الشمــــــــــــــــــــــ رجل القانون والعدالة ــــــــــــــــــــــالي

[لازورديه]

المسؤليه..

اول ماتزوجت.. ولاني تزوجت بعيده عن اهلي.. وناااس مااعرف عن طبايعهم.. ولطيبتي

الزايده.. ولاني كنت ابي اكسب ودهم ومحبتهم.. كنت اجي على نفسي.. واعمل اشياااء

فوق طاقتي..تاثر علي سلبيااا .. وعلى علاقتي بريلي.. كنت اعطي بلا حدود .. وايد.. وايد

تعبت.. وانا اللي كنت خسرانه وريلي فديته بعد.. كنت احس اني مسئوله عن اشياااء وايد نصها

المفروض مالي شغل فيهاا.. بس والله بعد مادخلت عالمنتدى حسيت اني بالفعل كنت ساذجه.. وهبله

ان صح التعبير..الحين حطيت حدود وخطوط حمراااء.. اذا قالي ريلي انتي ليش ماتطبخين مع امي..

(لاني متزوجه عند اهل ريلي.. وساكنه في ملحق.. وفيه اثنين من اخوانه متزوجين.. وساكنين

في ملاحق بعد).. كنت ارفض واقول ليش.. اطبخ.. مع اني بشهاده الجميع.. طباااخه ممتاازه.. حتى

ريلي يفاخر فيني.. ومع انه سني صغير.. بس محد يقدر يفرق بين طبخي وطبخ امه.. لان امه ماشاءالله

طبااااااااخه لايعلى عليهاا... والكل يدري بهالشي.. . كنت اقوله ليش ان شاءالله اطبخ.. للبيت كله..

ليش اقوم واتعب نفسي.. وحريم اخوانك.. كل وحد يمشي على زندها الثور ولايطبخون.. ينشون من

رقادهم الظهر.. هم احسن مني في شو.. انا مابطبخ لحد..ان جان تباني اطبخلك بننفصل عن اهلك بخصوص المطبخ وبطبخ في

مطبخي لك .. لكن لحد ثاني مابطبخ.. وخلاص الحين مايقدر يكلمني في هالموضوع ابدا.. وانا وايد

مرتااحه لاني حررت نفسي من مسؤلياااااات هي بالاساااس ماهي علي.. وطبعا .. مواقف وايد..

عرفت احدد لنفسي مسؤلياااااااتي.. وصراحه وايد تغير معاااي.. حتى صار هو يعرف شو المسؤلياات

اللي عليه.. وبما انه شمالي فهو انسااااان كفؤ .. وقد مسؤلياااته.. الحمدلله.. بس ساعاااات

يعصلق معاااي.. لكن شو اسوي.. انا بعد يضرب العرق في راسي.. وترجعلي شماليتي.. لكننا في فر

وكر والله المستعااااااان..

 

[لازورديه]

مساء الخيرات لازوردية
واصلي وحنا معاك وانتظر المزيييييييييييييييييد ...

هلا ياقلبي.. مرحبا الساااع .. فديتج والله ان شاءالله .. والله بعد ماقريت ردودكم...

تذكرت الايااام الخوالي اللي كانت تجمعنا.. وتشجعت وشحذت الهمه..ان شاءالله اني

اقدر اتواصل معاكم..

 

[تــولــيب]

هلا ياقلبي.. مرحبا الساااع .. فديتج والله ان شاءالله .. والله بعد ماقريت ردودكم...

تذكرت الايااام الخوالي اللي كانت تجمعنا.. وتشجعت وشحذت الهمه..ان شاءالله اني

اقدر اتواصل معاكم..

مـــــــــــــــــــرحبا والله فيج .. :in_love: اشتقنا لج

 

[لازورديه]

3- التدريب
ان يتعلم الزوج احترام الحدود التي وضعتها الزوجه
ويتعلم كل منهما التعبير عن مشاعره بطريقة ايجابيه
ويعب عن مايريده بطريقة مهذبه

