تطلقت من7شهور..ومازلت عايشة معاه

[الرائعه في الحب]

وبالنسبه لابنتك لن تفقد اباها الا في البدايه وكل بدايه صعبه ولكن بعد ذلك حاولي ان تعوضيها والتعويض ليس دائما ماديا ولا يقلل من اهميته ولكن هناك التعويض النفسي وهو اهم شئ دائما ضميها وابتسمي في وجهها واشغلي وقت فراغها اعملي لها برنامج يومي يشغل فراغها

 

[مين انا]

هلا اختي الله يفرج همك ويسعدك يارب شوفي حبيبتي انا مريت بظروف مايعلم فيها الا الله وقعدت عند اهلي وفي البدايه كنت مثلك اذا جو خواتي يضيق صدري على اعيالي كيف يشوفون اعيال خواتي مع ابوهم وانا زوجي تاركني وذالف وانا نفسيتي زفت من كثر التعب فكرت قلت طيب لو انه مات خلاص حياتي توقف انا زوجي باعني وجاب بنت شوارع فوق راسي وانتي طلقك وراح خطب غيرك وبيتزوج وما فكر الا بسعادته وانتي عايشه باالهم اختي لازم نكون اقوى انتي اذاتفكرين في بنتك الحمد للاه ابوها عايش تشوفه ويجيها وتكلمه ويصرف عليها واذا عليك انتي ترى مافيه اكثر من الرجال بس احنا فينا رومنسيه زايده وهاذا سبب تعاستنا عليك بالصلاه والدعاء بالثلث الاخير من الليل وطلعي ادموعك كلها عند ربك وبس اما الوظيفه لازم تتوظفين بااسرع وقت وانا انصح بعد انك تتزوجين وعليك بالدعاء الله يفرج همنا جميع ويسعدنا دنيا واخره

 

[shamseyah]

الله المستعان اختي
صعب جدا

 

[ناناسي]

اظم صوتي للاخت مين انا

 

[البي]

تسلمولي حبيباتي... بغض النظر لرغبتي للعودة لطليقي تتوقعون اني في باله الحين ويتذكر ايامنا خاصة انه تزوج بنفس غرفة زواجي.. وتتوقعون انه جالس يقارن بيني وبينها؟ واللي جربوا الزواج من مطلق هل ازواجهم يحنون لزوجاتهم الاوليات ويذكرونهم اذا حصلت بينكم مشاكل؟
على فكرة ام طليقي بعد ماتزوج طليقي تقول اني مارحت من بالها واني باقي داخل قلبها هذا كلامها مع الحريم وتقول ان زوجته الثانية لو مانفعت راح تزوجه وحدة ثالثة؟
اش رايكم بكلامها؟

 

[نحو التميز]

تذكري ((اللهم اجرني في مصيبتي واخلف لي خيرا منها ))
سلام عزيزتي كل شيئ مقدر ومكتوب
والله يقدر دائما ما هو خير وفي مصلحه العبد
عزيزتي ما حصل حصل الأن اني طبيعي كذا تكون نفسيتك الطلاق مو سهل
وفهلا كما وصفتي تنتقلين من ملكه في بيتك وعند رجل مشسؤول عنك إلى بيت أنت جزء فيه ويحملون مسؤوليتك
هناك من تتطلق بعد14 سنه و4 اطفال
وان شاء الله يعوضك خير

 

[ناناسي]

البي حبيبيتي انتي واااااااايد عاطفيه انشالله الله يصلح الامور بس اوعج يحس انج تجرين وراه ترى بيتاخر بالرجوع لج لانه ظامنج:sly:المهم بنتك كلامها يجنن الله يخليها كلما اقرا كلامها اقعد ابكي حبيتها من غير ماشوفها الله يخليها لك

 

[البي]

ماجاوبتوني على اسألتي معقولة ماقد مر عليكم احد زيي؟ زوجها طلقها وتزوج غيرها ماقد احد رجع يحن للاولى؟؟صبروني بالكلام هذا الواحد يعيش بالامل احسن من انه يفقده..
لن انسى وقفتكم معي..

 

[نعيش ونشوف]

والله حبيبتي خليني معاكي صريحه وراح اكون رأي ما يعجب ناس كثير بس انا اشوف انه
لو كنتي تبغيه رجعييييييييييييييييييييه ايوه رجعييييييييييييييييييييييه وما تقولي انه ما يبغى يجرح خطبيته وما لها ذنب
ما راح يكون اي حد اولى او احق منه منك انتي وبنتك واذا كنت تبغي شي قااااااااااااتلي واستميتي بالقتال للحصول عليه ولا تستلمي ابدا ،، هذا رأي الشخصي وانا عارفه ما راح يعجب كثير بس انا من منطلق نظرتي لنفسي ولكل الامور المحيطه تعلمت انه متسحيل يكون بنفسي شي ولي حق فيه وما اخده ،،،

انا مع هذا الراي
حااااااااااااولي لكن كوني مؤمنة ان النتائج بيد الله مسير الاقداااار
ووالله اني ادعي لك دايم

 

[نعيش ونشوف]

ماجاوبتوني على اسألتي معقولة ماقد مر عليكم احد زيي؟ زوجها طلقها وتزوج غيرها ماقد احد رجع يحن للاولى؟؟صبروني بالكلام هذا الواحد يعيش بالامل احسن من انه يفقده..
لن انسى وقفتكم معي..

