ايام لها اثر في حياتي

[ضياء القمر]

من المتابعين اختي

واصلي قصلتك التي اللمتني كثيرا

 

[natalie]

غالياتي مشكورين وايد على الكلام اللي كتبتو دمعت عيني و اتشرف بمتابعتكم
رائد لم يكن الرجل الذي اتمنى . . كان طفل و اخظائه كثيرة ولكني لم انتقد اي من تصرفاته ابدا لأنه كان يعاملني جيدا و كان عندما يتضايق و يغضب على كل من البيت انا و اخواته و اخوانه حتى اصدقائه يقفل على نفسه بعد ان ينفس عن غضبه عن طريق صراخه علي .. لا اخفيكم اني كنت ابكي عندما يصرخ اكره الصراخ يذكرني كثيرا بصوت ابي لا احب الصوت العالي و خصوصا صوت الرجل لأنه يهز قلبي و يجعلني انتفض خوفا الى الان اعاني منه . .
رائديفعل كل شيء لتحبينه دائما يحاول كسب الناس من حوله . . عندما كان يحس اني ابتعد عنه كان يجذبني اليه غصبا . . بين الشاليه و بين السفر المفاجيء و الهدايا و لكنه كسول لا يذهب للعمل الى بعد ان نضغط عليه انا و امه الله يرحمها . . .
توفيت ام رائد الغالية علينا كلنا كالصدمه لأنها في الصباح كانت معنا تضحك وتتكلم الى ان اتى موعد صلاة الجمعة قالت ساذهب لأتوضا و انتظر الاذان لصلاة الظهر . . صعد عمي خلفها كانت تتنفس بصعوبه و تقول انها تحس بألم و توفيت بين يديه . . . الله يرحمها صدمنا جميعا وضعوها في غرفتها سلمنا عليها لا احب حتى تذكر الموقف لأن موت الام صعب جدا جدا جدا اتذكر رائد كان يفقد وعيه مرارا من شدة البكاء الى ان صلو عليها و دفنوها .. .. اتى الي قال : امي ماتت و يبكيي بشده لم استطع ان امسك دموعي بكيت معه و ضميته و قبلت رأسه و لم انطق بكلمه وضعت يدي على شعره و اقرأ عليه كل ما تذكرت من القران وضع رأسه على حجري و نام . . . وعندما استفاق و كنت قد غفيت . .. . اوقظني قال : كنت حلمان ؟ ؟ . . . انا : اسم الله عليك الرحمن الرحيم تعوذ من ابليس و قول لا اله الا الله . . قال : مستوعبه ان انا من عمري وانا انام عندها الظهر كل يوم الحين شلون اتعود على شي ثاني الحمدالله على كل حال . . . انا : رائد ماما قول الله يرحمها محتاجه دعائك و قول الحمدالله توفت يوم الجمعه نعمه من الله امك طيبه و ذهبه الكل يحبها و الله يحبها خذاها بيوم فضيل و بوقت صلاة الجمعه توفت طاهره ماشاءالله . . كان لهاذا الكلام العزاء الكبير لنا جميعا و خصوصا رائد رددت عليه هذا الكلام كي يبدل حزنه فرحا لها . . . و بعد ايام اصبح لصيقا بي لا يفارقني و اصبحت انا كل شيءو لكنه اصبح كثير السكوت ولا يتكلم و كنت اغصبه احيانا ان يتكلم عن امه لأنني اعلم انه اشتاق لها . . . اتذكر مره من المرات قلت : رائد ليش متضايق ؟ قال : مافيني شي و عيناه مسمرتان الى الارض . . . قلت : اشتقتلها ؟ قال : وايد وايد . . قلت : سولفلي عنها انا ما لحقت عليها قولي مواقف ما نسيتها من صغرك . . و اخبرني الكثير الكثير دون توقف عندماك كان يحتاج البكاء عودته على ان يظهر مشاعره و يعبر عندها مهما كانت فانا له الستر و الغطا و اتحمل حزنه قبل فرحه قلت : انا معاك بكل شي على المر و الحلو , , لا تخاف تقول شي جدامي اخذ راحتك عالاخر قال : الله لا يحرمني من طيبة قلبج و يخليج لي , , مادري شكنت راح اسوي بدونج . . .
