نفسي اصير زوجة طبيعية

[سهر الليل]

بإنتظار موضوعك القادم بعنوان
لحقوا علي زوجي ما يحبني وإلا بيطير مني وش الحل تكفون ساعدوني .

 

[منايا الجنة]

اختي الحبيبة
لا اقول الاكما قال عمر بن الخطاب رضي الله عنه
... قال للمراة التي جاءت تشتكي انها لاتحب زوجها "" وهل كل البيوت تبنى بالحب. وانما تبنى بالمودة والرحمة..
او كما قال رضي الله عنه
حبيبتي كرري هذا الدعاء دائما ,, اللهم اجعله قرة عيني واجعلني قرة عينه اللهم جمله في عيني وجملني في عينه..
فكري في كلام الاخوات وهو ان تضعي نفسك مكانه وتخيلي بانك غير جميلة وسمينه جدا
ماذا كنت ستتمنين؟؟ طبعا تريدينه ان يحبك كما انت وان يتقبل شكلك ويصبر عليك ويعملك باحترم ومودة
اذا حبيبتي انت في الطرف الاقوى فاغتنمي النعمه
وتخيلي لو اصابك حادث لاقدر الله مثل حريق او غيرة
وتغيرت ملامحك من جميله الى قبيحه لاقدر الله
ماذا كنت ستتمنين؟؟
احمدي الله واحبيه نعم قولي دائما بصوت تسمعيه ... انا احبه فهو طيب وكريم ووووو..:icon26:
صدقيني مع التكرار سوف تحبيه ان شاء الله
واذا كنت تكرهين طيبته صارحيه باسلوب طيب انك تريدية ان يقسوا عليك اذا اخطات .. هل هذا ماتريدية؟

 

[الراهبةالجريئة]

شو ممكن يصير لما انت وزنك يزيد كمان شوي واكيد حيزيد الا ما يطرأ عليكي تغيير ويتغير هو من ناحيتك ويقولك انت ناصحة وانا بطلت احبك؟؟انت ضامنه انك ضلي مانيكان؟؟؟مجرد سؤال؟؟؟

 

[طرايف]

انتي مقهوره من شكله مب عاجبنج مادخل خاطرج هذا هو السبب يعني حتى في المعاشره ما تميلين له لازم تركزين عليه وتحبينه بكل الطرق هذا يسمونه مرض نفسي انج تهدين عليه بلطريقه هاي وهو ساكت عنج طيب يبيه بطريقه حلوه سنعي من شكله كل شي بديج سويله نظام اكل حلو رجيم وشجعيه على الرياضه سيري وياه وامشي اي شي يرد الحيويه في حياتج وتحبينه ولا هذا بتخسرينه واصلا هو يعاني بعد منج من معاملتج لاكن ما يتشكى ابدا شكواه لله وفي قلبه حرام اللي تسوينه تعرفين عاقبة ربج كيف بتكون عليج الله يعينج

سيري عند دكتوره نفسيه تكلمج وتنصحج وتسويلج تحاليل هذا ظروري او انجج تفترقين عنه الريال خليه في حال سبيله يوم ما تحبينه يالسه تظلمينه وتعاملينه بقسوه ولا خليه يسافر عنج فتره او انتي ابتعدي سيري بيت اهلج وتمي فتره هنيه بتحسين بققدره وبتحبينه تعرفين ليش هنيه بتحسين بشي غريب وهو مب عندج بتشتاقين له يمكن وبيبدا الحب يدخل قلبج خاصه اذا قطعتيه شويه بس حاولي وشوفي ردة فعلج كيف بتكون لما انتي تسيرين عنه بعيد ولا تشوفين ولا تكلمين او يتغلى عليج اهوا انتي بتتخبلين

سوي الطريقه هاي وشوفي بيييج الوله والشوق صدفه ولا انك تقابلينه اربع وعشرين ساعه وحاسه بمللل وعدم تقبله

 

[ام ميار]

الله يهديك

 

[نفاف دبي]