وكيف يطلب مايريد​

شوفي عااااد.. هو الحمدلله محترم هالحدود.. اللي انا حطيتها.. ​

يمكن سااعااات يحااول يتجاوزها.. للامانه ساعات اعديله.. واكبر راسي.. ​

بس لازم بيجي يوم واقعد معاااه بهدااوه واتنااااقش معاااه برواااق.. والله​

اكتشفت ان الشماااالي.. هالاسلوب يفيد معاااه وااايد..​

اما التعبيرعن المشاااعر..وكيف اطلب ماريد..​

هذا الشي انا صراحه مابفتي فيه.. لاني.. ساعاات الحمدلله up.. وراضيه ​

عن نفسي..:bigsmile: وسااااعاااات..down....:thumbdown::thumbdown: .. اتمنى لو تركزون على هالنقطه وتتناقشون فيها ياحلواااات..​

​

 

[لازورديه]

دايما اقول اللي يشتكي هو اللي عنده المشكله يعني هو اللي لازم يتغير!!
لكن اللي مرتاح ومايشتكي احنا مانجي نتفلسف عليه

لذلك تحمل مسؤليه حياتنا يجي بالتركيز على مانريده واشباع انفسنا باحتياجاتنا الاساسيه

نلوم الاخرين
هم مو مسؤلين عن النقص اللي نعيشه

حتى لو قصروا بواجباتهم

او بالاصح الاشياء اللي احنا اوجبناها غصب عليهم

وقمنا نحط لهم توقعات واافتراضات من خيالنا


انا اعرف ان هذا شي مؤلم


واعرف اكثر انا من يوم مااحنا صغار تعودنا نقول


ان الاخرين لازم ولازم 000000يسووا


وانا متاكده ان الانسان اللي يشعر بحياته بالوفرة ويحس ان المشاعر اللي يبيها هو


المصدر الاول لها راح يرتاح كثير


تلقائيا الاخرين راح يعطونا

اذا حسوا انا نعطي انفسنا




لنعش 0000000000لنستمتع بالحياه

وايد .. عيبني هالكلام.. ع قوله توليب.. مخمخه عليه.. خخخخخخخ

وانا اوافقج الراي في كل كلمه كتبتيهاا... وازيد عليج.. مااحلى ان نتقبل الناااس مثل ماهم

بحسناتهم .. بعيوبهم.. محد كااامل .. حتى انتي.. وانا مش.. كاملااات... الا وجه عز وجل..

 

[الفنوديه]

صدقتي اختي عذاري وكلامج درر ما شاء الله

ان الله لايغير مابقومن حتى يغيرو ما بانفسهم

وهذا اكيد يعتمد ع النظره الشخصيه السلبي تتحول حياته لهم ومشاكل مالها نهايه
واللي تفكيره ايجابي يطمح دايما للافضل ولو هوه فمشكله فاول مشكله تواجهه بيحاول يشوفلها حل ويحلها

وفعلا كم بنعيش شبابنا راح ع الهم والمشاكل والتفكير .....عواطفنا والتفكير العاطفي ...(ريلي مايطلعني يعني مايحبني ...ريلي مقصر فواجباته ومهملني يعني مايحبني .... انا انسانه محتاجه لحب وحنان زوجي بس هوه مايدري عن دنياه.....) وين وصلنا....؟ كانه ندور فدائره مالها نقطة بدايه ولا نهايه...

الافضل نعيش حياتنا كل لحظه بلحظه رغباتنا نقدر نوصل لهن ببساطه

لازورديه

كلامج عن المشاعر السلبيه عيبني وايد ....:nosweat:بصراحه مشاعري السلبيه زايده هل اليوميين وللاسف احس ان طاقتي محدوده والسبب التفكير السلبي....

تسلمين وفعلا معلومه مفيده التفكير الايجابي يزيد طاقه الشخص وبالتالي يقدر يجذب الناس وكلامج فنقطه تعين الخطوات والحدود رووووعه وردودج مميزه مثل كل مره واتمنى اشوف مناقشات الخوات ع النقاط للفائده​

 

[احب الحياة]

مساء الخير​

مساء النور والبنور على عذوري الحلوة

​

لاحظت ان اغلب مشاكل الجنوبيات مع الشمالي هي عدم وضوح فكرة العطاء والبذل بأذهانهن لذلك اقتبست الجزئية هي من كتاب رجال م المريخ ونساء من الزهرة

والله مو بس الجنوبيات ..النساء عموما في ثقافتنا العربية والشرقية ..

