السلام عليكم ورحمة الله وبركاته ..
أختي الغالية ..
بصراحه انا فهمت كل اللي قلتي وفهمت تماما ماتعانين منه ..
مثل ماقلتي ان زوجك له قلب طيب هذا مايميز الشخصية الشمالية ومن هنا تقدري تدخليلو ..
انت بصراحه يبغالك رفرش عشان تفهمي نفسك وتفهمي الحياة من حولك .. انت الان في حالة عيونك عليها غشاء مارح تشوفي الا طريق الطلاق وتظني انك رح تخرجي من همومك بهذا (الطريق) <<< لاحظي اني ماقلت بهذا الحل لان الطلاق ابدا مهو حل بل هو كل المشاكل والمآسي ..
اسمعي ياحبيبتي ..
اذا طلبتي من زوجك رحلة تغيير جو (بدون الاطفال) رح يوافق؟؟
قوليله انكم تبغو تنبسطو وتغيرو جو بعيد عن الأطفال
اذا وافق حاولي تروحي معاه ورتبو محل يكون منعش وفي وناسة وفرفشة ..
وبعد ماترجعي تبدئي تغيري من نفسك شويا شويا ..
لانك على ما اظن محتاجه لتغير جو اولا ..
شيلي فكرة الطلاق وكره زوجك من بالك مؤقتا .. لكي تستطيعي تغيير نفسيتك من السيء الى الأفضل ..
اسمعي بيني وبينك أنا زوجي شمالي ومرة كان راجع من عند وحدة من أقاربه وبيحكيني <<< بنفسو بدون ما اسأله فين رحت او ايش سويت او فين كنت .. هذه نقطة مهمه عند الرجال
المهم كان بيقولي انو كانو بيتكلمو عن مشاكلهم كل واحد بيحكي التاني وضمن الكلام قال انو يعجبني في زوجتي انها تقدر تاخد حقها صح انو بلف ودوران احيانا وانا افهمها واحيانا اتناقر معاها لكن تعجبني انها ماتضيع حقها وماتسوي مسؤوليات مهي عليها <<<< ترا الرجل لمن يشوف مرتو متفانية بزياده يقوم يرمي عليها كل الأعباء ويسر غير عنده صفة لا مبالاة واحنا نظن اننا بنخدم وبنقوم بشي عظيم ورائع والرجل ينتقصك في نظرو ..
هذه اول نقطه لاتسوي شي موعليكي او مو من واجباتك سوي واجباتك ولا تزيدي عليها ولو طلب منك اي شيء زايد ردي بكل لطف واعتذري قوليلو والله ما اقدر او باي اسلوب راقي ..
وهوا رح يحس انك حقانية ويحترمك ..
وشي ثاني خلي الابتسامه لاتفارقك حتى لو كنتي زعلانه لانو شكلك رح يكون وحش لو كشرتي ورح يهرب منك وانت تحتاجي رياضة لفمك بالابتسامه تراها افضل رياضة للفك خليكي بشوشة وحاولي تكوني مرحة لا زعلي بسرعه عشان لا تنكدي على نفسك لو زعلك سوي نفسك مش سامعة وكملي شغلك انا متأكدة انه يعرف يرمي كلام مايحسبو لاتسمعي واذا سمعتي دحلي من هنا وخرجي من الجهة الثانية وابتسمي وقولي في نفسك انك ماتحتاجي الزعل انت تستحقي انك تكوني مبسوطه..
وبعد ما تتغير نفسيتك ممكن أحاول أساعدك بأشياء رح تحسي بعدها بمتعة ..
ممكن تقوليلي هل زوجك له علاقة بوحدة ؟؟ او لا ؟؟
ولك مني كما وعدتك دعاء في ظهر الغيب ..
تحية طيبة ..