مــــــــــابي ألبس نقاااااااب !! ادخلوا وحلوا مشكلتي !!!

[بالاحلام]

السلام عليكم
اختي عاااد خيمة مررررة وحدة!
اعرف وانتي تعرفين ان النقاب أمر من الله قبل يكووون من زوجك فكيف تصفينه هدا الوصف !
ومعروف حكم كشف الوجه وحكم عباية الكتف وانتي عارفة هالحكم بسس تبين تمشين عالموضة وترى ما بينصلح حالك في حياتك الا ادا اصلحتي مابينك وبين ربك
الله يهديك للطريق الصواب

 

[صمت**]

أختي طعنتي قلبي بهذه الكلمة خيمــــــة منذ متى والحجاب يشبه بالخيمة ؟!!

ديننا الإسلام دين ستر وعفاف ,, فهل العفاف والإحتشام أصبح أمراً مخجلاً !!

تأكدي بأن ماأمرنا به الله كان لحكمـة نعلمها وقد نجهلها ... أنتي بحجابك تصونين نفسك لا تهينيها

بادرة جيده من زوجك دليل على محبته لكِ ,,, فلا تخسريه أوبالأحرى لا تخسري الخالق قبل زوجك .

الدنيا دار ممر والآخرة دار بقاء واستقرار.
​

:icon26:

 

[سنية وافتخر]

الحجاب حبيبتي شرع ربي من غير زوجك وللاسف انتي مسلمة وتقولي ماني متعودة وافتشل شفتي كيف خلو الغرب المسلمة تتخلى عن حجابها بهالطريقة الله يهديك

 

[صمت**]

قال تعالى : ( ومن أعرض عن ذكري فله معيشةً ضنكا ونحشره يوم القيامــة أعمى )..​

 

[معشوقه]

حبايبي المنقبات الثائرات هدوا اشوي البنت صغيره و ما عندنا خلفيه عن مستواها التعليمي أو الثقافي أو البيئة إلي هي عايشة فيها ....

أشوي أشوي عليها بالركاده خل نحاول نقنعها مو الكل يجي مره وحده حبوبوها في الشي اعتبروها أختكم الصغيره و توها بتلبس العبايه و ساعدوها ...

ما عليه تحملوني اشوي بس ردودكم كلها تدور في محور واحد الزعل من وصفها للحرمه المنقبه بالخيمه ,و إصراركم إنها جوهرة أو قطعه حلى ولازم تتغطى ... للعلم أنا أستخدم نفس الإسلوب بس مو مع شخصيه مثلها ...

هدوا اشوي على البنت لو سمحتوا و إلي تعرف اسلوبها جاف بليز لا تكتب اتنفر البنت من النقاب و الحجاب بعد ...
ترى يا خواتي البنت صغيرة و يتيمة يعني لو في من يرشدها في البيت ما ألجأت لنا لو خابرة في ناس وراها ترد لهم الرأس ما يت اتدور المشورة عندنا بليز تعوذوا من بليس و لا تضنون إنها كارها الموضوع بالشكل إلي إنتو متصورينيه ولا جان ما قالت أحيان أحب النقاب و أحيان أحس بالفشله ... الفشله تجي من مداخيل بليس و هذا أمر طبيعي ...أنا أتكلم بلسان حال وحدة عارفة شنو لما تكون بين بيئة مفتوحه بقوة مثل البحرين و تجي اتنقبينها ... في من يتقبل و في من يساير مثل أختي الصغيرة و في إلي يرفض ....

على كل يا الغاليه لي عودة و اتمنى الخوات ما يزعلون مني

 

[صمت**]

أختي هل تتوقعين أنني لا أريد أن أستمتع بمنظري وشكلي الجميل ؟!!! نستطيع لبس عباءة مزخرفه وجميلة بدون غطــــــــاء إنه لأمر أستطيع فعله

لكن هناك مايمنعني هو ديني دين الستر والاحتشام .... لا تضنين بأن كل أنثى لا تريد أن تصبح جميلة وجذابة وملفته . إن هناك رب سيسألني عن كل نظرة رجل لي ..