انا اعرف كم واحدة مثل حالتك
ووحدة منهم زوجهارجعها بعد ماصرحت له برغبتها في الرجوع

 

[صعبة المراس]

عزيزتي ألبي ،،
بما أن الأستاذة ناعمة جزاها الله خيرا ردت عليك لم لا توجهي لها استفساراتك هنا وستقوم الأخت pink dove بنقلها إلى موضوع ألبي وحلم العودة لترد عليك الأستاذة بإذن الله ؟!

 

[*همس المشاعر*]

اختي البي..انا قريت قصتك قبل اكثر من شهر وبكيت كثيييير وصرت كل ما اتخانق مع زوجي اتذكرك وارجع اراضيه وفعلا انتي قلتي نصيحة ان كل وحده لازم تصبر على زوجها مهما صار بحكم القصة اللي صارت لك..كان الله في عونك فأنت عاطفية مثلي واشوف البنات بعضهم ينصحونك بالزواج واستغرب.. انا مثلك ما ارضى اني اكون مع واحد ثاني غير زوجي مستحييييل الله لا يقوله الحرمه اذا حبت ينحفر اللي تحبه في قلبها..تصدقين يوم عرفت ان طليقك كان زواجه الخميس قبل اللي فات دعيت لك ان الله يصبرك ويثبتك لان هالامر مافي اصعب منه ابدا ..ما اقدر اتخيل زوجي مع وحده ثانية واصير افكر سوا لها كذا........الخ
آآآآآآآآآآآآه يا البي ما اقدر اكمل انا عشت مع قصتك وكأنها انا ..معليش ما ابي ازود همك هم انا من جد آسفة لكن احس انك تشبهيني ..بس ما تدرين يمكن فعلا قاعد يقارن الحين هذا شي لابد منه فهذي طبيعة بشرية خاصه اذا كنتي حلوة وما انتي مقصرة في اعمال البيت وغير ذلك وان شاء الله تكونين انتي الرابحة ويرجعلك يارب يا كريم..وفيه قصص كثير ازواج تزوجوا ورجعوا للأولى لان الزواج الثاني نزوة تطمني بس لا تعيشين كثير في امل لاني اخاف عليك من الصدمة ..ادعي ربي انه يرجعه لك ويثبتك

 

[((سيدة العشاق))]

الي باعك بيعا

 

[البي]

كويس ياهمس المشاعر انك تتذكرين قصتي كل ماتهاوشتي مع زوجك عشان تتذكرين معاناتي وتصبرين لاني ماكنت اسمع نصيحة احد كنت اشوف اني ماراح اتأثر بعد الطلاق لاني بفتك منه وبرتاح...آخرتها ندمت مع ان حياتي كانت معاناة معاه وقلت ياليتني صبرت عشان بنتي والحياة بتتغير لانه كان في الاساس يحبني...
الحين انا جالسة ارد على الاستاذة ناعمة ومااشوف تفاعل سريع بعض المشاكل يبغى لها رد سريع وماتتحمل التأخير وبعد ماتخرب مالطا يجي الرد اش الفايدة طيب من المنتدى؟

 

[حقيقة]

ألبي،،
قلبي عليك،،
أيام الرحمة مقبلة علينا، ورب رحيم لدينا، والخير منه والسوء منا..

غيري منظارك وانظري للأمور برؤية أخرى

فالحياة لا تتوقف عند محطة وإن كانت أليمة، والعمر يمضي والملكان يسجلانوكل شئ عنده بحسبان،،
خذي مما مضى عبرة والتفتي لعلاقتك بربك وليس بإنسان.
حباك الله بتيسيير الأمور وراحة البال.

 

[أوراد]

الله يعينج يارب ويخفف من همج
خلج متفائلة واللي فات مات انسيه وفكري بمستقبلج وفي مستقبل البنوته
اكيد عندج هوايه تستمتعين فيها وتقدرين تكسبين منها ارباح
فكره شنو تحبين وفجري طاقتج فيه وابدعي صدقيني بتتغير نفسيتج
الله ما كثر اللي يطبخون في البيوت ويبيعون او اللي يصممون دراريع و عبي وشيلات فكري شنو تحبين وابدعي فيه
وبالتوفيق حبيبتي ​