشياء مخصصه له مايوريني اياها وع فكره ترى اهو توه متعرف ع اجانب من جيمع الدول وخربانيييييييييييييين مرررره راعين بنات وقيرل فرند وهو يقولي عنهم واحس انهم خربوه لاني مغتربه برى والي قهرني زياده يقول اذا رجعنا السعوديه بحط لي غرفه واقفل علي تخيلي لييييييييه طيب بعض الاحيان اقول ماارح اشك فيه بس تصرفاته تثبت لي ان فيه شي خطاء يسويه اكيد حريم ومقاطع
بالله انصحيني وشلون اوجهه ابي طريقه تنفع معه واسلوب حلو ابي اذا تكرر الموقف وش اسوي اخاف اقوله ترى هذا يضايقني ويزيد تكفين ردي علي مرره تعبانه من هالسالفه

 

[احساس ماينداس]

حبيبتي حسوسه بالنسبه للرسايل الرومنسيه هو مايحبها طويله يحبها قصير وفعلا يتجاوب معها
يعني مره ارسلت له من يلوم الطير في حب الشجر
انبهر وبدا يرسل لي بعدها ثلاث رسايل نفس لحنها
يقول من يلوم الليل في حب القمر وبعدها ثانيه وثالثه على نفس الموال ولا اكثر اتصالات هو مايحبها اذا اتصل رديت عليه وبسس

طريقتك معة حلوة فى التعامل بس بوسية قبل الدوام مافيها شئ :31:
واهلك هو طبيعتة رسمى لا تلومينة
والمشاوير لاتسالينة لان طلعاتة قليلة وغالبا شغل مايحب التحقيق
والرسايل يحب اللى تكتبينها انتى باحساسك مومنقولة :32::32::32:

 

[Ghada♥Ahmad]

احساس ماينداس تعبت الحق وراك تكفين عاد ردي علي كتبت لك هنا مليون مره
وارسلت لك خاصه قلت علي الله تردين علي علمينن بتردين ولا اضف وجهن...
>>شخصيه تعبانه نفسينا وعقلين ...وان مالقت حلى بعد اربع شهور من زواج بترجع بيت اهلها ذذ1..اخ ياقلبي

 

[احساس ماينداس]

احساس ماينداس تعبت الحق وراك تكفين عاد ردي علي كتبت لك هنا مليون مره
وارسلت لك خاصه قلت علي الله تردين علي علمينن بتردين ولا اضف وجهن...
>>شخصيه تعبانه نفسينا وعقلين ...وان مالقت حلى بعد اربع شهور من زواج بترجع بيت اهلها ذذ1..اخ ياقلبي

حبيبتى وش سؤالك ؟

 

[Ghada♥Ahmad]

حبيبتي انتي ماعاد فيني اكتب تلاقين كلامي في رسايلك الخاااصه ..وان مايمديك خلاص عادي..
لاني كتبت ظاهر اسطوره من الالم اللي بداخلي والتعب توني صغيره وطفشت من ذا الحياه ..واشكرك موفقه يالغلا

 

[ام حمدان82]

احساس ما ينداس ممكن سؤال

الشمالي عادي تصارحينه بعلاقاته الي عنده على البلاك بيري طبعا الي عنده بنات بس هو مغير اسمائهم عشان ما اعرف انه عنده بنات .. فكيف اتعامل معاه في هالحاله؟؟؟

 

[احساس ماينداس]

حبيبتي انتي ماعاد فيني اكتب تلاقين كلامي في رسايلك الخاااصه ..وان مايمديك خلاص عادي..
لاني كتبت ظاهر اسطوره من الالم اللي بداخلي والتعب توني صغيره وطفشت من ذا الحياه ..واشكرك موفقه يالغلا

قريت مشكلتك ورديت عليك فى الخاص
طبقى اللى قلتة باتقان وموفقة :32:

 

[سكر اسمر]

الله يعطيك الف عافية وبالتوفيق لك ولكل اسرتك ومن تحبين بعد ويارب حياتك كلها سعادة وبدون منغصات .​

ومشكورة ياعمري على كل ماتقومين به وكله عند رب كريم مايضيع تعب أحد وهو من يجازي خير الجزاء فنحن مهما أثنينا نظل أهل التقصير ​

لك مودتي ووافر دعائي ​

 

[طموح..}]

الاختبار طلع زوجي شمالي شرقي
/
/
اذا قال كلام حلو استحي يجلس يضحك بقوووه ،،اذا جبت شي مثلاً شوكلا او شابوره او اي شي ليش ماجبتي لي أو شرينا شي واكلت منه يعلق علي لازم تذوقينه يعني او ليش ماتنتظريني ماكأن فيه واحد في البيت  واحس فيه انانيه ،،،ويغار من بنته صح يحبها بس مااحسه يهتم فيها كثير وكريم بداية الزواج رومانسي مررره بس جت فتره تغير
يجلس عند التلفزيون وينام نووومه ثقيل مرره طيب حنون حساس يتأثر مع الدموووع يوعد بس وعود يعني كلام من غير فعل

بليز ابي النمط الاخير تعبت من كثر مااسوي اختبار مره يطلع شمالي شرقي ومره شرقي شمالي
وحسوسه تقولين شمالي غربي


محتااااااارهمررررره

 

[ام ضاري]

تسلمين اختي وتسلم اناملك موضوع اكثر من رائع وفعلا هذي هي صفات الشمالي الشرقي كأنك تتكلمين عن زوجي هو يبي صبر شوي وطولة بال ويطلع من احسن الشخصيات بسسسسسسسسسسس افهميه زيييين وتسلمي

 

[قصور]

الله يسعدك حسوسة في مسلسل اتابعة واحد متزوج وعنده عيال كبار لبسه كله كاجول وسبور يعني وطايح مغازل في البنات مع انو زوجته مو مقصره معه بش بس هو كذا يحب تصير عنده صديقة ويخاف على مشاعر زوجته وامس انو وحده من الي كان يعرفهم كاتبه على سيارته احبك وكلام حب شافت زوجته الكلام وزعلت راح يراضيها حسيته شمالي غربي بس السؤال ليش يخون ممكن تفسرين شخصية الشمالي الغربي الي يخون بدون مبرر ؟؟

 

[كتكوته ناعمه]

هلا اختي احساس
هذي مشكلتي كتبتها في موضوعك عن الشمالي الشرقي بس مااشوفك تدخلينه مثل هنا كثير وهذا الرابط

http://www.niswh.com/vb/showthread.php?t=272883&page=13


ومشكوره ويعطيك العافيه