هل تعلمين بأن كل نظرة رجل لكِ هي حراااام وستأخذين اثمه إلى يوم القيامه.فكم من رجل نظر إليك ؟؟

العين وزناها النظر ....ووجه المرأة عورة ..

 

[البيت السعيد**]

السلام عليكم ورحمة الله وبركاته،

خواتي ليش التهجم عليها، أهية ياية تطلب المشورة، مو الهجوم،

إختي الحبيبة،

آنا مثلج بحرينية، وما ألبس نقاب، لكن حجابي ساتر وعبايتي كتف وواسعة جداً،

وفعلاً مثلما قلتي، إن عندنا بالبحرين ما نلبس نقاب، يكفي المرأة تغطي كل أجزاء جسمها ما عدا الوجه والكفين،

دام إنتي مغطية كل جسمج، معناته ما خالفتي الإسلام ولا شي،

وإذا على ريلج إنه يبيج تلبسين النقاب،

سويي اللي يبي، حتى إنتي لاحظتي تغيره من لبستي النقاب، يمكن لأن كل خواته جذي وهو ما يرضى إن الناس تتكلم عليه أو شي،

وايد بنات ما كان يبيهم لأنهم مو منقبين، بس إنتي إختارج لأنج دخلتي قلبه وهو يبيج ملكة في حياته،

لبسي النقاب من دون دفة إذا ممكن،

ولما تروحين الشغل فصخي النقاب، لأن بحكم الشغل ما تقدرين تلبسين النقاب، وخصوصاً في المستشفى،

وحتى عندنا بالبحرين سياقة السيارة بالنقاب مخالفة تعاقبين عليها بالغرامة،

ولا تخلين في بالج إنه متفشلة،

بالعكس آنا إذا أشوف وحدة منقبة والله والله والله تكبر في عيني وايد،

وإن شاء الله مع الوقت تتعودين عليه وتقتنعين فيه،

ولا تخلين بال إلى كلامج عمتج، إنتي قلتي قبل هي طيبة، فأكيد ما زالت، وهي ما تكلمت إلا علشان توضح المسألة بينكم في جو ودي، علشان بعدين ما يواجهج ريلج،

(تقصدين بالنقاب اللي العيون طالعة، ولا اللي كامل مغطى مثل الغشواية؟)

ومثلما قلت لج يالغالية، إذا ريلج يبي هالشي سويه له، ولا تخلينه يلتفت إلى وحدة غيرج، بس لأنها تلبس النقاب

 

[عاليه الصيت]

الله يهديك ياقلبي لا تفتين من عندك الدين واضح واالادله على وجوب تغطيه الوجه كثيره
استغفري ربك في حديث عن الرسول صلى الله عليه وسلم فيما معناه ان الانسان يلقي كلمه لا يلقى لها بالا تودي به في جهنم
انتي اللحين افتيتي في الدين
الله يهديك

 

[البيت السعيد**]

اليوم رحت مع ريلي أتفطر في مطعم مفتوح وعندهم بوفيه في منطقة السيف، وكان فيه شباب وبنات وأجانب وآسيويين وهنود وإمريكان، المهم

ما بتصدقين، شفت بنات الله يستر علينا وعليهم مع أزواجهم وإخوانهم، داخل السيارة كانوا بنقاب كامل،

ولما طلعوا من السيارة بيدشون المطعم، فصخوا النقاب وخلوه في الشنطة،

وكانوا عادي ويهم مكشوف،

حجابهم كان سااااتر والعباية على الكتف، وبعضهم على الراس،

لكن بدون نقاب،

هل اللي سووه غلط؟ هل يعتبون مقصرات في حق حجابهم؟ طبعاً لا،

لأنهم مغطيات من فوق إلى تحت ما عدا ويهم طالع،

لأن حسوا الوضع عادي، وحتى رياييلهم موافقين،

وبعد إشوي دشوا عائلة ثانية من نفس الجنسية، ونفس الشي بدون نقاب وقعدوا يسلموا على بعض،

