Part6
عادل خرج من المطبخ وجلس فالصالة ..ومع خلجات نفسه
(ياربي محلاها أنا مو مصدق ..ليش أنا بالذات ليش؟؟ترى هي ماتدري عنك يالأثول..ألحين أنا أحبها ولا معجب فيها ..ياالله قلبي بينفجر حرام والله
..عادل إنت ماتتوب من الحريم ؟؟أنا حبيت بسمة وآخرتها انفصلنا ضاع عمري معاها ...بس هذي غير ..مدري دخلت هنا فقلبي حتى مانمت منها..
ويسمع صوتها..:ألحين مين بيوديلهم الشاي ؟؟طلال بيصرخ إذا فتحنا هالباب..
سارة:لحظة أكلم طلال ..وتتصل مايرد
سمر:ألحين وش السواة؟؟صح ..خليني أقول لملاك توديه..
سارة قامت بسرعة:ملاك؟؟ملاك لا ماتروح..
سمر:وشفيكي عصبتي؟؟
سارة:ماعصبت ولاشي خلاص البنت كبرت وش تروح عند الرجال مافيه ...وترجع تتصل على طلال..
طلال:ألو..إيوة ..ألحين أجيك..
سارة:عبود وينه؟؟
طلال:مو قريب..يالله أنا جاي..
سارة:خلاص ألحين جاي ...
سمر:نفسي أعرف وش اللي تفكرين فيه..
سارة ساكتة...وعادل يوم سمع حس طلال نزل راسه وانسدح عالكنبة ..
طلال مبتسم :لو تشوفون شكل راشد مستحي وحالته حالة ..
سمر تشارك أخوها الكلام:تلاقيه يتكلم بالقطارة..
سارة:عيب عليكم هذا أخوكم الكبير..
طلال:بس واللي يرحملي أبوك لاتقلدين طبايع أمي...يوووووه إنتي طيوبة لاتعكسين
سارة:البنت ماتطلع إلا لأمها,,ويالله خذ الشاي وبدون مطرود يالله يابابا..
طلال وفتح عيونه:نعم ..شقلتي ؟؟تطرديني يالله مب رايح وهذي قعدة وأشوف ..
تجي سلنتي ومعاها الأغراض..
سارة:قايلتلك روح من أول إنت لو ماتشوفها ماتتحرك يالله خذ!
طلال ويحط إيده على راسه :ياربيييييييييييييييييي لالالالالالالا...ألحين مين قالها تجي هنا تدري إني ماأحبها وتجي..آآآآآآآآآآآآآآآآآآه
وتدخل أمهم...وطلال يقوم:لاألحين وجب الخروج...
وتوقفه أمه:تعال هنا..وش اللي سويته مع ولد عمك؟
طلال باستغراب واضح:أي واحد فيهم؟
سمر: هههههههه اللي حطيتوله صرصور..هههههه
عادل(ماشاالله كلهم دروا بسالفتي..)
طلال:هههههههههههههه شفتيه..صورناه أجيبلكم الفيديو بعدين
عادل(هين يالرقلة والله لأمرغك بين إيديني هذيلا)
أم راشد:مو عيب عليك إش كبرك تسوي هالحركات؟جدتك قاعدة تسب فيك ..مفشلني دايما عندها
عادل(إيه أدبيه المعفن)
طلال:يما عادي نمزح معاه ..إشفيكم وبعدين وش دخلها جدتي فالموضوع؟؟
سارة:الله يهديك..خالتي بدرية قالت لجدتي كل اللي سويته عاد جدتي مقهورة منك وطول العشا وهي تسبك
عادل(ينصر دينها..هذي الجدة وإلا فلا..ههههههههه)
طلال:الله يعني انقلبت علي ألحين..
أم راشد:تستاهل ..المهم جدتك بتنام بعد شوي روح ودي الشاي وتعال اعتذر منها..أنا ماأبيها تسب واحد فيكم..فاهم؟؟
طلال:فاهم..وبعدين مالقيتي تهزئيني إلا قدام أم ضروس(سلنتي)
عادل(ههههههههههه الله يخسك )
أم راشد:برضوا؟برضوا تسبها انقلع من وجهي انقلع أقولك...
ويروح..ويقوم عادل بعد ماتأكد إنهم راحوا ويخرج من المطبخ
البنات قضوا ليلهم بلعب الكيرم...
....
راشد مستحي وجالس عاقل قدام أخو العنود وعيال عمه اللي يرقص واللي يستهبل واللي يتكلم
::::::::::::::::::::::::
سارة مارضيت تلعب إلا بعد ماجمعت البنات ومعاهم ملاك خلاص ماعاد تبغى تخليها لحالها..
