روايتي (سارة والمكنسة)

[عصيد]

مساء الخير ...وأهلا وسهلا بكم...حياكم الله...يامرحبا بكم
هنا اسم القصة ..شاكرة لكي ياعين عالتصميم الأكثر من رائع

سارة تتسم بالبداوة التي جميعنا نعرفها ولايمكننا إنكارها...هي قصة من الحقيقة لكنني أخفيت قليلا من ملامحها حتى لاتغضب سارة..وستكون هي هنا قريبا ..معنا ستقرأ قصتها ...

تلك هي سارة...

...اعلموا بأنني أرتقي بردودكم...
ملاحظات:
أولا سأعتزل اللغة العربية وذلك حتى أقرب المعنى لكن
وكذلك هناك عدة فوائد ودروس أريد للجميع استفادة وفائدة ..صحيح أنني سأضع مابين السطور حبا وعنفوانا وامتزاج بالمشاعر وتارة قبلة وتارة عناق لكنني لن أغوص فغرضي جدا سيعجبكم
أنا أكتب القصص القصيرة ولكن في جامعتي أما الروايات فكانت لي رواية وهي مع والدتي والأخرى سأبدأ بطرحها بين أيديكم...

 

[عصيد]

Part 1

في يوم من الأيام آن الآوان لكتابة هذه الأحداث التي تحدث لسارة ..قلنا لابد أن نخترقها من جدرانها..أما آن لها أن تفيض تلك السارة..ستكون روايتي تلك وبالأخص رواية بالعامية حتى أنقل لكم صرعات لسانها ..
اليوم هو يوم أربعاء..فيه اجتماع وفيه سكنات..فيه أصوات وزجرات..فيه أحداث مؤلمة...ومفرحة قليلا..تابعوني
اللهجة لدي مختلطة تارة إماراتية وتارة سعودية وذلك بحكم تنقلاتي..فمنكم العذر لاإطالة ولااستيباح

أم راشد تطالع في الساعة المعلقة على جدار الصالة وتتأفف:ياربي هاذي تأخرت متى بترجع من الكلية ؟؟
وينزل طلال معاه دفتر محاضراته :صباح الخير يما
أم طلال:توك تصحى الساعة 12 وين ساير ألحين؟؟
طلال ويلبس نظارته:هيه ساير يابعد حيي ..ياللي تحبين الصايح .ماعندي محاضرات في الصباح جم مرة أقولج ؟؟مشكلتي إنه محد فاهمني..ويروح
أم راشد :أنا أحب الصايح ياجليل الحيا..سير سير لاأييك بالحذيان حمار..سير دام النفس طيبة
طلال يضحك ويروح يركب سيارته اللي مايحب أحد من البزارين يركبها

