ملف خاص لزوجات الجنوبي ((لمن ارادت تغيير حياتها )) لليوميات

[رياحين الامل]

السلام عليكم الموضوع جدا راااااااااااائع ممكن تقبلوني معكم ادري متاخرة00000000000
انازوجي جنوبي غربي اناعايشة مع اهلة بنفس البيت اول ماتزوجت حملت ووحام وتطريش بعدين الحمدلله جبت بنوتة بس مشكلتي باللبس نفسي البس لة واكشخ واحط مكياج بس ماقدر البس مع ان لي جناح غرفة وصالة وحمام بس هودايما بالدوانية او عالشطرنج ودايما اهله عندي الحمدلله اهله جدا طيبين بس نفسي اتونس والبس واكشخ اناالحمدلله ملتزمة يعني ماالبس بناطيل وبجامات قدام احد غير زوجي
طبعا جهازي كثير منه مالبستة الجنزات والتنانير القصيرة والفساتين القصيرة اكثر لبسي دشاديش وقت النوم بجامات
اكتشفت انه يشوف مقاطع سكس واحس اني حارمتة من اشياع كثيرةبسبب خجلي الزايد دايما يطلبني ارقص لاني استحي ومااعرف
مرة جابلي شورت طبعا مالبسبتة لان رجليني كلهامسامات
واستحي البس شي جرئ
اللحين هو صار يداوم بمنطقة ثانية يجي الاربعا ان شاء الله

نفسي اتغير لاني فعلا متضايقة
وساعدوني خواتي على التغيير

 

[om.saarah]

اسمحي لي صموته القصص ماعتقد اني راح انزل للاسف

لكن لو مرت علي قصه خلال يومي واستفدت راح اكتبها حتى لو من واقع الحياه


امس قمت الساعه 10 ونص كالعاده فطرت وفطرت بنتي ورحت انسدحت جنب زوجي شوي

وطبعا الغدا جهزناه بدري علشان زوجي وقام تسبح وتغدينا

وبدلت لبنتي ودشيت اتسبح لبست بنطلون جينز وبلوزه بيج وطلعت اصلي وقريت وردي وزوجي كان يراجع

خلصنا قعدنا نسولف الين اذن العصر نزل يصلي وقمت انا صليت وطبعا زوجي طول في المسجد

علشان المراجعه ربي يحفظه ولما طلع كنت مجهزه الفطاير وكيك وقعدنا ناكل ونسولف

عقب قام بدل علشان يبيروح لاهله وجا حضني وباسني قبل يطلع وقعدت انا عالنت الين اذن المغرب

قمت صليت على رده بناتي من الحديقه سبحتهم ولبستهم وقعدت عالنت

وارسل زوجي انه جاي وكان العشا جاهز وبناتي متعشيات وصل زوجي تعشينا وقعدنا نسولف

وعقب تابعنا تي في الين رقدنا وبس

 

[آنثـى مخمليـه $]

بسس بسألكم

وش تقصدون بزوجات الجنووبي ..؟

جديده واشوف بالمنتدى زوجات الجنوبي والشمالي والغربي وماني فااهمه ..

 

[أخت السراب 2]

صباح الخير

أنا اليوم قمت الفجر صليت وطلعت للمطبخ وسويت له ريوق وهو بالعاده ما يحب يتريق من وقت ( يتريق في الدوام مع ربعه ) سويت خبز جباب وحلفت عليه ياخذهم معه للدوام وقتلة والله ما تطلع الا الريوق معك طبعا هو كان مستحي مني اني مسوية له كمية كبيرة من الصبح ومصدوم مني بنفس الوقت المهم ما كان راح ياخذه الا لما أنا بنفسي حطيته له في السيارة علشان ياخذهم معه وعمدا مسويه اشوي زياده لاني عارفة ربعه بياكلوا ....

