محتاجه اسامح بس ما اقدر؟؟

[محرومه من زوجي]

حبيتي الله يهون عليك......ويسهل ولادتك........
اولا هذا من نفسيه الحمل...ثانيا زوجك يستمتع اذا نرفزك ويحس بالانتصار.....لذلك يجب عليك ان تقوي نفسك لتنتصري انتي..كيف..؟؟
خوذي جميع الامور ببساطه واذا حاول ينرفزك اضحكي فيه واستهتري.....خلي كل شي ريلاكس......
واذا قصر معك بشي ....... او تضايق اذا طلبتي شي...قولي له عادي اكلم ابوي يوديني..واقوله ان زوجي ماله خلق يودين...عشان يتفشل..واذا انت تبي تنحرج من ابوي عادي اقول لابو الجيران..
علاجك الاول والاخير.........ان تكوني...
ريلاكــــــــــــــس...ريلاكـــــــــــــس..........ريلاكــــــــــــــــــــس.......

 

[عنقود عنب]

ويالنسبه للوحم سبحانك ياربي <نفس مشكلة اللعاب+الوحم عندي من اول اسبوع لدجة ان الطبيبه ماتصدقني+وحاله نفسيه فضيعه+انتقاد مستمر>

الله يكون بعونك وعوني عزيزتي دوشة

لكن تتوقين على كل هذه الاعراض الا ان تحليل الدم ما يطلع ايجابي ؟؟؟

يعني ما تطلع الاعراض الا اذا كان هرمون الحمل متركز في الدم ...كيف يطلع تحليل الدم بعد 16 او 17 يوم سلبي؟؟

هل معقول تكون هذه كلها اعراض التهاب في الحلق اللي ما تعالجت عنه بسرعة و انفلونزا ؟؟؟

اليوم كنت حدي تعبانه ...وما عندي شغاله ..سويت الفطور الصبح لابو الشباب و وجهه الله لا يوريكم

حاولت اكل ..لكن نفسيتي تعبانه ..اكلت لقمة ..قلت له ماني قادرة .... بروح استصح في السرير ...جيب لكم غذا من برة..وانا في حياتي ما طلبت مثل هذا الطلب ..لو فيني اللي فيني ..ما اقول له جيب شي من برة

قال لي اوكي ...نمت من الساعة 11 الى الساعة 4 العصر ..

جلست العصر وهو وجهه يتقلب ...خليت ولدي بعد صلاة المغرب يوديني الطبيب ...قلت له مو قادرة اتحمل ...جسمي يؤلمني ... راسي كأنه منفوخ هواء ... تجيني قشعريرة اشعر ببرد


رحت طبيب باطنية ...ضحك علي ...قال لي ثلاث تحاليل حمل قبل موعد الدورة ؟؟؟

قال لي ان شاء الله مو حامل لكن شكلك قلقة و متوترة

كشف على حلقي قال لي عندك التهاب و حرارتك مرتفعة شوي ...ركب لي مغذي وعطاني ابرة مسكنه وابرة للمعدة

سوا لي تحاليل دم شاملة... كل التحاليل سليمة ..قال لي انت بس قلقانه مع شوية التهاب

عطاني مضمضة ..وقال لي واصلي على المضاد اللي تاخذينه ..

شريت المضمضة ..وشريت تحليل حمل ...ماسكة نفسي ما سويته ..بسوية الفجر وانا اصلي

ادعوا لي يا بنات

رجعت البيت شوي عندي نشاط ..وهات يا شغل ....العيال انجنوا ..قالوا لي ارتاحي

وسويت له عشا خفيف و شوربة

رجع من الشغل ...زين منه قال السلام عليك ...ولا يعطيني وجه

يالله بالله عليكم وش تسون...الوحده اللي فيها مكفيها ويجون هم يزيدون علينا

الله يعينا

ادري والله طولت عليك ..لكن بنفجر اذا ما افضفض ..ما اقدر اقول حق احد ان زوجي ما يعاملني زين اذا صرت مريضة

شي يفشل

 

[نور البدر]

حليلج والله .. على فكرة اللي انتي تمرين فيه .. مافي حد حملت ومامرت فيه .. هذا الشي طبيعي .. سواء عندج عيال والا أول بيبي لج .. انتي اللي تحسينه الحين .. بيتغير أول ماتشوفون البيبي وصل بالسلامة ...

حبيبتي .. أنا مريت باللي انتي فيه وكل وحدة حملت ويابت عيال مرت باللي انتي فيه .. بس انا بغيت أقولج على شي .. همسة في اذنج ..

