يناسبها وتناسبه وانا ضايعه بالطوشه!!!

[غاليه]

فنكوشه
حكايتي باختصار
زوجي يومها كان مسافر وكل مااتصل عليه مايرد وماادري كيف اتصل علي يوم رديت الا اسمع زوجي يتكلم ومعاه وحده بالسياره شكله ضغط على الجوال وماانتبه او اللي معه متصله بتقهرني

المهم انا طبعا زعلت وقعدت في بيتي وهذا الغلط الاول
وهو طبعا اسبوعين مادخل البيت ماله وجه بس شغال رسايل حب وغرام وهو عمره مارسل بس حس بغلطه
انا طبعا اتفاهم معه بالرسايل وبس وماقلت لاهلي وهذا الغلط الثاني
هو قالي انا مملك عليها ولما طلبت العقد قال هي اجنبيه وكلام كثير كله كذب وخرابيط
هو طبعا كان حالته النفسيه سيئه بس كان يكابر
بعد اسبوعين رحنا مكه لاتسألين عن النفسيات الله العالم فيها
وللمره الاولى اتواجهنا طبعا انا دموعي تسابق كلماتي وهو كان يقولي انتي تحبيني ولاتقدرين تتركيني
انا انقهرت من هالجمله وانقهرت من نفسي
انا ضعيفه قدامه حلف لي ايمان انه مامسك وحده بالحرام (زوجي علاقاته بالتيلفون) وهذا اللي اعرفه
المهم هو قالي اجيب لك العقد عشان تصدقين وللآن لي 5 شهور ماشفت شي !!!
ماادري كيف سامحته والله اني ندمانه ندم اقول ياليتني قلت لاحد من اخواني ياليتني كنت قويه وماضعفت من اول ماشفته
واللحين كل ماجبتله سيرة الحكايه يغير الموضوع
عشان كذا اقولك خليك قويه

 

[ورد الخال]

آآآآآآخ يا فنكوشة آآآآآخ

والله الرجال بقهرو ... طب على الأقل يحاول يراضيكي .. كلمة حلوة .. أي إشي

يعني غلطان و مع هيك بكابر .. وحتى إذا عرف عن الجوال الثاني

خليك قوية و واجهيه .. قوليلو أنا كنت بدافع عن بيتي و زوجي و حقي إني اعرف عنك كل شي

ما كنت أتجسس عليك حبا بالتجسس إنت اللي أجبرتني بتصرفاتك الصبيانية ..

اطلعي بالعالي و لا تنخي أبدا .. و اسمعي كلام أخوك ... صدقيني .. خليك مع أهلك

ما تحسسيه إنك لحالك يستفرد فيك

نرفزت!!!!!

 

[gear]

السلام عليكم اختي فنكوشة و الأخوات العزيزات​

عزيزتي الغالية أنا مريت بظروف مشابهه تقريبا لظروفك و تركت بيتي والأولاد مع زوجي و رحت بيت أهلي و لكني لم أذكرلأهلي السبب الفعلي للمشكلة و ذكرت لهم سبب آخر و ما فضحت زوجي عندهم و تركته لمدة شهر بدون اي اتصال و لما حسيت إنه تعب من كثر المحاولات طلبت منه اني اجلس معاه بحضوراهله الكبار و انا جيتهم لوحدي بدون أخواني أ و امي و علمتهم بكل شي سواه ولدهم وواجهته و حليت المشكله بشروطي انا...

و الحين انا في بيتي معاه ومع عيالي و اسأل الله ان يتم علينا نعمته و يعيننا على ذكره و شكره
فالقصد انك انتي اكثر وحده تقدر تحدد شنو إهي الخطوة التالية و هل من الصح انك تبلغين اهله ام اهلك او تواجهي زوجك

أنا اقترح عليك ان تحسمي الموقف و تسمعي منه ما عنده و على ضوء ذلك تقررين شنو تسوين ولا تتركين الوضع على حاله حتى لا يتعود و يصبح امر عادي .

 

[حبيبة زوجها]

حبيبتي فنكوشة كيف حالك والبيبي ان شاء الله تكوني بخير ..................

أنا حبيبتي أشوف ان زوجك بيستفزك بكلامة عشان تثوري عليه وتخرجي من صمتك اللي ذابحه لأن

الخصران يقطع المصران هو الأن يخبط راسه يمين ويسار لأنه مو عارف انتي كيف حتتصرفي وهذا

اكثرشيء قلقان منه أنا عجبني كثير تصرف الأخت gear لكن كل وحدة أدرى بزوجها وأهله وإذا على

الجوال الثاني أخوك ممكن يقول لك على فكرة مقنعة تقوليها له لأن الرجال أدرى ببعض ويعرف ان

شاء الله ايش ممكن يقنعه لكن أنا ماعرف ان الهيئة تراقبة أخاف يضرونه بشيء

 

[أم زهراء]

فإن مع العسر يسرا إن مع العسر يسرا ..

ما ضاقت إلا فرجت ..