ــــــــــــــــــــــــــــــــ
البذل الكثير متعب​

وليتعايشن مع اكتئابهن كانت الزهريات منشغلات بالبوح بمشاعرهن والحديث عن مشكلاتهن . وبمجرد ما تحتدثن اكتشفن سبب اكتئابهن
0000000000000000000000000000000000

المشكلة فيه نساء كثر يتكلمن بمشاكلهن لغرض الكلام فقط لا غير وليس لإيجاد حل ؟؟



ــــــــــــــــــــــــــــــــــــــــــ

. لقد كن متعبات من البذل الكثير طول الوقت

ولكن بعد القيام بهذا لعدة قرون كانت الزهريات متعبات من رعاية بعضهن بعضا ومشاركة كل شيء . كن أيضا مستعدات لفلسفة ربح/ربح

صحيح التوازن النفسي يكون بالأخذ مقابل العطاء
اعطي اهتمام وآخذ رعاية وهكذا...


.ـــــــــــــــــــــــــــــــــــــــــــــــ
وبطريقة مشابهة ، الكثير من النساء اليوم متعبات من البذل إنهن يردن وقتا للراحة وقتا لاستكشاف كينونتهن ، وقتا للعناية بأنفسهن . إنهن يردن شخصا ما يقدم دعما عاطفيا ، شخص ما ليس عليهن رعايته . وأهل المريخ تنطبق عليهم هذه الأوصاف تماماً .
كلامك صحيح ..
خاصة الشمالي يعشق المرأة الملكة:icon31: ...التي تهتم بنفسها وتعطيها الاولوية ...
وحتى انتِ ايتها الزهراوية ...بالاسترخاء والعناية بالنفس تسعدي اكثر وتقدمي اكثر وبنفسية أحلى ..

انا عن نفسي كنت اعشق ذاتي واهتم بها وكنت ارى الاهتمام من زوجي....
ومع مرور الايام وانجاب الاطفال لا أقول انعدم الاهتمام لكن قل في فترة من الزمن... ومعه لاحظت ردة فعله بالتقليل من الأهتمام واذا طلبت شيء يرد ما له لازم وقلت طلعاتي وحسيت كأني في حبس انفرادي إجباري...
ومع تعرفي على المنتدى (ولا اخفيكم نصحتني اختي اللتي احبها كثيرا بقرأت الكتاب قبل التعرف عليكم)وشرحت لي ما لم استوعبه الله يجزاها كل الخير..
وأخيراً طلعت من الحبس الإختياري...وبدأت اعاود الاهتمام بنفسي وذلك بالشتراك بنادي ..واستقدام خادمة لاتفرغ لنفسي ومن ثم اولادي وبيتي ..
ولله الحمد تحسنت كثيراً....(طولت عليكم بس حبيت اعرض تجربتي)

ــــــــــــــــــــــــــــــــــــــــــــــــــــــــــــــــــــــــــــــــــــــــ
وعندما ينضج الرجل يدرك كيف يخدم ويحترم الآخرين بطريقة أفضل
ما اعتقد انه يدرك بنفسه لابد للمرأة ان تعلمه كيف يفعل ذالك ...

ـــــــــــــــــــــــــــــــــــــــــــــــــــــــــــــــــــــــــــــ
وعندما ينضج الرجل يتعلم أيضا كيف أنه من الجائز أنه يضحي بنفسه ولكن التغير الرئيسي هو أنه أصبح أكثر وعياً بكيفية التمكن من النجاح في العطاء
على حسب المرأة التي امامه او التي يضحي من اجلها واذا كانت تستاهل او لا...

ــــــــــــــــــــــــــــــــــــــــــــــــــــــــــــــــــــــــــ
وبنفس الطريقة عندما تنضج المرأة تتعلم أيضا أساليب جديدة في العطاء ولكن تغيرها الرئيسي يميل إلى أن يكون تعلم تعيين الحدود لأجل أن تتلقى ما تريد .
لو المرأة تعلمت هذة الجزئية وفهمتها جيدا كان كل نساء العالم سعيدات ..