بقتبس كلامج في البداية .. واللي لفت نظري بصراحة ..

طبعا اقولكم اني لساني اطول من لسانه وآخذ حقي ثالث ومثلت

هنيه هي المشكلة ياعزيزتي .. المشكلة اللي انتي فيها الحين تراها مب من الحين .. هي عبارة عن تراكمات في نفسياتكم .. وخصوصاً الزوج .. ماينسى لو غفر .. هو لسانه طويل .. وانتي لسانج أطول .. وانتي الحين في أضعف حالاتج .. وهو قاعد يستغل هالنقطة مثل ما قلتي :

وماطبت من زوجي اي خدمه ولا حملته فوق طاقته بس كان كل مره يزيد فيها تعبي يعاملني بقسوه ويلومني ويقول انتي مو مثل الحريم كنت مرات انجن واصارخ ومرات اقوله ارحم ضغفي حتى الكلام ما اقدر اقوله وكان يستغل ضعفي ويزيد في انتقاداته

هو الحين يزيد .. وبيزيد أكثر .. لأنج كلما مر عليج الوقت أثناء الحمل بتضعفين أكثر .. والنفسية بتزداد سوء..!!!!!!

هو قاعد الحين يشحذ همته وياج بالنكد والتنكيد عليج .. لأنه يعرف ويحس بضعفج .. وقاعد يستغله أسوأ استغلال .. وانتي تتمسكنين له وتنبهينه أكثر لضعفج .. صدقيني مابيسوي لج أي سالفة .. إلا إذا بينتي له العكس .. والعكس هنيه .. إنج انتي تتصرفين في كل شي .. وكأنج مب حامل .. شو كنتي تسوين وشو كنتي تتصرفين قبل الحمل .. اتصرفيه .. وحطي على قلبج حجر وسويه .. وكأنه ما فيج شي .. وبالنسبة للسان الطويل .. أتمنى انج تقصرينه .. مب علشان شي .. ولكن علشان هو يحترم نفسه ويحترمج ولايحاول انه يدوس لج على طرف والا انه يفكر مجرد تفكير انه يجادلج فيه .. والا انه يمسك عليج زلة ..!!

إن الله لايغير مابقوم حتى يغيروا ما بأنفسهم .. وانتي تغيري للأفضل .. وكوني له أمةً يكون لك عبداً مطيعاً.. بس الأمة هنيه مب معناته انج تخدمينه بدون مقابل .. اطلبي المقابل ولكن بدهاء .. ولو انه بيرفض في البداية .. بس بيتأقلم في النهاية على أسلوبج اليديد .. وعلى انه لج طلبات تطلبينها بأسلوب راقي بدون توجيه الأوامر وكأنج انتي لج الأمر وهو أي شي ....!!!

قلتي:

وعدني بشغاله واكتشفت انه ماقدم ومرتين كنت بجهض فيها بسبب ضعف الحمل بالاضافه الى شغل البيت وكان في كل مره يهاجمني وينتقدني لحد ما افقد اعصابي ويتهمني اني ابغى انزل الطفل...يقولي لاتشغلين بالبيت واذا دخل ولقى البيت مو مرتب قوم الدنيا على راسي

هذا الشي طبيعي يا قلبي .. لاتتوقعين منه أي شي .. لأنه ماصدق على الله متى صرتي ضعيفة علشان يحس بقوته .. تبينه يردج قوية .. علشان تردين انتي القوية عليه .. ؟؟!!!!!!

مب منطقي الكلام اللي تقولينه ..!!!!!

هذا كلامج انتي واللي يؤكد اللي قلته من شوي..

المهم آخر مشكله قبل شهر حلفت له اني انتقم منه ونفسي بصراحه طاااااابت منه...وماني قادره حتى انام معه في نفس الغرفه تصدقون حتى لمس مايقدر يلمسني؟؟؟اذا وقف بجنبي دفيته بقوه وقلت له ابعد عني ابغى اسامحه ما اقدر لاني راح اخسره صحيح هو غلط بس مو راضي يتفاهم معي كل ماحاولت وقلت له ليش مانصحح اخطاءنا عشان نقدر نعيش مع بعض يقول ليه وش عندنا انتي بس تتخيلين

حبيبتي .. انتي قاعدة تنتقمين من نفسج .. انتي قاعدة تسوين لنفسج مشكلة من دون أي داعي .. ليش تنتقمين منه وهو ريلج وأبو ولدج .. ((اللي حالته النفسية تغيرت بسبة مشاحناتكم)) .. لاتنتقمين ولاشي .. بس وجهي له نظرة عتاب وانج ماودج تتكلمين وياه .. بس بدون مشاحنات ونقاشات ما لها داعي وفي النهاية لا انتي بتقتنعين ولا هو بيقتنع ....؟؟؟!