احيانا كثيرة كنت اطلب من اخيه ان يتصل بأصدقاء رائد و يجمعهم في الديوانيه و يخرجونه من الغرفه و يجلس معهم الى الفجرو يعود بعد ذلك متعبا و انا كنت لا امانع ذلك لأن شباك الصالة في شقتي يطل على الديوانيه و كنت افرح اذا رأيته نسى همه قليلا . . .
تغير رائد رجع الى حياته كالسابق و لكن باستهتار ملحوظ . . سيارات سباق . . يشترك في سباق للدراجات الناريه و السيارات والرمي و كل شي خطر . . . افتقدت ووجوده و قلبي لم يكن مرتاح .. كلمته : رائد هالايام ما اشوفك الا وقت النوم ما يصير انا زوجتك ما يصير تخليني بروحي . . قال : عليج قاصر ؟ كل شي تحت امرج و اذا تبين تسافرين سافري و سوي اللي تبينه بس لا يضيق خلقج عيشي حياتج حبيبتي . . انا : عايشه حياتي بس لأني متزوجه ما يصير اعيشها مثل العزبا . . قال : لا تزعلين شنو تبين يصير . . قلت : انته اللي قاعد تسويه صح ! قال : انا كله سباقات و رياضات و من هالسوالف قولي الحمدالله ان مو بنات . . قلت : الحمدالله على كل شي بس لا تفكر ان اذا الموضوع في بنات راح اقول الحمدالله و اسكت . . قال : قوليلي شنو راح تسوين . . قلت : انا ! انا ما اقول شراح اسوي لأني ما ادري بس اذا انحطيت بالموقف اكيد بسوي . . . قال : فلانه المره العاجل ما تهدم بيتها عشان بنات الشارع الذكية اللي تغمض عيونها و تمشي الحياة و انتي اذكى وحده عرفتها بحياتي و ساعات احس ان عيبج ذكائج الزايد عن اللزوم . . . انا : امممممم اوكي رائد انته قاعد تقول كلام كبير له مليون معنى بس انا لأني ذكية ماراح اظلمك و ضحكت و ضميته و تحدثنا و لعبنا و نمنا . . . .
و لكن رائد لا يمتدح جمالي ابدا ابدا و كان يثير غضبه اذا امتدحني احد امامه سواء من صديقاتي او اخواته او والده عندما يقول له يا بختك بهالقمر . . . انا لست بيضاء ولكن قبل ان نتزوج و بعد ان تركت الحبوب استعدت وزني و اصبح 57 كجم امتلأت و ملامحي ظهرت جيدا و هو يحب الامتلاء كثيرا لا يحب النحيلات . . .
لاحظت مكوث رائد خارج البيت مطولا و كنت اتصل و خدمة الانتظار يا الهي لا تتوقف كل ما اتصل اكون انا على الانتظار من يكلم يا ترى ! ! قلبي لم يكن مرتاحا . . انه يكلم فتاة لا اريد ان اكذب على نفسي . . . و الطامة المبرى انه لا يرد علي عندما اتصل يجعلني انتظر الى ان تنتهي المكالمه و احيانا تدوم الى الساعه ولا يرد . . و له 1000 عذر ولا اعرف ايهم اصدق . . .
ومع المشاكل التى حدثت بسبب الانتظار من البديهي ان يفتح خط جديد شريحه جديده جهاز جديد تماما و المصيبة انه مطابق لجهازه الاساسي . . وجدته في صندوق السياره الامامي و بحثت في المسجات و قرأت انه كان هناك لقاءات . . و لكن اين . !
قلت له : رائد بروح الشاليه مع رفيجاتي قول حق ابوك و اخوانك لحد ايينا هناك البنات يبون ياخذون راحتهم قال : ماشي و ذهبت الى الشاليه وحدي . . . دخلت الى مبنى كان يخص الشباب فقط عندما يأتي رائد و اصدقائه يسكنون فيه و لكن لرائد غرفة خاصه هناك اراني اياها من قبل و قضينا بها ايام قبل ان اذهب الى بيته . . دخلتها . . . فتحت الخزانه لا شيء . . الزي الرسمي للدوام . . احذيه خاصة للدوام . . لا شي فتحت الادراج رأيت العاب جنسيه مستعمله و رأيت اوقيه كثيره و رأيت لباس داخلي نسائي . . .

