قصة حياتي ذكريات مؤلمه مع زوجي الحائن

[kat_kat]

مساء الخير يا أخوات ..
هذي أول مشاركة لي في المنتدى ....
وأنا قصتي مثلا الإخت .... إكتشفت أن زوجي يخوني و له علاقه معها وكل ما أوجه ينكر و تطورت العلاقه معا لين وصلت إلى المعاشره ..
و أنا الحين ما أعرف شو أسوي .. أترك البيت وأرجع لبيت اهلي .ز او اطلب الطلاق
و أتا عندي بنت ,,, و الله محتاره

 

[همة تهفو للقمة]

الله يفرج لك

 

[فاقده أمل حبي]

اقول يابنات
شنو انتوا جالسين بفلم لو ايش
يابنات هذا متزوج عليها
مادامها باول حياتها وبنت وحده احسن مايكون عندها 4
اقول ياعمري اطلبي الطلاق وطيري بيت اهلك
الله لايبارك في رجال كذا
استخيري طبعا

 

[فاقده أمل حبي]

بس ترا صج تتضحكيني لما تكتبين كيف زوجك يتعذر
واذا عالقسم الي يقسمه عالقران اناا زوجي قسم وايد ع القران انه مايخوني وانا عندي دليل انه يخوني دليل صجي مو خربطه
بس اقول كيف ذا يحلف على كذب
يحلف من الخوف ياعمري انك تتركينه وتهدين البيت بتقولين يو لهدرجه يبيني لا
يبيبش انتي عشان تخدمينه تجيبين اليه المويه وتجيبين اليه العيال ووقت مايشتهي مايلاقي احد جدامه يشوفش انتي يقولش يلا تعالي
صدقيني انا عن تجربه شخصيه ضيعت حياتي بيدي والله
طلبت الطلاق مره وصار اجراءات بالمحكمه ماادري وش الي صكني على مخي وخلاني ارجع اليه
بس بصراحه انا متحمله وجالسه معاه رغم خيانته
انا بيت اهلي سجن ماينعاش فيه
يعني عندي عذري اني مااترك النعمه الي عايشتها ولو اش فايدتها والنفسيه تعبانه....
يلا كملي يابنت وحنا معاج

 

[ام الغالين8]

الله يربط على قلبك

 

[ازغيرونه]

الله يهديه بس حبيبتي تأكدي هي زوجته ولا عشيقه اذاهيه زوجته الله يصبرك واذا عشيقه استخيري الله وادعي ربي انه يهديه ويبعد عنه بنات الحرام

 

[غدوو وبس]

الله يسخره لك يارب ويسعدك

 

[حوراء 5]

حسبي الله ونعم الوكيل على الرياييل اللي مايقدرون النعمه اللي بين ايديهم

 

[نــور2010]

الله يعينج مازلت تعبانة من خيانة زوجي وكذبه
نسامح ونستر عليهم وهم كل مالهم ويتمادون

حسبنا الله ونعم الوكيل

 

[um_rqawy]

يؤؤؤؤؤؤؤؤ وووووينك حمستيناا ومشيتي كتبي القصه كلها عفيه كل اشوي اشوف صفحه زااايده واقول كلمت

 

[عموره]

الله يفرجلك ان شاالله طيب انتي متاكده انه متزوجها وشلون تاكدتي

 

[سديم العنزي]

الله يفرج همك

ياليت تعطينا قصتك مرة وحدة عشان نعرف نرد عليك

ربي يسخر لك زوجك ويحفظ لك بنتك

 

[بقــايا أنثى]

وووووووووووووووينك خيتوووووووو؟

 

[نيفرتيتي]

ياقلبي والله حاسين فيكي بس ايش نسوي مكتوب على الحريم الصبر
بس اذا تقدرين تروحين لأهلك على انها زعله بسيطه روحي ... وارسلي له مسج وقولي انك ماراح تفصحينه لأنه ابو بنتك وانك قلتي لأهلك انه مد ايدة عليكي بكف أو زعلك بالكلام وحابة تأدبينه بس
علشان يفهم انك حريصه على بيتك وبنتك وإذا ماعقل هدديه انك بتقولين كل شييي
.. بس أنتبهي تفضحينه تحت اي سبب لأنه راح يحقد عليكي ... وياآآآقردها اللي يحقد عليها زوجها
والله يهديه ويصبر قلبك

 

[مرمري الغالي]

