عزيزتي ياعمري ابيك اتمنى تعطيني رد شافي انا جنوبيه غربية وزوجي شمالي غربي زوجي اذا زعل وهو يزعل على اي شي يجلس ايام مايحاكيني والا ياكل معانا وحتى الاولاد يزعل عليهم وبعدين يكلمني او حتى يسلم ارد عليه وتنتهي المشكله الحين انا اللي زعلانه عليه وما اكلمه وقرفانة من تصرفاته لانه سبني وقال كلمات فيها اهانة لي قدام اولادي الذكور وهم في عمر يفهمون امور الانفصال هو ينام بغرفة النوم وانا انام تحت في غرفة الضيوف من اول يوم في العيد ما اقدر اروح لاهلي اللي بينا انفصال جسدي وروحي من مده وضعي مو عاجبني احس بالذل قدام نفسي واولادي لا اقدر انام في غرفتي ولا وضعي مريحني بس الغريب انه فجأه عامل اولاده بكل حب والا يرفض طلباتهم ومدللهم اخر دلال كتبتله رسالة وبينتله اني ابي الانفصال ولا رد علي ومسوي حاله ما قراها وانا متاكده انه قاريها الله يعافيك حللي الموضوع والله تعبت من هالوضع
اسمعي بما انك ارسلتي له رساله تطلبي فيها الانفصال خلاص هو فهم .. المطلوب وفهم انك ماتبغيه ....
الآن .........
عيشي حياتك ..
هو سبقك بحاجتين ..
انه اختار النوم في غرفة النوم .. واجبرك على النوم في غرفة الضيوف ..
وبدأ يدلل اولاده ويلبي لهم طلباتهم ..
يعني بأختصار هو عايش حياته .. وهذا اكثر شيء قاهرك ..
ومحسسك بعدم اهتمامه بزعلك وبداتي تحسي ان وجودك وعدمه واحد .. وبالتالي احساسك بالذل ...
أنا اقولك شيء حطيه حلقه بأذنك .. الطرف الآخر مايدري عن اللي يدور بخاطرك .. ولا يدري عن احاسيسك ..
ولا يدري انك الآن تحسين بالذل ..
لكن التصرفات والانطوائيه و اهمال نفسك وعدم المبالاه لوجود اولادك حولك وعدم اللعب معهم .. وحبس نفسك داخل دائرة الزعل وتذكر كلمات الاهانه ...............
كل هذه التصرفات راح توصل له رساله بما يدور بخاطرك ... وهو انك ذليله ... محطمه ..
طيب اقولك الحل
: اولا كلمات الاهانه هذي انسيها شيليها من بالك .. لا تأثر على تصرفاتك ..
مين هو علشان تتأثري بكلامه ....
ثانيا :
بما انك بغرفة الضيوف تنامي .. رتبيها .. واجعليها غيييييييير غيييييير .. اجعلي من الغرفه مكان مريح .. لك ..
بحيث انه مايحس انك فقط تنامين بهالمكان تمشية حال وانك اصلا مش مرتاحه.. وانك تعتبريه مكان مؤقت ...واحتمال يجي بباله انك مردك لغرفة النوم ...
بل .. رتبي فيها كل ماتحبين .. كتبك المفضله ..
ادوات الرسم اذا كنتي تحبي الرسم ..
مسجل واشرطتك المفضله ..
دبدوب وخداديات ... وملايه غطاء....
اتوقع فهمتي قصدي ........
ومثلا اطلعي من الغرفه ..
سوي لك شاي او كافي او كاباتشينو ا حليب اي شيء .. بكاسه وقطعة بسكويت او توست بالجبنه ..
وارجعي للغرفه بكل حماس ..
هذا مثلا في الليل او لما يكون اولادك نايمين ...
يعني حسسيه انك بالغرفه عايشه حياتك ولك مملكتك ... اللي كلها غموض ..
وطبعا لا تكلميه ..
مثلا الصباح اطلعي من الغرفه سوي لك قهوه حلوه وارجعي ...
وهكذا كل الاوقات اللي ممكن تجلسي فيها لوحد اجلسيها بالغرفه مو ..
بالصالون او اي مكان علشان مايجي ..
وكمان مثلا سوي لك شاي واجلسي على التي في ...
واول مايجي .. روحي للغرفه وشيلي كاستك معك وكتابك وطفي التي في ..
وسكري الباب عليك ..
لكن مو تقومي وتروحي الغرفه على طول .. لا خليه يشوفك وانتي تتفرجي وتشربي شاي ومستانسه .. بعدين قومي وروحي الغرفه ...