بسته وهو رد البوسة لي عدال السيارة وسار وهو مستانس مني
وبعد نص ساعه كلمني في البلاك بيري لاني طرشت له مسج الصباح ومسج ثاني ديني عن الاستغفار وبدا يحلفلي انه يحبني واني حبة الاول والاخير
وبعد ساعه كلمني وهو في الدوام علشان يتاكد ان الريوق مضبوط وما يفتشل عند ربعه ( يحب المديح )

وسالني عن اليهال قتله ان اليهال حبايبي يالسين في حضني وبينت له انهم يحبون حضني كثير ومتعودين عليه كل صبح وحبايب قلبي انا وهم نتريق الحين ...خخخخخخ والواقع انهم كانوا وحوش عندي كل واحد شاد شعر الثاني والصياح لاخر البيت ....خخخخخخخ

المهم عيشته في الاحلام وخليته يتخيل انه نحن فرحانين على الاخر وننتظر رجوعه لنا ومشتاقين له

وبعده سكر التلفون وهو فرحان وسار يتريق مع ربعه

وجدولي اليوم اني بسير موعدي للحوامل وبعدين بمر على الصالون بسوي استشوار وبف لشعري وبما اني قاصتنه قصه جديده فلازم احافظ علية اممممم ويمكن اسويلي بدكير لاظافري اذا سمحلي الوقت وبسترخي وبطنش خيانته لي .... لانه هو ما يدري اني عارفة انه يكلم بنات من وراي ........

اف اف اف من بنات ابليس الله يهدي زوجي ان شاء الله

والحمد الله انا تغيرت من اسبوع تقريبا وهو لحد الحين متفاجئ بالتغيير اللي فيني بس حاسته انه وايد فرحان ويلعب مع اليهال والله يقولي لو تطلبين عيوني بعطيها لك ....

بس يكلم بنت ويخوني من وراي انا حاسته انه ندمان على هذا الشيء بس مب قادر يودرها
لاعبة بعقلة بنت ابليس .....

بغيت استشيركم بنات هو تعرف على البنت من الجامعه وانا وايد مضايجه وهو بروحه يوصفلي كيف الاشكال البنات في الجامعه وكيف هي ريحتهم وكيف يدلعن في المشية وكيف يلصقون فيه طوابير ويغرونه

اف اف اف

وهو كمل صيفي وكان يبغي يكمل صيفي في رمضان بس انا مانعتنه واقولة هذا شهر عباده وانت طول السنه تدرس ريح جسمك بس هذا الشهر وافضى للقران واحاول اذكرة بالدين وباهلة وصلت الرحم واجرها و امه بالذات خخخ وقلت لعمتي عن دراسته في رمضان وكيف يتعب وحسستها بالتعب وهي على طول بعد منعته ويلست تكلمه وهو غير الموضوع ....وهو بعد تفكير يشاورني بس متردد .. ويتعلث انه من بعد ما يرجع من الدوام يحس انه فاضي ......... احس انه يبغيلة جدول في رمضان .... شكلي بخلية يلعب كورة علشان يشغل نفسة شوي عن التفكير ببنت ابليس ... الله يهديها ... بس كيف وهو ضايفنها عنده في البلاك بيري ... ومتغايضة حدي منه علشان عارفة انه اللي جذبة حقها اكيد سحرته بصوتهاااااااااا لاني انا مو مقصرة معاه في اي شيء ثاني .... احاول الحين اكون هادية مثل الثلج وخاصة مع اليهال وهو موجود ....

بنات بليز ابغي الغيها من حياته و البلاك بيري بعد .... وانا شاكه انه عنده رقم جديد يكلمها .. وهو يفكرني انا مو عارفة بهذا الشي بس ما واجهته خليت نفسي اني بريئه ومب عارفه شي وحبابة له ....والله يهديه ....


وعن جدولي
اممممم ويمكن بعد اسير اشتريله اشويت ملابس وبزم ... يعني هدية رمزية كمفاجأه

وبعدين بسوي غدا ....


جني واايد اتكلم خخخخخخخ اول مرة افضفض

استحملوني

سلاااااااااام

 

[امل هاني]

تخيلو يابنات كل يوم ارسل لزوجي رسايل حلوة وامس قلت بشوف جواله وفتحت الجوال ةلقيتة يابنات ماسح كل رسايلي تخيلو شو الصدمة الي حسيت فيها والمصيبة انة مخلي مسجات اصحابة القديمة بس ماسح مسجاتي كلها وربي انقهرت ورحت اقوله انا انصدمت منك عاد هو قام يرقع وانحرج مررررررررة وقال مدري ليه امسحها قلت له انا مامحست مسجاتك من يوم المكلة والخطوبة كلها عندي لانها عندي اكثر من ذكرى حلوووووووووووة بصراحة شو رايكم ؟؟

 

