قلت لزوجي انقلع من البيت....

[وجدالمشاعر]

الله يعينك عليه يا قلبي وربي انها حااااااله

 

[العجيبه]

يااختي مالومك العيشه صعبه
وانتي تزوجتي تبغين رجال تهتمين فيه ويصرف عليك
مو انتي تصرفين عليه مادام ماعندك عيال اطلبي الطلاق
العيشه صعبه وهالايام كل شي غالي اجار شقه والاكل والشرب
يااختي اذا ماصار رجال ويصرف عليك تطلقي مو انتي اول وحده واخر وحده متطلقه
اللي يحب يسوي المستحيل لليسعد حبيبته
هذ1 وانتي توك ماعندك عيال كيف لو جبتي عيال من وين يصرف عليهم ؟؟؟؟؟؟؟؟؟؟؟؟
انتي موقادر يصرف عليك كيف عيالك ؟؟؟​

 

[دمعتي ماركه]

اول شي انتي وين ساكنه
اذا في السعوديه

فالو تروحين المحكمه وتقولين اهو طردني من البيت

وتقولين كل شي فيه خلاص ماعاد يرجعونك له

واذا كان اهو ماطلعك من البيت لا فهذا شي ثاني

يعني سالفه الطلاق بتطول

خلاص اذا تبغين تتطلقين قوليله ولا حاولي ترفعين

ظغطه بااشياء اهو مايبغاها

مع اني ماانصحك بالطلاق لاانه ابغض الحلال

 

[المــهــا]

انتبهي انتبهي تقولين ابدفع لك وطلقني انتبهي لانك بكذا ماراح تضمنينه يطلق وبنفس الوقت يمكن يطلب مبلغ كبير وممكن يماطلك بالمحاكم مثل المعلقه

استخيري ربك وبعدها احكي معاه بهدوء وقولي الحياة معاك صعبه وانا استخرت على الإنفصال والخيره فيما يختاره الله فإمساك بمعروف أو تسريح بإحسان لكن لاتجيبين طاري للفلوس ابد

وباين على زوجك انه صعب الخلاص منه لانه سبق وطلق ومايبي يكرر الموضوع نفسه معك ويطلقك يخاف من كلام الناس فهو عايش معاك كذا اسم زوجه وتصرف على عمرهاا وهو خالي من المسؤليه

حاولي تجيبينه بالسياسه وإذا مانفعت هاتي الساطوره وافقعي راسه .. امزح امزح <==== شكلي عصبت بجد الرجال عليهم طلعات يرفعون الضغط بس ربي يثبتناا على دينه الثابت

الله يفرجها علي وعليك وعلى مة محمد صلى الله عليه وسلم ياحي ياقيوم

 

[الملاحه]

عزيزتي الحد الفاصل أنا مع رازيا في كلامها بس اقولج إنه الكمال لله وحده وما فيه إنسان خالي من العيوب المهم حاولي تكسبينه بس لا تعطيه شي لأنه مب من حقه تصرفين إنت

 

[السندرله]

اسال الله ان يفرج همك

 

[hadifa]

ليه فكرت في المحاكم والطلاق أول حل أولا كان لازم تطلبين منه يصرف عليك مثلك مثل أولاده

واذا رفض أو قصر في واجباته هنا خيريه بين الطلاق والبقاء معه والحوار لاز م يكون بهدوء

من عصبيه و لا تجريح

 

[تلميذة مريم]

معليش اذا تطلقتي ماراح البنات يجون يعوضونك فحرام عليك كافي تخريب بيوت ليش ماتطلبون منها تعالج المشكلة تراه ماتزوجت يهودي منعدم الخير منه !
هي شكت لكم بإنها تنفق عليه فالحل ليش مايكون كيف توقفين نفقه عليه وتخلينه ينفق عليك مو عن الطلاق !
الطلاق للاشياء الكبيره خيانات زوجية و شرب وادمان مخدرات وضرب وقسوة مو على اي شيء تجيبون طاري الطلاق !
والله أنصحك مثل ما انصح أختي فكري بحل مشكلتك مو الهروب منها الهروب مو حل الهروب يمكن يصنع لك واقع مزري اشد من واقعك لاتعتقدين بإن الدنيا راح تجي على ماتبين
انتي من نفسك وقفي نفقه تماماً وتعلمي حيل الحريم وفنون جذب الزوج اجباره على الانصياع لك بالقوه ماراح تجيبينه وهذا الاسلوب ماينفع مع أي رجل يكون بعلمك لانهم كلهم ينفرون من المرأة الحديه محد يتقبل اسلوبها القاسي
اعرفي نمطه واشتغلي عليه غيرك تتعرض لخيانه زوجية دمرتها نفسياً ومع ذلك ينصحونها تصلح حياتها فبمالك وانتي حجتك بسيطة زي هذي ؟!!
فكري أختي بعقلك وأتوقع انك عاقلة وناضجة ولاتجازفين بقرار الطلاق وإذا انتي مصره بسبب كرهك له مثلاً استخيري عشرات المرات قبل اي قرارتتخذينه

