[you] اذا انتي موظفه ومتزوجه محتاجينك هنا

[طير السلام]

انا اعتقد انه من الافضل الاتفاق على ان راتبها من حقه هي وبس اثناء الملكه لان وحده من زميلتي وقع زوجه على الملاك ان ماله داخل بالراتب الا برضاها وانها حره في راتبها.... وهي الحين متزوجه له عشر سنين وجابت اطفال منه وعمره ماسألها عن الراتب وهو المسؤول عن كل شي بالبيت وعن زوجته
وبرائي انا ان هذا الشي يرجع للزوج فاأذا مترفع عن ان حرمته تصرف عليه فصدقيني ماراح يقرب لماله ابد،،،،،،،،،،
،تقبلي ودي قبل ردي

 

[عطر الرياحين]

انا مب موظفة بس اذا كنت موظفة راح اخلي اساسيات البيت عليه وبدلع نفسي براتبي ولكن بنفس الوقت بعطيه وبوقف معاه اذا كان في ضيجة يعني اذا كان محتاج لان التعاون بين الزوجين هواساس الحب في البيت

 

[أم أمجاد]

افيدونا

 

[برونزية رشيقة]

حبيبتي .. كل وحدة وظروفها وظروف زوجهها ..

أقصد يمكن في وحدة زوجها غني ما يبيها تشتغل ..

والثانية موظفة بس زوجها مطلوب ومديون .. ويعيشون على راتبها ..

الثالثة يمكن شارين بيت وماخذين قرض من البنوك يسددونه فيسددون ثمن البيت من راتبها ( الأقساط )
وراتب الزوج مخلينه حق مأكل ومشرب وملبس .

الرابعة يمكن ظروف أهلها تعبانة أو ظروف أهله ويساعدهم ويا دوب الراتب يكفي حق معيشتها مع زوجها
أو مثلا زوجها يصرف على أيتام .. أو أخوانه أو غيره أو أمه الأرملة .. إلخ

كان ودي أفيدج وأستفيد بس :

كل بيت حسب ظروفه وكل زوجة موظفة تمشي حسب ظروف زوجهها ...

 

[المونليزه]

شوفي حبيبتي اذا عندج اعيال ومصروفكم وايد لابد انج على الاقل اتشيلين مصروفج كنوع من المساهمه بصراحه انا وزوجي وايد انعاني من هالمشكله بس انا ماياست واحاول كل شهر بدلع اطلب منه واذا شفت هالشهر انه محتد اقوله عادي انا مايهمني المبلغ انا اهمني انك حبيبي وتصرف علي واذا عاند معاي اقوله حبيبي بخاطري تختالي عطر يعني احاول اخليه يدفع شي

 

[قهوه عربية]

خلج ذكية من اولها ..
حياتي خاطري يالشي الفلاني ..
عمري ودي اتوديني السوق .. ولما اتحاسبين اوقفي ورا وخليه هو اللي يدفع ..
اخ الشهر راتبي خلص يا قلبي ,,
وطبعا بعد كل مرة يدفع .. لازم " شكرا حياتي .. تسلملي يابعد عمري .. اللي شريتلي ياه احلى من كل اللي عند صديقاتي .. ما اعرف من غيرك انا كيف بعيش ..
دايما خلج ذكية مع الريال .. خذي اللي تبينه بس بطريقة غير مباشرة ..
اهم شي اتعودينه على جذي من اولها ,,

 

[العطوف]

بس انه الحمدلله موظفه وزجي مومقصر معاي يصرف علي وبزياده

 

[العطوف]

الحمدلله انه موظفه وزوجي مومقصر يصرف علي مومخليني محتاجه شي

 

[ماشيfast]

اهم شئ التفاهم بين الزوجين والسعاده اهم من الفلوس بكثييير.... الحمد الله احنا متفاهمين من ناحية الصرف جزء كبير عليه والباقي علي. طبعا برضاي لاني لما اشتري ملابس لأولادي اشعر بالسعاده والحمد الله على كل حال والله يديم الرضا والسعاده على الجميع :smile:

 

[ASHHEM]

انا متزوجة وموظفة بس ليش ما أصرف على البيت معاه والا هو بيته لوحده
انا مقتنعة من بداية حياتي انه نحن اثنين في واحد وما افكر في الموضوع لانه
فيه مواضيع ثانيه اهم بكثير وخلال العشر سنوات من زواجي بنينا بيتنا واثثناه فلس على فلس
والحمدلله

 

[وحدة المشاعر]

انا موظف ومتزوجه وضروف زوجى ضعيفه فتساعدت وياه على بناء منزل وضمنت حفى فى المنزل
طريقتنا ان راتبي كل فى العمار وهو يصرف علينا والباقى فى العمال
وستمرينا كذا انا استفدت ان راتبى كله مضمون بس النتيجة