إن نتائج الغضب أشد خطراً من أسبابه... كوني وياه باردة .. اضغطي على نفسج .. انتي قوية .. والدليل على قوتج .. انج تحملتي 7 شهور حمل لين الحين وانتي تعبانة .. وليش متحملة هذا كله .. الا لأنج قوية .. وقوتج هذي في داخلج أقوى بكثير من قوتج الخارجية والمتمثلة في طول لسانج وتاخذين حقج بايدج ثالث ومثلث وقوة العين ...!!!

بالنسبة للإنتقاد .. اسمعي انتقاده كله بدون ماتردين عليه .. بس طالعيه وابتسمي .. قولي له في النهاية .. خلاص أوكي بحاول أغير الشي اللي مش عايبنك .. وبعد فترة كلميه بانتقاداتج له .. بس بأسلوب مهذب .. اقنعيه انج تغيرتي بكل الطرق وكل السبل .. ولاتحاولين تبرزين عضلاتج قدامه حتى لو سوى عمره عنتر عليج .. خلج انتي الأنثى دائماً .. لاتحطين راسج برايه في أي شي.. على فكرة هو بيحاول انه يستفزج أكثر وأكثر في مواضيع كثيرة .. بس انتي تصنعي الهدوء .. وإذا طلعتي من طورج .. عدي للعشرة قبل ماتقولين أي شي .. والا تتصرفين أي تصرف .. قولي له في النهاية انا تعبانة الحين مب وقته النقاش .. ((لاتجادل الأحمق فقد يخطئ الناس في التفريق بينكما))...!!

بالنسبة لتجهيزات البيبي .. اطلبي منه بأسلوب هادي ورايق .. قولي له ((بليز ممكن إذا كنت فاضي هاليومين توديني آخذ أغراض البيبي .. علشان لا أزعجك يوم أكون ولادة وأطلب منك طلبات وأكلف عليك))...!!

توقعي منه التطنيش فترة .. بس ذكريه كل يومين .. مش كل يوم .. علشان ما يحس انه يسوي الشي غصباً عنه .. خلي هالمشاوير تطلع من خاطره .. وإذا دخلتي وياه محل .. تمي سولفي عن أغراض البيبيات بحماس .. على سبيل المثال
قولي له بدلع الأطفال:

((واااااااااااااااي .. فديت أغراض البيبيات ..يا ويلي عليهم.. يالله .. ما أحلاهم .. يفتحون النفس بصراحة ......))

استشيريه باختيار الأغراض .. شو رايك حبيبي هذا والا هذا ..؟؟

وإذا حاول انه يستفزج باستعجالج علشان تخلصون من السوق .. قولي له بهدوء:

((أوكي .. خلاص .. بس باقي شي واحد وبخلص .. أصلاً أنا تعبت...........!))

بيني له انج انتي تبينها من الله تردين البيت .. ويوم يردج البيت .. قولي له:

((خلاص انت اطلع وقبل لاترد البيت اتصل يمكن أقولج هات شي وياك))

حسسيه انج مب مهتمة وايد لوجوده وياج في الفترة مابعد السوق .. وبتشوفينه مع الوقت هو اللي بيبادر الجلوس في البيت...

بس أهم شي يوم تردين البيت .. لاتنشغلين مع ولدج ... خليه ينام وقومي خذي لج دوش دافي واسترخي .. وطالعي التيلفزيون والا اقري .. والا سوي لج أي شي يساعدج على الاسترخاء ....

والله يوفقج حياتي .. ويقومج بالسلامة .. بس حاولي انج انتي تهدين .. لاتتوقعين من الغير انهم يهدونج أو يهتمون فيج إذا انتي ما اهتميتي بنفسج الغالية...!!


