أفضل تحطين بناتك في روضه أحسلك لان الشيطان يلعب وماتدرين يمكن الشغاله تخونك ماأحد تقدرين تضمنينه في هزمن اذا زوجك ماضمنتيه كيف تضمنين شغاله والله يسهل طريقك ويسهل عليكي ولدتك
مع كلام الخوات البلا في زوجك حتى لو جبتي غيرها على فكره اكثر الشغالات يجون للسعوديه للجنس طبعا من اعتراف شغاله من منتدى لان الله لايبلانا السعوديين على قولتهم يمتعونهم في الجنس الحمدالله الذي عافانا مما ابتلاهم بهم
الله يعينك ويفرج كربك وييسر ولادتك حبيبتي ماعندك الا انط تقفلين الباب عليه اعذاره ذي ماعليك منها بعدين يابناااااااااااااااات انتوا تقولون تسفر الشغاله ترى الحرمه اللي مدرسه وتداوم مو زي اللي فالبيت تعب تعب تعب يعني ماتقدر تتحمل قبل تعاقدت وكان معي شغاله وتعبت موت يعني مسكينه ماتقدر تتحمل بدون شغاله وحتى لو قدمتي غيرها يمكن تجي تحب الرجال وتزيد الفتنه عالاقل اللي عندك ماتبيه هذا المهم خليها عندك وتحممممممممممممممممملي وربي امي واقرب الناس لي كان كذا وضعها دوام واطفال ومشاكل ابوي عشان الشغاله وربي كانك تتكلمين عن حياتنا زمان بس ماعندك الا انك تصبرين
اغلبكم اجمعوا على تسفيرها طيب رح اسفرها بس مو الحين لاني الحين انا في دوام صعبة جدا وابي استخير الله الذي لايخيب من استخاره اكثر من مرة والله يكتب اللي فيه الخير
اتركي الوظيفه عشان ترتاحي نفسيا مدامك عندك بيت ملك ودخل ثاني وزوجك اموره الماديه تمام خلاص يااختي وشلك بعوار الراس احتوي زوجك هو متزوجك عشان ينام بالمقلط ليش تبعدينه عنك بدل ماتقربينه اشبعيه واحلبيه حلب على ماقالت الدكتوره ناعمه الهاشمي وبعدين يااختي الرجال الشمالي يحب المراة اللي محتاجه له وانتي مخلصه كل امورك بدونه كل كلامي لمصلحتك ادري ان الوظيفه ماتتعوض بس اللي مثل حالتك صعبه
مدري ليه الواحد اذا قال الصراحه تزعلون لا حبيبتي لاتقابلين بيتك ولازوجك ولاعيالك روحي الشغل وزوجك مع الخدامه وزيدي الطين بله وخلي اطفالك عندها وانتي شايفه وسامعه بلاوي الشغالات هالايام وصلت فيهم الى القتل ولو تغيرين الشغاله هذا مو حل العيب بزوجك مو بالشغاله يعني عاجبك زوجك يسوي حركات وبنتك تتفرج عجيييييييييييب
اسمعي ياختي شغلي دائم سورة البقره في البيت وانت موجوده عشان الكل يسمع اذا كان في سحر حيبان وبعدين المفروض من الاول وكل وحده عندها شغاله من يوم دخولها البيت تغطيها عن زوجها ولاتحتك به ابد ولا يجلس معاها في البيت لوحدهم تطبيقا لوصية الرسول صلى الله عليه وسلم واستخيري الله في كل أمورك واذا استطعتي تاخذي أجازه طويله عشان ترتبي امورك وتجيبي شغاله ثانيه وأسألي في منطقتك أذا في حضانه للظهر دخليهم أحنا في جده عندنا حضانه خاصه للامهات العاملات طول اليوم على حسب دوام الام أسالي والله يسهلك أمورك ويصلحلك زوجك
يا اختي حلمي صعب اشكرك على مرورك وردك لي ومحاولة حلك بس حلك صعب مثل حلمك وانا مازعلت بالعكس يا اختي هذه مساعدة منك والله يجزيك كل خير انا زوجي لو انه يستاهل تركت الوظيفة عشانه بس انه مايستاهل وبيني وبينك ماهو ظمان المرأة في هذه الحياة غير وظيفتها لتركها زوجها لخانها لتزوج عليها لطلقها لمات وترك لها كوم عيال خلونا واقعيين انا ابي حل واقعي منك مو خيالي وبعدين لي 10 سنوات خدمة وحكومية اتركها بكل سهولة عشان خاني زوجي مع اول خادمة تاتي رغما عنها هذا مو عقل العقل ان احافظ على بيتي واطفالي ووظيفتي التي تغنيني عن الاخرين بكل طريقة اجدها مثلي مثل غيري كثير غيري مروا باكبر من ذلك هل تترك وظيفتها انا علي قرض كبير من اين اسدده من جيب هذا البخيل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله لايكتب ولايضطرني ان اتركها فهي التي اغنتي عن بخله ودنائته وجعلتني اساعد كل من هو محتاج من اهلي ولله الحمد ويكون بعلمك الوظيفة هي التي مصبرتني على وجودي معه ولو كنت ربة منزل ماجلست عنده الذي يشتري لي شامبو ابو ريالين وكرتون منديل واحد وقشطه وعسل ابو ريالين لاتفتحين جروحي الله لايحرمني منها وهو عااااادي ان صلح صلح وان ما صلح انا غنية وبناتي غنيات وكل مشكلة لها حل الا ترك الوظيفة فهي غناة والله يختص بفضله من يشاء انا لست مادية انا وااااااااااااقعية جدااااااااااااا والفلوس عندي وسيلة والله رزقني بها وفضلني على غيري لله الحمد والمنة
والله نفسي اعرف كيف بتأمنوا على ازواجكم وتتركوهم لحاااال مع الشغاااله حسبي الله ونعم الوكيل
والله ما بصير شرعاً يكونوا لحااال والله ما بصير على كلاً الله يهدي الجميع
الله يعينك اختي كفوف خضراء
فعلا المعلمات يعشن في كفاح وجهود
المسئوليه من البيت والزوج والاولاد
ديون وديون
مساعدة الاهل وطمعهم في معظم الاحيان
اعانكم الله يامعلمات
الله يساعدكم ويفك كرباتكم
اختي في الله
حلك الذي ذكرتيه في السابق اقتراح موفق ممكن تعملي به
ولدي اقتراح اخر ممكن تأتي بشغاله اخرى وكل يوووم اعانك الله تذهبي بها هم وبناتك الى والدة ظوجك الى حين عودتك والله المستعان
جربي اختي جميع الحلو ل التي ذكرها لك الاخوات
بارك الله فيك
الله يهديكم ويصبركم ويفرجها عليكم
وَمَآأَصَابَكُم مِّن مُّصِيبَةٌ فَبِمَا كَسَبت أيدِيكُم وَيَعفُوا عَن كَثِير
الله المستعااان
تحملينا والله ما بنكتب ونحكي الا خوفنا عليكم