حياكم حبيباتي واعذورني عالتاخير وراح اكملكم وش صار لما دخلت بيتي ولقيته قدامي وفتح عيونه لما شافني وقال وين كنتي وش مخرجك هالوقت طبعا انا رديت ببرود وقلت نزلت اجيب رضاعة بنتي من سيارتك لان ماحبيت ازعجك وانت عندك سفر فصارخ وقال لا عادي تعبني ولا تخرجين من بيتك بهالوقت اصلا انتي ماتستحين وفتح باب البيت ونزل مثل المجنون يبي طبعا يتأكد انا شفت جواله ودخلت انا الحمام ابي ابكي ابي اصارخ الا واسمع بنتي تصيح وانا ماكني اسمعها والله كل مااذكر هالموقف تكسر خاطري واقول هي وش ذنبها وشوي الا هو داخل البيت وانا بالحمام والبنت تصيح ويشيلها ويدق علي ويقول شفيك ماتسمعينها تبكي عجلي وراح ينام وافتح الباب واناظر بنتي ودموعها فضميتها ورجعتها تنام وعدت ساعتين كنها سنتين ابيه يقوم ومافيه امل يقوم طبعا كعادتي تهورت رحت وصحيته بس كنت هاديه وانصحكم من كل قلبي لا تتسرعين وتواجهينه لازم تفكرين الف مره وتستشيرين احد اعرف منك لاني توني اطلع على مقالات الدكتوره ناعمه وكله تنصح بالتريث بس انا عرفت هالشي متاخر المهم رحت وصحيته وقال اشفيك عسى ماشر قلت ابد سلامتك بس حبيت اقولك اذا فيه شي ودك تقوله لي يعني مصلحه وخايف تقولي فقالي انتي اكيد مو صاحيه وبراسك شي وانا تعبان ابي انام وراي سفر وشغل لراسي وانتي فاضيه صدق انك تافهه وماتقدرين الوقت طبعا انا تهورت وقلت بس انا شفت شي بسيارتك وانا جايه اقولك ابي اسمع منك وصدقني لو كنت صريح معي ماراح ازعل وراح اتفهم الوضع قال فتشتي سيارتي قلت ايه لاني كنت شاكه فيك وشكي طلع بمحله وطبعا انفجر مثل البركان وصار صوته يوصل للشارع من سمح لك تفتحين السياره والحق علي انا الي عطيتك وجه وماربيتك صح وانتي مابعد شفتي الوجه الثاني لي وباقولك الي تبين تعرفينه ايه انا متزوج مسيار واسمها كذا واحبها واموت عليها ولعلمك بعد تريها مطلقه وعندها ولدين واكبر منك بعشر سنوات بس تريها احسن منك وانا الحين مسافر لها ولحد ماارجع عندك مهله تفكرين ياترضين يامع السلامه ولبس واخذ شنطته وخرج وانا مكاني ماتحركت ومن جد مايحس رمى سهامه وصدمني وراح ولا فكر وش راح يصير فيني وانا مرت علي هالثلاث الايام دموع وقهر وحسره وماني مصدقه ولا مستوعبه طبعا يابنات في هالسنه كان بالقطاره يعطيني الفلوس وانا الي اشتري لنفسي كل شي ومعطيته حدود عشر الاف ريال ولا بحياتي سألته عنها المهم جن جنوني وانهرت واتصل فيه ولا يرد وقفل جواله حسيت اني ابي اموت وبس ابي اهرب وصرت اضحك وابكي بنفس الوقت ومرت علي ساعات وانا دموعي ماجفت والعالم كله يدق على جوالي وماارد على احد واذن المغرب وانا مدفونه بسريري ابكي بحرقة قلب ولا افطرت وقمت صليت ورديت مكاني ونمت حتى سمعت اذان العشا واصحى الا وانا من جد مااحلم وهذا واقع وياعمري بنتي نايمه عالارض ولا غديتها ولا غيرت لها وانتو بكرامه والبيت كئيب فقمت واخذت بنتي وغيرت لها واكلتها ودقيت على اعز صديقه لي وقلت لها وانا اشكي لها ومحتاره وش اصلح ودي اكلم ابوي