< أطيب قلب >أنكسرت بكل سهولهـ مثل الغصن الغض ؛؛

[بنوتة بلادي]

اوكي حبيبتي.... تقدرين اطرشيهم عالخاص اذا حابه.... انا الحين طالعه من الدوام و دخلت بس علشان اشوف ردك... اول ما اوصل البيت بقرا ردك ان شاء الله... باخذ تقريبا ساعه الا ربع

 

[أطيب_قلب]

أممممممم << بصرآآآحهــ صارلي زمآآآن عنهــ هــ البني آآدم ونسيت حتى شكله مب إلا سلبيآته وإيجابياااتهــ هههههه

بس بحآآآول اعصر مخي واتذكر وبكتب اللي قدرت عليه ^^


أيجآبيآآآت أبو فلآلآلآن ^^ ؛؛

(1) متعلق فيني ويحبني (مآشاء الله تبآرك الرحمن) << مع أنه مآآكآآن كذذذي بس بفضل من ربي تغير سبحآآن الله مغير الأحوآآآل .. وترى الأستغفآآآر وقيآم الليل لهآآ تأثير قوي الحمد لله..

أدري بتقولي كيف يحبج وللحين يلعب فيج ومآآآردج ..؟؟ بقووولج لأنه خايف يتفشل قدآآم أهله وأكوون هذيك الطفله الأوليه الأنانيه وماتغيرت .. عشآن كذي هو متردد ..

(2) حنووون وبسرعه أكسر خآطرهـ ..

(3) رومآنسي درجه أولي ^^

(4) يعجبني أحترآآمه الكبير لأبوهـ << أكيد كل حد يحترم أهله بس هو أحسه وآآيد بآآر ف أبوووه خصوصا ..

(5) أمممم كآآن عديم المسؤليه تمآآآمآآآ بس الحين حسيته تغير وأأأيد حتى انه صار يخبرني عن أي شي يعدله ولآ يغيره ف البيت << يبآآني اكبر ف عينه الأخ ههههه ..

(6) صآآر صبووور أكثر عن قبل ..

(7) شاريني بزيني وشيني << وهالشي هو قالي أياااه بالحرف الوآآآحد ..

(8) ثقته فيني مآآآ أهتزت أبدددا رغم السنين اللي بعدنا فيها عن بعض ويحترمني

(9) يحب المدح ويلين راااسه بالمدح ^^ وحتى هو يحب يمدح دوووم يمدحني << بياع كلام يعني ههههه


سلبيآآآت أبو فلآلآلآن ^^ ؛؛

(1) عصبي << بس حتى لو وصل لأقصى حدوود عصبيته مآآآيتعدى الخطوووط الحمرااا ومااايسب ولآلآلآ يسوي شي من هالشغلات اللي تزعل الوحده بس انه أحيااانا ينغز بالكلااام ..

(2) كآآآن أي كلمه شينه تقولنا أمه وخوااته عني بفكر فيها << ومن ذكآآآئه أيي عندي ويقووولي فلانه قالت وقالت هههههه ,, بس الحين مدري إذا بعدها هالصفه فيه أو لآلآ ..!!

(3) بعد مأأأتفارقنا صآآآآر حريييييص من نآآآحيه الفلووووس << يعني يقووولي إذا تبين شي طلعيه بأسلوووب حلوووو وتقردين وكذي ؛؛ أنسااان غريب !! مع انه كآآآآن مسرررف لأبعد درجه !!! سبحآآن الله

(4) صرييييح جدددآآآ وصرآحته احياانا تعوور القلب << يمكن لأني حسااسه حبتين .!!!


(5) كآآن راعي علاااقااات وألحين الله اعلم بحآآله << بس يقووول أنتي بتغنيني عن الكل ؛؛ مدري عنه صادق ولآ كذآآب ؛؛ بس يحلف بأن علاقاته بس تليفووون يعني ماااوصل للي بالي باآآآآآلج ^^

(6) أحيااانا أحس فيه طبع الكذب والمماطل << كثير يووعد ولآيوفي ..