فكرت هل رائد ممكن ان يفعل هذا ؟ ؟ فكرت هل هذا سبب بروده معي ! من هي تلك الفتاة . ! كيف اتصرف ؟ ؟ ماذا افعل ؟

 

[natalie]

و رجعت للبيت . . . رائد غير موجود كالعاده و لم يتصل يسألني . . . و اتصلت به : هلا رائد وينك قال : راجع الحين البيت متى رجعتي قلت : الحين دشيت البيت قال : شلون الشاليه استانستو قلت ما طولت قعدنا ساعتين و رديت

احمد الله انني لا احب رائد كثيرا . . فانا اعلم ان الله لا يحب ان يشرك به شيئا فقلبي كله لله و احب نفسي ايضا و لكن لا احب احد اكثر من حب الله . . . الله هو الخالق فلماذا احب المخلوق اكثر منه انا احب ربي الذي خلق لي هذا و رزقني بهذا و هذا و هذا كل شي املكه . . . حتى اطفالكم لا تحبوهم اكثر من حب الله فهو سر السعاده و القناعه بكل ما يكتب لكم . . .

رجعت الحياة لا بأس بها بين مد و جزر ,, ,, لا تسألوني لماذا لم اقل له شيئا . . لأني لا اعلم . . انا فقط لا احب المواجهة الا اذا كنت اعرف النتيجه مسبقا . . . ينكر ان لديه علاقات . . كيف لي ان اثبت هذا ! ! حتى لو كان عندي الموبايل الاخر فانا اعرف رائد جيدا يتملص من كل شيء و له قدرة شديدة على ذلك . . . كنت اقول : طولي بالج شوي الا في يوم و راح تعرفين شتسوين . . . لاحظ رائد تغيري . .. . ولكنه لم يسأل عن اسباب التغير ابدا ابدا . . .

و لكن لا انكر انه في بعض الاحيان كنت لا اطيقه فأخرج من البيت و اذهب الى احد الفنادق لأرتاح قليلا و هو لا تعليــــــــــق نهائيا و يجعل بيني و بينه واسطات الدنيا و الدين لأرجع كنت منهارة و لا اعرف ماذا افعل .. . فأي شيء منه يضايقني اترك له البيت و اعود بعد يوم او يومين ولا اريد ان اذهب الى ابي لأن ابي طردني مره من المرات عندما كنت اود النوم عند امي قال : انجلعي بيت زوجج ما عندي بنات تطلع من بيت رجاجيلها بنص الليل ( مع انه كان الساعه 4 العصر ) الشكوى لله ...

رائد كأي رجل استغل وضعي مع ابي فكان شبه ضامن انني لن افعل له شيء مهما فعل فكانت اخطائه تزيد و يتمادى كثيرا و انا سألت الله ان يلهمني الصبر و الصواب . . .

في يوم من الايام . . . افتعلت مشكله بيني و بينه و لأنه ذكي جدا كان يتفادى اي مشكله معي يفعل اي شيء ليرضيني و يسكتني . . . في هذا اليوم كلنا اردنا ان نذهب الى الشاليه انا و اهله كلهم و لكن رائد وجدا المشكلة التي حدثت بيننا سسب يبقيه في البيت لوحده . . خرجت انا و زوجة اخو رائد في سياره واحده و الباقي سبقونا الى هناك . . .طلبت منها ان ترجعني للبيت فكرت انني لا اريد ان اتركه يسرح و يمرح رجعت البيت فتحت الباب و رائد في عالم اخر من الرومانسيه يجلس في الصالة في الدور الاول و التلفزيون صوته يصدح بالاغاني و يتكلم بهدوء يقول : اموت عليج , , , اخذت منه الموبايل فجأة من خلفه ولم يحس بي لا اعلم لماذا ربما لأنه في عالم الاحلام .. . .. سمعت صوت الفتاة تضحك . . . قلت لها : الو حبيبتي عن اذنج شوي ابي زوجي بموضوع و قفلت . . . هو : انتي شلون تتجرئين تسوين جذي !و بعد ان افرغ غضبه و صرخ و صرخ و كسر الموبايل و خرج رجع بعد 10 دقائق . . . جلس امامي . . . انا : رائد انا قصرت معاك بشي ؟ ... هو : لأ حشى . . قلت : ليش رائد ؟ قال : شنو اللي ليش انا ما سويت شي . . . قلت : رائد انا وقفت وياك عالحلوة و المرة قال : و انا اشهد . . قلت : لأني بنت اصل و متربية . . قال : والنعم فيج . . قلت : ما بينا عيال هو لا تعليق ؟ ؟ استرسلت : الحمدالله الله كشفك قبل لا يصير بينا ياهل يتشتت بين امه و ابوه قال : فلانه لا تكبرين الموضوع . . انا : رائد مابي منك شي الحين الا انك تطلقني بدون شوشرة و انا راح اخلي الموضوع هذا بيني و بينك و عهد مني ما اطلعه لأهلك ولا اهلي . . قال : فلانة لا تكبرين الموضوع بس خلاص سويتيها قصه . . ما توصل لهالدرجه . . قلت : الله يسامحك و الله لا يوريك اللي انته سويته فيني و انا محللتك و مسامحتك بس طلقني . .. .
صعدت الى غرفتي جمعت ملابسي كلها بعد ان قفلت الباب رائد يضرب الباب : فلانه فتحي الباب نتفاهم اللي تبينه يصير انا هادئة تماما . . . فتحت الباب رأيته جالس امام الباب ينتظر ناديت الخادمة امرتها ان تأخذ الحقائب الى اسفل . . . و بيني و بينكم لم يكن لدي مكان لأذهب تمنيت ان يوقفني و لكن حتى لو لا استطيع ان اتوقف بعد ان خطوت الى الامام . . . هو : فلانه لا تصيرين مينونه على شي ما يسوى انا رائد طالعيني انا حبيبج . .. . قلت : خلاص رائد انته ما تهمني الحين لو سمحت ابي من باجر تفرشلي شقة بمكان زين و خدامتي معاي و ابي سايق . . . فتحت محفظته و اخذت بطاقة البنك قلت : انا ليلحين مسؤوله منك و ملزوم تصرف علي ليما تلقى الشقة اللي تناسبني . . . قال : حبيبتي لا تسوين فيني جذي . . . انا انفجرت : انا شسويت لك انا شايفه و ساكته من مده كل شي اشوفه و اسمعه اطنشه عشان ما اضايقك بس ما يبين بعينك تماديت و ايد و على فكره حتى اسامي رفيجاتك اعرفهم و يتصلون فيني و يسمعوني كلام يغث ( هذا تأليفي و بهاراتي ) اللي انته تلاحقهم بيهدمون بيتك و وصلو للي يبونه و على فكره رفيجتك اهي اللي دزتلي مسج قالتلي مشكورة هديتيلي حبيبي و هذا اللي خلاني ارجع البيت . . . تمنيت ان ما يطلب تلفوني . . . و قلت : انا كنت اداريك ولا ابي اهدم بيتي بس انته الي هدمته بوصاختك و استهتارك و على فكره حتى غرفتك اللي بالشاليه ادري شتسوي فيها . . . طبعا الكلام هذا كان من غير صراخ ولا صوت عالي و لا بكاء نهائيا . . .

