[you] زوجي مدري شو فيه ؟؟!!

[قلبي رقيق]

اقرائي.. مقالات الاستاذه ناعمه راح تفيدك

 

[رواق الخريف]

السلام عليكم

هلا فيك اختي معانا بالمنتدى وان شاء الله نقدر نفيدك وتتحسن علاقتك الزوجية في ما يرضي الله

اختي أول شي أنصحك فيه تعرفين نمط زوجك لإنه صدقيني وايد أشياء بتفهميها ... أنا ماكنت أعرف نمط زوجي إلا مبارح وتدرين اختي تميت طول الليل أبكي فالسرير ...تدرين ليش... لإني أخيرا فهمت زوجي... كنت وايد ظلماه لإني ماكنت فاهماه بكل بساطة

فسوي التحليل اختي واعرفي نمطه وان شاء الله بتفهمين وايد أشياء وتصرفاتك بتختلف معاه

وأنصحك اختي تهتمين فنفسك بعد أكتر وتحاولين تشوفين عيوبك واتصلحينها .. وتشوفين زوجك ليش يصرخ ... شلي تسوينه ويهيجه اتفاديه اختي وحاولي تعرفين نمطك الشخصي بعد حتى تقدرين تركزين أكتر على تطوير ذاتك

شلي عنك فكرة الطلاق الغالية... انتي الحمدلله مستعدة تتغيرين وهذي فرصتك... اهتمي ببيتك أكتر و اعرفي زوجك شلي يجذبه حق أي حرمة غير ك وسويه... خليك على مزاجه *___* وان شاء الله حياتك بتتغير للأفضل

الله يوفقك اختي ويسخرلك زوجك ويهديه لك ان شاء الله

دمتي في خير وصحة

ماشاء الله رد وافي وكافي الله يسعدك ياصاحبة الرد ...الله يكون في عونك

ياصاحبة المشكلة ..عليك بهذه النصيحة الذهبية ..

 

[صفيرالبلابل]

اخيتي الغالية صدى الصمت
صديقيني الخيول الاصيلة هي التي تصل الى النهاية
ضعي هذه العباره نصب عينيك واي حياة زوجية لابدان يتخللها بعض المشكلات
بالعزيمه والصبر باذن الله ستنجلي وتخف وتقل ومنثم تختفي اذا احسناالتصرف
الله يفرج همك استغفرالله

 

[دلع ملكة]

الله يعينك ياعسل بس حبيبتي الرجال كذا لسه مو متعود على المسئوليه
وانتي شيلي فكرة الطلاق من فكرك
ابدي تقوي شخصيتك وغيري حاولي تجذبي لكي و تعرفي على شخصية زوجك اكثر عشان تعرفي كيف
تتعاملي معاه
وفهمي زوجك وقوليلو انت ترضى اعاملك زي ماانت تعاملني وترضى اتلفظ عليك زي ماانت تسوي
انا انسانه مااحب انك تعاملني كذا
وانتو لسه في بداية حياتكم واكيد المشاكل كثيره بس ان شاء الله تقل لمن تفهمي اكثر تقل المشاكل باذن الله
الله يوفقك ويسعدك ياعسل

 

[أم تينا]

أختي إلزمي الاستغفار بنية يرجع لك زوج ....والله أحسن أحل...وإلجئ الى الله..

 

[سراب الطفوله]

الله يعينك

الله ينصرك

الله يصبرك ويعوضطك وكل من يعاني يارب العالمين

 

[شتاتـ]

هلا حبيبتي عليك بالدعاء والاستغفااااااار والله ماراح يخيبك

 

[غيرة الورد]

حبيبتي انا وحده اعرفها زييين نفس حالتك بس انتي احسن شوي صبر شهر وجامل شهر كامل الحرمه الي اعرفها من 3 يوم بدى بالمعامله الزفت

واكتشفت انه يخوووون واستمر لين وصلت فيه الحاله انه بدى يغازل اختها بس اختها طلعت بنت حلال وصدته وعلمتها

انتبهي ابو طبييييع مايجوز عن طبعه

 

[.nina]

شوفي اختي اعرفي الامور الي بتنرفزو وتجنبيها وحاولي تتعرفي على محيطه الخارجي من بصاحب ومع مين بيجلس بس بطريق لبقة مو تجسس .وانا انصحك ونفسي بالصلاة والدعاء, انا بدي اقولك شيء بيني وبينك استعملي الرقية الشرعية وشوفي اوكي]

 

[al-fajeral-qadm]

عليك بالدعاء عزيزتي ولازم تعرفي سبب تغير زوجك تجاهك

 

[سندريلاااا كيوت]

الجاي الى الله بالدعاء والاستغفار واسال الله ان يهدي زوجكي وان يرزقكي حبه المتواصل امين

 

[ينااابيع الحب]

الله يكون بعونك حبيبتي انا اقول لك خلاص لاتكرري السؤال دائما اشفيك متغير علي في كل وقت اتركية يقعد مع نفسه شوي بدون ماتكوني طرف في الموضوع بالعكس ساعدية يجلس مع نفسه شوي وانتي التفتي لنفسك شوفي شنو ناقصج من اهتمام يمكن يبيلج تغيير في اللوك بعد الحمل يمكن يكون جسمك يبيلة رياضة وشد جسم انتي حاولي تحبين نفسك علشان المحيطين فيك يحبونك والله يسهل امرك حبيبتي وطمنيني عليج

