مــــــــــابي ألبس نقاااااااب !! ادخلوا وحلوا مشكلتي !!!

[الجواااان]

يا كرهي لأم الزوج يوم تتدخل في حياة عيالها الزوجيه بطريقة تدمر فيها الحياة الزوجية المستقرة. كل واحد حر يلبس اللي يباه طالما أنه ما سوى غلط في حق الدين والمسلمين. وكل واحد بيتحاسب عن نفسه وما علينا إلا النصيحة بالحسنى.

ياكرهيلها يوم نصحتها فعلا والله انكم غريبات يالحريم هي ماتدخلت بطلعتها ودخلتها بالعكس ام الزوج مره ذوق ماخبطتها بوجها جابتها بطريقه غير مباشره واكيد ماسوت كذا الا وهي باغيه لها الخير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:schmoll::schmoll:

 

[هجير نجد]

الله يهديك إلى الحق ويثبتك عليه . ما سأقوله قالته زهرة اللوتس بارك الله فيها وقد استندت قيه على الكتاب والسنة .
بارك الله فيها ولا أغفل ردود الأخريات لكني لم أقرأها بسبب ضيق الوقت .

 

[دلع المدينة]

بنات هدي موطريقه للنصح..
لاتنسون الي عايشين فالسعوديه حياتهم غير عن البحرين
البحرين بلد فيه انفتاح ..
انا اذا بروح عمره اغير لبسي عشان مايطلع شكلي غلط
والعلماء اختلفوا فيه
وبعدين يعني اذا البنت محترمه روحها وحجابها مستور ومولافت
مولازم لاعباية راس ولا غط وجه
كلن وله حياته...والي بياخذ وحده لازم يفهم هي من وين جايه وشنو تبي
الحياة ماتدور حول ارضاء الزوج..لازم فيه شوية توازن
ولا بتلبسه عشانه بس ...لازم تلبس الشي عشان ربها وعشان الاجر

والله حتى لو كان المجتمع منفتح ياحبيبتي ربنا واحد وماراح يترك حسابك عشان المجتمع منفتح والله لو كنت بأمريكا ولا فرنسا مأافرط بحجابي عشان المجتمع والناس الله يهدينا ويهديكم هذا شرع الله لاتتساهلوا فيه

 

[الشمس المعتمه]

الله يهديج ياأختي ألحين النقاب وش فيه عادي ألبسيه مو عشان زوج أو دنيااااااااااااا فانيه لا ياأختي عشان ربك هو اللي أمرك إنك تغطين ويهج وهذاااااااا وااااااااااااااااااااااااجب من ربك الي خلقج قبل لا يجبرج ريلجواتمنى إنج تلبسينه عشاااااااان ربج والنااااااااااااار حاره محد بينفعج إذا وقفت بين ايدين رب العالمين وللمعلوميه : اللي أفتت وتقول إن الوجه واليدين مب واجبه حبيت اقولها غلط والوجه وااااااااااااااااااجب على المرأة تغطيتة وجهها الا عند أمن الفتنه والوقت إللي نعيشه مااااااااااااااااااااااااااافيه أمن فتنه وبذلك يكون تغطية الوجه واااااااااجبه ومايجوز نتكلم بدون علم أرجوا ان تكون رسالتي وصلت للكل وآآآآآآسفه على الاطاله

 

[سعوديه 100%]

الله يسعدك ياقلبي ويهديكى
خلى مثل الجوهره قدامك دائما
اذا عندك جوهره ثمينه تتركيها لناس مكشوفه ولا تخبيها عن عيون الناس عشان ماتنسرق !
الجوهره هذه انتى واللى يحميكى حجابك
تعرفين ان غطاء الوجه امر من الله سبحانه وتعالى قبل يكون طلب من زوجك !!
صدقينى ياقلبي لو امتثلتى لامر الله والله العظيم يفتحها لك ويريح بالك وتلقين نفسك مرتاحه نفسيا
بشرط لمن تتنقبي ما تتنقبي عشان زوجك لا عشان ربك واحتسبي الاجر في ذا الشي
الحجاب عبادة من أعظم العبادات وفريضة من أهم الفرائض؛ لأن الله تعالى أمر به في كتابه، ونهى عن ضده وهو التبرج، وأمر به النبي صلى الله عليه و سلم في سنته ونهى عن ضده، وأجمع العلماء قديماً وحديثاً على وجوبه

