ياعمري ابيك
عضوة مخالفة لقوانين المنتدى
- إنضم
- 30 أبريل 2009
- المشاركات
- 398
أنتي نظرتك لحياة صديقتك .. أنها غلط بغلط ..السلام عليكم ورحمة الله وبركاته
(ياعمري أبيك ) ..:icon26:
ماشاء الله عليك .. بجد رائعه:icon26: .. عارفه نصائحك طول الوقت ببالي .. صحيح اني جددددن ثقيله لدرجة ابو الشباب يقولي أو يلمحلي> مستحيل يقولي لأني معدمه الميانه بيننا .. اني شوي رسميه .. قصده ماأبادله يعني يقولي كلام حب وأسسسسكت .. غير كذا اتفاعل معه بالسوالف .. وأتدلع شوي .. قلتله قصدك إني ماأبادلك !! قال: إيه ..
هل لازم انتبه لملاحظته هذي وارخي معه شوي .. وآخذ واعطي معه أكثر مع أني لو بعطيه وجه .. بفقد غموضي وراح يتجرأ لكلام جريء خبري خبرك ..:blushing:
ونصيحه يابنات بفضل الله ثم بفضل الثقل والغموض جننت أبو الشباب صار مجنون رسمي :smoke1: ..
وخلك بعيد حبك يزيد ..
(ياعمري أبيك) ..
أنا أبيك بخدمه مررررررره ضرورررررريه ولك أحر الدعوات ..
أبيك تحلين لي مشكلة صديقتي لأنها على وشك الأنفصال ..
وابيك تطولين بالك معي شوي بحكي كثير عشان تفهمين وضعهم عدل ..
هي تزوجت مغصوبه .. قبل سنتين كانت صغيره عمرها 18 سنه .. تقول في بداية زواجها كان واضح لزوجها وضوح الشمس انهم غاصبينها عليه .. وأنا نبهتها هنا إن الرجال يخاف من الرفض .. لاكن كانت صغيره ايش دراها ذاك الوقت ..!
تقول كانت العلاقه بينا غريبه وصعبه وبينا حواجز وجفاااااف عاطفي .. بصعوووبه تم الأحم أحم .. ولها سنتين اللحين تقول دااايم أكون جثه هامده معه .. قلتلها انه غلط بس تقول ماأقدر أتجرأ ..
كلام حلو ماتقدر تقوله :shutup:.. ينربط لسانها وتحس بحراره ..
تقول حتى قمصان النوم او البجايم البنوتيه الكت والقصيره ماتقدر تلبسها قدامه لازم تلبس روب فوقها .. لما وريتها تجهيزي وقمصاني انفجعت قالت كيف بتلبسين هذي : |
تقووول ماقالي أحبك إلا مرتين .. ومايمدحني .. مع إن صديقتي هذي بسمله عليها إحنا صديقاتها نفهي بملامحها فما بالك بالرجال .. تقول مره وحده مدحني .. = والموقف ..
تقول كنا برمضان صحيت من النوم إلا الساعه 5 مايمديني احضر الفطور نقزت بسرعه ركض ع المطبخ قعد يضحك علي طالعة فيه قلت تضحك ع الكشه المنفوشه والشكل الحوسه .. ابتسم وقال كلام ماتذكره زي اللي جمال رباني لو صحيتي من النوم .. تدرين وش ردت !!
قالت : اقوول اسكت عااد لاأصدق .. ولفت راسها .. تقول شهووور وسنين انتظره يمدحني ويوم مدحني كذا رديت ..
:sadwalk::tears:
تقول مره قعدت ساعتين اتزبط فضيت اللوشنات والعطور والمكياج علي .. ويوم طلعت له .. كان شايل أغراضه ويسألني تبين شي بروح !
طبعاً طاااح وجهها وتحطمت ..:tears:
:sadwalk:
بقولك الوضع العام اللحين .. هو يشتغل بعيد عنها وهي تدرس عند أهلها بالجامعه ..
مايصير بينهم إلا مكالمات كل أسبوعين وهي اللي تكلمه وحال المكالمات سؤال عن الأخبار وبس ..