ربك كريم أختي فنكوشة وإن شاء قريب تنحل مشكلتك .

 

[نرجسية زمانها]

حبيبتي فنكوووووشه لاتردين على اتصالاته تبغين الصرااااحه قلعته
ولاااايهمك هذا واحد يبغى يذلك ويهينك اذا رجعتي له في الوقت الحالي
راح يتماادى اكثر واكثر
انصحك واقولك الحقرااااان يقطع المصراااااان
وحتى اهله طنشيهم هذي عائله واقفه بصف ولدهااا
وخلي اخوك مايرد على زوجك ويحقره

وان شاء الله يهديه ويترك .....
والله يوفقك

 

[غيمة مطر]

تعرفين؟؟ احسن شي و نصييييحة لله.. طنشيه و حسسيه انه انتي مب فارقة وياتش.. طلاق او بيعتدل حاله..!! صح بيننا و بينتش ما نبا طلاق بس لازم تكونين قوية و حازمة.. الرياييل يبون العين الحمرا.. صدقيني.. السكوت في كثير من الاحيان مُدمر.. و ما يحل شي! و اذا تميتي بالهدوء اللي انتي عليه محد بيتدمر غيرتش.. و محد بيتعب غيرتش.. و بيتم هو يدوس عليكي ف الرايحة و الجاية.. و صدقيني محد يستاهل..
كوني قويه!

 

[حبيبة زوجها]

فنكووووووووووووووووووووشة فينك حبيبتي طمنينا عليك ان شاء الله بخير الله يقويك ويلهمك

الصواب يارب ......يارب.......يارب.. ويقومك

بالسلامة

 

[دانة بعين بحارة]

حبيبتي لا تخافين زوجك باين عليه من النوع إلي يخاف من الدفاع فيتحول للهجوم
ماعليك منه احقريه

 

[وميض البرق 10]

حبيبتي ما فيه تقدم في الموضوع
يعني ما اتصلبك

يعني هو بهذه الطريقه بايعج

 

[فلفلة]

جبتيها يا دانة بعين بحارة
( يخاف من الدفاع بيتحول للهجوم)

 

[غيمة مطر]

و لو عرف عن سالفت الجوال الثاني.. شو يعني؟؟ اللي كان يسويه هو اللي دفعتش انتش تتنصتين عليه و لو هو ريال مثل الناس ما بيخليتش تحتاجين تتنصتين عليه..
لا تخافين.. انتي ما غلطتي.
و انتي الحين ف موقع قوة ف لا تضعفين.. و كل مرة تضعفين اتذكري المرات اللي انتي تكونين ف البيت لوحدتش و قلبتش يحترق و هو مع الخايسة يضحك و مستانس و مستهين بتش.
اتذكري الايام اللي طافت كيف مرت و انه مافي شي تخسرينه.. صدقيني.. لو ريلتش مثل الناس صدقيني ما بتشوفين حد واقف وياتش.. بس ما يستاهل الوحده تزعل عشانه..
انا ما احرضتش ضده.. بس انتهزي موقفتش انتي الحين ف مركز قوة و انتهزيه.. حى الأدلة اللي عندتش استخدميها.. شو يعني؟؟ هو بيصغر ف عين كل من حوله و هو روحه بينحرج..
انا ربيعتي نفس معاناتش.. بس هي ما كانت متردده‘ انتهزت كل لحظة و انتقمت منه.. مب عشان تكرهه.. بالعكس هي تحبه و تموت فيه بس عشان تحسس ريلها انها قوية و مب عنز (إمعه).. و طلقها طلقة اولى و رجع يبوس ايديها و ريولها عشان ترجع له (لأنه بنته ضناه كان ما يشوفها) و رجعت و احترم نفسه بس هي نفسها ما ردت مثل الاول.. هو يقول الها "انتي بس رجعتي لي بس عشان تستهلكيني.. طلبات البيت.. طلباتكم...الخ" و هي ما تنكر.. هي تقوله انته ما خليت مكان لشي بيننا.. و الين اليوم هو ندمان.. (بس يوم تكلمني.. تقول الي اموووت فيه بس لازم أكابر عشان يحس انه غلط غلطه كبيرة...)

 

[جميرا266]

أختي فنكوشه

كل ماحسيتي إنك ضعفتي روحي و اقري قصة حورية بائعة الأيدز عشان تعطيك دافع انك تحطين حد لاستهتاره هذا متزوج ويخونك ويخون ربه وعقوبته الرجم لأنه محصن لاتضعفين لأنه في موقف ضعف ويهدد بس وتذكري إنك في موقف قوة واحرميه من شوفة عياله عشان يتأدب ويحس انه ضايع
لأنه صدقيني الرجل استقراره في بيته و مع زوجته وعياله اما الثانية فهي مجرد لعبة وتسلية أو شي تعود عليه والدليل انه كان يقدر يشوفها ويتهرب احيان مثل ماتقولين.

اصبري ولازم تحطين حد للمهزله هذي.