 

[natalie]

تتوقعون اني طلعت من البيت ؟ و طلقني رائد ؟!

 

[واثقة]

اتوقع طلعت من البيت بس ما طلقك


بانتظارك

 

[**أموووله**]

ماشاء الله عليك كملي اش اللي صااااااااار

 

[الأمنية]

واااو
ماشاء الله
والله تحمست معك
كملي رجااااااء
لا ما اتوقع طلعتي ولا طلقك
صبرتي وايييييييد

 

[حب عذري]

لا ماطلعتى ..؟؟؟؟؟؟؟؟؟؟؟
ماادري بس لاتتاخرين

 

[natalie]

حبيباتي كلكم . . . و على راسي مروركم الطيب . . . توقعاتكم مو بعيدة و كأنكم عرفتوني عدل و عرفتو شخصيتي بعد . . .
اكمل . .. .
رائد لم يدعني اخرج , قفل الباب , و اخذ مفتاح سيارتي . . . يقول : ماراح تطلعين الا لما نتفاهم , , انا : اتفاهم على شنو ! كل شي واضح جدام عيني افتح الباب و لا تحط ايدك علي ,,, رائد : فلانه سمعيني عطيني فرصة مايصير! حتى المجرم يحققون معاه و انتي حطيتي السجين على رقبتي من غير ما تسمعيني . .. . انا : رائد لا تكثر كلام مابي اسمع شي منك خلاص شفت بعيني و سمعت بذني و انا دورت لك اعذار بس ما لقيت ولا عذر مقنع لا تنرفزني افتح الباب . . . هنا زادت نبضاتي ,اشتد تنفسي و زادت حده صوتي و ارتجفت يداي اريد ان اضرب رأسي بالحائط احمر وجهي و ارتفعت حرارتي كل هذا بثوان معدودة . . . كنت اريد البكاء و اريد ان اضربه حتى يموت كل مافي رأسي و عقلي يقول لماذا ؟ ؟ ؟ ليش رائد انا شسويت ! ! كنت ابيك ملاذ لي كنت ابيك تحميني كنت ابيك صدر يضمني بين ضلوعه تحميني من كل شي يضرني كنت ابيك تنسيني همومي طلعت انت هم ومن اكبر همومي , , , انته هم اضيفه بمذكراتي و سبب بكاني , , , هذا ما كان في بالي و في قلبي و هذا كان سبب ترقق دموعي و لكن لم اتجرأ و اقوله لرائد ,, ,, ولا لمره في حياتي معه سمع مني كلمة انا احتاجك أو لا تخليني , , ,

قلت : رائد انت خاين يعني انت بايع ما تبي العيشة معاي وخر عني خلاص مو غصب انا الحين اللي ما ابيك مو انته اللي تعرف بنات علي و تخليني بالبيت بالساعات ولا تدري انا شنو محتاجه ! ! عليك بالعافيه اشبع فيهم الحين اخذ راحتك معاهم عسى يستاهلون انك تبيع عشرتي عشانهم ,, ,, قال : حبيبتي انتي من عقلج هالكلام هدي شوي و الله راح اسوي اللي تبينه , , انا غلطت و معترف بكل شي و استاهل كل اللي تبين تسوينه فيني انا بين ايدج الحين , , , قلت : خوش يالله افتح الباب عشان بطلع و باجر انته بنفسك تييبلي ورقتي . . . قال : عشان امي اللي تحبج عشان ابوي . . عشان العشرة اللي بينا . . الله يخليج لا تخليني كنت لا انظر الى عينيه ابدا ابدا .. .. قلت : الحين شتبي مني شالمطلوب .. بس ما فيني صبر و صبرت بس خلصت ما بقى فيني شي .. شتبي مني .... قال : 10 دقايق سمعيني بس . .. . قلت : ياربي توب علي من اللي انا في , ,, , و جلست جلس بجانبي فغيرت مكاني جلست امامه , ,, , قلت : نعم شعندك قول بس ترى كل اللي بتقوله ماراح يغير شي ولا راح اغير رايي فيك . . . قال : فلانه انا و انتي ما بينا الا كل خير و انتي ما قصرتي معاي انا غلطت و ظلمتج وايد , , بس الحين ابي منج طلب تذكري كل شي زين سويته لج و كل شي حلو صار بينا , , لا تخلين الشيطان يدش بيننا و بيتنا ينهدم , , ازمة و تعدي سامحيني . . و اذا عدتها والله لج اللي تبينه , , , دمعت عيناي اغمضتهما طوال حديثه الملم نفسي و اهدئها و استغفر بقلبي . . . تنفست عميقا . .. . قلت : انت مو فاهم اللي انا في . . حط نفسك ابمكاني لو انا اللي مسوية سواتك و لو ابوس ريولك عشان تسامحني ماراح تسامحني . . قال : صح , , بس انتي احسن مني و انتي متربيه و ما يطلع منج جذي و مجرد التفكير بالكلام قاعد يذبحني شلون لو صج !! انا مقدر اللي انتي فيه و ادري انتي معصبه و حمقانه علي , , عشان امي , ,, , احلفج بالله لا تخليني ناخذ فرصة ثانية , , مت استاهل فرصة ثانية ؟؟؟؟ هنا جلس على ركبتيه و وضع يده على يدي , , , قلت : راح احاول بس بشرط !!!!

