يارب ارزقني الصبر

[حبيبي K]

الحمد الله على كل حال
والله لاكلم ولا سال عناء
هههههه طاير فيها حسبي الله ونعم الوكيل
حتي ماسال وشاف انا بلبيت ولا راح عند هلي
والله مادري عني وانا مليت ودي اتطلق احسن لي وله حتى ماسال عن البنات شفتو انه طاير فيها وشكلها قالت ابي اروح اشوفها وجابها يركض ؟؟؟؟؟؟؟
امانه انا تعبت وبي تقلون اروح وطلب الطلق ولالا

 

[فلونه الجميله]

الله يعينك ياعمري
بس نصيحه لاتطلبين الطلاق
خليك ببيتك واطلبي اللي تبينه من زوجك ووسعي صدرك مع بناتك
ولاتنسين الدعاء


الله يصبرك

 

[~ أنثى خيالية ~]

اتحداك اذا مااشتقتيله ؟؟؟؟؟

والله انك تحبينه و تموتين عليه

باين عليك .. لاتكابرين ..

فدييييييييييتك وفديت قلبك الكبير

وهو يحبك كمااااااان صدقيني واضح عليه ..

ليه ماقلتي انه جابها لك يبغى يبغاك تشوفين انك احلى .. و يتطمن قلبك

::


اشراااااااايك عندي فكرة

ادحري الشيطان .. واتصلي عليه ..

وجهزيله أحلى يوم بحياته .. من البيت للأكل للإضاءات .. واللبس .. وكلاااااااااااااااامك خليه يتجنن فيك

وتبغين نعطيك رسايل الحين تراسلينه فيها .. تخليه يجيك ركض ابشري ..

.. بعد ماتجهزين البيت و تصرفين البنات

خليه يجيكم ..

وخليك هااااااااااادية ..

و جهزي ورقة فيها كل الي تبغينه .. وبصراحة هو تزوج وانتهينا ..
تبغين نصيحتي .. جهزيله 5 أوراق ودبسيهم ببعض .. قوليله هذي طلباتي نفذها لي .. وانتي رايقة و حلوة ومغرررييييية ..

الورق اكتبي بكل ورقة حرف من حروف كلمة (( العدل ))

قوليله هذا اللي ابغاه ..

::

حركة كثرة الاوراق بتحسسه بالخوف من كثرة طلباتك .. لكن لما يعرف انها كلمة وحدة بتساااااااهل الموضوع و تنفتح نفسه للجلسه معاك ..

بعدها قوليله : ليله هنا و ليله هناك .. والله مااسامحك في ليلتي .. وان غبت عني لادعي عليك ماتتهنى .. ترى انا اشتااااااق لك و اخاف من دونك وانت اماني و حناني وحبي ..

ولاتقهرني فيها .. وتجيبها لي .. اصلا الحمدلله اني شفتها ولقيت نفسي احلى منها قوليها بدلع و ثققققة ..

تبغين الطريقة تنجح اكثر .. من يوم يدخل و تصافحينه لاتفكين يده اليمين من يمينك ... واذا احتجتي يمينك خلي يسارك تمسك ايده ..

وبس ..

صدقيني انتي بس محتاجة تتفاهمين معاه .

لانه يحبك وانتي تحبينه .. بس خلاص وقع الفاس بالراس ..

لاتتشرطين طلاقها ..

بشطاراتك .. وحبك تخلينه يحس انه مو محتاجها ..

وبس ..

لا تنسين العطر الي يحبه تغرقي فيه ​

 

[حجازيه ذوق]

ياحبيبتي شفيك انتي تطلقين منه بسبب شوو..؟ لانو ماجاك ولا سأل عنك طيب ياحياتي اعطيه مهله مدة شهر بالكثير بعدها اكيد رايح يرجع لك لانو الان وقت الفورااااااااااان طااير فيها لانها جديده ومع الوقت رايح يخف هالطيران ويصير يجي عندك ويمكن مايرتاح الا اذا جاء عندك
اهم شي لاتخليه لها تلاقيها تموووت من الفرحه لو تطلقتي منه لانو بيصير لها لوحدهااا وحرام تعيشي بناتك بعذاب بعد طلاقك من ابوهم
عليك باالاستغفاااار ثم الاستغفار

 

[مستشاره2010]

لافض فوكي ياانثى خيالية انااوافقها الراي السديد

 

[فجر الشرقيه]

حبيبتي الحين نفسي اعرف هو اساسا اش سبب زواجه

انا كل مواضيعك قريتها بس ابي اعرف ليه تزوج واهلك اش قالو

فهمينا اش المشكله الاساسيه

...