الدليل الأول : قوله تعالى : { وَقُل للمُؤمِنَاتِ يَغضُضنَ مِن أَبصَارِهِن وَيَحفَظنَ فُرُوجَهُن وَلاَ يُبدِينَ زِينَتَهُن إِلا مَا ظَهَرَ مِنهَا وَليَضرِبنَ بِخُمُرِهِن عَلَى جُيُوبِهِن وَلاَ يُبدِينَ زِينَتَهُن } إلى قوله: { وَلاَ يَضرِبنَ بِأَرجُلِهِن لِيُعلَمَ مَا يُخفِينَ مِن زِينَتِهِن وَتُوبُوا إِلَى اللهِ جَمِيعاً أَيهَا المُؤمِنُونَ لَعَلكُم تُفلِحُونَ} [ النور:30 ] .
الدليل الثاني : قوله تعالى : { وَالقَوَاعِدُ مِنَ النسَاء اللاتي لاَ يَرجُونَ نِكَاحاً فَلَيسَ عَلَيهِن جُنَاحٌ أَن يَضَعنَ ثِيَابَهُن غَيرَ مُتَبَرِّجَاتِ بِزِينَةٍ وَأَن يَستَعفِفنَ خَيرٌ لهُن وَاللهُ سَمِيعٌ عِلِيمٌ } [ النور : 60 ] .
الدليل الثالث : قوله تعالى :{ يأَيهَا النبِي قُل لأزواجِكَ وَبَناَتِكَ وَنِسَاء المُؤمِنِينَ يُدنِينَ عَلَيهِن مِن جَلابِيبِهِن ذلِكَ أَدنَى أَن يُعرَفنَ فَلاَ يُؤذَينَ وَكَانَ اللهُ غَفُوراً رحِيماً } [ الأحزاب : 59 ] .
الدليل الخامس : قوله تعالى : { وَإِذَا سَأَلتُمُوهُن مَتَاعاً فـاسـأَلُوهُن مِن وَرَاء حِجَابٍ ذلِــكُم أَطهَرُ لِقُلُوبِكُم وَقـُلُوبِهِن} [ الأحزاب : 53 ] .

قال ابن عباس رضي الله عنهما : "أمر الله نساء المؤمنين إذا خرجن من بيوتهن في حاجة أن يغطين وجوههن من فوق رءوسهن بالجلاليب" . قال الشيخ ابن عثيمين : "وتفسير الصحابي حجة، بل قال بعض العلماء إنه في حكم المرفوع إلى النبي صلى الله عليه و سلم
هذه آيات القرآن أمامك فاقرئيها.. وهذه أحاديث النبي محمد صلى الله عليه و سلم بين يديكى فادرسيها... وهذا فهم أئمة الإسلام من السلف والخلف يدل على وجوب الحجاب وستر الوجه فاعقليها . فإن كنتم جهلتم هذه الآيات والأحاديث في الماضي فها هي أمامكم، ونحن ننتظر منكم الرجوع إلى الحق وعدم التمادي في الباطل؛ فإن الرجوع إلى الحق فضيلة، والإصرار على الباطل شر ورذيلة .
واقراءِ عن الحجاب الصحيح اللى امرنا به الله كثيرا

اسال الله الكريم ان يحبب اليكى الحجاب الصحيح المرضى لله سبحانه وتعالى
محبتك في الله

هاذا اللي كنت بقوله

 

[ام ميساء]

حبيبتي اسال الله العلي القدير ان يحبب اليك الايمان قبل كل شئ ويرزقك الهدايه ويسخر لك الاسباب اللي تحببك في النقاب ثم يثبتك عالحق واليقين والصراط المستقيم

 

[السداوية17]