(7) كآآن يموت على ربعه بس الحين خفت المحبه يمكن لأن ضرووف دوآمه اليديد تررررغمه على هآلشي ..!! يمكن محد يدري ..

(8) أحيااانا يوم يزعل مني يطنننننشني ويطنش مكاالماااتي ويجرحني ..



قالي بصريح العبآآآره أبغيج تكوووني الكل ف الكل ف البيت وتكوووني قيآآآديه ويكوون لج دوور كبير ف البيت أبغيج من تطلعين من البيت حتى لو رحتي مشوآآآآر الكل يفقدج ..


وقالي أني ابغي الكل يحترمج << قلتله إذا انت بينت لهم أحترااامك ومحبتك لي بيحترموووني ^^



أدري مآآآخليت شي مآآآقلتهــ .. بس هذا على مآآآأظن صفاته وأن شاء الله مآآآكون ظلمته ولآلآ أكوون عطيته أكبر من حجمه .. لأن صارلي كم سنه عنه ويمكن أشياااء تغيرت وماأعرفها والتليفوون مايبين الأنسااان على حقيقتهــ ..وعلآقتي وياااه كانت مقتصره بس على المكااالماااات ..

هذا كل مآآآعندي << يكفي أنتي خليتي شي أصلا ههههه

وأتريا ردج ياالغاليه ^^

وردووود بآآآقي الخوآآآت ^^


خويتكن ,, أطيب قلب​

 

[أطيب_قلب]

الجده الصغيره .. هيه فديتج أستخرت ..

وليووومج هذا أستخير لأني مآآآلي غنى عن ربي ^^

والله يقدر اللي فيه الخير ^^

مشكوووره حبيبتي على الرد الطيب ^^

 

[أطيب_قلب]

بنوته بلآدي .. درب السلآمه يالغلا .. وديري بالج على عمرج ^^

 

[..ضباب..]

انا عندي قناعه يمكن الاخوات مايؤيدوني عليها
لما تحبين انسان من كل قلبك يعني حبه دخل لاقصى اعماق قلبك
لازم تحاربين عشانه وتحاولين فيه لما يطيح اللي براسه
لانك لو بعدتي عنه وجربتي حتى غيره
بيبقى قلبك معلق بالحب الحقيقي
انا معاك دامك تحبينه ومستعده تردين له عقب كل اللي صار
جيبي راسه بكيد الحريم
​

 

[بنوتة بلادي]

اوكييي يا حلوه.... شو بالنسبة لصلاته؟؟ و علاقته مع اصدقائه؟ شغله كيف؟ هل يحاورك (تذكري الفتره اللي عشتوا فيها مع بعض و حالته الحين)، اخلاقه كيف؟؟؟ يعني كريم... بخيل... تحسينه مكار او خبيث؟؟؟ هل يشرب؟ يسهر برع؟؟؟ كيف تعامله يوم تصير مشاكل بينك و بين اهله؟؟

ابيكي تكوني محايده و انتي تكتبين... اكتبي بعقلك يا عسل مو بقلبك.... لان في صفات كتبتيها طالعه من قلبك و حبك له.... يلا انتظرك...

 

[bosy2007]

انا مع مغربيه الصراحه كلامها صح 100% وامشي عليه

 

[بنوتة بلادي]

اوكييي يا حلوه.... شو بالنسبة لصلاته؟؟ و علاقته مع اصدقائه؟ شغله كيف؟ هل يحاورك (تذكري الفتره اللي عشتوا فيها مع بعض و حالته الحين)، اخلاقه كيف؟؟؟ يعني كريم... بخيل... تحسينه مكار او خبيث؟؟؟ هل يشرب؟ يسهر برع؟؟؟ كيف تعامله يوم تصير مشاكل بينك و بين اهله؟؟

ابيكي تكوني محايده و انتي تكتبين... اكتبي بعقلك يا عسل مو بقلبك.... لان في صفات كتبتيها طالعه من قلبك و حبك له.... يلا انتظرك...

 

[أطيب_قلب]

ضبآآآآآب .. صدقتي وأنا مآآأخفي عليج أحبه وأحبه وأحبه ومتعلقه فيه بزياده ..

