السلام عليكم حبيباتي اناولله الحمد متزوجه من رجل خايف الله ماعمري شكيت فيه ولا افكر اني اشك فيه انسان ملتزم وماعنده خرابيط و لا عمره غلط علي او على اهلي و كذامره يعترف لي اني وايد زينه معاه واني وايد طيبه معاه ومدللته ومو مخليه عليه قاصر و متحمله غيابه الدايم عن البيت بسبب هوايته لصيد السمك الي ماخذه اغلب وقته زوجي باين عليه انه يحبني وحتى من الناحيه الجنسيه مرتاحين مع بعض وصارت بينا كذا مشكله لكنها مشاكل عاديه باول سنه زواج المهم كذا مره زوجي يقط علي تلميحات انه يبي يتزوج علي وناخذها على هيأت ضحك وغشمره وتطوف السالفه ومع الوقت تلميحاته بدت تزيد وقام يشتري اشرطه لمحاظرات دينيه عن تعدد الزوجات ويسمعني اياها بالسياره اذا طلعنا مع بعض انا ماحبيت الوضع ابدا بس ما ناقشته باي شي وما اخذتها بمحمل الجد لان تونا متزوجين ماصارلنا سنه وانا حامل الحين يعني مو معقوله ان من صجه يفكر بهالموضوع لحد ماصدمني في يوم من الايام قعد معاي وفتح معاي الموضوع وعطاني مقدمه طويله انه يحبني وعاش معاي احلى ايام حياته واني حلوه ومريحته من جميع النواحي بس هذا حقه الشرعي ويبي يتزوج مره ثانيه (ويبيني انا اخطب له) الموضوع حيل اثر فيني انصدمت صدمت حياتي مادري شسوي المشكله انه يقولي اني مو مقصره معاه من جميع النواحي ولا في اي شي مضايقه مني طيب انا شنو ذنبي بنت بعز شبابي مافرحت حتى بالياهل الي ببطني عشان يسوي معاي جذي المهم انا رديت عليه بهدوء وقلت سوي الي يمليه عليه ضميرك اذا انت شايف ان هالشي يستاهل انك تكسر قلبي عشانه روح سوه وانا ماراح امنعك لكن صدقني الحب والدلال والراحه الي كنت شايفه معاي ماراح تستمرانا ماراح اقصر بواجباتي كزوجه لكن ماراح اقدر احبك مثل قبل لان انت انسان اناني ماقدرتني ولا قدرت حبي لك
رد علي قالي لا ماراح تسوين جذي لانج خايفه الله وماراح تهدمين بيتج
انا حييييييييييييل متضايقه ونفسيتي الزفت قاعده تاثر على صحتي وانا حامل وزوجي اذا حط براسه شي يسويه وعنده القدره الماديه انه يفتح بيت ثاني ارجوكم حاسه بخنقه ومقهووووره ارجوكم ساعدوني
رد علي قالي لا ماراح تسوين جذي لانج خايفه الله وماراح تهدمين بيتج
انا حييييييييييييل متضايقه ونفسيتي الزفت قاعده تاثر على صحتي وانا حامل وزوجي اذا حط براسه شي يسويه وعنده القدره الماديه انه يفتح بيت ثاني ارجوكم حاسه بخنقه ومقهووووره ارجوكم ساعدوني