 

[في قلب زوجي]

اصبري اصبري الله معك حبيبتى

 

[فنكوشه]

يعني رايكم احرمه من شوفة عياله
وش اقول
ماعندي لك عيال انقلع
مدري والله
هو للحين من ذبيت عليه الشريحه الاسبوع اللي فات مابين عليه شيء
اصلا ماعنده رقم يتصل علي فيه
انا ماخذه اجازه الحين وقاعده في البيت عشان مايقعد ينط علي بالدوام
زهقانه مرررره
وضايق صدري

يللاااا باي

 

[روح القلوب]

الله يساعدك حبيبتي

فكري قبل اخذ اي قرار ربي معاكي

 

[شجن القلوب]

السلام عليكم جميعا
كان الله في عونك أختي فنكوشة
والله الخيانة مشكلة متفشية بطريقة بشعه في مجتمعاتنا ..بس انا بسألكم اللي يخونها زوجها بتقدر ترجع معه مثل الأول تماما ؟؟؟ خاصة اذا كانت تحبه قبل الخيانة ؟؟

 

[شجن القلوب]

فنكوشة حبيبتي انا بحب أعطيك وجهة نظري بموضوعك
اول شي اعرفي حسنات زوجك من سيئاته ؟؟ وراجعي أيامكم الحلوة وأيامكم المو حلوة ...وشوفي مين بيغلب واذا هو فعلا انسان بيستاهل تقاتلي عشانه .... وهل ممكن ينعدل او الخيانة بدمة ...وعلى اي درجة من التدين ؟؟
وكمان فكري بحالك منيح وفكري اذا ممكن لاسمح الله وتركتيه ..هل ممكن تعيشي لحالك وتربي طفلك لحالك ..ولا بتستحملي المر وطفلك يتربى مع ابوه.... وكمان شو موقف جوزك من الاطفال وقديش متعلق بطفله ؟؟ وانت بأي شهر من الحمل هلا ؟؟

كل ما كان عدد الأشخاص اللي بيعرفو بالموضوع كل ما كان افضل الك واله ..
بعدين لا تكشفيله عن كل شي بتعرفيه .... اوحيله انك بتعرفي اشياء بس لا تواجهيه بكل اللي بتعرفيه
بعدين صدقيني لا تضايقي حالك ...واشغلي حالك بامور بعيدة عن الموضوع ...صح الا ما رح يجي وقت خصوصي قبل ما تنامي رح ترجعي تتذكري كل شي بس رح تقدري تفكري بطريقة أفضل
بعدين اذا صار مواجهة لا تواجهيه من منطلق كرامه او غيرة لانه اذا حكيتي عن كرامة رح يفكر انه ذلك واذاحكيتي عن غيرة رح يشوف حاله بالاكتر ....خلي حجتك انك خايفة على حالك وعلى طفلك تتنجسو وانت طاهرين وما لكم ذنب .....وانه من يزني يزنى به وما بدك بناتك او انت (الله يحميهم ويحفظهم من كل شر) آمين تتاخدو بخطيته .
قليله ان انا حافظت على حالي كل هالعمر مش عشان اجي واتلوث او يتلوث بيتي
ولما يقلك عادي انه يغازل ..ومو لازم تزعلي ....قليله بعيد الشر عني اتخيل اني بعمل اللي بتعمله شو رح يكون شعورك واذا قلك انا رجال ومن هالخرابيط قليله يعني رجال الك قلب وانا حرمة مالي قلب
شوف انت كم رح تتاثر ...انا بتاثر اكتر منك لاني حرمة وعاطفية اكثر
وصدقيني لاتسامحيه بسهولة ....لانه نفسيت جوزك شايفة حالها مع انه غلطان ...واتخيلي لا سمح الله انت كنت محله شوفي شو كان رح يسوي فيك .

وادعي لله عز وجل ...وان شاء الله مارح يخيبك وبعد عنه هاللزقة ويرجعوه لئلك
وتكوني سمن على عسل

 

[وجه البدر]

نصيحة لوجه الله لا تحسسينه ابد انج خايفه من الطلاق لان راح يذلج وراح يعاند بزياده وراح يتمادى

ويكون بعلمج اني انا صايرليه سنة معلقة بسبت هالموضوع بعد كبرته وانه يحس عمره هب غلطان ابد
ولا حتى سأل عن بنته ولا يدري شي عنها يعني ما شافت ابوها من سنة تخيلي انتي معاي بس

شو من قلب عنده بصراحة افكر اطلق وهو ساعدني ع هالشي لانه منع نفسه عن بنته يعني بنته ما تفرق معاها لانها بالمره ما تعرفه


والله يوفقج ويكون بعونج

 

[جميرا266]

والله يابنات انا أشوف ان الرجل اذا عجزتي عن اصلاحة بس محاولات عديدة احسن تتركينه بالذات اذا كان خاين .. الانسان يشتري صحته وحياته وبالذات الأيدز اللي مايجي الا من هالعلاقات.