 

[بحر الجنون]

مراحب غاليتي اذا كان زوجك شديد حاولي انك ترخي معاه واذا كان العكس شدي معاه وزوج مايسوي كذا الا اذا كان يحس في نقص حاولي تبحثي السبب وشيلي من راسك كلمه الطلاق لانه مو حل

 

[وسن العلي]

الله يعينك وهذي اختي من المشاكل البسيطه ان شاء الله فحاولي ما تكبرين المواضيع ولا تضغطين عليه بهالموضوع خلاص خليه دام هو عرف وجهة نظرك في هالوضع اتركيه والتفتي لنفسك بالبدايه ولا تنسين الاهتمام فيه بعد خليه يشوف كيف انك تحبين نفسك ومهمه عند نفسك وفي نفس الوقت ملبيه رغباته ومهتمه فيه بما يرضي الله ويحفظ لك كرامتك ...... خليه يشوف التناقض الواضح بين سوء معاملته لكي وبالمقابل طيب معاملتك له واللي ما يرجع ابدا لضعفك او انهزامك بل ينبع من احترامك لنفسك ولبيتك ولحياتك الزوجيه المقدسه في نظرك...طبعا هذا كله حبيبتي بعد الصلاه والدعاء والاستغفار والاستخاره في كل شي حتى في الكلام اللي بتقولينه له استخيري عزيزتي .... وراجعي كمان انماط الشخصيه وبعض المواضيع المشابهه بالمنتدى راح تستفيدين ان شاء الله .....وعيشي حياتك بسعاده لا تسمحين للحزن يدخل نفسك لان تصرفاته اللي تسبب لك الحزن خارج عن نطاق سيطرتك ومالك فيها حل الا الدعاء والمحاولات الجاهده لتغييرها ولا تسمحين لها تكون سبب في تعكير حياتك استمتعي بكل لحظه فالحياه جدا قصيره ويكفي ان تنظري لعيني مولودك فتشعري بكل السعاده في العالم بين يديك اعانك الله ورد لك زوجك ردا جميلا وجعلك له قرة عين آآآآمين
حبيبتي عندي سؤال .... ايش قصه وسن العلي اللي بموضوعك لانه نفس اسمي اللي اشارك فيه بالمنتدى هل لنا نفس الاسم ؟؟؟؟ اتمنى تفيديني​

 

[شذى الدنيا]

حبيبتي اول شي الله يعينج وثانيا لازم قبل كل شي انتي تعرفين اخطائج وبعدين تسالين عمرج ليش قاعد يتصرف جي هل منج او منه .وبعدين اقعدي وياه ع رواق واساليه شو الاشياء اللي تخليه يبتعد عنج واصري عليه انه يجوابج يمكن انتي اهملتيه او كلامج جارح وياه صدقيني ترى اقوى ريال في العالم داخله اصغر طفل. الله يهدي سركم ويخليلكم بنتكم و قبل ما تفكرين بالطلاق طالعي عيون بنتج عشان تجاوبج.

 

[الحياة عقد]

اللة يكون فى عونش الدعاء مفتاح الفراح

 

[أجمل احساس1]

الله يعينج ويهديه

 

[نورالحياة2010]

السلام عليكم كيف الحال .. اممممـ .. بدخل في الموضوع سيده ..

انا صار لي 9 شهور و اسبوعين من عرست .. اول شهر كان احلى شهر مع اني ما سافرت شهر العسل بس كان ريلي معوضني عن كل شي بس عقب تغير كل شي اسلوبه كلامه تصرفاته حتى في البيت ما كان ييلس وايد و كنت اصكت و بعد عيد الاضحى كشفت خيانته و واجهته و وعدني ان ما يغلط مره ثانيه و مادري كيف و مشينا امورنا لمدة شهر و رد مثل ماكان لا اسلوب عدل ولا شي و على اخر اشهر حملي تعدل معايه تقريبا من آخر السابع و فرحت وايد و ربيت والحمدلله و ردت الحاله مثل ما كانت كله يصارخ عليه و يعق ألفاظ بذيئه و جيه انا ما خبرت حد عشان المشكله ما تكبر فبلييييييييييييييز حاولوا تساعدووني طفرت والله فكرت بالطلاق و السبب معاملته لي مع اني احاول اني اهتم فيه ما اهمله بس هو متغير ماعرف شو اسوي عطوني الحل ..:icon1366:

لابنا يوفقك حبيبتى ويصلح حالك بس استغربت من النوان نور الحياة2010 وهذا الاسم انا مسجلة بية ولذلك دخلت اشوف فية اية

 

[قلبي مشتاق لك]

الله يكون بعونك وعليكي بقيام الليل وكثرة الاستغفار00000000000

 

[الرياانة]

انا اتفق مع البنات حاولي التغيير في كل شيء
ولا تنسي اللجواء الى الله زكثرة الاستغفار