رنج سبورت
وشغلها وبدى يحميها وسار لجامعته..
في الكلية..خلوني أشرحلكم عنها شوي فيها ساحات كبيرة يعني يجلسون فيها البنات وفيها ثلاث كافتريات ومصلى وشو بعد إيه وممرات واسعة..
سارة كانت ماسكة شنطتها وجالسة وحاطة إيدها على خدها بتملل وتتفرج في السايرة والرادة وتقفل عيونها من هالغبار اللي يلفح رموش عينها ..وتتكلم مع نفسها
(ياربي متى أرد البيت ..تمللت من هالوصاخة،أصلا حتى لو رديت بيلس أكرف شرات الخدامة.يالله عادي بنتريا هاذي حياتي شو أسوي يعني)
سارة ماعندها ربيعات وايد هن ثنتين بس وهن بعد غايبات اليوم مابيسيرون عسب محاضرة وحدة..
في بيت أم سعيد هاذي اليدة العودة تسير أم لأبوطلال وراشد وسارة واللي بنتعرف عليهم بعد شوي..كانت تتمشكل معاها كالعادة وصراخ وحالتهن حالة..حتى الخدامة يئست من طلباتها وأول مايت كانت عاقلة بس أم سعيد الله يهديها طلعت لسانها
أم سعيد تصارخ بأعلى ماعندها:سلنتي..سلنـــــــــــــــتــــــــــــــي وصمــــــــــــــخ
سلنتي يطيح منها الخصف وتنتفض من حسها وتركض ماتدري من وين الصوت:نأااااااااااااااام ..فين إنته وتسير تدور عليها وتلاقيها في الحوش
سلنتي:إيس فيه ؟؟
أم سعيد:الله لايشفيج..ولايخليج ياأم ظروس وينج من أول وأنا وأزقرج ماتخيلين على ويهج؟ياالمخمة تعالي هني أبيج تعالي لابركة فيج ولافي بطنٍ يابتج
وتسير لها..ومسكتها أم سعيد:سمعيني زين أنا أحينه سايره عند ولدي سعيد ياويلج تفتحين الباب لحد فهمتي؟؟
سلنتي تهز راسها :تيب أمي
أم سعيد:لعلج جم مرة أقولج لاتزقريني أمي.ماتفهمين؟سمعي أول مايأذن العصر تييبين الأغراض عسب أطبخها في بيت ولدي لاتنسين فهمتي؟؟
سلنتي:تيب مدام
أم سعيد عصبت:سيري سيري مناك ..إنتي بتيبينلي جلطة فدماغي
وسارت أم سعيد..مع الدريول عشان معزومة عالغدا في بيت ولدها سعيد
سلنتي:حمدلله في سير ..
عالساعة 2 وصلوا العيال من مدارسهم ..ماعدا اثنين
أم راشد تكلم زوجها:أمي تراها تحتريك متى بتيي؟
أبوراشد:يالله ياي عشر دقايق وأنا في البيت.العيال كلهم في البيت؟؟
أم راشد:وصلوا بس باقي بناتك سارة وسمر محد راضي ييبهم
أبوراشد عصب:شوووووووو؟وين عيالج قوليلهم البنات ييون ألحين لاوالله يشوفون شي ماشافوه.أنا ماأدري ماعندهم غارية على خواتهم ؟
أم راشد:هدي روحك أحين أرسل واحد منهم.ويقفل أبوراشد
وتسير أم راشد الصالة وكانوا جالسين كلهم
أم سعيد وسحر وعبيد وسهيل كانوا يالسين يسولفون مع يدتهم
سحر ثاني متوسط
عبيد أولى ثانوي
سهيل موظف
أم راشد: سهيل أبوك يقولك سير ييب خواتك سارة وسمر
سهيل :أوووووووووووف توني واصل تعبان أمي .
أم سعيد وتلتفت بسرعة:شو؟أحينه هم فمدارسهن؟
أم راشد:هيه وأبوراشد زاعق علي قبل شوي يقول لايوصل البيت إلا والبنات في البيت
سهيل عصب:شلون يعني أنا كل مرة أنا اللي أجيبهم حرام عليكم مب ساير وخلي ولدك راشد ييبهم أنا ماأقدر
سحر:الحمدلله أنا ييت مع الباص
عبيد:حلفي
أم راشد :أنا مايخصني لو قاللي وين البنات وتسير
أم سعيد: هيه هذا اللي قدرك عليه ربي ..وتطالع فسهيل :أقول يما سهيل سير ييبهم فديتك
ولدي هذيلا خواتك مب من الشارع .قوم الل يرضى عليك
سهيل:عشان خاطرج بس ولا مو في تيتي أييبهم .عبيد سير ييبلي المفتاح
عبيد يلعب بالجيم بوي :مفتاح شو؟
سهيل:لاتستهبل مستويلي الأخ فلبيني إنت وهالحركات اللي على راسك قم ييب المفتاح ..قم
ويروح ويعطيه الفتاح ويسير ييب خواته
سارة في الكلية خاااااااست وسحر ثالث ثانوي البنات ساروا وهي يالسة بروحها حتى الحارس يالس يهزبها ..
الحارس:إنتي بعدج ماسرتي..شو رواج إنتي ماتسيرين بيتكم؟؟
سمر جريئة مو شرات خواتها حياويات:سد بوزك أبوي أحسلك .حارس ويصارخ بعد مشكلة حالتك..
الحارس:تطول لسانها بعد.ماتخيلين على ويهج إنتي؟؟
سمر:لاتيلس تصارخ جني بشكارتك .تراني ساكتة عنك بمزاجي وخر عني ..ترى الشواطين قدام عيوني يقافزون أحسلك ياعم الزفت
وتموا مضارب إلين ماوصل سهيل وشافها سهيل يالسة في الشارع المدرسة مسكرة وهي والحارس برا وضحك على شكل أخته ..سيارته نوعها آفلون بيضا
وأعطاها بوري وراحتله (السعوديين يسمونه بوري)
وركبت وهي تنافخ:سلام
سهيل كاتم ابتسامته:ويييييييييه ريحتج هندية
سمر:سهيل والله لو ماتنطم لأراويك شغل الله..حشا خلق الله ساروا وأنا جني سيلانية أنطر ..
سهيل يطلع عينه من النظارة:شوفي أنا براعيك بس عسب إنج حرانة
سمر بصوت منخفض:غصا عنك
سهيل:شوو؟
سمر:ماشي
سهيل:هيييييييييييه حسبالي بعد
ويمرون على سارة اللي ركبت وهي ساكتة ماعاد فيها حيل
سهيل :شوفي الناس العسل شوفي ركبت السيارة ولاسمعنا حسها فديتج والله عسل إنتي عســــــــــــــــــــــــــل ياليت بعض الناس يلحسون منج
سمر:مسكينة مو مالها حس إلا ماعاد تقدر حليلها هدها التعب
سارة مكتفية بالصمت وتتسمعلهم راسها يعورها..
ووصلوا البيت
راشد راد البيت
في السيارة:هاياعيني ها؟؟
العنود:أنا ماقلتلك تتصل يوم بتخلص؟؟
راشد:هيه
العنود:شو هيه؟
راشد:هيه..يعني بعدين
العنود:راشــــــــــــــد لاتستهبل
راشد:حـــــــــــــــــــــــاضر أونه هي ماتستهبل
العنود:دام إنك مو راضي تسمعني يالله برايك
راشد: لالالا خلاص وجان راشد يعتدل ..يالله ياروحي اطربيني
العنود:إحم إحم أنا مويايه الإستراحة
راشد:شـــــــــــــــــــــــــــــــــــــو؟وليش ان شاءالله شو وراج؟
العنود:الطوفة ههههههههه
راشد عصب:هيـــــــــــــــــــــــــــــــــه لاتستهبلين صادق أنا ليش مويايه؟
العنود:شفت شقايل تعصب لماأستهبل سجلها عندك سجل
راشد:أحينه بتجاوبيني ولاادعم فالعمود؟؟
العنود:لالابقول عشان عندي امتحان والمادة هاي بالذات وايد وايد صعبة عاد أمي تقول مافي روحة قتلها بذاكر هناك قالت لاء جذابة طول الوقت وإنتي مغازل مع راشد
يالله يافالح شو أسوي
راشد وصل البيت:أمج قالت جذي؟؟هين يالطووووف والله لأراويها
سمعي عنودة شفتي لو ماييتي بكرة والله سمعي والله لأقدم موعد الزواج أحسلها أمج خلها تصطلب
العنود:راشد مامي لاتسبها
راشد:حلفي إنها أمج هاي مربيتج أمج فالقبر وأنا مستأذن منها
العنود:ولو ربتني عاد وبعدين لاتذلني بهالعرس كل ماقلتلك شي هددتني ترى بفصخ العقد
راشد:هههههههههههههههههههههه ليش المأذون ولاريلي؟؟
العنود:هههههههههههههه الاثنين يالله راشد شو أسوي أحينه انا مشتاقتلك وودي أشوفك قبل امتحاني شقايل أسوي ؟
راشد:والله إذا تحبيني صج تعالي .يالله والله عرفت معدني عندج!!
العنود:والله مايخصني بعدين أنا أستحي من أمي أقولها واحشني راشد بتضربني بالقلم
راشد:أرمسها لج؟؟
العنود:لالالالالالا أنا برمسها الله يعيني بس شقولها شلون أبدا
راشد:والله عاد وشطانتك بس تذكري حلفاني هاه لاتنسين
العنود بخيبة أمل:حاضر .وصلت البيت؟
راشد:هيه وصلت
العنود:الحمدلله على السلامة
راشد:الله يسلمج
العنود بدلع:راشــــــــــــــد خلاص سير
راشد:هههههههه بسير إنتي سيري بعد
العنود تدري إنه مو مخليها :طيب مع السلامة
راشد ويفتح عيونه:حووووووووووه العنود
العنود:نعم
راشد:يالله يارب تيي نعامة ترفسج صج على بطنج يالخايسة
العنود:أنــــــــــــــــــــــــــــــا لي هالمسبة؟؟
راشد:هيه .ولاتحاولين تزعلين لأن هذا يعتبر هروب جزئي من الحقيقة
العنود:ههههههههه أي حقيقة ؟
راشد: إنك تحبيني بس مستحية حضرتج تقفلين ماقلتيها صح ؟؟
العنود:هههههههههههههههههههههههه طيب أنا أحبك وتقفل
وراشد يطالع في الموبايل ويرده لأذنه:قفلتها فويهي..وحليييل مرتي جانها تستحي
متى يوم زواجي متــــــــــــــــــــــــــــــى؟؟
عالساعة أربعة العصر كلهم نايمين ماعدا سارة قاعدة تنظف أمها ماخلتها تنام قالتلها نظفي البيت والمطبخ وسوي كم صينية والبيت طبعا مب هين كبير وماعندهم شغالة والسبب عشان أبوهم اللي محرم دخول الشغالة ..
سارة في المطبخ تغسل الصحون والدموع تنزل بدون صوت ...ويدخل طلال البيت ومايسمع حس ويروح المطبخ
ويشوف دموع أخته .....مارمسها وسار غرفته..
طلال وهو يفر كتبه :أوووووف ياربي..وبعدين يعني وبعدين؟؟لمتى أمي بتعاملها بهالطريقة؟؟
وينزل عندهاويسحب نفس:ساروني حبيبي شحالك ؟؟
سارة تمسح دموعها:هذا الصابون الله ياخذه حرق عيني دخل بعيني وأنا أفرك النحاس.
طلال يضحك باستخفاف:لاوالله سحر أنا ولا عبيد؟؟موعلي هالحركات ويركز بنظره:أدري وش اللي مضايقك
سارة ترجع شعرها براسها:ماتبي غدا؟؟
طلال :لامابي شبعت .شفتك وشبعت
سارة:ههههههتتمصخر علي إنت وويهك..وتروح تغرفله
طلال:ترى مابتغدى إلا إذا تغديتي
سارة وتلف وفإيدها الملاس:لاياعيني أكلت أنا..بس عشان خاطرك باكل
طلال مبتسم:يالله عيل وتغدت معاه ويلس يمزح معاها ينسيها جو الحزن اللي هي تعيشه
عالساعة 6 ونص كان باقيلها تكنس الحوش ومسكت المكنسة وراحت تكنس وهي منشغلة في التنظيف ويمر عليها طيف حبها وتتحرك الأشجار بهدوووء وورود حديقتها تتحرك يمنة ويسرى وسارة تسحب التراب وورق الشجر وبدت تحكي خاطرتها الأولى التي سأنسجها لكم...
عدت إليك ياطيفي..عدت وكلي شوق وحنين
أيا حبي فلتنهض ربع الساعة حتى أنتهي
أمرغ شعيرات مكنستي في ذرات الرمال
هذا حالي مع بعدك ياحبيبــــــــي
آه وأواه من زفرة الزفرات التي تملأ مكنستي
أنا مللت ياحبيبي ..ومكنستي أيضا
هل هذا هو حالي لآخر الزمان..من الذي اختار أنا أم هو؟؟
كيف ذلك حصل؟؟لم أعد أطيق الإعادة
إنه يقتلع جذوري المرتكزة على كلماتك
ذهبت وجعلتني وحيدة مبعثرة
أهكذا ؟؟أهكذا تشاطر حبي لك؟؟
وتقف سارة بمكنستها وتسقط دمعتها..
وحينما انتهت..جلست على كرسي الحديقة
هزيلة ..نحيلة ..ضعيفة
تنظر لنفسها..أنظر ماالذي فعلته بعدما تركتني؟؟
أتظنني بأفضل حال؟؟لااااااايافارس
اخترت موعدا خاطئ..آآآآآآآآآآه من الموت
كنت خطيبي...وكنت زوجي وحين لمسك ليدي
تمــــــــــــــــــــــــــوت!!!
آآآآآآآآآآآآآآآآآآآآآآآآآآآآآه ماأقسى حالي
لمن سأنثر ورود الربيع..لمن سأرمي كرات الثلج
لمن سأضيء الشمع...لمن أعطي ثماري
لم تعدني ..لم تأخذ موافقتي
فــــــــــــــارس فلتأخذ نشيدي واسمعه وأنت في القبر
(والله مايسوى أعيش الدنيا دونك..لاولا تسوى حياتي بهاالوجود
دامك إنت اللي رحلت..وكيف بصبر؟عالبعاد
وكيف بنثر هالورود؟؟
روح أنا راضي بغيابك ياحياتي
هذي قسمة لي وهذا لي نصيب
كنت دمعة تضي وتشرق حياتي
انطفيت ورحت في وقت المغيب
ماوعدت إنك تقاسمني المحبة
تبقى لي حبي ولدروبي دليل
بس حسافة الموت
كان أقرب وأرحم
حسبي الله وحده ونعم الوكيل
حسبي الله وحده ونعم الوكيل)
واللي تبي تسمعها شوفوها على هالرابط
نشيد تراها

http://ppc.fm/F@s1/aa.mp3
أتمنى لكم قراءة ممتعة​

 

[dareno]

غاليتي عصيد ......
قصة رائعة متابعه جديدك

 

[@همسة حنين@]

يعطيك العــــــــــافية..بارت حلو شدني ..كملي متااابعتك..ابي اعرف وش صـــــــاير لسارة وليش امها تعاملها كذا يعني عشانها ارمله..ننتظرالقــــــادم

 

[عصيد]

غاليتي عصيد ......
قصة رائعة متابعه جديدك

أهلا بك ...سعيدة بمروركِ

 

[عصيد]

يعطيك العــــــــــافية..بارت حلو شدني ..كملي متااابعتك..ابي اعرف وش صـــــــاير لسارة وليش امها تعاملها كذا يعني عشانها ارمله..ننتظرالقــــــادم

عافاك الله من كل مكروهٍ..ومرورك هو الأحلى
مارأيك أن نكتشف سويا ماسبب ذلك ؟؟

 

[عصيد]

اليوم سأضع جزئي الثالث...أعتذر عن تأخيري...ولكن الإتصال متقطع فهذا مايؤرقني سأنقلها من المفكرة..وأعيد البارت السابق لأن به أخطاء ..انتظروني

 

[@همسة حنين@]

تسلمين بالانتظــــــــــــار ..لها الدرجة مايطيقو الشغالة والله حزنت عليها ..ام ســـــارة احس انها قوية مرة ..وقاسية ..مسكينة ســـارة..فعلا هذا حال الاغلبية من المطلقات والارامل..يعانون الاضطهاد والقسوة ..اكملي متــــــابعة بحماس.