 

[واثقة]

قلت : راح احاول بس بشرط

اكيد كان شرطك.. لو رديت للخيانه بطلع من حياتك

 

[رواق الخريف]

تابعة قصتك رائعة وانت رائعة ماشاء الله عليك فيك مميزات نادرة

تستطيع التغلب على مشاعرك وأعجبني صدقك مع نفسك ..

أكملي ربي يسعدك ويحقق لك مرادك ..

 

[natalie]

اكيد كان شرطك.. لو رديت للخيانه بطلع من حياتك

حبيبتي بس مو هذا كان شرطي . . . :msn-wink:
شرطي كان انه يعترفلي بكل شي من ... الى . . . بس قال : ماراح تستفيدين شي لا تزيدين الطين بلة . . . قلت : لأ ابي اعرف كل شي و متى بدا الموضوع ؟ ؟؟ و منو هذي ؟ و من وين عرفتها ابي اعرف الغلط ابتدا من وين !!!
قال : هذي اعرفها قبل سنتين . . . انتهت علاقتنا والله ان لما تزوجتج كنت قاطع علاقتي فيها برضا الطرفين و اتفاق . . .
ااااااااااااااااااااخ ما اقدر اوصف شنو حسيت فيه . . . قلت : يعني حبيبتك ! ! قال : قبل ئي بس الحين ما احبها والله احبج انتي , , , انتي غير . . . قلت : خلك من هالكلام اللي ماله قيمة لا تقول احبج لو تحبني ما ترجعلها . . . قال : فلانه شفتي ان الكلام بهالموضوع ما يعجبج ليش تفتحين بيبان للمشاكل خلاص عشان نفسج خلاص ,, ,, قلت : وايد خايف على احساسي اسم الله عليك !! قال : لا حول ولا قوة الا بالله . . . قلت : اللي مثلك يعرف ربه ؟ ؟ قال : خلاص عاد حبيتي !! قلت : عاشرتها ! ! قال : فلانه بس عيب هالكلام شفيج بعصبية , , , قلت : هذا شرطي تبي ولا بكيفك . . . قال : لأ ما عاشرتها و رجاءا احترميني عيب وحده مثلج تقول هالكلام , , , قلت : لا مو عيب انا اللي شفته بغرفتك خلاني اشك فيك و عقب ما تأكدت ان لك علاقه فأكيد راح اربط الشغلتين ابعضهم . . . قال : لأ اللي شفتيه هناك كان قبل زواجي ولا تحاسبيني على الماضي . . قلت : و يوم ان ماضي ليش محتفظ فيهم ! ! قال : ما ادري ما فكرت اني لازم اقطهم و اذا تبين الحين اروح الشاليه و انظف الغرفه و اقلبها عاليها واطيها . . . قلت : رائد انا شاكة بكلامك و مو مصدقة ما بينكم شي من هالنوع . . . قال : شسوي عشان تصدقين ما عندي غير هالكلام , , , قلت : ليش رديت علاقتك فيها . . . قال : بعد ما توفت امي اتصلت فيني تعزيني و انا رديت عليها لأنها داقه تعزيني و بعدين تطورت المكالمه صارت مكالمتين و ردينا مثل قبل .. ..
بصراحه حبيت اني امشي معاه الفلم اللي قاله انا ما اصدق ان ماكان بينهم فراش . . .و ما حبيت اتكلم معاه عن هالموضوع وايد عشان ما اجرح نفسي بس سويت شي يبرر تصديقي له . . . قلت له : احلف لي بربك و اقسم لي ان ماكان بينك و بين اي بنت علاقة جنسيه . . . فحلف و قسم , , , بالتالي صدقت او مثلت اني صدقت . . .
قلت : اوكي عرفت اللي ابي الحين ممكن امشي , , قال : انتي وعدتيني انج بتعطيني فرصه ثانيه قلت : ئي ئي بس راسي يعورني الحين و كلامك وايد و بصراحه مو طايقتك الحين بروح عند امي اريح و ارجع بعدين عقب ما افكر عدل . . . و اذا دقيت يا رائد و شفت انتظار عالخطين و خط البيت اعتبران كل شي انتهى ولا تقولي بنهي الموضوع مع فلانه و مادري شنو لأن اذا شفت شي غلط و لو صغير وعدي لك اعتبره لعب يهال و ماله معنى و ارد لرايي الاولي . . . قال : حاضر , , متى بترجعين قلت : مادري . . . خلني افكر على راحتي . . .
نزل معاي رائد لتحت و اخذ حقائبي و جعلني اخذ ما احتاج . . . ركبت سيارتي و ذهبت الى امي , , ,
