يناسبها وتناسبه وانا ضايعه بالطوشه!!!

[قطرات ثلج]

فنكوشه الله يعينك ويعينا ابي ارسل لك ممكن ابي اناقشك بمووضووع عادي
الله يعينا ما ادري الى وين بنوصل؟؟؟.

 

[النورس الأبيض]

فنكوشه لا تكلميه ابد حتى بتلفون ....... لاتعطيه فرصه انه يحس انه ممكن ينتصر ....احقريه تماماً ترى الحقران يقطع المصران لاعاد تكلمينه تعذري بميت عذر علشان ينخ ويعرف ان هذا الأسلوب مايجي معك ابد وانه انقلب عليه بدل مايكون في صالحه ......

موفقه يالغاليه

 

[فنكوشه]

بنات اخوي يقول علمي امه ان اهله لازم يدرون وشرايكم؟؟؟؟

 

[النورس الأبيض]

لا لااعتقد انه من الحكمه ادخال اهله .....يعني بتتوقعين انهم بيصفون وياك ضد ولدهم هذا ولدهم مهم كان يمكن في البدايه وبعدين يفر هو راسهم ...... ويسير يلقا من يسانده ضدك ويزيد عناده
مااظن ان هذا في صالحك ابداً

وبعدين فنكوشه انتي ليش ماتستشيرين الدكتوره نفسي افهم ....... ليش ماتتصلين عليها اتصال طارىء وتعلمينها بتطورات ..

 

[بحر الجود]

فنكوشه حبيبتي قلبي معااااااااك

اما حكايت ان اهله يدرون فهذا على حسب اذاكانت امه حقانيه يعني ممكن تكون معاك او ضدك

انا في رايي انك تزوريها وتقوليلها كل شي بينك وبينها في هدوء من غير انفعال

ومن غير ما يدري زوجك وتشوفي ردت فعلها ؟؟؟

يحفظك ربي ويرعاك

 

[رفيفـ]

انا اقول المفروض اهله واهلج يدرون بالموضوع

لانها اذا صارت بين الرياييل تكون احسن ويقفونه عند حده

اذا تبين الفزعه ناديني هههههههههههههه

تراني مااخذه دوره في الجمباز خخخخخخخ

الله يعينج عليه حبيبتي فنكوشه

 

[ورد الخال]

طيب الدكتورة شو رايها؟؟

تشوفي ولا ما تشوفي؟؟

شو الخطة؟؟

 

[حبيبة زوجها]

غاليتي فنكوووووووشة انا متابعة لموضوعك الله يقويك ترى موقفك من وجهة نظري سليمة جدا لكن

انتبهي مافي أحد من أهله حيكون في صفك حتى لو أظهروا العكس لأنه ولدهم وممكن يساندوكي عشان

البيبي وبيت أخوهم لكن من وراكي ممكن يقولوا لو مريحته ماكان ناظر بره بيته والله أعلم

 

[حبيبة زوجها]

ويمكن كمان يحس إنك ضعفتي وتبغي تحتكي فيه عن طريق أمه وبعدين ابغى أسألك أهله عارفين انك

في بيت اهلك ومطنشين ولا في بينكم تواصل الله يقوكي ويعينك ويساعدك على ما إبتلاكي به وتقومي

ان شاء الله بالسلامة ويكون البيبي فاتحة خير عليكم

 

[فلفلة]

يا عمري يا فنكوشة
أخيراً لقيتك
اتذكرك لما كنتي بتستشيرين الدكتورة ,, وبعدين قلبت الدنيا عليك ابي اعرف وش صار عليك
وما لقيتك

حبيبتي فنكوشة
لما قريت قصتك كنت ادعي لك الله يصبرك لان الكتمان بهذه الطريقة موزين لك لا يجيك مرض او يصير في البيبي شي ,,

فنككوشة
هذي معركة حياتك
يتراوى لي ان القضية عندك والمسألة مسألة وقت وصبر
وعلاقة استمرت اكثر من 10 سنين لا يمكن تنتهي ما بين شهر وشهرين

اثبتي على موقفك .. وانتِ صح .. وقرارتك كانت حكيمة من أول الموضوع إلى آخره ,,
ولا تخلي تصرفاته تستفزك
وإذا على الأفكار اللي تجيك من انه لازال يخونك ويقابلها في بيتك
خليه يا شيخة يشبع منها لين ما يغص ويتقياً ويعافها بعدين

تراه يحاول يستفزك
ساعات يضعف ويحس انه غلط .. وساعات يحس انك انت غلطانة وهو صح ولازم يأدبك ويربيك