 

[عصيد]

صباح معطر بعطور النساء؛ومرقق برقة الفتيات؛وزاخر بأزاهيج السعادة وروح الإخاء..سأضع لكم جزئي الثاني من قصة سارة والمكنسة..سيكون جزئي باللهجة السعودية
Part2
كانت سارة تدندن على أطلالها والعصافير تنسج معها الموسيقى والأشجار ترقص على أصواتهم..وخصلات شعرها تتراقص على أكتافها
سارة في نفسها:آآآآآآآآه إنني أشبه سندريلا في مصيرها إلا أنه ينقصني ثلاثة أشياء"هما حبيبي والفئران والكلب وأصبح سندريلا العرب أطلقت ضحكاتها حتى كاد
القط يوبخها بنظراته الحادة وكأنه يقول لاتضحكي لم تهتم سارة بمشاعر ذلك القط الذي أزعجته بل وقفت لترقص مع مكنستها شيئا فشيئا إنها تجيد الرقص
وتضع خطواتها على الرخام بكل ثبات ..أضلع ظهرها كانت تتقرعص معها ورسوم جسدها تظهر مظهرا لراقصة تدرب فتياتها وفجأة انتهى الحلم هكذا بدون إنذار بدون إستئذان
تحسرت على ذلك ...وعادت لواقعها الذي تعيشه مسكينة ياسارة
أم راشد:لمي شعرك لايتقصف من الهوا بسرعة يالله
سارة وهي تمسك بشعرهاأوامر ...أتمنى أن تعتقني)...حاضر يما
أم راشد:نظفتي الحمامات؟
سارة :إيه
أم راشد:والسطح والمطبخ اللي فوق؟
سارة وفرت عليها :كل اللي قلتيه سويته وقفلتهم بعد
أم راشد:زين زين
سارة:أروح يما ؟؟(تسألها وهي تريد الخلاص)
أم راشد:إيه روحي...
وتصعد الدرج وهي فرحانة إن أمها أعتقتها ودخلت مملكتها بل أرضها التي لم تصرح لأحد أن يدخلها فكما قلنا ممتلكات
ساصف لكم غرفتها حائطها كحلي اللون ممتزج سقفها بألوان البيج وكل مابغرفتها يمتلك اللون البيج ولون فراشهاسكري لامع يوجد بغرفتها سرير وتواليت
وبلكونة وكومدينو وكان على سريرها ستائر سكرية وطاولة وبجانبها كنبتان وطاولة الدراسة وخزانة ملابسها مع الحمام في غرفة داخلية وبداخل خزانتها صندوق الأسرار
سنتحدث عنه لاحقا...دخلت المسكينة ورمت بجسدها الواهن على سرير ها وأطلقت زفرات التعب والهوان ومتى إفراج من هذه القضبان
وانقلبت على بطنها:غرفتي اشتقت إليك تجعلينني أنسى العالم حين مرآك كم أشتاق إليك!!تقولها مبتسمة
ويفتح الباب بطريقة متعجرفة:سارررررررررة
وتفز سارة من مكانها:فجعتيني حسبتك أمي!!
سمر :هههههههههه محلى الفزة عليكي هههههههههههههه
سارة تضربها بالمخدة اللي بجنبها:ياهبلة ؟؟كم مرة أقولك لاعاد تفجعيني هاه؟؟
سمر تروح عند أختها وتجلس بجنبها: ههههههههه آسفة سامحيني والله أحب شكلك وإنتي مفجوعة خيال زي الصغار اللي سارقين حلاو ومايبون أمهم تشوفهم هههه
سارة:ياشين وصفك..ألحين ممكن أعرف ليش جايتني ؟؟
سمر وتنسدح على سرير أختها:والله ياحبيبتي مافي داعي أذكرك بموعدنا وتتأفف سارة زينتي أغراضك؟
سارة: لا مازينتها
سمر فزت:وش تحترين ياالخبلة ؟؟قومي لايسويلك أبوي سالفة
سارة وتنسدح:والله ماعاد فيني حيل إن كان بتسوين في أختك خير زينيلي إنتي أغراضي
سمر:أنــــــــــــــــــــــــــــــــــا؟؟
سارة:إيه إنتي ولاترفعين حسك إنتي بنت مب ولد خلي في شوية أنوثة !!وبعدين لعلمك أنا من يوم جيت وأنا أفرفر بهاالبيت انهد حيلي
سمر:مسكتك؟؟أما أنا أعطيتها طلقات تحذيرية قلتلها وخري عني أحسلك ..لايكون غسلتي السطح بلحالك؟؟
سارة:تخيلي !!
سمر فتحت عيونها:غسلتيه لحالك يالمجنونة؟؟
سارة :ياربي إنتي مين حاذفك علي؟؟
سمر:القدر ..ماعلينا ماباقي شي عالمغرب خليني أروح أزينلك الأغراض إنتي ألحين مرفوع عنك القلم...سويرة فديتك والله ماساعدتك
سارة:لاعادي تعودت آكلها لحالي ..روحي فديتك لاتضيعين الوقت قدامك شغل
سمر:الله يالضعيفة ..إنتي .ماكأن إحنا معها تراني معك في القفة مب طايحة إلا لما يطيح شعري من أمك
سارة :سمورة عيب هاذي ماما
سمر وهي رايحة غرفة ملابس سارة:إيه طيب..
سارة:بنت لاتحطيلي ملابس كشخة لأني ماراح أجلس بشتغل مع أمي
سمر تصيح من داخل:تكفين ألحين..مع أمي وين تشتغل أمك ؟طول الوقت وهي تهذر في خلق الله
سارة :بـــــــــــــــــــس يابنت .وتفك شعرها وترجع تنسدح
راشد يتحلى بالفكاهة والحنان والضحك اللامحدود بالرغم من أنه الأخ الأكبر هو خطيب للعنود وموعدهم بعد إنهاء دراستها يحب زوجته وهي أيضا يملك ألفاظا رائعة ومواقفا مع إخوته لاتنسى
ذهب للحمام وتوضأ استعدادا للمغرب وكان يلبس الفانيلة والسروال الرجالي وارتدى حذاءه المنزلي وبدأ يجول بين الغرف بادءا بسهيل وطرق الباب
ولم يسمع ردا كالعادة وفتحه ودخل:سهيل ...سهيل...وينه؟؟
سهيل كان متكئا في البانيو:نعم ..أنا هنا
راشد يميز من وين جاي الصوت :وينه هذا؟وينك تقول فار !
سهيل:أنا في الحمام
راشد:زين إنك صحيت يالله ماباقي إلا خمس دقايق عالصلاة خلص سريع منتظرك
سهيل :أووووووووووف جااااااااي طيب
راشد وهو طالع من غرفة سهيل مستغربا:هذا وش يسوي في الحمام؟؟أنا لازم أسأله مايستحي على وجهه
ودخل على غرفة عبيد:ولد ..عبود قم يالله صلاة عبود
عبيد كان نايم ومسوي رقم 8في نومته:...................
راشد ومسكه:إنت ماينفع معاك إلا أسلوووووووووب القوة انا أوريك ويمسكه من خاصرته ويسحبه وعالحمام
عبود مفجوع:إشفيه..راشد إشفيكم؟؟ليش شايلني؟؟
راشد وهو ماسكه :ليش شايلك ها؟؟هين أنا أوريك ؟
عبود ويلزق رجوله بالباب :والله العظيم واللي خلقني لأقوم إنت بس فكني ومالك إلا اللي يرضيك
راشد كاتم ضحكته من شكل عبود فلينته لنص ظهره وشعره طاير:زين والله عرفت أنا مابقعد أشيلك كل يوم عشان تصلي ثلاث دقايق وإنت تحت فاهم؟؟
عبود: حاضر فكني يالله(يخاف من أخوه لأنه يسويها)
راشد فكه وخرج من غرفته وهو يضحك شاف أبوه في الممر :هلا والله بسعيد شلونك يارجال؟؟
أبو راشد:ياهلا والله إنت شلونك وشلون العيال ؟
راشد: لالا الحمدلله كلهم بخير
أبوراشد: هاالعيال جاهزين للصلاة؟؟
راشد درى إن أبوه يبي يصرفه:هههههه إيه باقي طلال
أبو راشد:خله علي أنا بصحيه
وهو رايح يفتح الباب خرج لال وفزع أبوراشد :بسم الله علي
راشد وطلال ضحكوا على شكل أبوهم يوم حط إيده على صدره
أبوراشد استحى:بسم الله علي ثاني مرة طلع صوت قبل لاتفتح الباب
طلال وهو يضحك:ههههههههه يحليلك يايبا شطلع يعني ؟؟ههههههه
ونزلوا بس راشد راح يشوف أخوانه واستعجلهم وراح لخواته:لقي سمر تصلي ودخل عند سارة اللي يحبها:السلام عليكم سوير
سارة:هلا والله حبيبي شلونك؟؟
راشد:زين ياعمري
سارة:بغيت شي؟؟
راشد:الصلاة
سارة:فديتك حبيبي صليت من زمان..لاتشغل روحك فيني
راشد:شسوي الله امتحن قلبي هذا ويأشر عليه لاتنسون الأذكار
سارة مبتسمة:إن شاء الله على هالخشم
راشد مبتسم:سلم هالخشم وراعيه وراح بس سمع سمر تناديه ودخل عندها:إشفيكي ياسمر؟
سمر:تعال شوف أختك لاأكسر كراعينها تقول ماتبي تصلي؟؟
راشد أخذ نفس كل مرة ضرايب مع هالبنت:وينها؟
وأشرتله سمر فغرفة الملابس ودخل عندها:سحرورة ليش ماتبين تصلين وش قلنا البارح؟؟
اللي مايصلي وين الله بيحطه؟؟ردي
سحر منزلة راسها خايفة من أخوها:النار
راشد وينزل عندها :يوم إنك دراية إنك تروحين النار ورى ماتصلين؟؟ماتخافين من الله ياسحر؟؟
سحر:إلا بس اصبروا شوية!!
راشد بدى يحمر وجهه:على إيش نصبر؟؟وش تحترين؟؟المره تسمع الآذان تقوم تصلي وإنتي تأخرينها إلى العشا ترى تتعذبين وإحنا كلا نتفرج فيك تبين سمر تضحك عليك يوم القيامة
بعدين إنتي مب صغيرة يوم إنك تتفلسفين علي..أنا مابقعد كِل يوم اكرر هالكلام تراك طفشتيني
سحر: خلاص بقوم
راشد:يالله قومي
سحر:طيب روح
راشد:ماني برايح حتى أشوفك تصلين خلصيني