بس هو ماراح يقصر بيجي وياخذ حقي بس المشكله امي تعبانه ولو عرفت بالي صار بتتعب اكثر وماتتحمل صدمات اكثر المهم شارت علي صديقتي اكلم ابوي واحرص عليه مايقول لامي وبالفعل كلمت ابوي وانصدم ياعمري وقال هو وينه قلت مسافر قال انشاء الله بكره وانا عندك جهزي اغراضك وباجي اخذك وطمنت شوي بس من غبائي ارسلت له مسج وقلت له ابوي بكره جاي وانا تاركه لك البيت ولا رد علي ولا عبرني طبعا انا كله ابكي وليله من رمضان لا تنسى وصليت الفجر وجلست بالصاله واحس بوحشه في بيتي وشعور مااقدر اوصفه لكم وكنت اهز بنتي على رجولي ابيها تنام الا شوي وهو داخل علي وانا تفاجئت وسلم وجلس جنبي قال توقعت تفكرين شوي مو بسرعه تقررين قلت مايبي لها تفكير انت بعتني وانا بعد بابيعك قال يعني انتي ماتحبيني قلت الا احبك بس انت الي ماتحبني وهذا غباء مني اني رديت عليه قالي انا احبك وابيك انتي وبصراحه فكرت مع نفسي وقلت مالي غيرك وانا طبعا غلطت غلطتي الثانيه وقلت طيب طلقها قال من عيوني بس انتي لاتضيقين صدرك وجلس للظهر يقنع فيني وطلب مني اكلم ابوي واقوله ان الموضوع انتهى وهو ندمان ومن هالكلام واقسم قسم ثاني انه بيطلقها وطبعا سألته عن قسمه الاولي شلون تنساه قالي انا اقسمت انهي علاقتي بهذيك ومااقسمت اني ماراح اتزوج عليك يعني يابنات انتبهوا والله هذيل الرجال فيهم لؤم وحيالين درجه اولى وصار اني كلمت ابوي وقالي الي يريحك بس بصراحه ابوي زعل منه وللحين مايكلمه المهم قالي انا مضطر ارجع عشان شغلي واقلاعي المغرب وانا طبعا احلفه بربه مايروح لها وهو وعدني وراح وانا احس بنار بقلبي وادعي ربي يطلقها ويرده لي ورجع من السفر وقالي انه زارها وقالها راح اطلقك وهي تقبلت الموضوع ومشى اسبوع وسالته وش صار قالي خلاص طلقتها قلت ورني صك الطلاق قال مافيه صك لانه زواج مسيار وصار لنا شهر وبصراحه انا تغيرت معاه وندمت لاني رضيت بهالسهوله وهو مو حاس بالي صلحه وكل مااحاول افتح معه الموضوع يقفله وحاسه يابنات انه ماطلقها لانه سافر قبل امس ورجع مبسوط ومو مهتم كثير فيني يعني انام لوحدي ولا اجلس معاه ولا اكل معاه واحاول اشغل نفسي واهتم بشكلي وهو مطنش وعادي ومن جد احسني حاقده عليه وابي انتقم لكرامتي بس شصلح لان ابوي قال لي اذا طلقها خلاص احفظي بيتك وزوجك ولو اجلس معاه احس باهانه والم وخصوصا انه متجاهلني مو زي ماقالوا طنشيه واهتمي بنفسك يرجع لك والله لا رجع ولا شي وبالعكس احسه عايش حياته وكله يكشخ ويخرج ويسهر وتدرون مباريات الحين ووناسه ولا فكر فيني ساعدوني تكفون اذا اجلس معاه شلون ارده لي واخليه يتعلق فيني وشلون اخليه يحس بغلطه وجرحه لي وانا كنت معزمه عالطلاق بس لما قريت بردودكم ان غيري احرقته نار الخيانه واني مو لوحدي وغيري بعد ماتت احلامها انها تكون الوحيده بحياته واسأل الله ان يجبر قلب كل حواء وان يلهمها حسن التصرف والحكمه وان يعوضها خير من ذلك وان يرد لها زوجها ردا جميلا انتهت قصتي والله لا يحرمني تواصلكم وتقبلوا تحياتي