كيد الحريييييييم .. هني مررربط الفرس ^^ كييييييييف كيييييييف كييييييييييف ^^

اللي تقدر تفيدني من هالنااحيه ياليت مأأتبخل عليه ^^

 

[أطيب_قلب]

أمممم ..

ههههه بنوته بلادي كشفتيني ^^


بس الله يعلم أني صادقه ف كل كلمه قلتها عنه ^^


وبالنسبه لصلاته كاان متهاون شوي عن المسجد بس الحين مادري يقوول انه محااافظ والله يعلم ..

علأقته مع ربعه قويه نوعا مآآآ .. يعني يسااافرو مع بعض وكذذي << هذا طبعا بعد ماطلقني يوم كنت على ذمته مايسافر ويخليني ..

شغله أمممم .. مدري لأنه غير وظيفته بعدي بس اللي أعرفه انه متتتتتعب جدا << ورااتب قليل بعد ..


أحسه من ناااحيه الحوآآآر صااار عنده مجآآآل أكثر عن قبل ف الكلآلآلآم يعني صاار مستمع جيد مابقول ممتآز << بس مثل ماقلتلج إذا طلبت منه شي يقووول أنزين بس عشااان يسكتني وبعدين يمآآآآطل على كيف كيفه وأحياانا يحققلي اللي أبغيه وأحيااان لآلآلآلآ....


اخلاقه زينه << يعني لأهو راعي مشاااكل ولآهو راااعي خمر وهالسواالف بس يدوووخ

والشيشه كاان يشيش والحين يقووول ودرهآآ ..

قلتلج صااار حريص ع الفلوووس يعني احسه صار بخيل مب شرات قبل .. يمكن لأن ضروفه صارت اصعب ويقووول عشآآآن أأمن مستقبل لولدي ووماودي أمد أيدي لأي حد << هذا كلآمه طبعا ..

بالنسبه للسهر أول هيه كآآآآن وأأأيد يسهر يوم كنت عنده لين الفجر بس ألحين أحيااااانا أدق عليه مآآآبعد الساعه 11 أحصله نااايم ويرد عليه وهو نص نااايم ..

بس ف الويكند يطلع مع ربعه ..


مشاااكلي مع هله كآآآآن دوم وااقف معاااي سواااا كنت غلطااانه ولآ الحق معاااي بس قبل ماأطلع من عنده بفتره قصيره حسيته بدى يتغير عليه ويوووقف بصف أهله احيااانا ..


ووووووو بس ^^

 

[ام خالد717]

استخيري ربك قبل ما تخطين اي خطوة

وعليك بسورة البقرة لانها اعجوبة ف حل المشاكل

 

[أطيب_قلب]

bosy2007 وأم خآلد 717


أشكركن من كل قلبي << الله لآيحرمني تواجدكن ^^

 

[بنوتة بلادي]

اخخ... كتبت وايد كلام بعدين سويت رجوع للصفحه السابقه بالغلط... موووووووووووووو مشكله... برجع أكتب الكلام...

شوفي يا حلوه... الإيجابيات تغلب على السلبيات... حلو فيه إنه صار مسؤول... الحلو إنه إذا عصب ما يغلط على أحد... حلو إنه صار يحسب حساب للسنين و لولده... معنى هالشي إن الريال حريص مب بخيل ترى في فرق... حلو إنه يوقف معاج إذا اهله غلطوا عليج...حلو غن صلاته اعتدلت و إن شاء الله يستمر...

السلبيات... المماطله و الراتب الضعيف...

بتتحملين واحد يأجل الشغل... و يقول باجر و باجر و آخرتها ما يسوي.... احتجتوا أغراض للولد... تتوقعين بيأجل؟ و لا بيحاول قدر المستطاع يلبي الطلب؟... الولد وراه موعد في المستشفى... بيوديج؟ أو بيقول روحي بتكسي أو مع هلج؟

طليقج راتبه ضعيف و الحين المصاريف زادت... ما عدتوا عصافير الكناري بروحكم... صار عندكم عصفور صغنون لازم تأكلون و تشربونه... يعني تحسين إنه بهالراتب بيعيشج عيشه محترمه؟ فكري في هذي النقطه عدل... وراكم مسؤوليات و ولد... فكري عدل...