تحياتي .. والسموحة على الإطالة

 

[دمعة الخاطر]

الله يعينج,
شكلتج تعبتي من الروتين,
وخاطرج بسفريه مستعجله بعيد عن دوشه الحياه الزوجيه,
حاولي تغيرين شي في حياتج,
أسلوبج معاه,
حاولي تتاقلمي معاه,
طنشي تصرفاته الي ما يعجبج,
شويه شويه والمركب يمشي,
علشان تعرفي تعيشي,

أنا مع الاخت جرح الزمان لاني انا نفي اعاني من الملل وروتين ونفسي بسفريه ترفه عني وتكسر الروتين بس ولا لا حياة لمن تنادي
وبعدين حاولي تنسين ولا تحقدين عليه لان الحقد ما يتعب الا صاحبه :sad_1::sad_1:أ

 

[أكسجين]

اممممممم
غريبة...
انا بعد اتنح واصير بليدة في المشاعر لما احد عندي يمرض...
وما اهتم ابدا...
مدري ليه..

بس لاحظت..لما ينتقدني شخص على هالتصرف (عدم الاهتمام) ولما أمرض أنا يعتني فيني ويهتم ..يأنبني ضميري وأحاول أبين اهتمامي ولو شوي في حالة مرضه..بس انا عاده أحب الاشخاص اللي يقاومون المرض ولما أحس بهالشيء ابدأ انا بعرض مساعدتي...

عرضت وجهه نظري لانها ممكن تكون مشابهه لوجهات نظرهم..هذا والله اعلم...

 

[دوشه بلقيس]

اخواتي...وعزيزاتي ...وكل من ردت علي بأهتمام...وحبت تقدم لي ماينفعني من نصح...قرأت نصيحة ورد كل وحده بكل اهتمام...وتركيز...ودمعت عيني لاني مش عارفه كيف اشكر لكم اهتمامكم بموضوعي...وماعندي غير اني اشكركم....واعتذر منك اني لاني فقط اليوم قدرت افتح النت كنت في بيت ابوي....تدرون ليش؟؟؟؟

تطلقت

لا امزح معكم ولدت ولله الحمد من عشرة ايام تقريبا..عشان كذا انقطعت عنكم
وحبيت اشكر الاخوات اللي قبل رديت عليهم والاخوات اللي كتبوا وماشفت ردهم الا اليوم
مس ريم-بوح المطر-محرومه من زوجك -نور البدر-دمعة الخاطر-اكسجين-وان شاء الله اقدر اتبع نصايحكم حرفيا وابشركم بالنتايج بس ارجع واقول قلبي مايسامح

 

[ام الغالين8]

والله ما ودي اطلع وانا ما دعيتلك الله يفرج همك ونصيحه اذا بقيتي علي الطبيعه الله يستر عليك من ا مراض القلب والضغط وهذا وانتي ما شفتي وشلون امراض الاطفال وطلباتهم وحوستهم وش بتسوين نصيحه دربي نفسك على التطنيش في بعض الامور اللي ما تستاهل

 

[ام الغالين8]

مبروك ما جاك والحد لله على سلامتك

 

[دوشه بلقيس]

ام الغالين مشكوره على الدعوه وعلى التهنئه...وحبيت اقولك ان عندي ولد من قبل وهذا الثاني يعني الحوسه زادت وربي يسهل
وارجع واقول يابنات انتم ركزتم على طيبت زوجي وعلى طلباتي بس انا مشكلتي بالاستهتار يعني كأني نكره في حياته حتى لما اخطئ عليه مايحس عادي يرجع يطنش ماينفع معه شئ اذا مشيت غلطاته واذا حاسبته مايصلح اموره ولايتعدل والله والله والله ما اطالبه فوق طاقته ولا عندي طلبات رومنسيه ولا ماديه بس ابي احس اني زوجه اذا زعلت من زوجها يحس بزعلها والله اخذت 3 ايام ما اكلمه ولا حتى ماادري اكل نام مات,,,ويكلمني ويستمر يكلمني ويطلع ويرجع كأني نكره ولاشئ ولما ارجع اكلمه عادي ما يذكر اني كنت زعلانه حتى عايش عشان ينام ويلعب بلوت مع شلته وبس وقلت له من اخذتك وانت كذا مازعلت من طلعاتك بس لما احتاجك لاتطنش ...ولما اتعب اتركني لحالي لاتضايقني وتنتقدني وتقارني بأمك وامي,,,بس كأني انفخ في قربه مقطوعه كلامي مايوصل مخه ابدا مدري عنده عازل في الجمجمه والا انا لغتي غير...وطبعا مشكلتي اني ماني قادره اسامحه عارفه الطريق الصح بس ماني قادره اسامح عرفتوا الحين ليش اشتكيت لكم...اني ماني قادره اسامحه ولا اقدر اعيش معاه من غير قلب حياتي معاه بارررررده وتافه