الحمدلله يرزق من يشاء..وغسول البيكربونات !!

[ام ابراهيم 1]

وش فطوركم ام تبوله
انا صايمه ماسويت الا شوربه

 

[ام رفعه]

طارت ام تبوله

ام نوره ..سبحان الله الاحلام يمكن لها دور ..شوفي انا ببناتي كنت احلم بولد ولامره حلمت ببنت ..وسلفتي اللي هي زوجه اخو زوجي ..كانت بولدها حلمانه ببنت وجابت ولد ..والله مدري انا توقعت يوم حلمت بالبنت ان فيني ولد ..بس لله في خلقه شؤؤون والحمدلله بس فعلا البنت اللي شفتها تجنن حتى اضمها لصدري من شده فرحتي فيهااا

 

[محارة لؤلؤ]

الله يتمم لك بخير يا ام رفعه انتي وام نورة وطير ...وغرشوب ....ياااااااااااارب

وتقوموا بالسلامة وتفرحوا بالبيبي الجديد ...

يا رحيم يا رحيم يا رحيم ....يا من اذا قال للشي كن فيكون

ارزقني واخواتي في هذا الملف واخواتي من امي وابوي وزوجة اخوي الاولاد الذكر الصالحين البارين حسنين الخلقة والخلق انك على ذلك لقدير...

سبحانك لا اله الا انت استغفرك واتوب إليك

 

[حبني وحبيته]

السلام عليكم ورحمة الله وبركاته
كيف حالكم جميعا
ابله سارونه حنا هنا بالبيت الجديد وش صار معك بالمستشفى اليوم

 

[شمعة الإسلام]

اهلين حبني وحبيته كيفكم وش اخبارك

 

[شمعة الإسلام]

ابله سارونه ان شاء الله عطوك اجازه

 

[(ام القمر)]

كيفكم بنات

ام رفعه الله يهون عليك ويرزقك الولد المره الجايه وماتدرين يمكن ولد اختي قالوا لها بنت وهي في السابع وجابت ولد

 

[(ام القمر)]

وينكم ياحلوات

 

[(ام القمر)]

يعني مااستخدم البيكربونات ولا استخدمها والله اني احترت الله يكتب لنا اللي فيه الخير

 

[(ام القمر)]

......................

 

[أبله سارونه]

بنات انتو اهني وانا اقول ليش اتكلم هناك والصدى يرجع لي اثاريكم هجرتو العش
بقولكم شصار اول سلام على الجميع

 

[حبني وحبيته]

هلا والله بابله سارونه نورتي الملف بشري وصار عليك اليوم

 

[أبله سارونه]

اليوم رحت للصباح بالغصب قمت واخرتها ساعه ونص يدورون ملفي وعقب قالو الملف ضايع بنفتح لج جديد مالت عالباميه وانا حالتي ببنتي كلها بالملف القديم المهم خذت الملف وعلى مارحت العياده طبعا العالم اللهم ياكافي صارو قبلي
باختصار عقب نطره وفره باللممرات دخلت عالدكتوره شرحت حالتي اخر شي قالت روحي للمجلس فتحي ملف عشان الاجازه يسير لجنه ويقروون اذا احتاج او لا وعطتني 8 كراتين تحاميل مثبت وانا ماصدق كنت بخلص منه بس وراي وراي والزمن طويل
وعطتني شي تقول هرمون مادري شنو ياليت اللي عندها فكره تقولي
اسمه duphaston تقول 3 مرات باليوم الله يستر على هالادويه وطلبت مني اسوي تحاليل 3 انواع بروح موعدي الياي وربي ييسر

 

[حبني وحبيته]

الله يعينك ياأبله سارونه ويسهل امورك ويعطونك الاجازه ويثبت حملك

 

[أبله سارونه]

------------

 

[أبله سارونه]

ماقلتولي الدفاستون شنو هذا بنات انا اخاف من الخرابيط الوايده

 

[شمعة الإسلام]

ابله سارونه ان شاء الله ما فيك الا العافيه
يعني ما عطوك اجازة حسبي الله عليهم

 

[شمعة الإسلام]

الدفاستون هذا مثبت للحمل

 

[حبني وحبيته]

والله ما عندي فكره عنه والا كانت قلتها

 

[أبله سارونه]

ليش الشريط تحت ماكو الا انا بروح شوي وارجع عيل شكلهم ماوصلو للحين