لا تسمحي له يستفزك ولا تبينين غضبك قدامه
وتراه هو اللي رفس النعمة مو أنتِ
والمسألة مسألة وقت
ولو كان بايعك ما كان دق عليك ، يبيك ترجعين بس بشروطه
ويمكن يوم يدق عليك ويقول انه ما يبيك " يبيك تركضين وراه وتقولين .. حرررررررررمت بخليك على كيفه"
ويمكن يوم يتصل ويقول ما ادري ليش سويت كذ ، ما ادري ويش فيني ساعديني ؟

أهنيك على اعصابك الحديد
ومعركتك اوشكت ان تنتهي .. بس تحتاج مزيد من الوقت .. وشوية صبر

و لو فعلا طلقك وانا ما اتوقع يسويها
تراك ما طلعتي من المعركة خاسرة .. تراك ربحتي .. ربحتي نفسك وكرامتك
اما هو .. لو وصلتوا لذيك المرحلة ترى ما علليه اسف


اصبري شوي واثبتي شوي
وراح تربحين معركة عمرك

الله معاك يا فنكوشة الله معاك الله معاك

احفظيه يحفظك .. وكوني لله كما يريد .. يكن لك فوق ما تريدين

عجبتيني يا فنكوشة .. وهكذا ينبغي ان تكون المرأة

 

[om___fahd]

إلى الامام حبيبتي فنكوشه الله يقويك يارب ولا تعلمي اهله ترى مو من صالحك

 

[أم زهراء]

موفقة يا فنكوشة .. وربي يسهل لك أمرك ويهدي لك زوجك ..

بس إنت ليش تردين على تليفوناته .. وهو ما عنده غير أبي أقعد معاك وأقول لك كلمتين ..

شكله يبي يهدي نفسيتج ويطيح اللي براسك طول ما انتين تسمعينه صوتك أو يمكن عشان يرتاح

ضميره شوي على الرغم من عمايله فيك إلا هو حاس أن انتين باقية عليه وعلى العيشة معاه من

خلال ردك عليه ..

أول ما تشوفين رقمه سوي جهازك ع الصامت عشان ما تتأذين من كثر ما يدق عليك ..



وإذا على أهله لا تقولين لهم شئ لأنه بيحس إنك بديتين تضعفين وساعتها بيستقوى بهم عليك يعني

ولا كأنه هو الغلطان ..

 

[وجه البدر]

هلااااا اختيه

انا برايي ما ادخلين الاهل لان المشكلة ممكن تكبر اكثر لان انا استوتليه تقريبا شرات سالفتج ومن دشوا الاهل من الصوبين قاموا يعندون ويعاندون بعض وانا وبنتي اللي رحنا في الطوشه


بس اقولج شي ها ريلج وانتي اكثر وحده ممكن تحكم افضل طريقة لتأديبه....

فانا اعتقد انج تعرفين انه يحبج موووت وانه مستحيل يطلقج بس هو عنيد ومكابر شوي


فيباله شويت تطنيش مع شويت لا مبالاه عشان ينقرص ويحس بغلطته


والله يوفقج دوم


ويقومج بالسلامة

 

[حبيبة زوجها]

فنكووووووووووووووووشة حبيبتي كيف حالك أتمنى تكون بخير انت و البيبي انا متابعة قصتك

واشجعك على اللي تسويه لكن لااااااااااااااااااااااا تكلمي امه او احد من اهله ما تدري الأيام ايش

مخبيتلك الله يقويك ويصبرك والله اني ادعيلك بالتوفيق .......

 

[فنكوشه]

لبلى والله قلوبكم
الله يوفقكم
انشالله
امس ارسل لي ايميل يقول فيه خلينا ننهي الموضوع
عاجبك عيشتك هذي
تبين تعيشين زي كذا طول عمرك
فيه امور كثيره لازم نتفق عليها ونحسمها
تبين تتطلقين؟؟؟؟