وتسمع سارة حسوسهم وكانت بتنزل وسمعت أخوانها وأبوها ينادونه وتروح لراشد:راشد روح أنا بجلس معها إلين ماتصلي
راشد:لاتخلينها حتى وتصلي ترى بسألك
سارة:لاتطمن لاتوصي حريص روح لاتروح عليك الصلاة
راشد:الله يهديك ياسحر قولي آمين
سارة :آمين
سحر ترفع نظرها:إنتي سحر؟
راشد يطلق ضحكة ساخرة:لاحوووووووووووول خليني أروح لايحوشني ضغط
وتضحك سارة على عقلية أختها ...جدتهم في غرفتها اللي تحت وخلصت صلاتها وهي على سجادتها وتمسك سبحتها
وتناجي معبودها وخالقها ومنجيها كان هذا دعاها(يالله يارب ياخالق السما والأرض..يامن تقول للشيء كن فيكون..يامن سخرت للخلق النعم وقدرت لهم المقادير..وفق أولادي وبارك فيهم واشرح صدورهم ويسر لهم أمورهم
وكن معهم ولاتكن عليهم وانصر لهم ولاتنصر عليهم..يامن تسمع دبيب النملة ..اجعل أولادي من الذاكرين والذاكرات اللهم سخر لهم أولادهم وسخر لهم زوجاتهم اللهم لاتمنع عنهم بذنوبهم فضلك ولاتسلبهم ستر إحسانك
اللهم اغفر لي ولهم ولسائر المسلمين والمسلمات الأحياءِمنهم والأموات إنك على كل شيء قدير وصلي اللهم وسلم على نبينا محمد وعلى آله وصحبه وسلم)
وتبدا في ترتيل أذكارها...أم راشد كانت تخرج الأغراض للخارج وكانت معاها سمر المغتاضة مما تحمل
سمر:ألحين أنا بسالك كل هذا ليش؟؟لاتقولينلي عشان أبوك الكبير تراني مليييييييت من هالسالفة
أم راشد:بنت انطمي بلى..جدتك لاتسمعك وبعدين هم عليهم ينظفون ويزينون الأكل والفرش
وقطعتها سمر:لابالله ماجبتيها مايسويها إلا أنا وسارة المسكينة بمكنستها صارت معروفة
أم راشد:شسوي طيب ؟أبوك يقول نظفوا تدرين إنه مايحب ريحة الخدامات
سمر مقهورة من رد أمها وقامت تكمل معاها:إيه صح والخدامات مامن وراهم إلا الغثا وإنتم لازم تتعلمون عشان لما أنلعن في بيت الزوجية كرهتوني في بيت الزوجية لعله مايجي
أم راشد عصبت وضربتها على كتفها:الله لايعطيك عافية من بنت تدعين على نفسك بالعنوسة يالكلبة مو كفاية أختك اللي مرمية عندي
سمر:والله موبإيدها ياعيني مو هي اللي قالتله موت هو اللي قاصر عمر ولا له الشرف إنه يحصل مثل سارة
أم راشد:الله ياخذك اسكتي فضحتينا ..أنادي سارة إنتي ماتسوين الشغلة إلا بفضيحة انقلعي من وجهي انقلعي أقولك
سمر:ياحليلها هالسارة لاتنادينها أنا بنطم وأساعدك وخلي البنت مو كفاية خليتيها تشطف السطح لحالها ياويلك يايما من الله تراها بنتك أذكرك بس
أم راشد:قليلة الأدب
سمر في نفسها(احلفي بس):استغفرك ياربي وأتوب إليك وتساعد أمها
ويجون من المسجد ويبدو يطلعون الأغراض ويدخلونها السيارة والكل لبس وتجهز وراشد أخذ معاه سحر وسهيل وعبيد
وسمر وسارة وطلال في سيارته وأمهم وأبوهم وجدتهم في سيارة وبقيت الخدامة حقت أم سعيد اللي ماتحب تفارقها والعيال احتشروا كل واحد حالف مايركبها معاه لأن أبوهم من يوم هم صغار مكرههم في الخدامات معتمدين على خواتهم وأمهم
أم سعيد زعلت وراح أبو راشد يرميها في حلق ولده طلال اللي عصب وهدته سارة وركبت معاهم وهي ولاهي هنا مو فاهمة أو فاهمة بس مطنشة...
أبو راشد كاتم ضحكته على شكل عياله وهم يحذفون بالشغالة:يما لايكون زعلانة؟؟
أم سعيد:والله إنكم معقدين تراها بشر مخلوقة من تراب وراكم تتقرفون منها كأن فيها جرب !!تراني أقولها تتسبح في اليوم مرتين
أم راشد متشرهة على زوجها وعيالها:يابعد عمري يايما ماعليك منهم تراهم إلا يبون يمزحون معك والله مايبون يزعلونك يما لاتزعلين فديتك
أم سعيد:هذا مب مزح يابنيتي..
أم راشد:حقك علي يايما امسحيها فوجهي وإن ماطاب خاطرك أنا أخليهم يعتذرون لك لما نوصل
وسكتت أم سعيد يعني تبيهم يعتذرونلها...
طلال مو عارف يتكلم منها وسمر تضحك عليه :طلول وراك محتشر كأنك تبي الحمام
طلال ضاغط عالسكان ويتكلم وهو صاك على أسنانه:سوير قوليلها تنطم لأرميها هي والعنز اللي ورى
سارة :ههههههه سمورة بس ياقلبي...
سمر:تراها ماتعدي حتى شوف سلنتي كيف حالك وتمد إيدها لها ويتصافحون
وسارة تضحك ومعاها سمر وسلنتي فاكة ضروسها ماتدري وش السالفة
طلال يقبض حواجبه:لاء لااااااااء قوليلها تسكر فمها يااللللللللله أنا أشيل هالأشكال
سارة :استغفر الله العلي العظيم
سمر:ههههههههههههههههه
سارة:طلال الرسول صلى الله عليه سلم يقوللافرق بين عربي وأعجمي إلا بالتقوى)
طلال :صلى الله عليه وسلم ماأقدر ياسارة ماأقدر الله يسامحك يايبا آآآآآآآآآآخ..ياحسافة عليك ياطلال
سمر:سلنتي سومطرا حلوة؟؟وتسولف معها
نجي سيارة راشد
راشد كان يتكلم مع عبيد وسهيل يسمع قرقطة:راشد اسكت فيه صوت خشخشة
عبيد :وين وين؟؟
راشد:شوف المحترق ذا؟؟أنا الله بلاني بكم والله وين سامع هالخشخشة؟؟
سهيل ويدور عند رجليه ومايلاقي شي ويلف ورى ويلاقيها سحر اللي قاعدة تدخل إيدها فالكيس وتسحب وتاكل
سهيل وكأنه لقي شي ثمين:هاااااااااااااااااااااااااااااااااااا لقيته ياراشد وياخذه من أخته اللي تصيح وكان كاكاوات وحلويات:ههههههههههه وناسة والله يابنت سعيد ها
راشد يضحك ويشوف الكيس ويشوف سواقته:الله ياسحر كل هذا بتاكلينه؟!
عبيد:الله جالكسي عطني ياسهيل
سهيل:خذ هالسايح خخخخخخخخخخ
عبيد:من وين اشتريتيها مارحتلك البقالة أنا
سحر مكشرة ورفعت رجل على رجل:من صديقتي ..وماطلبت في كيسها لأنها عارفة إنها مابتاخذه
سهيل شكله كأنه ماقد شاف حلويات حطها على حجره وقاعد ياكل:رشود تبي ؟؟
راشد:لالاماأبي
سهيل:عبيد يخاف يحوشه تسوس(قصده على راشد)
عبيد:وتهون حرمته عن العرس ....ويضحكون الاثنين وراشد يهز راسه
سحر:ألحين أنا أبي كيسي رجعوه
راشد عرف من نبرة صوت أخته إنها بتبكي:عطها ياسهيل
سهيل:حااااااااضر أخوي أنا أعطيها ألحين ويكب كل اللي فالكيس ويعطيها هاخذي انفخي فيه
عبودي خذ حلاوة إنت مادلعناك كفاية خذ ياحبيبي خذ ياقلبي(كان يتكلم زي الأمهات اللي تدلع عيالها)
وتبكي سحر:راشد شوف رجعلي إياه فاضي واااااااااااااااااااااااااااااااااااااااااااا ....وااااااااااااااااااااااا
عبيد: ..تراها تبكي ياسهيل
سهيل:ماعليك منها عبود كل كل بس لاتتحسس مشاعرك يحوشك حمى الضمير
راشد:بكبرك هذا تعاندها ؟؟ماتستحي على وجهك؟؟
سهيل وهو يمص الحلاوة ويفتح بعد شوكولاتة :شسويت ؟؟وبعدين أنا مو كبير مرة (كان يمثل بيدينه)
أنا عمري بس 4 وزد أصبعين (يعني 24)
راشد:الكلام معاك ضايع..سحر حبيبتي ألحين نروح سوبر ماركت عى طريقنا وأنزلك واشتري اللي تبين
سهيل :لاماتشتريلها...ترى ويطالع في سحر:هاسحر أعلــــــــــــــــــــــــم؟؟
راشد: إشفيه؟
سهيل:عبيد فتن لأخوك فتن...
عبيد:ترى سحر ماقالت أذكار المساء ...وكذبت عليك
راشد:حتى لو ماقالتها بتقولها ألحين وتشتري اللي في خاطرها صح ياسحر؟
سحر من بين دموعها :صح
سهيل ويحط إيديه على عيونه:لالالالالالالا مايسير هي ماقالتها فالمنزل هذا ظلم في حق البشرية
راشد يضحك عليهم ويرن جواله :هلا أبوي وعليكم السلام ورحمة الله وبركاته
راشد:والله مدري ماقالي ليه هو مو ورانا؟؟
راشد:ماعليك ألحين أشوفه إنت تيسر..ويقفلون
سهيل:إشفيه ابوي؟؟
راشد:طلال مو ورانا
ويلف هو وعبيد:وينه؟؟
عبيد:لايكون صارلهم شي؟؟
سهيل :ولد لاتتفاول عليهم الله يستر اتصل عليه طيب
راشد:أبويه يقول مغلق
سهيل:الله يستر
راشد:يمكن وقفوا عندهم شي ..يالله الله معاهم سحر يالله قولي معي
سحر:يالله
ياترى أين ذهب طلال ؟؟
وهل ستظل والدتهم هكذا سليطة اللسان
لجزء آخر ..للقاء آخر ...لكم مودتي
لقد عدلته قليلا