الوضع كلش طبيعي وعادي،

إن شاء الله تحبي النقاب مثلما يبي زوجج،

والله يوفقكم ويهديكم

 

[**بحر الأمل**]

الله يهدينا ويهديك ياارب

 

[البيت السعيد**]

لا يا حبيباتي ما أفتيت :tears:

إسلام أون لاين.نت - اسألوا أهل الذكر - حجاب المرأة بين الغلو والتفريط

 

[أوركـيد]

صدى صمتي حبيبتي ,,,انشاء الله ان ربي يحبك وباغي لك الخير والهدايه ,,بأن ارسل لك الزوج اللي طلب منك تتنقبين,,,انتي ماتعودتي على النقاب وعشان كذا تشوفينه صعب ,,,لكن مع تعود لبسه بتصير الامور كلها ميسره وسهله وتكونين ارضيتي رجلك وقبله رضى ربك,,,والله يساعدك ويوفقك

 

[صدفة الشاطىء]

النقاب يا اختي مو بس طاعة لزوجك هو ي الاساس طاعة وعبادة لربك والله يجزاه الخير زوجك اللي بيساعدك ع الخير وعمر النقاب ما يمنع الوناسة والسعااادة احمدي ربك انك ببلاد تاخذين راحتك وانتي تلبسينه وماحد يناظرك ومستغرب وش ذا اللي لابسته
والله اني انا وغيري عايشين ببلاد ما يعرفون لا العباية ولا النقاب بس الحمدلله اللي مثبتنا مو عشان ازواجنا الا عشان ربي يرضى علينا

المشكلة انو حتى بامور الدين تدخلون يابنات رضى الزوج او لا ؟؟؟؟؟ انتبهوا وفرقوا بين واجبات ربك وزجك......

 

[ميرال2009]

اوافق الاخت زهرة اللوتس ماقصرت كفت ووفت

الحجاب امر من الله ومبينه في ايات كثيرة من القران

ومفاتن المراءة في وجهها واذا بتغطين وجهك غطيه عشان رضى الله ومن ثم رضى زوجك

واحمدي ربك على زوجك رجال يخاف عليك ويغار عليك والله يهديك ويهدي بنات المسلمين عامه

 

[ناشب بشعري علتس]

قال تعالى : ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الأِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ) النور/31

 

[!! لين الورد !!]

الله يسهل امرك ويفتح على قلبك وتطيعين ربك ثم زوجك

 

[عالمي الاخر]

رجـــــاء اخواتي انصحوا البنية باللين ,, على كذا بتكرهونها في النقاب ..
خلوا الرسول اللهم صلي وسلم عليه قدوة لكم في النصح بالليل وليس بالقوة والاجبار ,,

انا عن نفسي انسانة منقبه ، ولكن مايمنع اني اقول ان
العلماء اختلفوا في مسألة الحجاب يعني مو احنا اللي نحكم , ثاني شي كل انسان يتبع علماء بلاده وهي تشوف علماء بلاده ماشين على ايش وتتبعهم

ورجاااااء بدون تجريح لأختنا ..

 

[عالمي الاخر]

بالليل = باللين

عذرا على الخطاء الطباعي

 

[ياربي انصرني]

لابد ان تعرفين وتفهمين ان الحجاب عباده وليس موروث او من العادات والتقاليد


هذا امر من رب العالمين ولابد من السمع والطاعه لاوامر الله وهذه الامور لانقاش فيها وردت ادله من القران والسنه

وعائشه رضي الله عنها شبهت نساء الانصار بالغرابيب من شدة سواد الحجاب 000


هل تعتبرين الصحابيات ونساء المؤمنين متخلفات لابد ان تكشف وتختلط مع الرجال في عملها حتى تكون متطوره


والله ان كل من لبست النقاب الشرعي 000فلها الفخر

ياعزيزتي نساء بلجيكيات دخلن الاسلام وارتدين الحجاب ويمشين في شوارع بروكسل ولايظهر منها ظفرها