والله يوفقك

 

[تلميذة مريم]

عليك = عليكم

 

[روحي تحبك!!]

والله كسرتي خاطري ياعمري
البنات كفوو وفووو والله يصخره لك يارب
وانا مع كلام اختي تلميذه مريم
تقبلي مروري

 

[وحشتوني]

الله يفرج همك ويسرى امرك​

 

[تؤام روحي وقلبي]

الله يرزقك ان شاء الله

 

[فراشة الياسمين]

تعوذي من الشيطان ياختي

هذا كل الي جالس يوسوس لك ويطلع لك عيوب الرجال وهو الي يقول لك هذا الرجال مافي اقبح منه ..

فكوني اقوه منه بالقران ..

وجيبي ورقه وقلم وكتبي اجابيته وسلبيته وشوفي

وهم مو الامور تنحل بالطلاق ..ان ابقض الحلال

وانتي الحين معصبه ومتنرفزه

هدي هدي

وكل شي ينحل بالتفاهم

حطي له حدود ..

وحددي لك مصروف دخله الشهري ومانتي ملزومه بالصرف على البيت الا اذا كان من طيب خاطر منك ​

 

[الخط الفاصل]

أخواتي مستحيل أنسى وقفاتكم معي ..والله ماني عارفة شقول لكم غير الله يجزيكم عني خير الجزاء وأحسنه ويصلح لكم نياتكم وذرياتكم ويرزقكم من حيث لا تحتسبون ويذيقكم نعيم الدارين..

اللي تقول ما اعطيه كيف؟؟

لازم أشتري مقاضي للبيت كيف ما آكل ولا أأكل بنتي؟؟ ..لازم أدفع كهربا ولا نموت حر,,ضروري أدفع إيجار ولا ننطرد من البيت..في أمور لا بد أدفعها وهو حضرته مخلي فلوسه لنفسه وعياله..ويقول إنت ماعطيتيني.

ساكن ببلاش آكل شارب بلاش فواتير مايدفع إلا لما يطلع روحي وآخرتها ما أعطيته شي..ياما أخذ مني بحجة مزنوق وما عنده ويوعدني يرجع لي ولا شفت هللة..

المهم

بسلامته رجع البيت وانا جهزت ملابسه عشان يروح..

طلب مني اعتذر له عن الكلمة اللي قلتها (انقلع) اعتذرت وهو اعتذر.. ويبي الموضوع ينتهي عند هذا الحد.

أنا ماوافقت قلت له لازم يكون في حل لمشاكلنا..

قال مافي مشاكل

قلت له والمسخرة اللي احنا فيها كل يوم؟؟

قال إذا ماعندي من فين أعطيك؟

قلت له إذا ماعندك تصرف علي على أشياء بسطة تافهة ليش متزوجني؟؟

عمري ما طلبتك وقلت أبشري حاضر تأمري..ما أسمع منك غير جملة واحدة ماعندي

مو عيب عليك تقول ماعندك لزوجتك اللي عمرها ماقصرت معاك؟

قال ماعندي من وين تبيني أجيب؟

قلت له تدبر عشاني...

أساسا لا يمكن تفكر تدبر عشاني.. إنت تدبر عشان نفسك و وقت مصالحك تطلع الفلوس..

دايما مايبي يحل أي موضوع يبي المواضيع تنتهي بلا حلول جذرية بدون وضع نقاط ع الحروف..وانا سئمت هذا الحال..

طبعا نام وماهمه شي والصبح اكيد بيروح الدوام وأكيد ياخذ ملابسه..

وأنا بصراحة بايعة بايعة..............هذا الزمن ظل الحيطة أحسن من ظل الرجال..