حبيبتي مشكلتج نفس مشكلتي بالضبط
والله يوم شفت موضوعج قلت لازم اسجل وارد
مع اني كنت بس ادش اقرا
انا مثلج
بس الفرق اني عمري 17 سنه
والبنات اللي ف عمري مافي ولا وحده اعرفها تلبس غشوه او نقاب
وخطيبي لبسني مو النقاب غشوه ولاشي يطلع مني حتى اشوف الناس بالغصب ومايرضى بالنقاب احمدي ربج انج بتلبسين نقاب عالاقل اتشوفين
هل هذامعناه انه يكرهج؟
يا بنت الناس ريلج شاريج ويكفي انه يغار عليج والله من حقه ف هالزمن انشوف العجايب وانا مثلج ماكنت مقتنعه بس بعدين اشوي اشوي بديت اقتنع
صحيح اني مرات مالبسها لاني ماتعودت عدل عليها بس انشاالله بحاول اتعود
وانتي يااختي تعوذي من ابليس وارضي ربج وريلج

 

[السداوية17]

ونسيت اقولج انه خطيبي >>ريلي>> عمره 30 قريب من عمر خطيبج
وبعدين مافيها شي اذا الريال يغار على مرته ومايبي حديشوفها غيره
الله يصلح بالج ويهنيج ويسعدج انشالله

 

[ولا أحلى..}]

خلك واثقه من نفسك واعتزي بدينك وتأكدي ان من ترك شيء لله عوضه خير منه فالمرأه جمالهاوعزتها في سترها وغطائها وليس كل من هب ودب نظر اليها اخيتي اسألي الله الاعانه والتوفيق

 

[دلوعه مكه]

هلا حبيبتي حبيبتي زوجك يحبك واقسم بالله العظيم يحبك لو مايحبك كان قال خليها تمشي في كل مكان بدون حجاب ونقاب وهو يغاااااااااااااااااار عليك
البسيه اولا طاعه لربك وثانيه طاعه لزوجك
ونحن في السعوديه تحدى تلقين بنت متزوجه وزوجها يخليها تكشف يطلقها على طول

انصحك البسي وفكي نفسك من المشاكل وعوار الراس

الله يوفقك

 

[صدى صمتي]

السلام عليكم ورحمة الله وبركاته ...

صراااااااااحة شكر كبيييييييير وكبييييييييير وكبير لكل الي رد ونصحني ..

انه تابعت كل ردودكم بس ماقدرت ارد لأن كنت مشغولة كل شي اطلع لاني اجهز حق شقتي عقب العيد بعرس :blushing:

وآسفة ..:icon1366: لاتفهموني غلط بليييز .. لما قلت اني احس روحي مثل الخيمة .. قصدي فهمتوه غلط ترى انا متحجبة وحجااابي عدل وماحط مكياااج وماحط عطر والبس عباية على الراااس واذا البس عباية كتف في الجامعة تكون فضفاضة وماحط لي عطر ينشم لنهاية الممر والكل يعرف عني هالشي .. الحمد لله ابوي رباااني وعارفة الحجاااب ومقتنعة فيه واداافع عنه ومثل ماقالوا بعض الاخوات ان للحين مافي اتفاق على حرمة الوجه وحطت وحدة من البنات اللنك وابوي رباني على اقتنااعة من جذي كنت اقوول ان ابوي يحبني وماخلاني البس ليش اهو يلبسني ..

والله يسامح الي تهجمت وقالت لي ما استاهله .. انتي ماتعرفيني عشان تقولين جذي ..

وعلى سالفة عمتي انه انقهرت لأنها قالت السالفة من هذا الاسلووب ويابتها مثل الي تعاير ولدها فيني وقدامي لبس اخوااااانه والحين اخذ وحدة ماتلبس ! المهم انه مسامحتها ..

وحبيت اقولكم اخباااااري :clap:

انه رحت وي خطيبي محل العبابات واشتريت غشوة و نقااب .. قلت بلبس الغشوة في الديرة وانه وياه والنقاب بلبسه في الجاامعة .. اول مرة البسه وانه احس براااحة وواثقة صرت اشووف نفسي بعدين اشوف الناااس .. قبل كنت البسه وكنت بس افكر شنو الناس بتفكر عني !!

صارت لي مواااقف صج فشلتني بس لما شفت كلامكم واني لازم اكون واثقة قمت ارد على الي يستفزني ويعيب علي .. تخيلوا زوج خالتي شاف علي الغشوة قاام يضحك وفتح عينه ..! شنووووو لابسة غشوة !! انه صج انقهرت وقلت له ايي ليقول لبسج اياه ريلج قص عليج .. رديت عليه بكل ثقة لا ماقص علي يغار علي !
وحتى بنت خالتي صغيرة قامت تطنز علي بس طالعتها بنظرة ! وجاوبتها بكل ثقة !! قبل كنت اتفشل احد من الاطفال يشوفني ويقول لخاللاتي او احد بعدين يسوون لي سالفة ليش طاوعتيه وليش تخلينه يتحكم فيج !