لماذا تحجبت وهي من بلد اوربي وعاشت التطور قبل دخولها الاسلام هل هذا تخلف000

اتقي الله وتنقبي بالنقاب الشرعي طاعة لله ورسوله وليس زوجك وامه00

وبالنسبه لعملك لايجوز ان تشتغلين في مكان فيه اختلاط0000

 

[فديت اعيالي]

السلام عليكم و رحمة الله و بركاته
حبيبتي عندكم مشكلة انتي و زوجك هو متفشل من الناس انج ما متنقبه و انتي تتفشلين من الناس لين شافوج متنقبه !!!!!!!
نصيحتي اقراي عن النقاب و الحجاب و بعدين احكمي بنفسج اي افضل و لا تفكرين بكلام الناس ( لانهم ما بيسكتون لازم عندهم كلام يقولونه :sad_1فانتي فكري باللي يريحج ويرضي ربج اتركي كلام الناس لانه مب مهم و لا كل شي الناس متعودين عليه صح مية بالمية
و يمكن زوجك نفس الشي خايف الناس يلومونه لانه كان يقول انه يبي يتزوج منقبه و الحين الشباب شايفينه يمشي معاج فهاذي فرصة لهم عشان ينتقدونه ( يمكن هو انتقدهم من قبل )
سمعت قصة من الاستاذة ناعمة تقول فيها ان واحد زوجته كانت ماشية معاه بحجاب - بدون مكياج -شافته وحدة معاه في الشغل و هي حاطه عينها عليه و في اليوم الثاني قالت له جدام كل الزملاء : وخي يافلان شفتك مع وحدة امس شيفه لتكون زوجتك :msn-wink:؟؟ فطبعا هو انحرج : و قال لالالالا مب زوجتي
و صلها هي هالكلام فقامت اليوم الثاني حطت مكياج كامل و طلعت معاه شافهم واحد من اصدقائه قام اسئلة اليوم الثاني : يافلان شفتك امس مع وحدة مكياج كامل و سفور لا تكون زوجتك :msn-wink:؟؟؟؟
هو انحرج مرة ثانية و قال : لالالا مب زوجتي
يعني في النهاية صار ينحرج منها و ما يحب يطلع معاها
فكلام الاستاذة : انه من مصلحتج اولا انج تتغطين عن الناس عن العزال لايلاقونها فرصة ينتقدونج .
تفاهمي مع زوجك و شوفي شنو يبي منج بعد ممكن تستحملين و لا لا يعني هو رافض الشغل و يبيج تتنقبين في شي ثاني ؟؟؟ يعني مثلا ما تقعدين مع ازواج خواتج او ازواج خواته او الاكل في المطاعم ...
يعني اعرفي كل الاشياء اللي ممكن تتسبب لكم في خلافات في المستقبل و احكمي بنفسج هل هو حسناته اكثر من سيئاته و يستاهل انج تتزوجينه و بترتاحين معاه و لا لا و هل هاذي الاشياء مهمة بالنسبة لج وايد ما تستغنين عنها و تنفعج في دنياج و آخرتج !!!
انا بعد ما لبست وايد ارتحت مثلا في السوق محد يعرف انا وين اشوف بالضبط و لا حد يعرف انا وين طلعت و وين دخلت ( الا اذا اخذت اعيالي معاي يكشفوني :nosweat و ما احس اني انحرمت من شي بسبب النقاب
و بعدين لو كان هو طلب منج تلبسين النقاب و ترك خواته لج حق تزعلين لكنه مثل ما يحب خواته و يغار عليهم يحبج و يغار عليج
و هو واحد من الشباب يعرف شلون يفكرون و شنو يقولون لو مرت وحدة جدامهم و شلون يتخيلونها
اما بالنسبة لامه هي حملت و تعبت و ولدت و ربت 28 سنه لين سوته رجال و اشتغل و جاءت تخطبج له و تسلمه لج رجال جاهز ما تعبتي عليه و بيبقى يصرف عليج و وديج و ويجيبج و مسؤول عنج ما تستاهل كالكلام اللي قلتيه عنها
الله يسهل امورج و يسعدج دنيا و آخرة
سامحونا عالاطالة