:icon26::icon26::icon26::icon26::icon26::icon26:



اتمنى ما يكون ردي متأخر ...معليش انشغلت شوي وما حبيت ارد الا بالتفصيل
:icon26:شكراً لكل الخوات عذاري, توليب,لازوردية, متى تشرق الشمس ,karooo,حلا الجوري ,الفنودية:icon26:

 

[احب الحياة]

كف عن اللوم​

عندما تدرك المرأة بأنها كانت تعطي بلا حدود فإنها تميل الى لوم شريكها لتعاستها وتشعر بعدم عدالة أن تعطي أكثر مما تتلقى
لا وتتوقع منه ان يجزل لها العطاء مقابل خنوعها وعطائها المستمر بلا شرط او قيد؟؟؟​

.ــــــــــــــــــــــــــــــــــــــــ
ولكن على الرغم من أنها لم تتلق ما تستحق فإنها لتحسين علاقاتها تحتاج الى ان تدرك كيف ساهمت في مشكلتها .
المشكلة انها تعتقد انه ليس لها دخل فيها لا من قريب ولا من بعيد!!!​

؟ـــــــــــــــــــــــــــــــــــــــــــــــــــــــــــــــــــــــــ

عندما تعطي المرأة بلا حدود فإن عليها أن لا تلوم شريكها
كلام سليم 100%​

ـــــــــــــــــــــــــــــــــــــــــــــــــــــــــــــــــــــــــــــ

وبنفس الطريقة فالرجل الذي يعطي أقل يجب أن لا يلوم شريكته في كونها سلبية وغير متجاوبة معه . في كلتا الحالتين اللوم لا ينفع ​

هو يعطي اقل لانه يرى ان هذا كافي بالنسبة لها
ــــــــــــــــــــــــــــــــــــــ

التفهم والثقة والتعاطف والتقبل والدعم​

هم الحل وليس لوم شركائنا . ​

عندما تقع هذه الحالة يستطيع الرجل بدلا من لوم شريكته لكونها مستاءة أن يكون متعاطفا ويقدم دعمه حتى لو لم تطلبه وينصت اليها حتى ولو بدا له في البداية انه اشبه باللوم ويساعدها بعمل اشياء صغيرة لها ليظهر لها أنه يهتم حتى تشعر بالثقة وتبوح له .
اعتقد هذا الكلام لا ينطبق على كل الرجال...بعضهم يلومها ويلومها ويلومها وليس عنده الاستعداد ليقدم دعمه لانها لم تعلمه كيف يتعاطف معها ولا كيف يدعمها وينصت لها ...​

ـــــــــــــــــــــــــــــــــــــــــــــــــــــــــــــــــــــــــــــــــ

تحديد واحترام الحدود​

والأهم مع ذلك أن المرأة تحتاج الى أن تعرف حدود ما تستطيع بذله دون أن تستاء من شريكها ، فبدلاً من أن تتوقع من شريكها أن يحقق التعادل فإنها تحتاج الى ان تحافظ على التعادل بضبط مقدار ما تمنح .
فعلا هناك مقولة ....اذا اشعلتي اصابعك العشرة له ويوما ما لم تستطيعي الا اشعال تسعة فإنه لا يرى التسعة ويلومك على الواحد الذي انطفأ؟؟!!
فلا تكوني تلك المرأة ...
اشعلي واحدا واذا بادلك العطاء اشعلي الثاني وبذلك سيكون مسرورا جدا وممتنن لك لاشعاله ويزبد بدوره من عطاءه ..
لابد للمرأة ان تتقن فن العطاء بمقابل ..وبرأيي ان قلة من النساء تتقنه . ​

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الخطوة الأولى : الدافعية
الخطوة الثانية : المسئولية
الخطوة الثالثة : التدريب​

اسمحوا لي ان الخص هذة النقاط بقصة لاحد الاخوات

خطبها زوجها لانها كانت ابنت رجل معروف ومدللة عند اهلها وصغيرة واصر عليها لحد ما وافقوا ...
وتزوجها ..
وجهز للزواج ودفع شبكة غالية وسفرها لاحلى شهر عسل...
وبعد مرور الوقت وانصياعها له وعدم مطالبتها بابسط حقوقها وقناعتها باليسيرجدا مع انه قادر على دفع الكثير
بدأ اهتمامه يقل ونظرته لها تنقص ..
الى ان وصلت لليوم الذي لا يعتبرها الا خادمه له ومنفذة لطلباته فقط ..واليوم اللي يمل فيه منها يرسلها لمنزل والدها ويقولها بسافر (ويقعد بالبيت لوحده؟؟؟)
........................................
وبالمقابل كانت لا تحمله اي مسؤلية لا عن البيت او الاولاد ..حتى ذهابها لمواعيد المستشفى مع أجرة او سائق احد المعارف اذا كان فاضي ؟؟؟
وترد على كلامي بانه هو من دفعها بالقيام بذلك وأنها مضطرة ؟؟
تصدقون حتى اثاث البيت ما يهتم الا بالذي امام الناس فقط والباقي مو لازم او بعدين
لدرجة انه صار يجمع فلوسه ويسافر لوحده ويتمتع بحياته دون الاكتراث بها او بأولادها ...لانه متأكد انها سوف تتصرف ..
عايش لوحده ولنفسه فقط؟؟!!
والتدريب هذا ما اختلف معها فيه ولم تقتنع الى الان
ربما انها لا تريد هي ذلك (الأقتناع) وانها تشكو لغرض الشكوى ؟؟؟الله اعلم
.............................
التدريب ..وما ادراك ما التدريب
انا اؤمن بالمقولة :زوجك على ما عودتيه ..
ولا تقولين فات الاوان لو لك ثلاثين سنه متزوجة تقدرين تغيرين زوجك اذا انتِ اردتِ ذلك​

