زوجك
*
مايحتاج اقول انه لا زم تكسبي زوجك وتسلكي جميع الطرق عشان يحبك وتستخدمي دهاءك وتخليه ما بعيش بدونك
كل واحده مننا عارفه مفتاح زوجها ، وعارفه وش يحب ووش يكره ..
انا راح اناقش معاكم نقاط هااامه وأساسية
وباقي البهارات عليكم ..!
حطي قدام عيونك نقطة مهمّة :
..{ لاااا يحس انك مقصره معاه في اي شيء }..
عشان ما يستخدم هالشيء ضدّك بأي لحظة سوء تفاهم !!
اولاً:
الرجل يتزوج ويرسم امال واحلام بزوجته المستقبليه انها تكون ملجأ له وملاااااذ آمن بعد التعب والعمل ..
يعني الرجل لمّا يرجع من البيت يبي يرتااااااح وبس !
دورك أنتي ، انه لمّا يدخل بيته تكونين موفره له التالي :
- لا تقع عينه الا على نظافه وترتيب
- لا يشم الا أجـمـــل رائحة
- استقبال
"لاحظي انا قلت استقبال فقط..! ما قلت احسن استقبال ، ليه ؟"
لانه ما انصح ابداا بالمبالغه وزينتك كأنك رايحه لزواج ، لا لا لا
وما انصح بانك تنطي وتبالغي باحتضانه وتقبيله وكأنه جاي من سفر ..
فقط انتبهي من نقطتين :
[ لا يشوفك بحاله مبهذله وشكلك الله بالخير ]
[ لا يرجع وانتي لابسه نفس ملابس لمّا طلع ]
يعني :
شكلك : نظييييييف ومرتب ، مكياجك : ناااااااعم ، وقفتك : اوقفي عند الباب مع كلمة : اهلين + ابتساامه
"تذكري موضفات الاوتيلات وتعلمي منهم بالوقفه وطريقة الاستقبال والكلام "
بس كذا !
لا تبالغين !
- جهّزي له مكان يومي بحيث يكون فيه الحاجات اللي بالعاده يطلبها ، يعني ميّزي له مكان خااص فيه
مثال : رتبي مكانه قدام التي في ، وجهزي له كااس المويه أو قهوة وشاهي اذا كان يحبها أو عصير فرش برتقال أو قطعة كيك أو حلى.........الخ
ثانياً :
زوجك هو مرآتك قدّام الناس ..
وعشان تحسني صورتك لازم يكون شكلا و هيئة و نفسيّاً افضل بكثيييير من قبل الزواج ، عشان يعود الفضل لكي طبعاً ..
دورك انتي ، اهتمي بالآتي :
- اهتمي بهيئته ونسقي له ملابسه وساعاته وشوزه غيره ...
-اهتمي بأكله وتابعي وجباته ونوعية غذائه حتى لو كان برّا البيت ، بس لا تخنقينه !
- احتويه نفسيّاً ، لا تتكلمي كثير "اصمتي" عشان يتكلم هو ، وبالتالي راح تكوني مستودع اسراره ومكان لفضفضته
صدقيني الرجل يفضّل تكون شريكته هي الشخص اللي يفرغ لها كل اللي بخاطره افضل من صديق او قريب يضطر يكشف عن مكنونات حياته عنده عشان يرتاح وما يكتم !
الزوجة هي اللي تحد زوجها انه ما يتكلم عليها ، ويكون فيه فجوة في الحوار بينهم !
ثالثاً :
كل واحده مننا تتمنى يكون عندها حبيب تدلل عليه وتطلب منه كل اللي في خاطرها وهالشيء ما يصير إلا اذا حسّنتي علاقتك مع زوجك ، وجبتيه على وجهه هههه
*