[حنيني2010]

صباح الخير

صباح الورد​

وسالني عن اليهال قتله ان اليهال حبايبي يالسين في حضني وبينت له انهم يحبون حضني كثير ومتعودين عليه كل صبح وحبايب قلبي انا وهم نتريق الحين ...خخخخخخ والواقع انهم كانوا وحوش عندي كل واحد شاد شعر الثاني والصياح لاخر البيت ....خخخخخخخ

خخخخخخخخخخخخ عجبتني الحركة،
فكرته عن البيت صرت وااااااااااايد حلوة
أكيد بيسرح ف خيالاته الحين
​

بنات بليز ابغي الغيها من حياته و البلاك بيري بعد .... وانا شاكه انه عنده رقم جديد يكلمها .. وهو يفكرني انا مو عارفة بهذا الشي

لازم يكرهها
احكيله عن البنات اللي يحكو بالجوالات مع الشباب
وانه كل وحدة الها مليون صاحب
شي عشان الفلوس
وشي عشان اللي يزبط معها تتزوجه
وإذا تزوجته ووما عجبها ردت حق واحد من اصحابها قبل
جيبيله قصص عن بنات ابليس​

استحملوني

نورتينا، واحنا هني كلنا نفضفض​

سلاااااااااام

الله يكملك بغقلك ويهديلك زوجك​

 

[رياحين الامل]

وينكم بنات ابيكم تساعدوني اتغير
المرء كثير باخوانه

 

[om.saarah]

رياحين الامل خلج واثقه بروحج ترى الرجال ماينتبهون للتفاصيل كثير

وحتى لو انتبه خلج واثقه ولاتبيني ان هالشي هامج

البسي الشورت والقصير والطويل نوعي لزوجج واذا على اهله اذا دشو البسي شي فوق لبسج لو تستحين
وخلج كاشخه اول مايدش زوجج شيلي اللبس واستقبليه كنج توج تشوفينه احضنيه وقولي له اشتقت لك

حببيه في القعده وياج فديتج وعلى شوي شوي بيخف من القعده في الديوانيه

لما يكون وياج حاولي ماتلهين في شي ثاني ومرات قولي له بنتك تشتاق لك وانت كله في الدوانيه

قولي له اقعد وياي ابيك بيني حبج له دلليه الجنوبي يحب الدلال وبنفس الوقت لاتنسين نفسج

والله يصلح بينكم ولا يغير عليكم ابد

 

[om.saarah]

امس قمت الساعه 4ونص الفجر صليت وصحيت زوجي للدوام وجهزت له فطوره وصلته للباب وحضنته

وبسته طلع جيت عالنت اكتب يومياتي وقعدت شوي اقرى مواضيع ومنه موضوع لوحده ماذكر اسمها

لكنه عن خيانه زوجها الملتزم لها وقلت في خاطري بقول لزوجي القصه ومنه نتناقش في الموضوع

رديت رقدت الساعه 6ونص وقمت الساعه 10 وفطرت كوب حليب ماكان لي خاطر في الاكل

فطرت بنتي فديتها وطبعا بناتي الكبار يقعدون قبل وتسوي لهم فطور الخدامه الله يحفظهم

قعدت عالتي في شوي اشوف دوكتورز في ام بي سي فور الين خلص قمت توضيت وصليت الظهر وقريت وردي عساني يارب اختم قبل رمضان
خلصت قعدت عالنت شوي الين يوصل زوجي واول ماحسه وصل اسكر الاب واقوم استقبله عند باب غرفتنا

علشان يكون الاستقبال خاص هع حضنته وساعدته يبدل ملابسه ورحنا الصاله نتغدى

خلصنا وجا وقت نومته وانا دوم انسدح وياه حتى لو مابي ارقد بس ارقده واقوم سويت له مساج فر ريوله

وانسدحت بحضنه العب بشعره الين غفيت انا وهو طبعا انا يجيني النوم اذا لعبت في شعر حد

قمت على صوت بناتي حربهم الله يهديهم رحت لهم وهديتهم وعقب دشيت تسبحت وصليت العصر

خلصت رحت صوب المطبخ سويت قهوه لان الخدامه مسويه بسبوسه وقعدت متملله العصر طويييييل

