متزوجين صارلنا سنه وحده بس وطلب مني يتزوج مره ثانيه

[spicey girl]

انا كنت واضحه معاه وبينت له الزعل وان هذا الشي انا مو راضيه عنه عصب وقالي مو من حقج ترفضين هذا حقي الشرعي خليه يصير بعلمج وباختيارج انتي احسن ما انا ادور بنفسي

ماتقولولي شسوي بعمري انا

شووو يعني يعصب خله يعصب برايه.. ياسلام يقولج بعرس يعني شو يتوقع مثلا؟؟؟..ردي عليه حبيبتي قوليله شو تتوقعني افرحلك وابارلك؟؟ ريلي يفكر يتزوج علي اكيد بزعل وماااااابرضى شي طبيعي اي حرمة في الدنيا بتسوي جي..هذا واحناما كملنا سنة ولا فرحنا بولدنا البجر..حتى زوجات الرسول كانو يغارون من بعض ويوم يتزوج الرسول يزعلون منه وما يرمسوونه...طلعي الي في خاطرج ولا اتمين مقهورة..لما بيشوفج جادة وزعلانة ومتغيره عليه..بينشغل فيج وبيهد فكره الزواج ...واذا من حقه الشرعي ان يتزوج قوليله انا بعد من حقي انفصل عنك اذا هذا في بالك (بس تهديد مش صدق تخربين بيتج..)

 

[سلة خوخ]

مشكلته إنه مفكر إنه بعد الزواج راح تظلي معاه عسل زي ماأنت..
فاهمة قصدي؟؟؟ لازم يفهم إن هذا الحال مارح يستمر إذا تزوج..
لازم يفهم
حاولي تغيري موقفك معاه.. لازم يشوف قد إيش هو جرحك وراح يجرحك

لازم يفهم إن زواجه مو مناسبة سعيدة لك .. لازم يفهم

 

[مزازيك]

حبيبتي ماعليك منه عيشي حياتك
وانسي هالموضوع وانتي بيني له انك ماتبينه اذا اتزوج يعني فهميه انك ماراح تسمحي لنفسك
تعيشي معاه وان ولده الي بطنك تعطينه هو قوليها كلام وقولي انا احبك ايه
بس هذا مايسمح لي انت باقي ماشفت الحياه صح هذا واحنا بداية حياتنا كذا تفكر اجل بعد عمر كيف راح تفكر
والله انا نفس حالتك بس انا ياقلبي بعد اربع شهور من الزواج يعني شوفي الصدمه
وكل الي يقوله انك مو مقصره معاي وفي شيء في نفسي لانه مو لاقي عذر ياقلبي يطلع فيكي
بس انتي وضحي له واذا عااتي دخلي اهلك بالمضوع لاتجلسي ساكته ابوكي او اخوانك يتفاهمو معاه
لان هالاشكال مايبي لهم الارجال واذا مانفع عاد انتي ياحياتي تقرري تكملي معاه ولا تنسحبي
والله يسره لك ويرجعه لعقله ولكي وانتي اهتمي بنفسك وفي الي بطنك وخليه هو على جنب

 

[أم قتيبه]

مشكورين يابنات على اهتمامكم بموضوعي اناباذن الله راح اصلي واستشير ربي بالثلث الاخير من الليل مثل ماوصوني اغلب البنات وانشالله الله يهديه ويغير رايه وانشالله راح ابلغكم بآخر الاخبار الي اتمنى انها تكون اخبار طيبه

 

[بحرينية وافتخر]

فيه بعض الازواج زوجااتهم مو مقصريين معااهم بس من زود ما يخاالطووون اللي متعدد الزوجاات
فيصير عندهم نوع من الاثاارة والمغاامرة على انهم يعددون

 

[حلم النجوم]

عزيزتي

أكيد في سبب ورا هالشي

الرجال لسه مامداه يفرح ويتهنا

يمكن والله أعلم ( وأنا ما أخون زوجك) بس والله الزمن هذا صرنا نتوقع أي شي ..يمكن والله أعلم إنه حابب وحده من زمان ويبي يتزوجها وأهله رافضين وهو وعدها بالزواج لأنه مو قادر يبعد عنها

فتزوج منك حتى يرضي أهله وبعدها ماراح يتكلمون إذا تزوج بعد مايقنعك وبرضاك..