 

[@همسة حنين@]

متـــــــــــــــــــــــــابعة..

 

[عصيد]

Part3
طلال وهو يحاسب :مشكوووووووور أخوي يعطيك ألف عافية
وياخذ الأغراض ويطلع ويركب السيارة ويعطي سارة الأكياس: لعلكم اللي ماني بقايل كل ذا بتاكلونه؟؟
سمر:صل عالنبي..أحسلك!!:icon28:
طلال:عليه الصلاة والسلام هههههه بس والله كثير:bigsmile:
سارة:طلال كم الحساب؟؟
طلال:لالا لاتحاسبيني ترى مابيها ألحين لما تنقصني فلوس طلبت حقي تراني مب ساكت..
سمر: حليلها أختي متأملة فيك خير..
طلال:خليني أسمعكم شريط القصايد اللي جبته يالله استعدوا
سمر نقزت :clap::مين مين اللي بيقصد؟؟
طلال وهو يرفع بحواجبه:مخلط من الشعرا نتي اطربي آذانك ...سويرة ترى فيه حبايبك !
سارة:والله أحس أمي بجنبي ..
ويضحكون سمر وطلال:nosweat::nosweat::nosweat:
ووصلوا راشد وسيارة أبوه المزرعة وشويه وصلت سيارة عمهم
أبو عادل..أم عادل
وعيالهم
عادل وتركي وعبيروأمل
والسيارةالثالثة
أبو سعد ...أم سعد
سعد...منال ...منار..ملاك
والسيارة الرابعة
أخو أم راشد وأم سعد...مو متزوج(25)
وهو جاي لحاله...فيصل
وآخر سيارة كانت سيارة طلال
المهم قعدوا يرتبون الأغراض وحالتهم حالة..
عادل عمره 29 مطلق حرمته بسبب خلافات حرمته ماتكتم السر(بس هذا مو معناته بياخذ سارة هههههه:msn-winkهو مهندس
تركي 26 موظف وعبير 24 في الجامعة المفروض تكون متخرجة بس الشاطرة ترسب وأمل 19 سنة
سعد عمره 23 سنة ومنال 20سنة وريحت الأخت كم سنة وبعدها خلفت ويابت منار 14سنة وملاك 9 سنوات
راحوا الرجال في الجهة الثانية والحريم في الجهة الأخرى اللي كان فيها مسبح وحديقة كبيرة والفيلا والمراجيح والألعاب الثانية إذا خاطركم تشوفونها اضغطوا على هالرابط
http://www.uaeec.com/vb/attachments/f35/3502d1200069359-swing-15-_small.jpg
والشواية ..أم سعيد قالتلهم ماتبي داخل وخلتهم يفرشون فرشة وجلسوا كلهم عليها إلا البرنسيسات
منال وعبير ومنار أخذوا كراسي وجلسوا عليها أونه رجولنا لاتسمر ..
أم سعيد:icon28::وين بشكارتي ياسمر؟
سمر جاية ومعاها الترامس :في المطبخ ألحين جاية وتجلس
أم راشد وتجي ومعاها الأغراض:غريبة جيتم بعدنا !العادة قبلنا توصلون
أم عادل:العيال مابغوا يطلعون تدرين رجعوا من المدارس وناموا وتأخروا فالقومة حتى أبو عادل زعق علينا
أم سعيد:إلا بناتك خايبات الوحدة تمشي مايعة
سمر:biggrin: ضحكت:هههههههه استغفر الله
أم راشد دقتها على فخذها بدون محد يلاحظ والبنات يالعون فسمر ويناظرونها بنظرات وماضلوا إنهم يردون على جدتهم بتسكتهم كالعادة وتحرجهم
أم سعد هاذي طيبة ويوم شافت الجو مشحون:وحشتوني والله طول الوقت وأنا أقول متى نلتقي ؟؟شلونكم وشلون أخباركم ؟؟إلا وين سارة هالبنت توحشني بشكل مو طبيعي
أم راشد: ترتب الأغراض
أم سعيد: حليلها هالبنية روحول ساعدوها ..بدال هالقعدة مع الحريم
أم سعد:بروح أساعدها ..بنات محد بيجي معايا؟؟
أم سعيد: لاخلي البنات يروحون
أم سعد:لايما البنت واحشتني بروح أسلم عليها
منال في إذن عبير:شوفي أمي كيف تقهرني :sly:هيا ذحين إش تبغى تسلم عليها؟
عبير:icon28::هه مسوية الأخت سارة رزينة وعاقلة وحشيم وإحنا السفلة
أم سعد تكلم بناتها:تعالوا نرتب مع سارة الأغراض يالله قوموا خلصوني
ويقومون بتملل وسمر تتشفى فيهم بنظراتها اللي تحرقهم ويبدون يسولفون الحريم تعرفونها المعتادة
سارة تسولف مع سلنتي :no::لييييييييييييش تودينها كان قلتيلي وتتصل على أخوها طلال
طلال قاعد مع الشباب ويرن جواله:هلا والله..وليش تجيبونها دام ماخلصت؟؟ لحظة لحظة شايف الصحن مع عبيد ويأشر لأخوه يوقف ويروحله :عبيد رجع الصينية سارة تقول تبغى تزينها روح رجعها
عبيد ويعود أدراجه: حاضر
أم سعد:سارة شلونك وتسلم عليها ويسلمون البنات عليها يصافحونها بقرف
سارة تسلم وعادي عندها مايهمها:شلونك ياخالة ؟وش أخبار المعهد (خالتها تدرس فمعهد كمبيوتر)
أم سعد: زينة والله وحشتوني توني أقوله لهم
سارة:وحشتك العافية ياربي
أم سعد:وش تسوين ؟؟
سارة:أرتب الأغراض أصلا خلصت بس أزين للرجال قهوتهم ويسمعون الباب الثاني من جهة الرجال ينطق وتفتح سارة:عبيد تتسلم هات وتاخذ الصحن سلم على خالة
عبيد ويسلم على خالته:هلا بعبودي شلونك حبيبي ؟؟
عبيد مستحي من كلمة حبيبي:blushing::زين الحمد لله
أم سعد:وش أخبار الدراسة؟؟
عبيد:زينة ... ويروح
عند الشباب
قاعدين في فرشة ثانية
عادل ومتكي عالتكاية:والله عندي نووووووم مانمت زين
سهيل:وش نومه يالبرميل اليوم لاحد قولي نوم ترى حدي طفشان
عادل:والله لو سويتلي اليوم شي لأوريك
سعد:biggrin::ههههههههه تحفة وإنت عريان
راشد:هههههه المرة ذي صوروه
طلال وهو يشرب قهوة:والله لو حد شاف صدرك انحاش
الشباب::biggrin::biggrin::biggrin:هههههههههههههههههه
راشد:icon28::أقول ياعيون البوم اتقي شري لأتوطى فبطنك
تركي:فديتهم اللي عيونهم بوم...وشفيهم؟
طلال:إحم ..إحم حتى أخوك تبرى منك
راشد:أخوي بايع عمره أخاف بكرة يبيع سرواله
راشد:ههههههههههههه خل الولد فحاله جاي تتشطر عليه
عبيد وهو ياكل : يالتاكسي خذني معاك يالتاكسي
سهيل ويدق عالخفيف على ترمس القهوة:عاشو يالله عبيد
عادل:اسكت إنت وياه لايقوم عليكم الشيبة
تركي:إسمعوا عاد ترى أنا اليوم مزاجي سامري عاد الدعوة مفتوحة
جا خالهم فيصل وجلس معاهم:هاسمعت سامري
طلال:ياقواة سمعك!!
فيصل:بسم الله على إذني قل ماشا الله
تركي ويأشر بإيده :مايعينون عيال عمي فديتهم
راشد:إي والله صادق تركي العين عندك يافيصل
طلال:والله يوم رحنا مع خوينا وركب هالأخ (يقصد فيصل)أعطى المكيف عين ..اخترب والله
عادل:ههههههههه الله يخسك
سهيل:حرام يافيصل ترى الله بيحاسبك
فيصل:وشو إلا مكيف اخترب
راشد:شف!ويعترف يامال الفقر
فيصل بارد:وشفيكم هابين علي؟؟
عادل:أخذت دوري أما انا..تلقى وعدك
عبيد:شباب متى أحضر الجلسة ؟؟
عادل:خلوها بكرة ..تكفون
سهيل:لاء لاء لاء اليوم الجمعة مافيه بنصبح على جمعة
طلال:icon30::هذا الكلام ..خلاص عبيد أنا وإنت نحضرها الساعة 12
راشد:خلاص تم
عادل:يالله عاد خلوها بكرة