حياتي بدونه أفضل من معاه..كنت زي الوردة سعيدة ومرتاحة..وجا هذا حول حياتي لنكد وجحيم.

اللهم أصلح لي شأني كله ولا تكلني إلى نفسي طرفة عين..

 

[الخط الفاصل]

واللي يسألون البيت لمن؟؟

شقتي وانا اللي مؤثثتها بالكامل

 

[زوجةاسير]

لاتستعجليين بالطلاق , استخيري واكثري من الدعاء والاستغفار

 

[دفى يدينك]

مساء الخير حبيبتي .........اولا قولي لا اله الا الله وصلي على الرسول الكريم عليه ازكى واطهر سلام وهدي نفسك الدنيا راااااايحة وكل شي يتعوض الا الصحة.......
والاخت.. ,هذا رأيي, ..ماقصرت وكلامها فيه بأمر الله مفتاح وحل مشاكلك
اسأل الله ان يفرج همك ...
ثانيا شيلي الطلاق من مخك نهائي والجأيي لله بصدق والله لن يردك اكرم الاكرمين وتصدقي بنية تفريج الهم وابشري بكل خير ..
اناراح اقول لك كلمة اعذريينيييي عليها لكن والله وربي يشهد انه من خوفي علييك .. ياغاليتي وضعك صعب مرة
كيف تستحملين تكوني عالة واضافة في حياة اختك وعيالها...حتى لو انت عليهم غالية الا انه تأكدي وكوني على يقين ان الحياة صارت صعبة وضاقت صدور الناس ولاحد يبي يشيل مسؤولية احد........
فكري بهدوء غاليتي واحسبيها صح ولاتزعلي من كلامي
يسر الله امرك وهداك للصواب
تقبلي ودي .........

 

[الخط الفاصل]

كيف تستحملين تكوني عالة واضافة في حياة اختك وعيالها...حتى لو انت عليهم غالية الا انه تأكدي وكوني على يقين ان الحياة صارت صعبة وضاقت صدور الناس ولاحد يبي يشيل مسؤولية احد........

مافهمت عليك اختي وش تقصدين

إذا تطلقت إن شاء الله ما بكون عالة على أحد..عندي وظيفتي وشقتي

وضعي ما بيختلف..أتمنى تفهميني قصدك..

 

[نو25]

تبين تطلقين علشان الفلوس !!!!!!!!!!
الفلوس جت علشان تسعدنا واذا هو يعطي طلقيته فهذا واجب والله يقويه
وانت الطلاق شر لاتقربينه والناس صبره على اكثر اسلوبك كلش غلط في غلط ومافيها شي اذا تساعدينه ولاتصرفين كل الصرف يعني ادخلي قدامه جمعيه او شتري ارض او اي شي يعرف انه مامعك الحين فلوس وراضي زوجك وعيشي حياتك وفليهااااااااااااا
ياريت اقدر اشتري زوجي وسعادتي بالفلوس

 

[رازيا]

عزيزتي ليش ما تعطي فرصة لحالك مرة ومرتين وثلاث قبل تستعجلي بطلب الطلاق الحياة قصيرة ليش نقضيها بهم وغم وحزن
من ساعة لساعة فرج والله يغير الامور بالدعاء والصبر والحكمة ارجوكي قومي صلي ركعتين واستغيثي بالجبار الذي يقول لشيئ كن فيكون
ادعي دعاء الاستخارة مو ضروري تكوني على طهارة استقبلي القبلة وقولي اللهم ان كنت تعلم في بقائي مع زوجي الخ الدعاء
لا تستعجلي خصوصا انه عندك بنت فكري ببكرة شو ذنب هذي الطفلة تتربى محرومة من اب وام يعني بعتبارها يتمية وهم اهلها موجودين ارجوكي اطلعي بنظرة الشفقة على هذه الطفلة المسكينة شو ذنبها تيجي على الدنيا محرومه منكم بس لانه ما في تفاهم بينكم
ارجعي خطوة لورا وعدي من 1 لل 10 قبل تقرري بالطلاق
عارفة اجتني فكرة ليش ما تعطي حالك فرصة واجازة منه يعني قصدي ابتعدوا اشوي عن بعض
لعل الله يحدث بعد ذلك امرا اعطي حالك فرصة مرة ثانية وفكري عدل وقبل تقرري اي قرار خلي بنتك هالمسكينة امام عييييييييينك