اختي المعادله واااضحه
هو كان خاطب بنت خالتك ...
بعدين تركها او تركته المهم مااستمر ... مااا صمل ...
جاك يقولك عجبتيني لانك عاقله ومحتشمه ومالك صوت وتستحين ...<<< هذي رغبه اي واحد مغازلجي وخربان يبغى البنت اللي قطه مغمضه وملتزمه وماعرف ايش عشان عقدة البنات اللي يعرفهم برى والخيانه تجري بدمه ويخاف يطيح بوحده منهم...
بعدين خطبك انتني وملك عليك ... وبكل سعه وجه قاعد يكلم بنات ويراسل ومغازلجي ولعاب وعيونه مايملاها الا التراب ..
دايم احب اني اقدم حسن النوايا في اي رد لاي اخت تبث شكوى من زوجها .. واقول استخيري
بس بالنسبه لك ...
نصيحتي ...
من حسن حظك وسؤه بنفس الوقت انك اكتشفتي شخصيته عبر تلصصك بالسمع عليه وفهمتي
مبدئيا كيف ان عقله صغير وتافه وانه شخص لايهمه اصلا نظره اخوك له ومااحترم العلاقه اصلا
الشي الثاني ...
بكره ياحبيبتي .. لو تزوجتوا وصارت منه خيانه اقوى او نقول صار يكلم عيني عينك وبيتجراااا
وبيسوي اعظم صدقيني .. وبيكبر المخده .. تبين تشتكين ..روحي اشتكي اصلا اخوك يسوي كذا
وبيخش بعينك ولابيعمل حساب لاحد ... لاتستبعدين اخوك يوقف بوجهك معاه!!!
يعني بالعربي مابيحترم لا احساسك كزوجه .. ولا اهلك ...
((وان لم تستح فافعل ماشئت ))
((طالما انتي لسا على البر))
اتركيه والله يعوضك بافضل منه انتي تبين تتزوجين والزواج يعني استقرار وهدوء وسكينه وراحه اعصاب مع انسان يحترمني ويقدرني وعاف نفسه فيني انااااا وبس
ليش تبدين حياتك وانتي حاسه انها ناقصه من الاساس ..
ليش تبدين حياتك ويدك على قلبك من هالرجال اللي مااله امان
ليش تبدين حياتك وانتي تحطي راسك على مخدتك كل ليله تسالين نفسك هو بيعقل ولا لا ...
وليش وافقت من البدايه وربي حط قدام عيوني اللي كل حرمه بالدنيا تخاف منه وماتتحمله ..
معليش
مع احترامي بس اعتبرك مغفله ....في حال استمريتي بالكذبه على نفسك وقلتي بتزوج وبكره بيتغير ....اللي تعود يكلم ويراسل ويغازل حتى وهو مملك ؟؟ صدقيني مابيعقل وكلامي عن تجربه
باختصار... لاتتاثرين بكلام ناس وخوف من اهلك والمجتمع وش بيقول لو تطلقت .. معليش المجتمع ترى مابيجي كل ليله يواسيك لما تقومين بنص الليل وتلاقينه متوزي بغرفه ولا بالحمام ولا بسيارته يكلم وحده غيرك ...وانتي ياغافلين لك الله ....
ترى احساس الغيره والقهر يذبح
عقلك براسك تعرف خلاصك ...
الله يوفقك ويعوضك باللي احسن منه وصدقيني واحد مثل هذا مايستحقك ....<<فكري فيها زين
اخر شي اسفه اذا كان اسلوبي فيه تجاوز او تجريح لشخصك الكريم
انا اكلمك بصراحه اخت لاختها والله يشهد اني اقدم لك النصح لااكثر
الله يوفقك