........................................​

ولأنها خائفة من أنها لن تكون مدعومة فإنها تقوم بغير علم بدفع الدعم الذي تحتاج اليه بعيدا وعندما يتلقى الرجل الرسالة بأنها لا تثق فيه لإشباع حاجاتها فإنه عندئذ يشعر مباشرة بأنه مرفوض ثم ينطفيء .
او يجعله يبحث عن امرأة أخرى تثق فيه لأشباعها وتطلب المزيد منه بدافع الثقة (خاصةً الشمالي يموت على المرأة المتطلبة بثقة)...​

.............................................
.​

واحتياج الآخرين بالنسبة الى النساء ليس مربكا فقط ولكن خيبة الأمل والخذلان يكونان مؤلمين بصورة خاصة حتى بأقل النسب إنه ليس من السهل عليها أن تعتمد على الآخرين ثم تتلقى التجاهل أو النسيان أو النبذ . وإحتياج الآخرين يجعلها في وضع غير حصين أو حساس ، وكونها تلقى التجاهل أو خيبة الأمل يؤلمها أكثر لأنه يؤكد اعتقادها الخاطيء بأنها غير جديرة .
هذة والله مشكلة اغلب النساء...​

 

[احب الحياة]

الموضوع احتاج تنسيقه ساعتين
ابي الدعاء بالتوفيق 000000(بتدلع عليكم (

الشي الثاني

ابي تعليق من كل وحده منكم بصراحه انا رحمت الرجال لما قرات الجزئية هذي؟؟

الله يوفقك دنيا وآخرة ويسر لك اختباراتك وينولك كل الي تتمنيه ..
آآآآمين

اي والله الرجال ينرحمون كأنهم اطفال ...يحتاجون التعليم والتدريب والحب والاحتواء
ودائما اقول انه اقل امرأة بالذكاء تستطيع ان تسيطر على اقوى رجل ...

 

[احب الحياة]

:idea:النقطه الثانيه ... لا تتعبون ازواجكم بالتوقعات العاليه .. تكسرون ظهورهم ..وانكم مايعجبكم شي .. بيتعب ..وبتقل دافعيته بتقديم شي جديد لزوجته .. فمهما عمل الا مايكون في الشغله غلط .. لو سويت كذا كان طلع احسن ..
فبيقول لنفسه .. مو لازم ,, مايعجبها العجب .. وماترضى باي شي .. مو لازم .. اقصر السالفه احسن ..

أي والله ...اذكر واحد كان يقدم لزوجته كل ما يستطيع ...ومع ذلك تطلب المزيد بدون ما تشعره بالرضا عن ما قدمه ودائما تحسسه انه مقصر !!!
انتهى به المطاف ان تخلى عنها !!!..وهو يقول ...تلك المرأة لا تشكر...

 

[حلا الجوري]

حيا الله لازرديه هلا باهطله

احب الحياة تسلمييييييين وفيتى وكفيتى

 

[&Athari&]

الدافعيه...

انا زماان هالنقطه ماكنت منتبه لها كثير.. بس بعدين يوم انتبهت لها .. فرقت معاااي اشيااااء وايده..