فيصل:لاخلوها اليوم..إنت لاتقعد تحشرنا عندك نوم روح نام وبنصحيك 12
تركي:ليش مانمت أول ماجيت من الشغل؟؟
عادل:ماقدرت عندي تصاميم بسلمها السبت وفيه مصري ناشبلي فحلقي ودي أخنقه
فيصل :والله من يومين اتضاربت مع واحد ..صب قهوة ياطلال
وكلهم انتبهوله:a144:
فيصل:بسم الله إشفيكم تبحلقون فيني
عادل:إههه بدوان معصبين ..
سهيل:قول يالله
فيصل وياخذ الفنجان:كنت ماشي بالسيارة إلا ويسقط علي واحد والله وأقوم ألحقه من طري المدينة إلين بني مالك واخش عليه وانزل عليه وافتح باب سيارته ومافي إلا دبغ
:a049: :a043:
والله قهرني أدقله بوري مايرد علي وياشر علي كأني أنا الغلطان والله قهرني
عبيد:بس دبغته
سهيل:يقطعهم هم وسواقتهم ..والله مايكرهني فالسواقة إلا هالأشكال
عادل نام..ويأشر طلال عليه:نام ..البؤساء خذله صورة تكفى بسرعة
راشد يطلع جواله ويصوره
فيصل يصحيه :عادل ويمسك شعره عادل قم خلك تروح غرفتك يالله
ويقوم عادل ويشوفه أبوه واعمامه :هابتروح تنام؟؟
عادل ويرجع شعره ورى:إي والله بنام ماأقدر أفتح عيني
أبو عادل:تنحنح قبل لاتدخل
عادل:إن شاالله يالله عن إذنكم
سهيل:مؤدب وحليله..
تركي:ماتشوفه مطلق حرمته ويضحكون ويطالع فيهم بنظرة والله لأوريكم
فيصل:ياخي تضغطون عالجرح في أوقات ..
طلال :ماعليك منه مايزعل
راشد:لاصادق فيصل إلا ماتجي السيرة فباله وهو يبي ينسى
تركي ويهز راسه:لاوالله ماعاد يتذكر إلا ينفخ فهالدخان
سهيل:وين سعد؟؟
طلال:قالي بيروح يكلم خويه
وتدخل جدتهم
عبيد:إلحقوا جت عمود البيت
سهيل:تراها زعلانة منك ياطلال
طلال:أدري أمي قالت تعالوا اعتذروا منها..بعدين مو ألحين
فيصل مبتسم:وش سويتولها؟؟
راشد يعلمه السالفة
عند البنات
عبير ومنال ومنار يتفرجون في مهند ونور في الصالة اللي تحت
سحر وسمر وأمل وسارة فوق في غرفتهم يسوون السرير
أمل :ألحين وش أسوي معها؟؟
سمر متفاعلة معها:ماعليكي منها ..إنتي الغلطانة تعطينها دفاترك والله لو أنا منك لأنتف شعرها
سارة :الله ..سمر لاتخلين البنت تفصل من مدرستها؟؟
سمر:سوير وخري عني فكرك المرتجع
سحر تضحك وسارة تبتسم:عجبتك ياسحر؟؟
أمل:قولتك لو كفختها بتتأدب؟؟
سمر:إيه كفخيها ولاعليك منها هالخايسة وش قلتيلي اسمها؟؟
أمل:رؤى
سمر: ياجعل ربي لايوريها منظر حسن
سارة:استغفر الله ياسمر!!
وسحر وأمل يضحكون
سمر: أجل تسرق محاضراتها وتشققها عشان قالتلها ماعندي هي حرة كيفها ماتبي تعطيها صدق قليلة حيا !كفخيها ياامل
سارة:أمل لاتتهورين ترى الكلية مو مثل الجامعة ترى بيعطونك فصل
سمر:ماعليك اخلي ابوي يرجعك
أمل:بفكر واقولكم وش بسوي فيها والله تعبت وأنا أصور فالمكاتب انهلكت حتى تركي هزأني وانا مااحب اعلم أهلي باللي يصيرلي بس يوم علمت عبير فالكلية طنشتني
سمر:الله لايخليكي يجيني استفراغ من اسم أختك لعلها الماحي اللي يمحاها
سارة:فكونا من هالسالفة ..تكلموا فشي ثاني
سحر:انا أعلمكم شي فيه بنت تحب أمي واعطتني هدية أعطيها بس انا ماعطيتها لأمي
سمر وتفتح عيونها: وينهاهههههههههه مااصدق فيه أحد يعجب بأمي
سارة تبتسم:وينها معاكي؟؟
سحر:إيه معايا
أمل:ياويلك منها والله لتذبحك
سارة تضحك
سمر:لاويش تذبحها وين راحت جمعية حقوق الإنسان
ويضحكون
عادل سلم عليهم الحريم وخلوه يجلس معاهم بس جاملهم وقال بيروح ينام ويدخل ويشوف مهند ونور فوضعية مش اوكيه ويشوف ثلاثة رووس بس مايعرف مين ؟؟ويتنحنح وتقفل عبير التلفزيون وتتغطى منال وعادل وهو يدخل ومر من جنبهم وكان طالع من الدرج ونادى عبير وعبير قلبها يطربقوراحت وراه فوق ويوقف عادل وعبير تطلع خايفة منه
عادل بتحذير:تعالي هنا ..
عبير وتقرب عنده :جيت
عادل بتهديد ويمسك إذنها ويتكلم بشويش:أنا وش قلت؟؟ماقلت لاعاد تتفرجينلي مسلسلات مدبلجة؟أقسم بالله لو شفتك تتفرجين هالفاصخ والله لأدفن راسك فالتراب فهمتي ويضغط على إذنها؟؟
عبير حمر وجهها :فهمت ويفكها عادل وتنزل ودموعها على وجهها وتمسكها منال ومنار
خلوني أوصفلكم الممر اللي فوق على إيدكم اليمين فيه باب افتحوه يطلعلكم غرف البنات مسوين على عددهم وبعدين فيه صالة ومطبخ تحضيري مفتوح عالصالة وفيها تلفزيون وطاولة طعام صغيرة فالمطبخ وعلى إيدكم اليسار فيه باب غرف الشباب مع الحمامات طبعا أعزكم الله
عادل معصب من أخته ويروح يفتح الثلاجة وياخذله موية وسمر خارجة من غرفتهم :طيب بجيبه وأطلعه فوق مابنسى وكانت لابسة جلابية على جسمها لونها عشبي ورافعة شعرها فوق بشباصة بيضا وتناقز فالدرج وتخرج سارة وبصوت مرفوع:سمور لاتنسين شنطتي نسيتها تحت..وانتبهت لواحد جالس وتحط إيدها على فمها وتدخل بسرعة وتجي صورة أمها في بالها وتغمض وتدخل
عادل ومبقق عينه في الأشكال اللي شافها وراح غرفته بسرعة
سمر تحت وهي تاخذ الأغراض لمحت عبير دموعها على وجهها ودخلت أم راشد وتسحب بنتها:سمر عادل ولد عمك طلع بينام فينك إنتي وخواتك ؟؟
سمر:فوق يايما
أم راشد:قولي لسارة تنزل بسرعة تحت هي وسحر ولاتطلعون فوق بسرعة سيبي اللي فإيدك وسوي اللي قلتلك عليه قوام يالله
سمر :لاحووووووووووووول طيب وتروح تطلع فوق وأم راشد عند الدرج تنتظرهم وتطالع فعبير وتسالها:إشبك ياماما تبكين؟؟
عبير:بطني يعورني ياخالة
أم راشد:اسويلك حاجة تشربيها,,ولااديكي دوا؟؟
عبير:تسلمين ياخالة ماأبغى
وسكتت أم راشد عنها تنتظر بناتها بتاخذهم معاها بره وينزلون وتحوطهم بيدها وتاخذهم معاها
سارة: يما انتظري باخذ شنطتي من المطبخ
أم راشد:يالله بسرعة مخليتها في المطبخ؟؟
سارة:نسيتها مع الشغل وتاخذها وتروح معاها
أم راشد وقفت:بنات تعالوا لاتجلسوا هنا لحالكم تعالوا سولفوا معانا
عبير:لاحقينكم
وتقوم منار من عند منال وعبير وتروح معاهم
وجلسوا معاهم
أم سعد:وين بنتي ملاك؟؟منار روحي شوفي وين أختك؟؟
منار:إفففففففففف
أم راشد تعطي نظرة لمنار:سارة قومي ياماما شوفي فينها ملاك
سارة:حاضر..وتروح تدور عليها وماتلاقيها لافي الحديقة ولافي المسبح وتروح تلف راجعة بس تسمع صوت خفيييييييييف
........:أي يعوووور
......:خلاص ألحين بنخلص
وسارة تحط إيدها على فمها....
وانتهى البارت الثالث​