الحل هو / إنتي اللي تزوجتي منه أول يعني هو الآن ملكك ..لا تتنازلي عنه أبد لأي كان .. ومهما كانت أسبابه

وضحي له بأن الحياه الزوجيه مو لعب .. الحياه الزوجيه مسؤوليه وعشرة عمر بين إثنين بمجرد دخول الثالث تنقلب هذي الحياه الى جحيم .. ووضحي له من الآن إنك جدا تغرين عليه وماتتخيلي تشوفيه مع وحده ثانيه

وإذا الشي هذا صار تأكد إني ماراح أجلس عندك يوم واحد والأهم بيني له إن الولد بتتركينه عند أبوه ومنتي ملزمه فيه ..إذا هو يبي يتزوج علشان يعيش مستانس ومبسوط

قولي إنك إنتي بعد ودك تشوفين حيات وتستانسين مو تقضين حياتك تربين ولده وهو مع وحده ثانيه مستانس مو داري عن أحد

وربي يوفقك ويعينك ونسمع منك أخبار حلوه

 

[ارووج]

كانك تتكلمين عني قصتك كانها قصتي بالضبط ونفس الكلام هو قالي انتي ماقصرتي معاي بس انا في بالي الزواج وكنت حامل ماتحملت خصوصا انه خلاص تملك والحين مطلقه
اللى قالك انتي السبب لانك اخذتيها ضحك طيب انا مااخذتها ضحك وصار اللي صار يعني الرجال اذا حط في باله شيء راح يسويه الا اذا الله مايسر امره
وانا مع كلام بشريات خليه يتزوج واهتمي كثيررررررر بنفسك الحين وبالبيبي وراح يعرف بعدين خطائه اذا ماانتي مقصره معه واعرفي تكوينته عشان تقدرين تفهمينه
والله يكون بعونك واذا تبين اساعدك ارسليلي خاص

 

[الامل الكبير22]

اخواتي العزيزات
ارجوكم الدعولي ربنا يقضي في امري ويفرج كربتي وينور بصيرتي

 

[توت الحلا]

معليش اختي صراحتنا زوجك اناني وهذا عيب الملتحي يفهم الدين على انه بس اربع حريم وانها السنه صحيه وعيه قولي الدين قال اذا كانت مقصره وانت عندك رغبه مبيتها بخاطرك عيب والله عيب عليك حسبنا الله ونعم الوكيل

 

[نور كندا]

قبل مااطلع من موضوعك لاتنسى ان تخليه يجيب لكى كل مسلتزمات الطفل ومسلتزماتك ولاتخلي شىء على بالك الا اطلبى منه لانه على مايبدو معه مصارى والامور تمام فمن اليوم ورايح فكرى بنفسك ومن ثم نفسك ومن ثم نفسك دللى حالك وولدى باحسن المستشفيات واطلبى منه هديه دهب او الماس يعنى مابدك توصايه اكتر من هيك لانو المراة المؤدبه الحنونة يلى بتخاف على زوجها صارت هالايام مو منيحة والرجل مابيعمللها قيمة بئى غيرى من طباعك وتربيتك واخلاقك من هاللحظة وتعاملى معه بالمثل

 

[واقبلت العروس]

وليش لحتى توافقييييييييييييي بما قال لك دلك غشمرة كنت قومت الدنيا وقعدتها هو كان يجس نبضك يا اختي
وليش تقولي له راح اضل اقوم بواجباتك الزوجية قولي له ادا تبي تتزوج بدونننننننننننننننننننننن عدر اهلي احق به انا عندي اهل يعتزوووووووووووون بي وانا عندي ريال واحد احبه ولا يقبل القسمة
قولي له انت اختار انا او هي

 

[زركشة]

السلام عليكم

الغالية الظاهر من كثر الدلال والراحة اللي حصلها زوجج منج إنفتحت شهيته للزواج الثاني ،،

وعلى فكرة إنتي فتحتي شهيته أكثر لما وعدتيه إنج تستمرين بكل واجباتج بس الحب لا !!!!!!