 

[RORY]

شوفي حبيبتي مرمري روحي قسم الزوج والزواج فيه موضوع مثبت اسمه زوجات ناجحات فيه قصص حلوه يمكن تفيدك منها قصة العضوة كنت احلم اول قصه في الموضوع
ودي انصحك بس بصراحه مدري وش اقولك بس دعواتي لك من القلب ان الله يفرج همك وييسر امرك ويسخر لك زوجك ومايشوف غيرك ياااااااارب ويصلح لك بنيتك
انشالله باقي العضوات يقدرون يفيدونك ولو احد مختص احسن

 

[سنية وافتخر]

تعوذي من ابليس اختي الركادة زينة استخيري اول بعدين عندك سلاح وانتي ماتدرين وهذا السلاح قووووي حيل لوتعرفينه انبسطتي لالالا اكيد تعرفينه هو الدعاء والاستغفار التجئي الى ربك كثيررر اخرجي المعاصي من بيتك طنشية اعطيه الثقة الكاملة امدحيه بتتعبي شوي لكن انتي تبغين هدف لازم توصلي له وتتحدي اي صعب انسي الماضي اهتمي بنتك وبنفسك وحاولي تعرفي نقطة ضعفة لان هذا بيخدمك كثيرررر لاتتحسري اذا طلع ووونس نفسة بالعكس قولي له ايوه ابسط نفسك تستاهل اعرفي هواياته ومارسي اانتي هواياتك حاولي تشغلينه بالطلعات تدلعي تغنجي ابتسمي دائما تدرين ليه يحب المسيارعشان يجيها وقت فضاوتها وهي عاد تستقبلة وتنسيه المسؤؤؤؤلية وتعب الحياة حسبي الله على كل بنت تعرض نفسها مسيار لانها تحرم الزوجة كثيييير من حقوقها نفسي اعرف الي تبغى مسيار ومنخشة وش تبغى بالضبط تبغى يعني تزوج اكثر من واحد والا تبغى تمتلك رجال لها وحدها مزوجة بالسر خايفة لية ماادري ليه بناتنا كذا والرجال طبعا مبسوطين بهذه الزيجة لانه ماتكلفة ولاريال ولافيه مسؤؤؤؤؤؤلية سبحان الله مووووفقة حبيبتي

 

[Hamasaaat]

والله قصتك رفعت ضغطي

حبيبتي صوني كراامتك ...ولاتكوني سااااااذجة تصدقين كل شي
استغرب منك بكلمة ترضين وكيف لحد الان تحبينه... والله يا اختي الي يسوي في كذا اطيره من حياااااتي
ليش كذا النساااء متخاااااذلااااااات وتربط نفسها بالرجل خااااصة لما يكون مايستاهلها.....اوكي الي اهلها مايستقبلوها معذوره بس الي ااهلها صاينينها ليش تذلهم وتذل نفسهاااااا ااااااه بس

والله براءتك خسااااااارة فيه
حبيبتي اتثقفي اكثر والمنتدى مليااااان مواضيع توب بصراااحة ولاتصيري سهله خليك انسااااانه بعيدة المنال
فكل شي.... وردة فعلك غريبة ؟؟؟؟ ماادري كيف قدرتي تساااااامحين بهالسرعة



مدري وش قول؟؟؟؟؟؟غير الله يعينك ع بلواك وظلمك لنفسك
الله يسخر لك

يبى لك تغيييير جذري مع اني اشوف انه زوجك ماااااااافي امل منه ابدا ولا تتورطين معاااااااه باطفال ااكثر
استخيري والله يكتب لك الخيروطمنينا عنك وبليز ادخلي دورات تطوير االذات وتقوية الشخصية بليز

 

[Hamasaaat]

نسيت شغلة
انتي مصدقه وواثقه انه مسيااااار
الي كذا سوالفه توقعي منه اي شي

الجإي لربك والله ماااااااراااح يفرجها غيره
ادعي بكل وقت واظهري ضعفك لرربك فقط والله كريم وماراااح يخذلك

 

[ميمو*]

والله العظيم يامرمري انه قصتك تبكي والله اني اقرا وانا ابكي وخفت لاحد يسمعني ويقوم من نومه
الله يفرج عنك الهموم ويصبرك وهذا ابتلاء من الله والله اذا حب عبد ابتلاه عليك بالدعاء اخر الليل
والبنت هذي الله يحرقها ويميتها وترتاحي منها ويجعل كيدها في نحرها وينتقم منها
اللهم اميييييييييييييييييييييييييييييييين
وزوجك الله يهدي ويصلحه ويثبته على دينه ويصرف قلبه عنها
والله اني موعارفه ارتب الكلام لكن ربي العالم اني دعيت لك وبدعيلك كل مااتذكرك
وانتي اشغلي نفسك باللاستغفار وحفظ القران ورمضان قرب الله يبلغناواياكي والجميع انك تختمي المصحف5او4 ختمات والله يكون في عونك ويسعدك ويهنيك في الدنيا والاخره ويجزيك الفردوس الاعلى من الجنه
وكلنا نمر بمشاكل لكن الحمدلله على كل حال