صحيت زوجي ودش يتسبح شوي اتصل اخوي يقول تعالي عند اهلي لان اهم رايحين لهم فخليت

الخدامه تطلع البنات بسرعه من الحديقه وسبحتهم سريع ولبستهم على مازوجي يتقهوى وجهزنا

اذن المغرب صلينا وطلعنا لاهلي وقعدت وياهم للساعه 10 اتصلت في الجوجو قلت له يجينا

ردينا البيت والبنات كانو متعشين وابوهم وتعشيت انا وابوهم مره ثانيه واحنا نتعشى تذكرت سالفه

المشكله الي قريتها وقلت له وقعدنا نسولف فيها وكان مصدوم شلون شخص ملتزم يسوي هالشي

وقال رب العالمين امرالصحابه انهم يكلمون نساء الرسول صلى الله عليه وسلم من وراء حجاب وهم اطهر

الخلق وهذا معناه ان الواحد لازم يبعد عن التواصل مع الحريم باي شكل قلت له شفت قبل لما كنت

اعصب لما تطالع الحريم ترى انا ماكنت اتضايق لان انا اقل منهم او هم احلى لا بالعكس لكن كان في بالي

ان هذا باب من ابواب الشيطان لو ماسكرناه راح ندخل في دوامات كثيره وكلنا غير معصومين من الغلط

وايد كلامي ووصلت لزوجي نصيحه بطريقه غير مباشره الله يحفظه كلمنا عشا وقعدنا نتابع فلم شوي ورقدنا

 

[الأمورالحلوه]

السلام عليكم
اعذروني علي الانقطاع لظروف نفسيه نمر بها والله يفرجها علينا
مرة عمنا كانت تعبانه واليوم توفت انا لله وانا له راجعون
الله يغفر لها ويرحمها ويرزق اهلها الصبر والسلوان ويرحم
اطفالها برحمته ويلطف بحالهم اصغرهم 5سنوات والكبير 10 سنوات
يارب ارحمنا يارب

 

[أخت السراب 2]

الله يرحم اموات الامسلمين ويصبركم

ان شاء الله

 

[حنيني2010]

وقريت وردي عساني يارب اختم قبل رمضان
خلصت قعدت عالنت شوي الين يوصل زوجي

إن شاء الله وبتدعيلنا يوم تختمي،، صح؟​

واول ماحسه وصل اسكر الاب واقوم استقبله عند باب غرفتنا

علشان يكون الاستقبال خاص هع حضنته

حركات بنات

وايد كلامي ووصلت لزوجي نصيحه بطريقه غير مباشره الله يحفظه كلمنا عشا وقعدنا نتابع فلم شوي ورقدنا​

ماشاء الله عنك، أسلوبك روووووووووووووعة
الله يكملك بعقلك ويحفظ لك زوجك​

 

[حنيني2010]

الله يرحم أموات المسلمين و يغفر لهم
و يخفف على أولادها ،، ويرزقهم حنان أبوهم ​

 

[أخت السراب 2]

البارحه سويت غدا على السريع لزوجي وهو جاي من الدوام .... وكثير فرح اني قدرت اسويلة الغدا لانه يحب غداي وكان يتوقع اني بطلب من المطعم ....:39:

وبعدين طلع مع ربيعه ولما وصل كنت مجهزة له عشا خفيف ولا سألته وين سرت وليش اتأخرت بالعكس شغلت نفسي .... وماهتميت انه طلع ....:35:

وشكرني كثير على الخفايف اللي مجهزتنها لان كان عازم صديقة وعجبهم كثير ...

وبعدين نمت انا واليهال وزوجي

واليوم صليت الفجر وجهزت الريوق سندويتشات مع نسكافية ....وهو فرحان مرة وحضني وباسني
وقالي أنه بيشتاقلي :3:

والحين أنا بسير أسوي مندي دجاج بعد ما ريقت عيالي :13:

وادعولي أن الله يثبتني في هذا التغيير وأكون منظمه طول العمر :14:

وبعدين بجلس أرتب كل شي لاني حاسة بالفوضة حولي ... وزوجي ما يحب الفوضى فان شاء الله اتغير

وريحة العطورات والدخون أحاول أنه ما تخوز من بيتي والمكياج بعد ... الحين صارلي 10 ايام أحافظ على شكلي ومكياجي والمنكير دووووووووم ... والملابس الراقية ...:2:

وريلي بادي يرجع لي وان شاء الله ما اتراجع للورا :14:

وادعوا من الله يوفق كل مرأة مكافحه لرضاه ثم رضا زوجها ونفسها ...