غاليتي هل تعرفين تطلبين من زوجج إنه يتركك تعيشين حياتج إنتي بعد ،،

أكبر غلط لما تفني الزوجه نفسها عشان زوجها ،، وبعدين يطلب منها تخطب له !!! سبحان الله

غاليتي عيشي حياتج وإستمتعي ،، مثل ماهو يبي يزوج ويجدد الطماع ،،

خليه هو اللي يدور عليج ،،

 

[علاوة]

شوفي حبيبتي هذه القصة مرت علي مع وحدة من معارفنا ، من زود ما الزوجة شايلته وشايله عياله وبيته وخير شر مايعرف شي ومدلل آخر دلال حس بفراغ كبير ولازم يملي هذا الفراغ بزوجة ثانية عشان بس ازيده هم وغم وطلبات تشغل باله ، بس سنة وحدة لاعت جبده وكل يوم يطرشها لأهلها طبعا هي مب إماراتية ، وألحين بس يدور يفج عنها ويطلقها بأي طريقة.. نصيحة خلوا ريايلكم دوم مشغولين بس أشوي تعبوهم عشان مخهم لا يفضى، شغلي باله بأي شي يمكن تروح عنه هالأفكار... وسامحوني طولت عليكم

 

[احب الورد]

الريال تفكيره جنس يعني يبغي وحده اتيب عيال ووحده جنس بدون عيال

 

[جود الحلوة]

طيب يمكن اختي في وحدة بحياته هالايام وهي اللي مقنعته بالزواج يعني راسمه عليه دوري في اغراضه وشوفي وش ورا السالفه او ممكن صديق عارض عليه احد من قرايبه يعني هديه,,, لانه في شياطين انس مالها شغل الا تفسد على غيرها...
​

 

[ميرال2009]

الله يكون في عونك بس فيه رجال يحبون التعدد في الزوجات حسبي الله عليهم

 

[احلاكم انا]

يحق له يتزوج
عايش بفراغ ...الرجال دوره يدلع مو يتدلع...يبغى ياخد وحده يتعب عشان يرضيها ويلبي لها طلاباتها وحده تدلع عليه وتحسسه انه رجال وحده تشيب راسه........
هم كدا الرجال يبغوا اللي تمرمطوه بس بدلع..اتمنى اكون افدتك..بس من جد انقهرت مره مو قادر يستحمل على الاقل لما تولدي مو عارفه نفسية الحامل...

 

[ورده رومنسيه]

نفس المشكله صار مع واحد من قرايبي هههههههه
في الزمن ذا ماصار في رجال كلهم بزوره مايقدروووو على بالهم شي مشورع وممكن اي واحد
يسويهااا ويعدد الزواج يعني اخذو نص الايه وتركو النص الثاني
مااقول الا الله يهديهم في ناس من حقهااا تتزوج بسبب ضروف تجبرهم وفي ناس
ماعندهم ذنوب كفايه عشان كذا فكرو بحكاية الزواج الثاني استغفر الله ياربي
المهم حياتي لا تنقهري وتزعلي نفسك حرام عشان البيبي مو ذنبه يطلع تعبان نفسيا
يارب ياحي ياقيوم يرد زوجك ويسعدك بحياتك

 

[اماراتية دلع]

غلطانة غلطانة غلطانة من ساسج لين ريولج
انتي سهلتي الامر و تقولي بقوم بواجباتي
وحدة سهلة عليه الامور و راضية
لو انا منه بتزوج عليج
لا تزعلي مني بس شي يقهر و لله
لو وحدة غيرج تقوم الدنيا عليه حتى لو بالمزح
وردي عليهقولي له" لو يا بعد عمري قررت تتزوج بذبحك و بشرب من دمك "انتي بعد هدديه بالضحك
او قولي له عشان يكون اخر يوم بيني و بينك
تسوونها بايدينكم و تيجو تقولو ليش تزوجو علينا انتو تعطونهم الفرصة
خليج حارة بكلامج و عطيه الويه القوي من شخصيتج
و الله يبعد عنج الشر و يسر لج ياه

 

[الليالي]

ههههههه

اجاباتكم موتتني ضحك..ولا ردودكم ياناس
انتو مدري كيف؟؟
لو الرجال حط بباله يعني حط..اجل تخربون ع الحرمه
حياتها عشان زواج..الحمدلله وتعالجون قهر نفسها بغلط
لا ياقلبي خليك واقعيه وشوفي بشريات ايش تقول
وكلامها صح 100%

الله يقويك ويسهل ولادتك
ع فكرة احس ان زوجك غربي وبيعدد يعني بيعدد
الغربي كدا يحب يعيش والجميلات حواليه
وهو يتدلل..الله يعينك راجعي الشخصيات