و كان الوقت قريب لصلاة المغرب . . ما حصل من كلام و مشادات مع رائد اخذ تقريبا 6 ساعات . . .
سلمت عليها و اخبرتها ما حدث و بكيت و صبرتني و قالت لي : حبيبتي كل الرياييل مثل بعض يسمونهم في ضحى . . تلقينه وياج زين طول عمره و فجأة يقلب , , لا تهدين بيتج حتى وانتي شايله بخاطرج و زعلانه منه انا ابيج و بيتي مفتوح لج بس لا تصيرين بعيده عن ريلج مهما سوا خلج قريبه عشان مراضاتج تصير سهله عليه . . . الريال كرامته مرات ما تخليه اييج ليبيت ابوج و يراضيج جدام اهلج ,, خلج يمه و نامي بفراشه و لو انج شايله عليه بقلبج هالكثر عشان يراضيج يشوفج جدامه ما يقدر ما يحاجيج لا تزيدين الجفا بينكم . . .. . .
اقتنعت بكلام امي بس راحتي النفسيه اهم من كل شي . . . اقبل الوالد الحنون علينا . . . قال : وانتي كل ما جيتينا تبجين !! والله لو انج طالعه من بيت رجلج زعلانه والله لردج مثل الجلبه ( عزكم الله ) امي اول مره تنطق . . . قالت : انت خل البنت بحالها بنتي و مالك شغل فيها تبي ريلها يأذيها و تسكت مثل ما انا سكت لا والله اذا انت ما توقف بويها انا اوقف بويهكم انت وياه . . . كل شي ولا بنتي . . انا اخذ حقها بيدي . . . قال : جب ولا كلمة لا تطولين لسانج مالت عليج انتي و بنتج يا ...... و.........و ........ و.............. انا : يبه بس لا تسب امي و احترم نفسك لو سمحت و مالك شغل فيني لا تتدخل بحياتي . . . قال : امج تتدخل وانا لأ ليش ماني ابوج . . قلت : لا والله تصرفاتك مو تصرفات ابو . . و بعدين انا مو محتاجتلك الحين خلاص كبرت صباح الخير توك ياي تتدخل بحياتي , , ,
ضربني ابي على وجهي يعني عطاني كف . .. . امي خافت و وقعت ارضا ظنت انه سيبرحني ضربا كما كان يضربها في السابق . . . اتى ثامر حبيبي اخي الصغير . . . قال لأبي : تطق حريم يبه !! و بدأت عاصفة من المشاكل و الضرب يا الهي . . . ثامر الصغير يمنع ابي ان يضربني .. .. قلت : ثامر خله يطق مو خايفه منه انا ابي يطقني عشان اسجنه . . . قال : خلاص خلاص بالطقاق تبين تقعدين حياج الله قعدي والله ما تشوفين الشارع و ان عتبتي باب غرفتج والله لحش رجولج ما عندي بنات يطلقون . . . قلت : لحظه لحظه من قالك اني تطلقت ؟ ؟ و من قال اني راح اتطلق و اقعد عندك ليش بايعه عمري .... والله ما ارجع انت اخذتنا بشراع و ميداف و ماتدري شسالفه بنام اليوم و باجر راده و لا رائد اهو اللي بياخذني شفت انك بس تبي تمد ايدك و بس . . . خرج مسرعا . . . و اعتزل بكهفه و لم اره بعد ذلك . . . امي بكت قالت : يا حسرتي عليج يمه ما عندج احد ياخذ بحقج شفتي اقولج مالج الا ريلج !! انتي ما عندج احد والله ما عندج احد و اخذت تقبل رأسي كأنها تعتذر لي . . ابعدتها قلت لها : يمه انا اللي احب راسج يمه انا اسفه مادري بتصير مشكلة . . . و في ذلك اليوم تكلمنا كثيرا و كأننا شقيقات . . شربنا الشاي و جلس اخي ثامر معنا يكلمني عن اصدقائه احاديثه بريئه جدا عالمه وردي ثامر . . . نمنا كلنا في غرفة واحده انا وامي فوق سريرها و ثامر على الارض و اثناء الليل لم انم كنت افكر فيما حصل و ومما جعل عيني تدمع ان امي قامت في الليل تتأكد انني نمت و غطتني و وضعت يديها على رأسي تقرأ علي القرأن دمعت عيناي , , , احسست بحنانها بعد سنوات حرمان ,, امي كبرت و لاحظتني اخيرا . . لأن ابي لم يعد شغلها الشاغل اهملته و تركته كأنه لم يكن موجودا . . .