انه صار بنقط على بل قطارة من اجل توفير المال
وصارت فيه مشاكل بننا كل شوى يقول انا غلطان هذا منه المراءه

المشكله انه يخلينى اشترى كل اشئائي الخاصه بس الاولاد ما يجيب الا الضرورى والهدايا لناس ممنوعه

 

[fa2m]

أنا موظفة
بس الحمدلله زوجي ما له دخل ف راتبي و هو يصرف على البيت وكل شي عليه حتى الكماليات
دايما يردد هذا تعبج و أنا مب محتاج الحمدلله,,,,

 

[فاتن وديما]

الله يهديهم بس
لكن انا غير متزوجة

 

[حكاية ألم]

أنا لست موظفة ولكن الزواج هي مشاركة وجدانية :icon26:بالحب والمودة والسكينه
والمال وسيلة لسعادة الزوجين عندما يكون زوجي بحاجة للمال وأنا أملكه فأني :blush-anim-cl: سأقدمه لزوجي ومعاه :icon26::icon26::icon26:قبله على جبينه
يا زوجي الحبيب :icon26:تفداك كنوز الارض :tears:

 

[أحاسيس وطنية]

انا موظفة لفترة طويلة واتبعت في سياستي المالية مايلي
اذاكان زوجك ظرو
فه المادية ممتازة على طول انتبهي واحذري واحفظي حلالك ولايدري وش عندك وخذي نفقتك كاملة وبيني ان الفلوس اللي يعطيك اهم من الراتب اللي تاخذينه ويريحك ويخليك تحسين انك مثل غيرك ومن هالكلام
اما بالنسبة للي ظروف زوجها زينة بس تجيه زنقات معليش تساعده بس تشرط عليه يرجعها وانه شقاها وتعبها ومحتاجة للمبالغ اللي اخذها ومافيه مانع تلمح من بعيد انها ماراح تعطيه لو ماسدد لها
واللي ظروف زوجها مافي امل يحصل شى بدونها الشكوى لله بذكاء تخليه يستلم نفقة البيت وهي والعيال وتخلي راتبها للاشياء الثقيلة مثل بناء البيت وتشترط يكتب باسمها من البداية عشان تحفظ حقها
وانا ماكتبت هالشي الا عن تجربة ولا يغرك بكلامه لنا وعيالنا عايشنا قصص مؤ لمة
ساعديه بس احفظي حقك حتى لو كان ملاك عشا ن مايجي يوم وتقووووووووووووووولي ااااااااااااااااااااااااااااااااااااااااااااااخ\\\واااااااااااااااااااااااااااه

 

[تفاحه جنى]

لاموموظفه

 

[غلا **]

دائما اسمع زوجي عبارة أنا مكملة لك وأنت مكمل لي وكلنا واحد ( بنغمة رومنسية :icon26 وأكمل العبارة ( بنبرة حادة ) :icon28: المهم بدون تجاوز الخطوط الحمراء .. الحمدلله زوجي يعرف أن من واجبه توفير حاجات المنزل ولا يطلب مني المساعدة .. لكن من طيب نفسي أشتري لأبنائي من مالي وأقوله إذا رجعت من السوق ترا كسوة العيد عليك ياعسل ههههههه
:e032:

 

[سندريللا2008]

انا متزوجه بس مني موظفة بس احس اني لو اتوظفت ما اخلي زوجي يتكل على راتبي في البيت ممكن اساعده في امور غير البيت مثل السفر والمطاعم واشياء عادية من السوق اما الاثاث والملابس ومقاضي البيت والعاب الاطفال اخليها عليه لانه لو اتعود من البدايه انها تكون عليكي معد حيدفع فيها

 

[حياتي هناء]

عن نفسي ماأبغاه يصرف علي لكن يفكني من الأقساط اللي مدمره حياتنا من 16 سنه ولا خلص منها المهم أنا تعبت وحسيت مافي فايده من المساعده لأنه يتساهل في الديون وما لك فضل عليه ولا كلمة شكر ولارد معروف في التعاون .....عشان كذا ومن زمان صرت أعتمد على نفسي كثيرًا في مصروفي أما مصروف عيالي هناك بعض المشاركة التي لأنكرها منه والحق يقال ....وبدأت أجمع من راتبي لكي أستطيع أن أمتلك منزل وهو لايمانع في ذلك وبمساعدة الله عز وجل ثم بالعزيمة وصدق النية أصبح لدي منزل لكن بأقساط بنكية .....دعواتكم والله يسهل ...ودمتم

 

[ظلم الدنيا]

هلا ياحبيباتي البلقيسيات انا مو متوظفة وادعو لي ربي يكتبها لي