 

[حنيني2010]

البارحه سويت غدا على السريع لزوجي وهو جاي من الدوام .... وكثير فرح اني قدرت اسويلة الغدا لانه يحب غداي وكان يتوقع اني بطلب من المطعم ....:39:

وبعدين طلع مع ربيعه ولما وصل كنت مجهزة له عشا خفيف ولا سألته وين سرت وليش اتأخرت بالعكس شغلت نفسي .... وماهتميت انه طلع ....:35:

وشكرني كثير على الخفايف اللي مجهزتنها لان كان عازم صديقة وعجبهم كثير ...

وبعدين نمت انا واليهال وزوجي

واليوم صليت الفجر وجهزت الريوق سندويتشات مع نسكافية ....وهو فرحان مرة وحضني وباسني
وقالي أنه بيشتاقلي :3:

والحين أنا بسير أسوي مندي دجاج بعد ما ريقت عيالي :13:

وادعولي أن الله يثبتني في هذا التغيير وأكون منظمه طول العمر :14:

وبعدين بجلس أرتب كل شي لاني حاسة بالفوضة حولي ... وزوجي ما يحب الفوضى فان شاء الله اتغير

وريحة العطورات والدخون أحاول أنه ما تخوز من بيتي والمكياج بعد ... الحين صارلي 10 ايام أحافظ على شكلي ومكياجي والمنكير دووووووووم ... والملابس الراقية ...:2:

وريلي بادي يرجع لي وان شاء الله ما اتراجع للورا :14:

وادعوا من الله يوفق كل مرأة مكافحه لرضاه ثم رضا زوجها ونفسها ...

ماشاءا الله عنك
الله يثبتك و يرضى عنك ويحفظ لك زوجك
يومك حلو ماشاء الله​

 

[الطفلة الصغيرة]

تخيلو يابنات كل يوم ارسل لزوجي رسايل حلوة وامس قلت بشوف جواله وفتحت الجوال ةلقيتة يابنات ماسح كل رسايلي تخيلو شو الصدمة الي حسيت فيها والمصيبة انة مخلي مسجات اصحابة القديمة بس ماسح مسجاتي كلها وربي انقهرت ورحت اقوله انا انصدمت منك عاد هو قام يرقع وانحرج مررررررررة وقال مدري ليه امسحها قلت له انا مامحست مسجاتك من يوم المكلة والخطوبة كلها عندي لانها عندي اكثر من ذكرى حلوووووووووووة بصراحة شو رايكم ؟؟

عادي ياعسل يمكن عنده اصحاب متطفلين ويقلبوا جواله فعشان الاحراج يمسها ولا يبي احد يطلع على خصوصياتكم حتى لو كانت رساله عااااديه
انا خطيبي عشان تطفل اصحابه مسميني عنده بجواله اسم اخوي الصغير:4:
تفاجأت يوم قالي جلست اضحك وماصدقته اللين وراني يوم سالته قالي عشان لما ادق او ارسل مايطفلون اصحابه على الجوال ولما عرفت اكبرت فيه هالشي وحبيت غيرته الغريبه

 

[حلوه ومحبوبه]

انا زوجي جنوبي شرقي او شرقي جنوبي ما قدرت احدد
وانا جنوبيه غربيه
باذن الله راح اكون معاكم مشكووووووره ياصمت وخجل

الي بتسوي مندي
نفسي اعرف انا بعد ليش زوجي يحب المندي ههههه

قيل شوي وهو في الدوام ارسلت له مشتاااقه لك
رد على
لاتنسي المندي
محبوبك

ههههه
يالله بقوم احهز المندي ويااااارب تجعلني قرة عينه واحب الخلق لقلبه

 

[om.saarah]

الاموره الحلوه الله يرحم مره عمكم ويجعل مثواها الفرودوس

وياقلبي على عيالها عسى الله يحميهم من كل شر


حنونه تسلميييين ياقلبي

ومايحتاج توصين عالدعوه ياقلبي


اخت السراب الله يثبتج ويقويج على طاعه رب العالمين ثم طاعه زوجج

وعسى دوم في تقدم يارب

 

[om.saarah]