طبعاً هي بعد ماجتني وقالتلي انها تفكر بالإنفصال لأنها ماتحس إنها متزوجه ولاهو يحس .. قريتها مقالات ناعمه الهاشمي وحست إنو فيه أمل .. وقررت تتغير .. وتحافظ على زواجها .. وعلى فكره شخصية زوجها شخصيه ماسيه .. تقول طيب بس بااارد وماأحس بينا شي ..
المهم خططنا أنا وهي إنها تكلمه .. قبل ماتنام .. ويكون صوتها هادي ناعم .. وإذا سألها عن أخبارها تقوله بعفويه .. انا قاعده احاول انام بس مدري ليش احس بخوف ومدري ليش دقيت عليك .. > لأن خجلها يمنعها تقول أقوى من كذا وعشان تحسسه أنه سبع البرومبا وفقدها له .. .. وتكمل المكالمه بدلع وهدوء وتحرص انها ماتتصنع
اقترحت عليها هالمكالمه عشان تلطف الأجواء وتكون بداية التغيير إن شاء الله ..
طبعاً البنت طقها الحماااااس بشكل مو معقول ..
اتصلت عليه لمدة 3 ايام جواله مقفل
وبعدها فتح جواله بس مايرد لمدة يومين ..
كانت تتصل كثيير الله يهديها ويوم رد :
تقول سوا نفسه نايم وقال انا نايم قالت: طيب أخليك باي ..
البنت متحطمه ...
تقول ابي ارسله رساله قاسيه اطيح فيها كل اللي بخاطري ..
وانا اقترحت عليها انها ماترسل وتسفطه كذا يوم واذا دق ماترد من اول مكالمه واذا قال ليش مارديتي تقول كنت نايمه >> عشان يحس على نفسه ..
ادري كثرت عليك حكي ياعمري ابيك .. بس والله البنت متأزمه .. والمشكله انو بعد شهرين خلاص بتصير تسكن معه للأبد .. وفكرة الإنفصال براسها .. لازم يتعدل اللي بينهم شوري علينا الله يجزاك كل خييييييييييييييييير .. ولك أحر دعوات مني ومنها
وانا بنظري حياتها أنجح وطريقتها صحيحه ..
الخجل و عدم الجرأه والثقل .. هذي الاشياء مهما كان تعجب الرجل ويتذكرها طول عمره وإن ذم هذه الصفات ..
وبعدين البنت صغيره .. تخيلي بنت تجي جريئه وهي عمرها 18 سنه ؟؟ اكيد بيقرف منها ..
أنا لو أشوف اخوي متزوج بنت عمرها 18 سنه وتكون جريئه راح انتقدها ,احس انها مو مصدقه أنها تزوجت ..
يا أختي الخجل والحيااء من الدين .. ومافيه شي قال عنه الدين الأ يكون خيرر ..
الان بقول لك كيف تمل حياتها :
لا تنصحينها بالجرأه أبدا ..
خليها على خجلها وحيائها ..
ماعليك اذا حبته بتتغير ..
ومسألة أنها تنتظر كلام حلو .. هذا مو عذر .. موضوع الزواج مو كلام حلو ورومانسيه وجماع وبس
الزواج يعني مشاركه في الحياه .. وانجاب الأطفال والعمل ..
مو لها كم سنه عايشه مع اخوانها ماسمعت يمكن منهم كلمه حلوه . هل خربت الحياه او هل كان دليل على عدم جبهم لها ؟؟؟!!
طبعا يا أختي لازم تفهم أن الرجل الصادق في مشاعره ممكن يتكلم كلمه وحده حلوه بالسنه بس تكون من خاطررره ..
افضل من الرجل الي تلح عليه زوجته بانه يقول لها كلام حلو .. فيردد الكلام كالبغبغاء بدون يحس بأي كلمه يقولها ولا يدري هو وش قال ..
بالنسبه للاتصالات :: لا تتصل عليه ابدااااا ..
وبما انه بعد شهرين بيروحو للبيت خلاص هي لا تتصل لأنه مصيره مصيره بيتصل ويجي ياخذها .,
لكن اذا هو اتصل .. ترد عليه او تنشغل كيفهاا ..
عموما حياتها أفضل من كثيررر زوجات عايشات مع ازواجهن ولبسن المفسخ والمشخلع ..
وبالرغم من هذا بينهم انفصال عاطفي .. فهو لا يرغب بها ..