ومن ناحية انك تتركين البيت ؟ أذا تبينها تسكن في بيتك وترتاح وتستفرد فيه روحي لأهلك

والافضل تفضلين عنده علشان ينشغل فيكم

اتمنى تجاوبيني

انتي خلاص نفستي عن غضبك وماقهويتيه هو وزوجته

الحين اذا جا مهما كن معصب لاتخلقين مشكله

وخليك صامته اذا تكلم وعصب علشان مايطلق او يتهور

 

[فجر الشرقيه]

انثى خياليه رايك حلو

بس في وضعها اول شي ماراح يرد على اتصالها

ثاني شي بيكون شبعان جنسيا والا راح تاثر فيه

المفروض تنتظر وتأجل فكرتك وماتتصرف الين يهدى من فورانه بزوجته الجديده في هذا الوقت تبدا تشتغل

بس الان ماراح يشوف منها شي حلو لانه معصب وتو العروسه حلوه بعينه

 

[خرس النواعس]

:

أعذريني حبيبتي بس ماله حيله فيك يوم ماعاد يسأل عنك
خلاص هو تزوج وخلاص الحين انتي اكسبيه بطيبتك
البسي له وخليك دوم مبتسمه ولاتعاتبينه ابد
هو اذا شاف الراحه بيجيك دايمم
هو متعود كل ماجاكم يلقاك ماتعطينه وجه وتعاتبينه اجل وش يبي
انا اشوفه انه قاعد يتهرب منك لام معاملتك معه زفت صراحه
غيري اسلوبك وبتشوفين النتيجه صدقيني
تعلمي فنون معاملة الزوج
الله يوفقك ويخلي لك بناتك

 

[توسكان]

استغلي غيابه في التغيير من نفسك أكيد فيك شي مو عاجب زوجك فيك يمكن حدة طبعك وجفاك وعدم دلعك وتدليعك له لأن جنوبي يحب والدلع وما يحب الإنتقاد والملاحظات المحبطه خليه لمن يرجع يلقى وحده ثانيه​

 

[زوجه مؤدبه]

انشغلي بنفسك وهو بيرجعلك بين انه يموووت فيك وصدقيني هو اللي جايبها مو هي انتي بالنسبه له شي كبير ولا كان ماجابها لك بس اسمحيلي انتي غلطتي يوم كشرتي بوجيههم كان استقبلتيهم ببرووود بس يالله راحت ولاتخلين بناتك وبيتك وان كان هذا اللي يبغاه تكونين حققتي مبتغاه واذا هي نزوه ليش تخربين على عمرك اصبري واحتسبي .. الله يسخرلك .

 

[أنوار الزهراء]

متضايقه لا تحطيين شيء بخاطرك اتصلي على احد من اهلك وخليه يجي
وقولي له ابيك تعدل او كلمي احد المشايخ وعطيه قصتك وقولي له يكون وسيط بينكم ويكلمه و يذكره بحلال الله وحرامه وعدله
بناته محتاجيين له ولوجوده بينهم بصرااااااااااااااحه زوجك مصخها كثير ماافضل تسكتيين لازم يتوقف عند حده عيب عليه الى متى مايخاف الله هذا
الحين العروس مستانس واذا كانت ساكته وماتذكره بربه بكره تدور الدنيا وهالشيء يصير لها
حسبي الله ونعم الوكيل
لا تسكتيين دخلي رجال هذه يبي لها رجال لا تجلسيين تحريين في نفسك وهو مبسوط
خلاص كل شيء له حد من شوال وقصتك تكتبيها و للحين مو راضي يركد عن حركات المراهقيين
السكوت لزوجك ماينفع وادعي ربك يسهلها لك والليله الجمعه يكون معاك ان شاء الله

والله عيب عليه

 

[سهم العشق]

اصبري يا اختي ولا تطلبي الطلاق والله يرد لك زوجك ردا جميلا 00 ​

 

[جراده شياكه]

هو عارف انك زعلانه ويبغى يخليك شوي تهدا اعصابك
او انه يبغى انتي تدقي عليه وتجي منك تشحذيه عشان يعدل
وبذلك خففتي واختصرتي المسافه رضيتي من نفسك ورضيتي بالامر والواقع
البكر لها سبع ايام مو شهر مايسأل عنك ولاينام معك

 

[StraWberry2010]

لا لا تطلبين الطلاق ..