 

[natalie]

تابعة قصتك رائعة وانت رائعة ماشاء الله عليك فيك مميزات نادرة

تستطيع التغلب على مشاعرك وأعجبني صدقك مع نفسك ..

أكملي ربي يسعدك ويحقق لك مرادك ..

تسلمين حبيتي و الله يسعدج و يرضيج دنيا و اخره انتي و المتابعين و بنات المسلمين يا رب

 

[ام الغالين8]

ماشاء الله يازين ردود فعلك في المواقف
وهذا من رحمت ربي فيك واحبه لك باذن لله
الله لا يحرمك من ميمتك نور دنيتك
ويهدي لكم ابوكم ويحنن قلوب اخوانك
حبيبتي استوقفني موقف ضيق صدري معقوله ها الفجوه الكبيره بينك وبين اخوك خالد
زي موقف مرض امك حتى ما تقدرين تطليبنهاو اتفاتحينه بموضوع مرض امكم يوم كانت مريضه
اللي ماوقف معكم في مواقف زي كذا ياحسره متى بيوقف اييييييييييييه ع قولت ميمتك مالك غير زوجك

 

[natalie]

ماشاء الله يازين ردود فعلك في المواقف
وهذا من رحمت ربي فيك واحبه لك باذن لله
الله لا يحرمك من ميمتك نور دنيتك
ويهدي لكم ابوكم ويحنن قلوب اخوانك
حبيبتي استوقفني موقف ضيق صدري معقوله ها الفجوه الكبيره بينك وبين اخوك خالد
زي موقف مرض امك حتى ما تقدرين تطليبنهاو اتفاتحينه بموضوع مرض امكم يوم كانت مريضه
اللي ماوقف معكم في مواقف زي كذا ياحسره متى بيوقف اييييييييييييه ع قولت ميمتك مالك غير زوجك

الله يسلمج و يحفظج يا رب والله ان دعوتج فرحتني لأني فعلا اتمنى ان ابوي يحن شوي علي و يراعيني انا واخواني . . . الموقف اللي ذكرتيه , , صارت بعده احداث كثيرة بس ما همتني وايد ولا حسيت انها تستحق ان تذكر , , بس اللي صار بعد ماراح خالي لبنك الدم يعطونه مقابل ان يتبرع بدمه , , , فتبرع خالي بدمه و اتى بالدم لأمي و هذا جميل لا انساه لخالي احمد يجزاه الله كل خير , , , اما خالد اتصل في يوم على البيت و انا كنت احضر القهوة و الشاي لأذهب بهم الى المستشفى لأضيف الزائرين . . . رفعت السماعه : شلونج بجفاء جدا جدا جدا قلت : هلا خالد , , قال : شلونكم شلون امي ! ! قلت : اتصلت فيك و ما رديت ذاك اليوم قال : ئي لهيت شوي . . انا بس بتأكد انتو بالبيت ولا لأ يايب عيالي يسلمون عليكم , , , قلت : تعال المستشفى الفلاني امي بالغرفه الفلانيه . . . قال : شنو ! من متى ! قلت : من يوم اتصلت فيك .. قال : توج تقوليلي ما تستحين ما تعرفين تدزين مسج اذا ما رديت دقي مره ثانيه تصرفي اي شي . . قلت : خالد انا مشغوله و اصلا انت اللي المفروض كل يوم تتصل تسأل عني و عن امك مو ما تدري عني حست و لفيت و دخت معاها وانت نايم بالعسل ما تقول هذيل حريم بروحهم و ثامر ياهل انا اشيل و احط فيه الله يخليك خلني بحالي انا مالي خلق الحين لازم اروح حق امي .. .. مع السلامه و قفلت . . . اتى الى المستشفى و اعتذر لأمي و كل يوم يأتي الا عندما عرف موعد خروجها لم يكلف نفسه لا هو ولا ابي ان يخرجوها . . انا من اخرجتها و رحبت بها في بيتها . . . اما ثامر امي تحبه جدا جدا جدا تتصل به كل يوم و تكلمه كي لا يشك بشيء . . . و لاحقا عندما رجع في اجازته و اخبرته امي حزن جدا و غضب و اعتزل في غرفته يومان يعني زعل على امي و عاتبها ولكن هي حذرتني ان لا اخبره شيئا ابدا ابدا

 

[natalie]