يعني .. لاحظت يوم ريلي يقعد يسولف مثلا عن ربعه او عن مشاكل صارت ويااه بالدوااام.. واكون

وايد معااه منتبه.. ولا اقاطعه.:shutup:. وكل مايقول سالفه اتم ساكته واقول له مسكين وايد تتعب .. الله يعينك

ويوفقك.. مع انه في سوالف .. يقولها.. عن ربعه في الدوام... واحس انه يكون غلطاان فيها.. بس

مااقعد اخبره انت غلطان يوم قلت جيه او سويت جيه.. خلاص اسكت.. واتابع حديثه باهتماام:msn-wink:

لاني اذا تميت اقوله هالكلام ماراح يخبرني شي.. وبيحس اني قاعده اعلمه كيف يتصرف مع النااس..:no:

لانه الشمااليين ومن تجربتي الشخصيه.. مايحبون حد يعطيهم تعليمااات.. يحسون كاانهم مايفهمون

شي.... :icon30:

واما عن المشاعر السلبيه..

قبل فتره حضرت دوره للاستاذه ناعمه اسمها الحب المغناطيسي.. وكانت تقول فيها.. كل انسان

بداخله طاقه.. اذا كانت كبيره فانه يجذب النااس اللي حوله له. واذا كانت صغيره فهو قاعد ينفرهم

منه... وكيف تكبر الطاقه اللي بداخلج..يعني مثلا اذا كان تفكيرج ايجابي.. في زوجج.. يعني مثلا

تقولين بينج وبين نفسج زوجي يحبني.. او اذا كان في الدوام تفكرين شو بتلبسين له او شو بتطبخين

له... يعني طول اليوم تفكرين فيه.. مااقولج خليه شغلج الشاغل.. لا .. بس التفكير الايجابي.. فيه

يشحن طاقتج ويخليه ينجذب لج... من دون مايحس.. والعكس صحيح.. اذا فكرتي فيه تفكير سلبي..

بمعنى.. اليوم مثلا تبين تروحين السوق او بيت اهلج.. ومارضا يوديج.. انتي بتزعلين في خاطرج

ويمكن تشيلين عليه .. وتحقدين .. من دون ماتخبرينه.. لكن صدقوني ان الطاقه صارت سلبيه عندج

وصارت تنقص.. بالتالي هو بيحس فيج حتى لو ماتكلمتي..وبينفر منج.. وبشكل عام يابنات الاستاذه

ضربت مثاال كل ماكان الانساان.. في داخله يفكر تفكير.. ايجابي في الناس النااااس راح ينجذبون له..

مثل الشيخ زايد الله يرحمه.. تقول عنده كريزما خاصه.. كانت الناااس تحبه لانه بالاصل كريم وشهم

وطيب.. ويحب الناااس .. وكانو الناااس يحبونه وينجذبون له يعني عنده مخزون كبير من الطااااقه..

واذا بعطيكم مثاااال.. عن الاشياااء اللي تبدد طاقتنا ..

العصبيه.. الصرااخ.. الانفعالات.. التفكير السئ..سؤ النيه..


وااااااي احس اني رمست وايد من زماان ماكتبت شراه هالكلاام.. اتمنى اني افتدكم.. ان شاءالله اني

بكمل لكم..واتمنى اني مااكون طلعت عن الموضووووع..:icon26:

شكرا على المداخله الجميله كلام رائع

 

[&Athari&]

لازوردية
احب الحياة
مشكورين عالدرر فعلا بالنقاش وضرب فهمنا الكلام اكثر

عصفورة فقدتك نستنى مزيد من الصور بالاكسسوار والشنط وغيره

 

[احب الحياة]

قالوا ... الاعتراف بالمشكلة نصف الحل..
بالنسبة لكلامك عذاري ...
فعلا فية ناس تحب تعيش دور الضحية وتستمتع به ...

 

[الــحــلا]

والله كلامك رااااااااائع واحسكم ماعطيتوني وجه>>يمكن لاني ما اسولف مثلكم ابي اتكلم عن زوجي وعن نفسي بس اذا قريت كلامكم اقول نفس حالتي وش باضيف معهم!!
اقرا وبس بس ولو ابي اقول اي شي مدري من وين ابتدي

 

[&Athari&]

والله كلامك رااااااااائع واحسكم ماعطيتوني وجه>>يمكن لاني ما اسولف مثلكم ابي اتكلم عن زوجي وعن نفسي بس اذا قريت كلامكم اقول نفس حالتي وش باضيف معهم!!
اقرا وبس بس ولو ابي اقول اي شي مدري من وين ابتدي

بالعكس ليه تقولين كذا
لابد ماعندك اضافه وقصه
اهم شي بالنسبة لي ضرب الامثله
وكل انسان له رؤيته ورايه الخاص باي كلام يقراه
اتمنى اشوف مشاركاتك
لاتحرمينا:icon26::icon26:



راعية بيتها اشوفك تشاهدين الموضوع الهمه يابطله من زمان فقدتك:icon26:

 

[لازورديه]

الفنوووووووووووديه... حلا الجوري..