وعلى علاقتي وياااه حسييييييييته كلش مرتااح وانه صج مرتااحة .. وكلمت ربعي في المسن وقلت لهم اني لبسته ! استغربوا بس بعدين قالوا ان زيين تطاوعي ريلج وبس ..

خواتي بعد اقتنعوا بالشي وتقبلوه مع ان قبل كانوا يهاوشوني يقول لي لاتخلينه يتحكم فيج ..
وبيت زوجي صايرين وايد منغلقين ثيابهم كل شي فيهم لان طلعت عمتي اهي الي مخليتهم يصيرون جذي من جذي خواتي خايفين علي اصير مثلهم ..

تصدقون عمتي لما رحت بيتهم وشافتها عيل شسوت !! حضنتني بقووووة انه انزهقت ودمعت عيوني شوي :tears: وعطتني هدية بعد وزوجي يشوووف المنظر باستغراب بعد ! :nosweat:


بس ادعوا لي اثبت عليه ومشكورين وماقصرتوا

 

[صدى صمتي]

ترى لما قلت لكم اني احس مثل الخيمة ... انقل لكم احساسي بس !! وادري عنه غلط وابي اتخلص منه ..

 

[صدى صمتي]

ترى اثرت فيني الاخت الي قالت بعدين بطالع الي تلبس نقاب !! خليتيني صج اقتنع من هالشي ..
واحس لبسته عشان ارضي ربي وارضي زوجي وتذكر الحديث النبوي عن ان جهاد المرأة حسن تبعلها ..

صراحة ماقصرتوا وخير ماسويت لما نقلت لكم مشكلتي

 

[ز هر ة اللوتس]

ربي يسعدك مع زوجك ويرزقك الذريه الصالحه ويثبتك
خيرا عملتى قسم بالله من فرحتى دمعت عينى
وبنسبه لعمتك ام زوجك صدقينى انها تحبك ولو ماتحبك ماخطبتكى وفضلتكى عن البنات كلهم
عشان تكسبيها عامليها كامك الله يرحمها ويغفر لها ويسكنها الجنه
انتى بيدك تخليها في صفك او ضدك
ربي يسعدك ويوفقك ويهنيكى بزواجك ياقلبي :icon26:​

 

[سجينة همومي]

الله يثبتك ويوفقك ويسعدكـ مع زوجكـ ان شالله

 

[لؤلؤاتي]

مبرووك عليك حبيبتي
اثبتي عن جد كبر عقلك رغم صغر سنك
الله يهنيك ويسعدك يارب
وياحبيبتي اختلاف العلماء يخلينا نرجع لمصدر التشريع اللي هو القران وفيه وحده من الاخوات ذكرت كل الادله اللي عن وجوب تغطية الوجه

الله يوفقك
واعزمينا على عرسك تراني من الشرقيه وقريبين يمكم خخخخخخخخخ

 

[ana ajnn]

البسي نقاب واحتسبي الاجر عشان ربك...
وافتخري بنفسك بعد وانتي لابسته

اجل لو تدرين ان اخوي يهاوش علي لو افتح النقاب واطلع عيوني وش بتسوين هههههههه

الله يوفقك يارب ويسهل امركـ وامر كل مسلم

 

[مهرة زوجها]

مبرررررررررررررررررررررررروك وربي يثبتك على الطريق الصحيح وييسر زواجك لا تنسي تعزمينا عالعرس ههههههههههههه

 

[سنية وافتخر]

ليه ياقطررريه لييييييه الله يهديك ياحبي والله لوتشوفين كيف الاوربيات اللي اسلمو ويطالبو بالحجاب كان استغربتي وبكيتي بعد والله خلوني احب ديني اكثرررر والتفتح مايخلي الواحد يبيع دينه ياحبي لديني موووووت

 

[سنية وافتخر]

الله يثبتك ياصدى صمتي على القوووووة ومن حفظ الله حفظه وخليها لوجه ربك صدقيني ربي مايخيب ظنك