احب ان اذكر شيئا . . هناك مواقف كثيرة جميلة في حياتي . . مواقف لا انساها . . تحدث عندما اخرج مع صديقاتي . . نتسوق معا نضحك معا نأكل في الخارج معا . . . و لكن احيانا احب قضاء وقت بصحبتي انا . . احب ان ارافق نفسي خصوصا في الصباح . . اذكر في يوم من الايام و الجو غاية في الروعه احببت ان اقرأ كتاب خارج غرفتي . . فخرجت و ذهبت الى الكوفي شوب و جلست في الدور الثاني يطل على اجمل شوارع الكويت . . . كنت اشرب شرابي المفضل شتاءا hot chocolate و كانت السماء تمطر بسخاء و كرم و صوت المطر يضرب في الزجاج و انا اسند رأسي على هذا الزجاج احمي نفسي من البرد بشالي المفضل دائما البسه شتاءا لونه وردي فاتح مطرز بورود ناعمه و هادئه جدا لونها كالسكر ...
و يوم اخر لا انساه مع وضحه رحمها الله ايضا كان الجو ماطرا اتصلت بوضحه قلت لها : وضحه يالله نطلع , , لم تمانع قالت : فوقه افا عليج . . . خرجنا ذلك اليوم ذهبنا الى كوفي شوب اسمه chocolat bar
و جلسنا في الخارج تحت المظله و كان البرد شديد و لكننا نشرب الشوكولا الساخنه و نأكل الفوندو و هي تقول : فلانه متى نتزوج ما تحسين ان احنا كبرنا على سوالف الكوفي شوب . . وانا اقول لها تكلمي عن نفسج انتي كبرتي انا لأ . . .. .
احب الشتاء و احب المطر و اعشق البرد . . . لا اغطي نفسي عن المطر ارفع رأسي للسماء لتداعب قطرات المطر وجهي . . .
و ايضا من حبي لنفسي كنت اخصص يومان لل relaxing spa في الشهر للذهاب هناك صوت عصافير و حفيف اشجار و شموع و مفارش بيضاء و رائحه طيبه جدا و شاي اخضر بالبابونج لاريح نفسي من ضغوط الحياة في هذا المكان اعتزل كل شيء اغلق موبايلي اخبر امي ان تلك ساعات راحتي لا احد يتصل بي ابدا . . .
حياتي بسيطه جدا مشاكلها كثيرة ولكني نوعا ما ممتنه لذلك فانا ما انا عليه بسبب ذلك . . . اذكر في احد المحاضرات التي حضرتها . . . سألتني المحاضرة اذا كانت في حياتي قصه تدل على قوة الارادة . . . قلت لها طبعا وجودي هنا قوة ارادة قدومي اليوم قوة ارادة وصولي لما وصلت اليه قوة ارادة . . . و ذكرت لها ما عانيته في السابق دون تفاصيل و كيف كنت ادرس و اين كنت ادرس و كيف كنت انمي ذكائي اعجبت بي كثيرا و بعد ان خرجنا و انتهى الكورس التقت بي في الخارج قالت لي : على فكرة انا معجبة فيك كتير كتير . . . ابتسمت قلت لها شكرا من اروع المحاضرات التي حضرتها . . .

 

[ضياء القمر]

فعلا الحياة قاسية ولكنها جميلة عندما نخلص حبنا لله


موفقة اختي وانتظار بقية مذكراتك

 

[الأمنية]

شو صار معك ؟
ومتى رديتي البيت؟
ومن ردك؟
أسئلة بانتظار الإجابه عنها^^

 

[natalie]

بعد ما حدث في بيتنا و مشكلة ابي و كلامه لا انكر ان لهذا اثره الكبير في قراراتي الان و مستقبلا . . . رائد بعث لي مسج قال : اشتقت لج و ابوي يسأل عنج . . . لم ارد . . استحميت ذهبت الى السبا و بعدها الى الكوافيير و تسوقت و اشتريت الكثير مما احتاج وما لا احتاج . . . اتصل رائد : الو كرت البنك عندج !! انا : ئي وياي . . قال : كل شوي يوصلني مسج خصم من حسابي مبالغ كثيرة . . . ئي انا بغير نفسيتي قاعده اتسوق ... هو : اممم عليج بالعافيه يبه ( بحسره قليلا) لأنه احس اني بذلك اعاقبه فعلا نوعا ما انا قصدت ذلك .. بس ردي ماصارت . . . رجعت البيت دخلت شقتي . . . رائد بذل جهد كبير لتزيينها من ازهار و شموع و رائحه عبقة تصل الى اخر ممرات البيت . . . قال : نورتي بيتج . . قلت : شكرا . . قال : ليلحين جنه ما طاح الحطب . . قلت : بصراحه انا ما كنت ناويه ارجع بس لما قلت ابوك سأل ما حبيت اكبر الموضوع و احسسه بشي . . . قال : فلانه يعني ما راح اطيحين اللي براسج قلت : رائد خلنا متزوجين جدام الناس بس كانت كالصاعقه على رائد

 

[حب عذري]

حياتك السابقه علمتك الكثير من القوه والثبات