..............................
الشياب راحوا ينامون ..ومعاهم أم سعيد..
..............
ملاك في نفسها(ياربي وش تفكر فيه..لايكون شافتني؟؟ياويلي والله من أمي لو رت ؟؟
هي شكله ماشافتني!لأنها
لو شافتني بتروح تعلم أمي ...لا
..أكيد تعرف وعلمت البنات كلهم ...
كيف تعلمهم ومنال ومنار معاهم..
إيوه صح ماعلمتهم يالله بس خليني أتمرجح
..................................
فيصل:البنات وينهم؟؟
راشد:فالجهة الثانية ليش؟؟
فيصل:أبي أسلم على بنات خواتي...
راشد:طيب لحظة أكلمهم...ويقوم يكلم سارة اللي كانت تلعب كيرم مع خصمها سمر والعنود
سارة:ألو
راشد:سارة فيصل بيجي يسلم عليكم نادي بنات خالتك ..
سارة:إن شاء الله
العنود مبتسمة وتعلي حسها:أنا شكلي برجع االبيت بالمرة مو عاجبتني القعدة هنا...
سمر:ومين ضربك على إيدك خذي عباتك واقبضي الباب..
راشد:قوليلها تسكت ...
سارة تبتسم:لمين أقول تسكت..
راشد:هي عارفة نفسها..
سارة:هي عارفة نفسها..شكلها إنتي يالعنود وتغمز لها..
راشد:يالله لاتتأخرون تراه بيجيكم بعد شوي وخلي الفالة تقوم لاتجلس معاكم..
سارة تضحك:طيب هههههههه
..............................
عبير تاكل شيبس:ليش تخافين عادي هي مكالمة بس..
منال:حتى لو مكالمة ماأقدر أتكلم أخااااااااااااااااااااااااااااف تعرفين وش يعني أخاااااااااااااااااااااااااااااااااف؟؟
عبير:والله عادي أحس مكالمة وحدة وإذا ماعجبك لاتردين عليه..
منال:إنتي ليش ماتفهمين أقولك ماأتخيل نفسي أتكلم مع رجال..
عبير:قلناها قبلك وتكلمنا وماصار شي بالعكس أحلى شي ...إذا بغيت أي شي ...على طول عند الباب..
منال متفاجئة:وعادي عندك ماتخافين من عادل...
عبير وتطلع لسانها: والله ماعاد يهمني ..يبي يضرب يبي يقطع شعري ماعاد يهمني...ينقلع
منال:وأمك؟؟
عبير:ماتدري عني..أقولك محد داري عني..إلا أمل الله ياخذها سمعتني وأنا أكلمه..
منال شهقت:وبعدين وش سويتي؟؟
عبير:كذبت عليها ومشت السالفة..
منار تفتح الباب:بنات يالله تعالوا الفيلم..
.....................
وتنزل...وتشوفها سارة وتنزل راسها (هذا اللي فالحين فيه وأختكم مادريتم عنها):أقول منار خالي فيصل يبيكم تسلمون عليه ..
منار:طيب..وتسويلها نظرة بس سارة ماشافتها وطلعت..
وتطلع فوق وتسمع منال:ياليت عندي الجراءة أكلم مثلك...بس كش على وجهي أخاف.
عبير:قلتلك هذي أول مرة,,وبعدين عادي تعالي بس بعدين أعلمك..
سارة فنفسها(هلا والله..لابالله انخرب بيتنا)وتوقف:منال تعالي سلمي على خالي فيصل...يقول يبي يسلم عليكي..
عبير بمياعة:وأنا؟
سارة وهي نازلة:لاهو قال بنات خواتي ...
عبير:احلفي..
منال تضحك..
سارة:الله يهديكي..بسرعة يامنال..
منال:جاية..
سارة فخاطرها(ليش ماسبيتيها ؟؟غبية والله إنك غبية آآآآآآآآآآآخ لمتى هالجبن اللي فيني؟؟لمتى؟؟)
.............................
راشد وصل خاله فيصل..
البنات يسلمون على خالهم...
..............................
راشد:ياعيني عالرومانسية اللي إنتي فيها..برييييييييئة حدك بس تدرين مقلب بالمرة حلو
ردي يابنت يالعنود...ياثقيلة..مين اللي يزعل ألحين ها؟؟
عبير:أنا مو العنود....
....................................
أعتذر عن تأخيري ولنا عودة فالبارت السابع