والله فتره وبيمل وان شاءالله يرجع لك ..بس لاتسوين ابد ليله ومدري ايش مو وقته الحين ابداااا

اصبري اصبري ترى انتي مو اول وحده يتزوج عليها زوجها ..

وبعدين ليش مايسال عليكم لحد الان تاخبر له فتره متزوج والا ؟؟

خلاص المفروض يجي يشوفكم ويعدل بينكم كلمي احد من اهلك يكلمه او اللي تشوفين فيه خير من اهله ..
وخلي بناته يكلمونه ويطلبونه طلبات ويزعجونه بالرسائل لاتخلوونه لها ابدااااا انتبهي الله يخليك ..
يكفي تطنيش لكم لاتسكتين اذا باقي شاريته لاتخلينه لهاااا ..وبرردي على قلبك ..
واكثري من الدعاء وصلاة الليل ويارب يفرجها عليك ..

 

[س ر]

الله يكون بعونك انصحك لا تطلبين الطلاق
بسالك زوجك كم صارله متزوج اذا تم سبع ايام
خلاص بعدها لازم يعدل
واذا ماعدل وماعطاك حقوقك لازم توقفينه عند حده
سوي المستحيل عشان يرجع وانتي اذا جاء لمك استقبليه
احسن استقبال ولا تجبين طاريها حاولي تضغطين على نفسك ومشاعرك
انا حاسه بالنار الي داخلك بس حاولي لاتتركينه لها اتمنى تطبقين كلامي
والله يسخر لك زوجك

 

[دمعة الذيب]

ياقلبي
هي طفه وتروح .. حتى لو ما كان يحبه
اعرررف كثيرررررررر .. مثله
وما الحبيب الا الحبيب الاولي

 

[سلام 111]

اي نعم زي ما قالوا البنات...اطلبي حقوقك...(تراه حقوق مو حق واحد) المبيت والجلوس معكم...والنفقة...
قسم قهرررررررررررررني حسبي الله ونعم الوكيل)
انتي غيري اسلوبك.....كله وانشغلي عنه..مو ما تقعدين معه لالا.. اجلسي ورحبي فيه...
ما تدرين يمكن يقول شوفي هذا اللي قاعد معها مي حلوة بس مريحتني....شوفيها كيف....
الله العالم...
انقهرت بس كم له متزوج...
ولو طار فيها بس ما ينسى اولاده...
الله يرده لك ردا جميلا راغبا نادما..اللهم آمين

 

[الحجاب2]

اختي انا متابعة موضوعك بصمت والله انا حاسة فيك بس اختي نصيييييييييحة الا الطلاق لا تطلبينه والله الي لاحظته ان زوجك يحبك ولا تقولي ما اهتم لا اختي انتي ام اطفال لازم تهتمي وحاليا تجاهليه ولا كأنه موجود اهتمي باطفالك وببيتك وبنفسك نعم واذا احتجتي شيء للبيت خلي احد اطفالك يتصل فيه ويطلب منو حاجات البيت اما انتي انزعيه من تفكيرك عارفة ان هذا صعب لكن اختي حاولي والله سوف ترتاحين ولما تشوفي حالك منهارة خذي لك القرآن واقرأي سورة البقرة وبترتاحي لكن اختي اهم شيء اهتمي بمظهرك وباطفالك وبترتيب بيتك يعني لو جاء صدفة يلاقيكم كل شيء تمام وانه سواء موجد او لا عادي فأنتم لم تتأثرو بغيابه فهمتي علي اختي؟ والله اختي نفسي اكتب واكتب ونفسي اساعدك بس والله الموضوع يبي لو بس شوي تفكير منك وباذن الله زوجك بيرجع لك ويبوس رجلك عشان تسامحيه ويعض اصابع الندم عن الايام الي تركك فيها وتزوج عليك الله يوفقك اختي ويسعدك وان شاء الله يارب عن قريب اجد موضوع لك يفرحنا

 

[حلوه الحلوين]

لا لا لا تطلقي وعيشي حياتك ولا كانه موجود

 

[المتغيرة للأفضل]

لا حبيبتي لاتتركي بيتك وعيالك عيشي لاولادك واسعديهم واسعدي معهم اخرجي وتفسحي ولاتسالي عنه مصيره بيجيك وبيسال اهم شيء ان ينفذ طلباتك وكوني ببيتك معززه مكرمه ان احب ان يعدل بينكم اهلا وسهلا وان لم يعدل مع السلامه اهم شيء نفسك وسعادتك