اللي يقرا الايميل يقول الولد راحمني ماوده اصير مطلقه ولا هو عادي مبسوط
شكله بنات يبي يرجعني بشرووووطه
ساعات اقول ودي اشوفه واسمع وش عنده
ابي اعرف هو مستقوي على ايش؟؟؟؟
بنات يوم كلمني تحسون من لهجة صوته كأنه يتهمني كأنه ماسك علي شيء
عسى ماقالت له الشغاله عن جوالي الثاني اللي اكلم فيه الهيئه الله يستر
شكله متربع على سالفه
وكان يستفزني بكلامه يقول
يقول ليش ماتقابليني ؟
وش خايفه منه؟
ليش انتي مسويه شيء؟
بنات لو درى عن الجوال الثاني وطلعت الشغاله قايله له صدق وش اسوي؟؟؟
طبعا استحاله اقول الهيئه تراقبك نوووو وااااي.
تدرون وش المشكله الاعظم
انا كنت لما اجي اطلع اغراض التجسس حقتي من مخبأها السري ادخل الشغاله المطبخ واقول لها ماتطلع ...
وبعدين اطلعهم واروح غرفة المجلس اللي لها اصلا باب على الحوش واصكر علي وابدأ اسمع مكالمات...
واذا طقت علي اطل عليها من عند الباب وارجع اقفله.
انا ما خذت الشغاله معي
ارسلتها لأهله عشان بيت اهلي مليان شغالات وما ابيها بعدين تصير زي الجاسوسه تعلمه وين رحت ووين جيت.
فهمتواااا...
الله يستر يابنات كأني غلطانه مو هو...
تدروووون وش قال اخوي لي...
يقول ماعندك صورة لهم او تسجيل قلت ليش قال عشان تذلينه ويخضع لك...
انا ما أومن بهالسوالف وش اللي يخضع لي
انا ما ابي زوجي يخضع لي ابي نعيش زي الاوادم
ابي ملابس حلوه بدل الخلاقين اللي عندي بس ماني قادره اروح للأسواق من الوسواس انها بتجي للبيت....
بنات اخوي يقول انسي انك ترجعين بدون رضوة يعني مبلغ وقدرة.... وانسي ترجعين لهالبيت....
لازم يشتري لك بيت ويحطه بأسمك.... ( زوجي قادر على ذلك صحيح ما معه كاش بس عنده عقارات يقدر يبيعها )...
لو انشالله تقعدين عندي سنين واذا مانفذ شروطك باللعنه خليه يولي مهب كفوك...
يقول المفروض انك يوم دريت بخيانته المره الاولى وسترتي عليه انه شايل معروفك وجميلك على راسه مهب يتمادى ويرجع يخف بك....
بنات مدري شسوي؟؟؟....
الله يستر
اكثر شيء يقهرني ان زوجي يتعامل معي كأنه ماسوى شيء..
بارد..
اهله ما اتصلو ولا دقو حشا لي الحين ثلاث اسابيع...
غريبه صح؟؟؟
يمكن قالهم هي زعلت وطلعت وهي ترجع ولا تتدخلووون...
بس عندي احساس انهم بيجون اليوم يشوفون حفيدتهم....
حتى ماأ تصلو يسالون عنها بعد...

يووووه
يلللااااا باي

 

[غاليه]

اختي فنكوشه

زوجك يكابر وهذا طبع الرجال كلهم مستحيل يعترفون بالغلط او حتى يبين لك انه يبيك
والرجال والله عندهم قدره على التمثيل يعني يمكن زوجك يكلمك بهذي الطريقه يبي يبين لك انه ماعليه منك
وصدقيني لو مايبيك ماكان يتصل فيك
نصيحه لاترجعين الا ونتي مصفيه حسابك معه واسمعي كلام اخوك
لاتسوين مثلي والله تقعدين طول عمرك ندمانه وتلومين نفسك
اشتري راحتك ولاتنسين الدعاء داومي عليه في كل وقت

لاتكلمينه شوفي اش يبي بالرسايل وبس
لان الوحده احيانا تضعف قدام زوجها

وبالنسبه لاهل زوجك يمكن مايدرون ان المشكله كبيره واكيد هو ماقالهم بعد لو وجه يتكلم

الله يوفقك حبيبتي ويفرج همك ويجعللك بعد العسر يسر

 

[النورس الأبيض]

كلام اخوك صح انتي ليش ماتستخدمين التسجلات ضده هذا في صالحك

 

[وميض البرق 10]

أنا ما أنصحك تعطين أخوك التسجيلات
فكري في بعدين كيف بتكون علاقتك معه
صدقيني راح يكرهك أو حته يمكن ينتقم منك ويطلاق وأنتي ما تريدين هذا

خليه يجي بيتكم واجلسي معه في المجلس وشوفي شنو يبي


وعندها بيقولك الحين أنتي عرفتي وش تبي

قولي شروطك بس بطريقه ما تثير اعصابه

وأنا اتوقعه يوافق علي شروطك

بس بيراوغ في البدايه

وشوفي الوضع الي يريحك وسويه بس فكري في مستقبل الطفل

 

[فنكوشه]

غاليه وش قصتك انتي وشلون ندمتي بليز انا احب اعرف
احس انه اذا سمعت اخطاء غيرك تحاول تتجنب الوقوع فيها
يعني خانك ورجعتي له بسرعه؟؟
كم قعدت عند اهلك؟؟

 

[فنكوشه]

بنات علموني تجاربكم الفاشله
ماودي اغلط بليز
واللي عندها تجربة ناجحه والا سمعت تقول لي
شجعوني
وراي ويك اند
يضيق صدري بالويك اند