كل شي صارلج أنتي السبب فيه ........أسفة على صراحتي بس هاي الواقع ......زوجج لا مريض نفسي ولا بطيخ ...لقى وحده غلبانة وراضية على نفسها تنضرب وتنهان وينلعن خامسها قال خل أذلها ..طبعا هو نجس بس أنتي شجعتيه بضعفج ...أنتي ظلمتي نفسج وظلمتي عيالج لأنج بامكانج من بداية حياتج تحطين حد ,,,بس تميتي تحملين ووضعج معاه ما يسمح كللللللللللش لاستمرارية الزواج ......
الله يهداج بس ....
بهدلتي أبوج رايح جاي عليج وشرطة وعفسة والحالة لله ....الله المستعان,,,
المطلوب منج ألحين بعد ما طاح الفاس بالراس أنج تاخذين قرار واضح ....لعب العيال انتهى .. أخذي قرار يوقف هالمهزلة كلها لأن السالفة مصخت ....أرحمي نفسج يا أمي ....ليش تكرهين نفسج لهالدرجة؟؟؟؟
شلون تسمحين لأي كان يهينج ؟؟؟ لو حتى زوجج ماتسمحين له يهينج أبدااااااااا.........ترا وايد لاحظت انه البنات فهالقسم فاهمين طاعة الزوج بالغلط ؟؟؟؟؟ يضربني وأقول أجري على الله ؟؟؟؟؟؟ حتى ربنا ما يرضى بالظلم ..وين قاعدين ؟؟؟
والله ما ألوم الرياييل يوم يدوسون عليكم ......انتم رضيتوا على أرواحكم من البداية عيل ليش تتذمرون بعدين ....أنتي رضيتي من البداية انه يسبج يضربج وما يصرف عليج ويوقفج مثل اليهال عالطوفة عيل لييييييييييييش تزعلون !!!!!!!!!!
حبيبتي كلامي قاسي بس أتمنى يصحصحج شوي ........كفااااااااااااااااااااااااااااااااااااااااااااااية مهزلة ....لا تخافين على عيالج الله حافظهم وما عليهم شر ...أرحمي نفسياتهم شوي معيشتهم في بيئة مريضة .... يعني مستانسة يشوفونج تنضربين وتنهانين وتقولين صابرة عشان عيالي !!!!!!!!
أعتقيهم لوجه الله .......الطلاق حلال في حالات وحالتج وحدة من هالحالات ......
بروح أصلي الفجر أدعيلج عسى ربي يعوضج خير ويرجع عيالج لحضنج ويفكج شر هالريال.......معنه لو من البداية ردحتي له يوم طقج ولعنتي أبو أسلافه كان خاف وهجد ولا فكر يمد يده ويهينج .....كسر يد ان شاء الله ..قهرني ,,