وش فيكم بنات محد يكتب يومياته الا انا

انا اليوم قمت الفجر وصليت وجهزت كوب شاي لزوجي لانه يدخن ولازم يشرب شاي

وعقب يفطر في الدوام صحيته صلى وجهز واهو طالع وصلته للباب وحضنته وجا بنزل ناديته من برى

قلت له والبوسه ضحك باسني وطلع

قعدت عالنت نزلت يومي وتصفحت شوي ورديت رقدت الساعه 6ونص قمت الساعه قريب 11

فطرت وفطرت بنتي وبدلت لها وقعدت اشوف برنامج الدكاتره من الملل اذن الظهر صليت وقريت وردي

وطبعا ذاك اليوم رتبت كبت غرفتي والباقي خليته بسبب طلعاتنا المتكرره قمت كملت الدروج وطلعت

الي فيها ونضفتهم ولما بقى لي درجين وصل زوجي على غير عادته طلع بدري حضنته والغرفه معتفسه

شوي وقال شهالنشاط قلت له ابي اخلص الي بديته قال الغرفه نضيفه ومرتبه مايبي لها شي

الجوجو مالي مايهتم للتفاصيل عكسي نظاميه حيل واحب الانظباط قلت له ماعليك هاي سوالف نسوان

انسدح يريح ينتظر الغدا وجهز الغدا وتغدينا وجا وقت نومه وقعدت اسوي له رجوله وقال لي عن واحد من ربعه

طبعا زوجي قبل كان كتوووم ومتعبني بس بالمحاوله والصبر قدرت اخليه يقول لي المواقف الي تصير له

قال ان هالرجال من الشباب اللعابين وانه يتفاخر بمغازلته للبنات وانه يطلعهم وانه كل شوي يوجه الكلام لزوجي
طبعا زوجي يقول انا ابي اطنشه ومابي اهزءه قدام الكل بس ماكو فايده كله يوجه كلامه لي على المكتب

فيه غيره قال اخر شي قلت له الله يستر على هالبنات الي تطلعهم لكن لو تبي رايي انا احتقر الرجال والحريم الي من هالنوع يقول توهق الرجال حيل لان كل الي في الكتب كانو مستانسين

على مغامراته ويمدحونه طبعا انا عجبني زوجي ودوم مواقفه ويا ربعه جذي يقول انا اكره المجاهره بالمعصيه
قلت له صادق الله يحفضنا ويحفظ عيالنا وطبعا انا من الاشياء الي متاكده منها ان زوجي يقول لي هالمواقف
علشان يبي يرجع ثقتي فيه وفعلا ثقتي فيه كل يوم تكبر وعسى الله يحميه من هالاغلاط ولايجرحني مره

ثانيه نام وانا العب بشعره وانا قمت للبنات شوي وعقب خذت بنتي الصغيره ارقدها ورقدت وياها شوي

قمت صليت العصر وقعدت عالنت شوي وصحيت زوجي للصلاه وبناتي نزلو شوي الحديقه

ماخليتهم يطولون لان الجو حار حيل لكن حنتهم خلتني انزلهم وناداهم ابوهم وطلعو سبحتهم واذن المغرب
صليت وعلى اساس زوجي بياخذ البنات عند اهله جهزتهم ولما جا قال احس مالي خلق اطلع

ابي اقعد اراجع قلت له براحتك ولكن نبي اغراض ضروري نزل يجيبهم هو والبنات والحين انا بقوم اكمل

الادراج ابي اخلص من غرفتي وان شاء لو صار في باقي يومي شي جديد بخبركم

وطبعا مثل كل يوم بنرقد عالساعه 11 او 12

الابتسامه مثل كل يوم قد ماحاول ماتفارقني

على انه تمر علي مواقف من الناس الي حولي تنرفز

لكن انا اشتغل على روحي علشان اتقن فن التطنيش

ومتاكده اني قادره اتقنه باذن الله

تفتيش مافتشت الحمدالله

رسايل مارسل لان اغلب يومه وياي الله يخليه لي ولا يغير علينا
ممممممم وبس

 

[الأستاذة نسيم]

مساء الخيرات حبوبات,,
افااااااااااااا ماهقيتها منكم مافي احد فقدني>ههههههه
خلينا في المهم انا كنت تعبانة وظرفي صعبة هالأيام علشان كذا مادخلت,
اذا تحسنت بدخل واكتب لكم.