و يمكن وضعه المادي هذا مؤقت... صح... يمكن سبحان الله الوضع يتعدل بعدين... أنا مره قريت إن الزواج باب من أبواب الرزق... و صدق في وايد ناس تزوجوا و ما عندهم شي و بعدين الله فتحها عليهم... بس تكون النيه خالصه لوجه الله... و إن الزواج لعف النفس و لإكثار النسل....

يا حلوه... أول الأيام الشوف للقاء بيكون ماخذكم... خاصة أنكم تكلمون بعض من فتره... و كل واحد لازم في قرارة نفسه يتمنى يكون في حضن الثاني... آسفه لأني قلت هالكلام... بس إنتي القلب و أنا العقل... أتمنى فعلا إن هالشي يدوم... بس بعدين بتهل المسؤوليات عليكم و بتقومون من نشوة الحب... فهل إنت يا حلوه بتتحملين الوضع؟

شوفي حبيبتي... فكري في النقاط اللي ذكرتها عدل... و إذا كان جوابج نعم أقدر أستحمل هالوضع... فأنا أقول لج توكلي على الله و ارجعي له... بس المهر لا تتنازلين عنه... طرشي عالخاص راتبه التقريبي و إذا كان عليه ديون و بقولج كم تطلبين منه و كيف... ليش عالخاص؟ لأنه يمكن إحراج تذكرين الأمور الماديه هني...



أوه صح نسيت أقولج... يوم تطلقتوا كنتوا بعدكم في بداية الزواج.. كل واحد مب فاهم شو يبي من الثاني... مشاكل تتكرر في كثير من البيوت... و كنتي صغيره و دلوعه... و هو مب فاهم للحياة الزوجيه... بس الحين غير... تدرين ليش.. لأنكم نضجتوا... و كل واحد فاهم هو شو يبي من الثاني....

يلا أنا في انتظارك...

 

[أطيب_قلب]

شكرا ^^

رديت عليج ع الخآص ^^

 

[سوسيتا 515]

أنا من رأيي أنتي مابتعرفي شخصية زوجك ولو كنتي تعرفيها كان عرفتي تردي عليه من أول ...جربي ثاني إعرفي شخصيته من المنتدى في موضوع الشخصيات وبعدها رح تعرفي تردي عليه رد قوي حسب شخصيته ...الله يوفقك ..ولا تنسي الأستخاره ..

 

[الراايقه]

فرج الله همك ويسر امرك

​

 

[ليناااا]

عندنا مثل يقول ((الملزق يطيح ))يعني اللي مو ثابت بيطيح وحياتكم مضطربة من البداية وأعتقد انها بتستمر حتى لو رجعتوا .الآن خلي موقفك أقوى وقوليله الله يسهل عليك وعليا أنا أبشوف حالي وصدقيني بيجيك طاير مع اني ماأفضل رجعتك له وهو بهذه العقلية اتركيه وتوكلي على الله بيرزقك أحسن منه إن شاء الله وابنك معك ماراح يضيع إن شاء الله .

 

[احلى غاده]

اختي لا تزعلين علي من السالفه هذي عرفت ليش هو يسوي فيك كل هذا ليش هذا الضعف ليش منتي قادره توقفينه عند حده ليش ماقلتي لابوك او حد من اخوانك او انتي تصرفتي بنفسك ياخي حلرام الي تسوينه نفسك خلي ايمانك قوي

 

[احلى غاده]

ردي بخصوص التحرش الي تعرضله طفلك

 

[أطيب_قلب]

مشكورآآآت كلكن على ردووودكن ..

وبالنسبه للي صار لولدي محأأوله تحرررش مب تحرش كآآآمل << أتمنى تكونن فهمتن عليه ..

والحمد لله نسى اللي صارله لأنه وقتها كان صغير ومآآآأثر الموضوع على نفسيته ..