ياحياتي يا البي افري قصتي وخدي عبره. انا مطلقه من اربع سنوات بالضبط وعندي بنتين الكبيره ثمان سنوات والثانيه خمس سنوات .يوم اتطلق عمر الصغيره عشر شهور فقط.طلاقي كان صدمه ادهلت الجميع لاني امتلك جميع المقومات التي تتمناها اي بنت واي زوج_والحمدلله_ انا موظفه وراتبي كويس واهلي يسكنون مدينه اخرى قبل الطلاق باسبوعين اكتشفت اصابه طفلتي الصغرى بمرض في الكبد وهو صعب جدا جدا. وبهدلنا طليقي بشكل فاحش مع الاقارب والاباعد ومنعني واهله من دخول بيتي واخد اغراضي الخاصه جدا جدا.وعلى فكره هو يصير ولد عمي واختي زوجه اخوه. على قد ما انصدمت على قد ما اعطاني الله قوه وثبات امام الناس لدرجه ان شكلي كان يبدو اجمل واجمل مع الوقت_وهدا بفضل الله وحده_واختي الصغرى تطلقت قبلي بشهر ! تخيلي الكارثه على والداي وعلينا! عمرنا ما اظهرنا ضعف امام احد غيرنا. وكانت اختي تبث همها لي وانا ابث لها همي ونبكي ونحزن كثييييييييييييييييييييييييييييييييييييييييييييييييييييييييييييييييييير !!تخيلي كان زميلاتي في المدرسه متعجبات من تصرفاتي التلقائيه والواثقه والسعيده !! المهم مر الزمن وكل يوم يمر كنت انسا جزء من حياتي معه. كنت ادعي عليه ليل نهار ولا زلت لانه ظلمني واداني . تقدمو كثير لاختي لان ماعندها اطفال واخيرا ربي رزقها بواحد طيب. وانا فقدت الامل بزوج فيه مواصفاتي, اصلا ما عاد صرت اتشرط. انخطبت رسمي مرتين وفسخت الخطوبه لاني كنت استخير.بعدين صرت استغفر الاف المرات.اقسم بالله العلي العظيم اني ما استغفر الا ويفرج لي ربي ويطلب احد يدي.هداك اليوم استغفرت الف مره ووالله انه خطبني واحد في الليل فيه كل المواصفات اللي احلم فيها بس انه متزوج. انا الان متملكه وزواجي بعد شهرين . ادعي لي ولا تفقدين الامل واتدكري انك لن تعرفي المجد حتى تدوقي الصبر..... الله يهدي بالك ادا تقدم لك احسن منه لا تنتظرينه يرجعك. صدقيني ماراح يسوي الا اللي ينابسبه هو فقط.
ارجو التعقيب فهده اول مشاركه لي في المنتدى.........