 

[عصيد]

سامحوني فيه شوية أغلاط...إن شاء الله انتبه بس كله من الإتصال..

 

[عصيد]

تسلمين بالانتظــــــــــــار ..لها الدرجة مايطيقو الشغالة والله حزنت عليها ..ام ســـــارة احس انها قوية مرة ..وقاسية ..مسكينة ســـارة..فعلا هذا حال الاغلبية من المطلقات والارامل..يعانون الاضطهاد والقسوة ..اكملي متــــــابعة بحماس.

لها سبب ياهمسة ...تسلميلي على المتابعة
مع البارتات الجاية راح يتبينلك السبب
أشكرك

 

[@همسة حنين@]

يالله الجزئية ذي حمستني لا تطولين ..شدتني اتوقـــــــــع ان ســــــــارةحطت فبالها انهم يسوون شي مو بزين دامها اخترعت..وانتي تقولي ان ام سارة لها اسبابها ..معقولة ســـــارة كانت على علاقة باللي خذته..مجرد تخمينات..ننتظر.

 

[@همسة حنين@]

متـــــــــــــــــــــــــــابعة وينك ياعصيــــــــد عسى المانع خير ابي اعرف حمستيني .

 

[ملاك11]

متابعينج بس احب الشخصيه الطيبه والقويه مو الضعيفه مثل ساره وبدليل حتى امها جاسيه عليها

 

[عصيد]

أهلا بك ملاك...الشخصية الطيبة التي يكتسيها قوة هي بالفعل رائعة
لكن مارأيك بضعف من بعدها قوة؟؟
البارت الرابع سأضعه الليلة مساءا

 

[@همسة حنين@]

وينك عسى ماشر..تأخرتي:sadwalk:

 

[عصيد]