:icon26::icon26::icon26::icon26::icon26:

 

[لازورديه]

قالوا ... الاعتراف بالمشكلة نصف الحل..
بالنسبة لكلامك عذاري ...
فعلا فية ناس تحب تعيش دور الضحية وتستمتع به ...

كلااااااااااااااااام 100%.. هذا اذا ماكان ثلاثه ارباااع الحل..

يعني المفروض.. من نقشاتنا هذي كلها.. نعرف وين الخلل فينا.. لاصلاحه..

وفهم نفسيااااااااااات ازواجنا الشمااااااليين.. وسبب ردات فعلهم... اتجااهناا..

من ثم استخدام الاسلوب المنااااسب.. لهم..

 

[{بنت قطر}]

تسلمــــــــــــين الشيخه ..

من البدايه .. واضحه .. وتعرفين مشكلتك عدل ..
الوان سطورك رايقه ..كشخه .. ههههه.. ونوع خطك يشجع على القراءه ..
حياج الله .. تعالي شات بنات قطر ...

يسلمو...^.^
انا معقدني الشمالي مايعرف يمدح
بس ليته مايعلق تعليقات تفشل مابي منه مدح ^.^
واذا على الشات.. مو من كثرسوالفي هاهاهاها

مشكورة حبيبتي من ذوقج

شكرا على التعليقات الجميلة

المهم هو انا نعالج المشكلة وهي خطوة تلقائية بعد الاعترف فيها

الشي المهم
هو انا دائما مانلجا للوم الاخرين على اي نقص نعاني منه في حياتنا

والصحيح انه مافي انسان مسؤل عن اي شعور سلبي نعاني منه

صحيح من حقنا نعبر عن استيائنا

ومن حقنا نعبر عن زعلنا

لكن الى متى ؟؟؟

ماشاء الله تبارك الله..
كلمات بقمه القوة.. تصحي النايم >>مثلي

اذا في شي مضايقك حاولي انت تغيريه لاتنتظري من غيرك يعدل حياتك

هنا مشكلتي.. انا جنوبيه.. وتعودت امي تقولي سوي اليوم كذا كذا كذا...
وانا اسوي اروع مايكون.. سواء طبخ ترتيب..حتى الدراسه.. امي تقولي ادرسي ادرس.. بهمه ونشاط
الحين من تصادفني مشكله.. الجأ لأمي.. تعطيني حلول أجربها.. ماتنفع..
وقمت ادور ناس يساعدوني.. وهنا الغلط.. محد راح يساعدني كثر نفسي..
الحمدلله الفضل لله .. ثم لكم.. وللمنتدى.. ساعدني كثييير..
الحمدلله

الدافعيه...