أدري إن الخوات قالوا الكثير .. و إنت ودج بحلول جاهزة تطبقينها .. مع إني لست استشارية ولا غيره بس نصيحة من اخت لأختها :blushing: :
1. أولا لازم تقرين بينج و بين نفسج بإنج فعلا ناوية على التغيير و بتحاولين تحبين زوجج من كل قلبج:cupidarrow:.
2. ثاني شي لازم قبل كل شي تتوجهين لربج بالدعاء .. عشان ربي يساعدج و يسهل لج دربج ..ترا وراج رحلة طويلة عشان توصلين للقناعة قبل السعادة ..لأنج إذا قنعتي ..سعدتي..:msn-wink:
3. ثالثا فكري .. مب بالأمس ولا باليوم ..فكري بباجر ..لين متى تبين تمين على هذه الحال..إذا كنت مرتاحة لا تبدين المحاولة ولكن لو كنت فعلا ذات عزيمة و إصرار و عندج قوة و حسيتي إنج تستحقين حياة أفضل من اللي عايشه فيها الحين اعقدي النية على التغيير عشان حياتج تتغير و نظرتج لزوجج تتغير:showoff:.
4. ييبي ورقة و قلم .. سوي لج نظام يومي ( أنا اللي فهمته من كلامج إنت ما تشتغلين لأن ريلج لما يرجع البيت تكونين توج قاعدة من النوم:sly.. و النظام كالتالي :
* تحطين لج منبه ..حق صلاة الفجر.. تصلين و تصحين زوجج للصلاة ..أو تتعاونون على هذا الشي:idea: ..
* لو كنتي ببيت بروحج الموضوع بيكون سهل و أريح لج.. تكونين مجهز الريوق من بليل ..يعني تجهزين الخبز و الأجبان و غيره .. و أول الصبح .. تقومين بعد الصلاة تيبين بوكس البلاستيك ( اللنش بوكس) و تحطين لزوجج ريوق صحي عشان تكون هاي أول خطوة لتغيير زوجج مب عشانج و بس لا عشان صحته:nosweat: ..لأن السمنة تسبب الكثير من الأمراض ما يحتاج نذكرها الحين .. يعني دوري برنامج غذائي زين يناسب زوجج ..يعني مثلا تحطين له خبز أسمر مع جبنة قليلة الدسم و تحطين له خيار و طماطم .. و عصير خالي من السكر .. مرات حطي له بيض و مرات مرتديلا .. و من هالسوالف بس تكونين مجهزة نفسج من بليل عشان ما تتكيسلين الصبح:icon1366:..

بعدين تكونين مجهزة ثياب زوجج من بليل للدوام و مبخرتها و معطرتها ..يلبس زوجج ..يا إما يتريق بالبيت لو كان في وقت يا ياخذ ريوقه معاه و قولي له: حبيبي .. من اليوم و طالع أنا بجهز لك الريوق يا عيوني .. أوكي مع ابتسامة حلوة :shiny:..

*بعدين إذا ودج تردين ترقدين شوي أوكي .. على الأقل لين الساعة 9 ..بعدين تقومين و تجهزين ريوق صحي لج و لبنوتج الله يحفظها ..و تبدين تجهزين للغداء و يا ليت لو تحطين لج قائمة بالأكلات الصحية اللي تناسب برنامج زوجج الغذائي اليديد.. لمدة أسبوع و كل مرة غيري و بتحصلين العديد من الكتب بالوصفات الصحية أو من النت .. لا للكسل اوكي..

* جهز الغداء .. خذي شور و صلي .. و رتبي البيت:showoff: .. مب لازم كله مرة وحدة .. شوي شوي.. مرة تنظفين ..مرة تغسلين ..مرة تكوين ..هذا إذا ما كان عندج خدامة ..بس لو عندج الأفضل إنت اللي تسوين الأكل لزوجج الغالي ..صح يا حلوة ..

* الحين الطلة الحلوة للأميرة وحيدة .. انزين خذنا الشور بكل ما فيه من نظافة داخلية وخارجية و كل شي كل شي.. الشعر مرتب و لبس حلو و بسيط و خفيف ..و لمسات ميك آب خفيفة .. يعني مو لازم يكون التغيير مفاجئ ..بهدوء و بكل عفوية .. ترا نحن دايما نخاف نتغير .. بس إنت ابدئ و بعدين بيصير الموضوع سهل أوكي ..

تستقبلين زوجج حبيبج بإبتسامة حلوة و رقيقة و ممكن لو سمحت سموج قبلة خفيفة على خده .. ترا البوسة تسوي الهوايل ( لازم تكررين هالكلام بينج و بين نفسج حبيبتي عشان العقل اللاواعي يركز هالشي و يقتنع فيه و تصيرين تحسين فيه فعلا مو تمثيل ).

طبعا بالبرنامج الغذائي ..بإذن الله بيخف زوجج بس هذا ما يمنع إنكم تطلعون تتمشون كعائلة لمدة ساعة .. يعني مو زوجج بروحه في البداية عشان ما يحس بإنج تسوين هالشي عشان وزنه ..لا تشاركينه بكل شي بالأكل و بالرياضة و أفضل شي المشي.. و خذوا البنوتة و تمشوا معاها على البحر ..خلوها على الدراجة وتمشوا انتو..