لكن لما يكونوا اولادك موجودين
اجلسي معهم واللعبي وفرفشي ....لكن لما يجي هو يلاعبهم بنفس المكان انتي قومي وروحي لمملكتك بكل حماس وحب ......
ومري عالمطبخ خذي معك اي شيء واختفي بالمملكه اللي كلها متعه وغموض ..
لا تتركي باب غرفة الضيوف اللي تنامين فيها مفتوح اذا دخلتي اغلقي الباب واذا خرجتي اغلقي الباب .......
كل هذا علشان يحس بالغموض وانك مستانسه ..
ويجيه احساس انك ممكن تعيشي فيها باقي عمرك .. طبعا لانك مستمتعه فيها ..
ولا هامك لا هو .. ولا غرفة النوم ...
..........
الأهم من هذا كله .........
اطلعي مع اولادك لملاهي او اي مكان او لأهلك ..
روحي مع صاحباتك ..
يعني لا تخلي كل حياتك البيت لاااااااا ..... رتبي طلعات برى مطعم ملاهي ..زيارات ...
اما من ناحية انه بدأ يدلل اولاده .. هذا اسلوب قد يكون الغرض منه
الاحتمال الاول :
التدرج للأعتذار .. منك
وارجاع المياه لمجاريها ..
لكن الشمالي مايعرف يعتذر مباشره ( أنا اسف .. انا اعتذر .. انا أخطأت ).. انما بالتدرج وكسر الحواجز ..
زي ماقلتي بالبدايه هو لما يزعل .. ماينتظر منك اعتذار انما يعتبر رد السلام منك اعتذار ..
عندما يسألك عن شيء ما... وتجيبينه .. يعتبره اعتذار ...
فترجع المياه لمجاريها ...
نفس الشيء هو الآن يلاعب الاولاد ويدللهم .. ليصل لك فيعتذر بالطرق التي عرفها وليس بكلمة اعتذر ...
الاحتمال الثاني :
يريد ان يرسل لك رساله .. شوفيني انا عايش حياتي وماهميتيني ..
وكلا الاحتمالين عامليهم باللي قلت لك عليه ..لا تكلميه .. الييين هو يبادر حتى لو بادر وكلمك لاتردي ... ولكن مو تطنشي بانك تتعاملي معه بجفاء وحقد ..وتلفي ظهرك بقوه وتطلعي من المكان اللي هو فيه بسرعه ..
لان هذا يزيد الشرخ .........
لا تردي عليه لكن .. اصغي لكلماته .. يعني مثلا كلمك ..
لاتردي وانتي طالعه من المكان اللي هو فيه اطلعي بشويش كانك تصغي لكلامه ...بحيث انه يتأكد انك سمعتيه .. ومع هذا انتي زعلانه ... وطلعتي ..
يعني خليك مابين وبين ......لا جفاء .. ولا انكسار وغباء ..
(استخدمي الصمت ولغة العيون )
الاهم:
اهم شي الفرفشه وانك مو اكبر همي ..
وانت شيء زايد على حياتي ..وفقده يعني نقص بسيط .من حياتي ..وليس هدم كل حياتي ..
بأختصااااااااار:
لاتكوني مكتئبه مهمله لنفسك ..
ماتلعبي مع اولادك ..
كأنك رايحه لحبل المشنقه ..
خليك مبسوووطه وحده تحب نفسها بجنون ..
تبسط نفسها قد ماتقدر ..
تلعب مع اولادها لان هالشيء يبسطها ويفرحها ..
مهم :
استغلي كل الفرص لتعيشي حياتك وتستمتعي بها .
وعيشي حاضرك لحظه بلحظه ..
لا للأنتظار والترقب .. لا تنتطري ان يصالحك .. لا تنتظري ان يطلقك ..
لا تنتظري اي شيء انما استغلي فرصة وجودك بغرفه لوحدك ..
بأنجاز الكثير من الهواياتي اللي نسيتيها واهملتيها ..
مثلا اطبعي صور ورتبيها بشكل حلو ..
ألفي قصه ..
واعرفي ان سعادتك يمكن ان تصنعيها بنفسك ..
هذا يعني ان تعاستك القضاء عليها بيدك ..
تنبيه:
لم انصحك بترك البيت ..لاني فهمت انك لا تريدين الانفصال ..
ولا حتى هو لا يريد
وبصراحه احس ان المشكله بسيطه وتمر بكل بيت .
وبالاخص ان عندكم اولاد ..
.....
لا تنسوني دعواتكم لي بالتوفيق