انا زماان هالنقطه ماكنت منتبه لها كثير.. بس بعدين يوم انتبهت لها .. فرقت معاااي اشيااااء وايده..
يعني .. لاحظت يوم ريلي يقعد يسولف مثلا عن ربعه او عن مشاكل صارت ويااه بالدوااام.. واكون
وايد معااه منتبه.. ولا اقاطعه.. وكل مايقول سالفه اتم ساكته واقول له مسكين وايد تتعب .. الله يعينك
ويوفقك.. مع انه في سوالف .. يقولها.. عن ربعه في الدوام... واحس انه يكون غلطاان فيها.. بس
مااقعد اخبره انت غلطان يوم قلت جيه او سويت جيه.. خلاص اسكت.. واتابع حديثه باهتماام
لاني اذا تميت اقوله هالكلام ماراح يخبرني شي.. وبيحس اني قاعده اعلمه كيف يتصرف مع النااس..
لانه الشمااليين ومن تجربتي الشخصيه.. مايحبون حد يعطيهم تعليمااات.. يحسون كاانهم مايفهمون
شي....
واما عن المشاعر السلبيه..
قبل فتره حضرت دوره للاستاذه ناعمه اسمها الحب المغناطيسي.. وكانت تقول فيها.. كل انسان
بداخله طاقه.. اذا كانت كبيره فانه يجذب النااس اللي حوله له. واذا كانت صغيره فهو قاعد ينفرهم
منه... وكيف تكبر الطاقه اللي بداخلج..يعني مثلا اذا كان تفكيرج ايجابي.. في زوجج.. يعني مثلا
تقولين بينج وبين نفسج زوجي يحبني.. او اذا كان في الدوام تفكرين شو بتلبسين له او شو بتطبخين
له... يعني طول اليوم تفكرين فيه.. مااقولج خليه شغلج الشاغل.. لا .. بس التفكير الايجابي.. فيه
يشحن طاقتج ويخليه ينجذب لج... من دون مايحس.. والعكس صحيح.. اذا فكرتي فيه تفكير سلبي..
بمعنى.. اليوم مثلا تبين تروحين السوق او بيت اهلج.. ومارضا يوديج.. انتي بتزعلين في خاطرج
ويمكن تشيلين عليه .. وتحقدين .. من دون ماتخبرينه.. لكن صدقوني ان الطاقه صارت سلبيه عندج
وصارت تنقص.. بالتالي هو بيحس فيج حتى لو ماتكلمتي..وبينفر منج.. وبشكل عام يابنات الاستاذه
ضربت مثاال كل ماكان الانساان.. في داخله يفكر تفكير.. ايجابي في الناس النااااس راح ينجذبون له..
مثل الشيخ زايد الله يرحمه.. تقول عنده كريزما خاصه.. كانت الناااس تحبه لانه بالاصل كريم وشهم
وطيب.. ويحب الناااس .. وكانو الناااس يحبونه وينجذبون له يعني عنده مخزون كبير من الطااااقه..
واذا بعطيكم مثاااال.. عن الاشياااء اللي تبدد طاقتنا .
العصبيه.. الصرااخ.. الانفعالات.. التفكير السئ..سؤ النيه..
وااااااي احس اني رمست وايد من زماان ماكتبت شراه هالكلاام.. اتمنى اني افتدكم.. ان شاءالله اني

بكمل لكم..واتمنى اني مااكون طلعت عن الموضووووع..

لا زورديه.. ماشاء الله علييج..

انا هنا مشككلتي من يقوم يتكلم عن مشاكله بالشغل.. دايما اتوهق ومااعرف شنو ارد عليه ^.^
بس من اليوم راح اقول.. مسكين وايد تتعب .. الله يعينك
وبالنسبه للشحنات الايجابيه انا افتقدها خخخخخخخخخخخخخ
بس ان شاء الله .. من اخلص من شحن جوالي ابتدي بنفسي ههههههههههههههه

أحب الحياة

ماشاء الله علييج..
احسج واقعيه.. الله يوفقج.. ياليت لو ارتاح من الاحلام والرومانسيه الي فيني
(ماتوكل عيش مع الشمالي ^.^)

والله كلامك رااااااااائع واحسكم ماعطيتوني وجه>>يمكن لاني ما اسولف مثلكم ابي اتكلم عن زوجي وعن نفسي بس اذا قريت كلامكم اقول نفس حالتي وش باضيف معهم!!

اقرا وبس بس ولو ابي اقول اي شي مدري من وين ابتدي

عادي حبيبتي.. مو عيب.. انا شخصيا.. احس ماعندي سالفه مرات ^.^

سبحان الله.. من يتكلمون عن موضوع.. اتذكر اشياء سويتها من قبل..
مع ان هالمواقف عدت بسلام.. بس حلو اني اعرف اخطائي عشان ماتصير لي مرة ثانيه

وبعدين.. لا تفكرين بالماضي.. ركزي على الحاضر.. والمستقبل ان شاء الله
والله يوفق كل البنات الي قاعدين يفتحون عيوني على اشياء وااايد

--{همسه}--

بنات ممكن طلب..
ابيكم كلكم.. تنبهوني وتعلموني وتفهموني خخخخخخ
يعني من اكتب شي.. بلييز.. علموني اذا غلط..انا جنـــــــــــــــ :icon26:ـــوبيه متردده جدا

وهالشمالي قوي خخخخ
ابي اعرف كل شي عنه

 

[أميرة الالماس]

​

ومع تعرفي على المنتدى (ولا اخفيكم نصحتني اختي اللتي احبها كثيرا بقرأت الكتاب قبل التعرف عليكم)وشرحت لي ما لم استوعبه الله يجزاها كل الخير..
وأخيراً طلعت من الحبس الإختياري...

الله يخليك اش هوالكتاب لاني حاليا في الحبس الاجباري ....