اوكي يا حلوة .. انزين الحين نيي للحياة الجنسية ..لازم ترتبين لنفسج مع زوجج ليلة حلوة يا في فندق او حتي بالبيت والمنتدى زاخر بالأفكار .. بس إنت صفي ذهنج و قولي بينج و بين نفسج أنا خاطري بهاذاك الشي و تمي فكري فيه طول اليوم .. و تزيني جنج عروس ..بس لبسي اللبس اللي تحسين إن يغري زوجج سواء كان برئ أو شفاف أو جرئ.. و بعدين خذي لج من لاسينزا غطاء العيون و غطي عيونج و تخيلي بس و خلي زوجج هو اللي ياخذ زمام الأمور و حاولي التمنع بدلع ..لأن أظن بأن زوجج جنوبي و أحس الجنوبيين يحبون المتمنعة و يعاملونها بقسوة ( يعني مو قسوة قسوة ما أعرف كيف يعني يحبون ياخذون منها هالشي بالغصب:in_love

و أبدا لا تمين فاضية .. دوري لج شي يشغلج ..شوفي إنت شو تحبين و شو من الهوايات اللي تركتيها و رجعي لها .. لا تعطين الشيطان مجال يخليج تفكرين بالخرابيط بأن زوجج مب وسيم و غيره:flex: ..

و أتمنى ربي يوفقكم يا حبيبتي و تعيشون حياة حلوة و تحبين بل تعشقين زوجج .. و السموحة لو طولت بس حبيت أساعد و إن شاء الله أكون أفدتج لو عيبتج الأفكار و طبقتيها .. خبرينا بالنتيجة .. بس لازم تتعبين شوي بالبداية لين تحصلين اللي تبين .. ربي يجعلكم من أسعد الأزواج:icon26::bye1:

 

[باقة امل]

انت تبين واحد يلعب بابيضه والحجر ومقطع السمكه من ذيلها ولكن هذا بينعبج من الخيانات واذا ما يتزوج عليج مرات اهتمي بنفسك وبيتك وزوجك والا الدنيا دواره اللي كان معاك ينقلب ضدك ويا حرقة قلبك عقب ما تخطفه وحده تعرف قيمته انتبهي والا ستخسري والي تبين علميه اذا كان جاهل مو غلط

 

[nonoura]

شو رايك ندور له على عروس تعرف قيمته وتدلله وتحطه على راسها من فوق

 

[الأميره لولي]

السلام عليكم
أتمنى انك تقري ردي
أنا ما قرأت ردود البنات بس قرأت كلامك والله العظيم استغربت
يا أختي انتي انسانه ومسلمه فين الأحترام انسان بهذه الأخلاق لا تحبيه بس احترميه:icon28:
أنا استغربت من كلامك معاه في السوق أنا أعتبره كلام خالي من الذوق والأحترام :icon1366:
على فكره أنا ما أعشق زوجي بس أحبه وأحترمه لاخلاقه العاليه وأحاول أحبه قد ما أقدر والله من تعامله وزوجي كمان موحلو وأنا حلوه وجميله بس المهم أحترمه وأعطيه حقه:msn-wink:
وانا أعتبر تعاملك معاه يدل على أخلاقك وأخطاء في شخصيتك ووسوسة الشيطان وأتمنى ما تزعلي من ردي:blushing: بس انتبهي لنفسك وحافظي على بيتك:icon30:

 

[سونه المزيونه]

اختي احمدي ربك على النعمه
يعني معترفه بعيوبك انك مهمله في بيتك ونفسك و زوجك وما تدينه حقوقه الزوجيه
بكره لا راح من بين يدينك ذيك الساعه ينطبق عليك المثل(جنت على نفسها براقش)
تعوذي من الشيطان ومو لازم تموتين عليه وتعشقينه اهم شي الود والاحترام المتبادل
انا زوجي متين ومو حلو على قولك وما كنت اعشقه يعني شعوري عادي تجاهه ...بس بعد ماقريت المنتدى هذا اقسم بالله حياتي تغيرت 180 درجه لاني عرفت اني عايشه في نعمه وزوجي مافي احد زيه

 

[LONELYHEART]

:shiny::evil_lol:يحليلك ياسهر الليالي ضحكتيني

 

[ღ توووته ღ]

الله يكون بعونك ياقلبي

البنات كفووا ووفووا جزاهم الله كل خير ’’