Part4
كان يستلقي على ظهره وبينما يجهز نفسه للنوم..استوقفته عدة صور طبعت على فكره!!بل قلبه الذي لازال موصدا بقفل من حديد..وفجأة تتكرر الصور على مرأى منه
لايستطيع النسيان ..الثوب الأخضر يتكرر عليه ..العيون..الشعر..الصوت ووقف عند صوتها يتذكر شلون كانت تتكلم..وفجأة جلس وتربع
عادل وهو ماسك راسه:لا!مابي أفكر فأحد!يكفِّي اللي جرالي من بسمة لالا خلاص إنت ياعادل مابتتزوج طلعها من بالك
ونسي أنه صعد للنوم وظل يطرد صورة خضراء اللون مشرقة ...أعانك الله ياعادل
......................................................
سارة وقفت عند كوخ الدجاج..تأكد لها بأن الصوت الذي سمعته كان صادرا من ابنة خالتها لكنها أرادت التأكد وأنزلت بجسدها خلف الكوخ لتراهم عن كثب وبفترة ليست بالطويلة ظهرت ابنة خالتها ملاك التي تبلغ من العمر تسع سنوات ..كانت تعيد كل شيء لمكانه الصحيح أصلحت ملابسها وكانت تمشي وهي لاتشكي شيئا بل مرتاحة ,,لكن لها نظرة داخل العين مختبئة خلف أسورة سعيدة زائفة
وخرج هو خلفها وكان معه الهاتف الخلوي وكان يقلبه بين يديه ..وكل ذلك على مرأى من سارة التي تضع يدها على فمها وامتلأ جسدها عرقا من الخوف ونبضات قلبها تتسارع واضعة يداها على صدرها خوفا أن تخرج تلك النبضات من قوة الضربات وبعدما رأت مايصيب عقلها بالجنون أرخت جسدها على الأرض تحاول جمع أنفاسها التي تلاشت من المنظر وظلت على ذلك النحو
كانوا يجلسون في حلقة كبيرة وكانوا يتحدثون بشتى المواضيع حتى المواضيع التي لاشأن لهم بها تحدثوا عنها ...وأتت ملاك
أم سعد:وين كنتي؟؟
ملاك باصطناع واضح:كنت ألعب ..ليش تبين مني شي؟؟
أم سعد:لا.بس العبي هنا قريب لاتبعدين الدنيا ليل..
أم عادل تحب ملاك:ملوكة تعالي حبيبتي جنبي قوليلي شلون المدرسة؟؟
أم راشد حينما رأت ملاك وحيدة استغربت من عدم إتيان سارة معها فسألتها:ملاك حبيبتي شفتي سارة؟؟
ملاك:لاماشفتها..ليش هي وينها؟؟
سحر:راحت تدور عليكي
ملاك بداخل قلبها:يوووووووه لايكون شافتنا ياربي وألحين شسوي ؟؟لايكون بتقول لأمي ؟؟وظلت خائفة من تلك الإنسانة
أم راشد قامت تجيب سارة وتشوفها أم سعد التي تحفظ أختها عن ظهر قلب :رفيعة وين رايحة؟؟
أم راشد:أشوف وين سارة..تعرفين أخاف عليهم من هالإستراحة كبيرة وتخوف
أم عادل بازدراء:اجلسي بس ..والله وكأن سارة صغيرة تعرف تدبر عمرها تلاقينها راحت الحمام ولاتصلي
أم راشد: ماعليه أنا عندي ماهي كبيرة...سمر ..روحي ياقلبي شوفي أختك سارة وينها
سمر كانت تتكلم مع أمل وسحر: حاضر ألحين رايحة تعالوا معايا بنات (سحر وأمل)
وراحوا يدورون عليها ....
أبوعادل:الله يصلحهم هالعيال ..ألحين وش استفاد يوم قتل خويه ؟؟
أبو راشد:هذا اللي نقوله العصبية مالها داعي والزعل على أي شي مايأكل عيش
تركي:والله حزني يوم جت سيارة الشرطة تاخذه من المدرسة ويوم حطوله الكلبشات فإيده ويوم سألتهم قالولي بنوديه الأحداث
سهيل:كيف كان شكله يوم أخذوه؟؟
تركي:يحزن والله كان منزل راسه باين عليه ندماااااااان
أبو سعد:إنا لله وإنا إليه راجعون
طلال:محد يبي مناديل أشوفكم بتبكون
ضحك أبوسعد وسهيل وعبيد وسعد
أبوعادل:أقول خل عنك الهبالة..خلي شوية ملح فوجهك
أبو سعد :قريتم المؤشرات ياراشد؟؟
تركي بصوت منخفض:ههههههه تتميلح وأعطوك
ويضحك عبيد وسعد
راشد: قريتها اليوم لو تمت على ماهي عليه ليوم السبت زين والله نرجع شوية من اللي خسرنا.....ويرن جواله
أبوراشد:إي والله راحت فلوسنا زين خرجت الباقي قبل لايروح...
أبو عادل:وش لكم بعوار الراس مايكفيكم الراتب اللي تاخذونه ؟؟
وضحكوا كلهم هو أبوعادل شوية كبير في سنه...
أبوسعد:هههههه إلا يكفي والحمد لله بس تدري ياأبوعادل ورانا عمار ومستقبل هالعيال لازم نساعدهم
أبوعادل:محد ساعدنا إلا هذيلا جيل الدلع..ماتذكرون يوم كنا نبني مع أبوي البيت؟؟
تركي:ههههههه بدت السالفة يالله استلموا
أبوعادل:إشفيك ياولد تضحك؟؟إيه كنا نساعد أبونا والله ماكان عندنا اللي نلبسه
تركي:إيه صح وتاكلون الرز بسوسه وكنتم تنامون جواعه والله أيامكم فقر
ضحكوا الشباب....وأبوسعد:هههههههه تذكر يوم كنا نرعى الغنم ياابوعادل؟؟
وأبوراشد دخل معاهم فهالذكريات ...
أبوعادل:جوال من هذا اللي صدعنا ؟؟
طلال مبتسم:هذا راشد الله يهديه..راشد ياترد عالجوال ياتقفله ..
تركي:أرد أنا؟؟
أبوسعد فهم السالفة إنها خطيبة راشد :هههههه الله يعينك!!!
راشد يطالع فعمه ويبتسم ويقوم:عن إذنكم
أبوعادل:حاكيه هنا وشعنه قايم عنا؟؟تبي تختلي لحالك يعني؟؟
ويضحكون عليه...
راشد مفتشل:لاوالله بس عشان أسمع زين
أبوعادل:مابنحكي بنسكت اقعد والله ماتقوم
طلال:ياهي ورطة ههههههههه
عبيد:عمي هذا صاحبه سمعه ثقيل لازم يصيح راشد وهو يخاف يزعجكم
أبو راشد يهز راسه وهو مبتسم..:أقول ياأبوعادل متى العشا؟؟
أبوعادل:اصبر الله يهديك بس أقول ياراشد اجلس إحنا بنسكت إي والله
راشد:ههههه..لا لا سكت خلاص
أبوعادل:طيب وين رايح؟؟
تركي :خلاص لزق أبوي...ههههههه
سهيل:يوووووووووه ماعلى الله شرهة يوم طلق عادل حرمته..
ويضحكون الشباب
أبوعادل:وش قلت يالهيس؟؟
أبوسعد:ماقال شي ..يقول إنما الدنيا تؤخذ غلابا
ويضحكون كلهم وأبوعادل مو فاهم....استغل ضحكهم راشد وراح بسرعة في مكان هادي ويتصل على العنود وماترد
راشد:إخس بتربيني...هين ويرسلها رسالة::بتردين ولاأقفله قفل عام؟؟
ويتصل عليها وبعد خمس رنات ردت:نعم؟؟
راشد مبتسم:الناس شتسوي أول ماترد؟؟أنا كم مرة أعلمك؟؟
العنود:السلام عليكم
راشد:حتى فسلامها بخيلة..وعليكم السلام ورحمة الله وبركاته...أخبارك ؟؟
العنود بزعل:زينة
راشد:مو زعلانة؟؟
العنود:إنت شرايك؟؟
راشد:مو زعلانة...
العنود تتريق:يالله شلون عرفت؟؟
راشد:هههههه يالله عاد بلا دلع زايد...أنا كنت وسط أهلي شلون أرد عليكي ؟؟
العنود:.........
راشد:ألو ...عنود ...ألو
العنود:نعم..
راشد:حرام عليكي اشفعيلي والله كنت بتفشل صدق اليوم ..عمي إلا وأرد عليكي قدامه ههههه شكلي كان بيصير تحفة ...عنودي يالله عاد والله مو قصدي أسفهبك
العنود:فيه اختراع يسمونه رسايل...مو تخليني أدقدق عليك خوفتني حسبت فيك شي؟؟
راشد:بسم الله علي..وتأففت العنود وضحك راشد
العنود:لاتخليني أسوي شي مايعجبك!!
راشد:إخس والله ونهدد بعد وش شاربة قبل لاتكلميني مشروب الطاقة ؟؟هههههههه
العنود محروقة من بروده:راششششششششششد حرام عليك!!
راشد:تأخرتي متى بتجين؟؟
العنود استغربت:وين أجي؟؟
راشد انصعق:وين تجييييييين؟؟إحنا مااتفقنا تجين الإستراحة؟؟
العنود خافت:أنا قلتلك أمي مابترضى ...
راشد:وش ترضاله...العنود أحسلك لاتخليني أطبق كلامي ترى والله لأسويها ...
العنود:أنا كلمتها وقالتلي مافيه بنت تروح مع خطيبها في بيت واحد
راشد وماسك ثوبه:لاتخليني أشقق هدومي ..أنا محتر وهي ولاعلى بالها أنا زوجك الحين وش فايدته العقد؟؟...الزبدة ألحين بتجين ولا لا؟
العنود بصوت خافت:لا..موجاية
راشد:خلاص يابنت أبوكي اسمعي القرار ..الزواج بقدمه ولابينا اتصال ليوم الزواج ...
العنود:حررررررررراااااااااااااااام عليك .....راشد
راشد وقفل الجوال
العنود تشهق :سكرها فوجهي..اللي مايستحي ههههههههههههه فدييييييييييته أنا يوم يعصب.وتروح عند أمها تستعجلها عشان يروحون الإستراحة
راشد وينفخ من القهر:أنا شسوي فيها ؟؟أخنقها بإيدي...وبعدين إنت حرام عليك تصرخ عليها مهبول؟؟ياالله ألحين يبيلي أراضيها ..يحليلها ألحين قاعدة تبكي ...خليها تستاهل قهرتني ...لاحرام بكرة براضيها..حمارة تدري إني أموت عليها
وهو قايم يشوف فيصل يدخن...:الله يهديك ..
..............................
سمر تشهق :سارونة حبيبتي سحر تعالي امسكيها وتجي سحر وتمسكها
سارة وتفز:اشفيكم؟؟وتقوم بمساعدتهم...
سمر:وشفيك جالسة هنا جلابيتك توصخت وتنفضها
أمل:سارة إنتي طحتي..
سارة:ياليتني طحت ولاشفت السراب
سمر:أي سراب الله يرحملي أمك لاتسمعك تتكلمين عن الخواطر ...تكفين تعالي
أمل:فيه أحد شافك هنا؟؟
سارة:لا..مافي ..ورجعت لواقعها:ملاك لقيتوها؟؟
سمر:من زمان وقاعدة معاهم
سارة:الله يهديها هالبنت ...
سحر خايفة على أختها:سارة إنتي تعبانة؟؟
سارة:لا ياقلبي بس صرصار لقيته في نعالي وخفت
أمل نقزت :وين؟؟نعالك؟؟مامي...
سمر تطالع في أختها وتنزل راسها تدري إنها كذابة ...بس طوفتها لها
سارة:مابنتعشى ...خاطري آكل
سمر:والله إن هالصرصور ماخلاك فحالك تعالي بس تعالي !!!
أبوعادل قالهم يزينون العشا...وبدوا الحريم بالتجهيزات
وأم سعيد عند الغنم تشوفهم ومعها سهيل وعبيد وتركي
والباقين من الرجال عند الإسطبل ..
أم عادل مفتشلة م بناتها اللس مايعرفون يسوون شي:بنت قومي رتبي للعشا جالسات من يوم ماجيا وبناتهن يحومون قوموا
عبير:والله ماأقوم..أنا ماأحط كريمات وأجي أخربهم بالتنظيف والترتيب..
منال خافت من أبوها لايدري وقامت تروح المطبخ تسألهم وش اللي ناقص؟؟
سارة كانت تجيب البهارات من فوق ..وكانت تنسج خاطرة مع خاطرها
ليتني...استعميت لاإراديا
ليتني اخترت..حلا أبديا
ليتني وليت حرف ناسخٌ..مارأيت الذي رأيت!!
ليتني...اخترت طريقي
ليتني ...توقفت عند نقطة البداية
ليتني..عدت أدراجي
ماالذي سيحدث إن تجاهلت وتركتهم ...لماذا تطفلت ونظرت ؟؟
ليتني..قلت لأمي لا
ليتني..قوية لأواجه الحياة
ليتني ..أواجه عواصف مايخيفني
ليتني......أموت الآن...
وينتهي الجزء الرابع..ألقاكم غدا بالجزء الخامس ,,,أأسف من تأخري ..لكن ظرفي بالأمس كان يحتويني وكنت منشغلة به فلكم مني اعتذارا

 

[@همسة حنين@]

يالله مو مصدقة ملاك البنت لسا صغيرة عالحركات ذي ..مسكينة سارة يحق لها تتخرع..كمـــــــــــــلي الله يسعدك لاتطولين ابي اعرف من اللي مع ملاك..متابعة..