قصة حياتي ذكريات مؤلمه مع زوجي الحائن

[ام حزم]

اسأل الله لك الثبات وحسن التصرف وان يختار الله لك الخيرة المباركة ويرده الله لك رداً جميلاً

 

[سعيدة طول العمر]

طرشيلي ايميلج ع الخاص بطرشلج كيف تعالجين الموضوع

 

[مرمري الغالي]

جزاكم الله خيرحبيباتي ردودكم كانت رائعه واعادت لي الفرحه رغم رجوع زوجي المصون من السفر والالم الي يتجدد كل مااشوفه والذكريات الي تاخذني لليوم الي فتحت جواله وتشجعت افتح مسجاته وكانت رساله توها واصلته قبل ماينام مكتوب فيها تصبح على صدري يادلوع قلبي والغريب مخزنها باسم رجال هههههه وكانت مسجاتها كثير وشي غزل وشي حب وشغلات عميقه وصرت ارتجف اكثر ورحت على مسجاته والقاه مغرقها دلع ورومنسيه ودلال والي يضحك ويبكي مرسل تقريبا لعشر مسجات باليوم وانا كل اسبوع مره والي يبكي اكثر انه يرسلي مسج كاتبه لها بالاول ومرسله وبعدين اذا رحمني او خجل من كثر ماارسله كلام حلو يرسلي ويعدل فيه اسمي او يغير بعض الكلمات لانه الظاهر يستحي مني ولا ماادري عنه وهذا طبعا غير البلوتوثات الجنسيه الي تخجل وبدون شعور انهرت وصرت اصارخ واختي موصيتني لو لقيتي شي لا تقولين له اتصلي فيني وبس لكن انا وقتها جن جنوني وادخل الغ:30:رفه وافتح النور واصارخ عليه وابكي وهو طبعا صحى مفجوع ومو داري وش السالفه ويقولي شفيك قلت تخوني يالي ماتخاف ربك انت انسان ماتستحي ولاتستاهلني والحين تطلقني وبااكلم ابوي يجي ياخذني وامسك جوالي ومتصله على ابوي الا وياخذ الجوال ويرميه بالجدار ويقول تعوذي من الشيطان واسمعي مني وبكره كلمي ابوك لاتزعجيه الساعه ثلاث وخلينا نتفاهم ولاتحكمين وتظلميني قبل تسمعيني فهديت شوي وقلت تفضل قال هذي وحده مجنونه ماادري شلون لقت رقمي الظاهر احد من اخوياي معطيها ومزعجتني وانا صاد عنها (سبحان الله) ومهددتني تسحرني وتنكد عيشتي وهي معاها صور لي وماادري من وين ماخذتها ومرسله اخوها يهددني اني لازم اخطبها لاني ضحكت عليها ومالقيت حل غير اسايسها حتى اغير رقم جوالي وانقل من شغلي وكان ودي اقولك بس خفت منك ماتصدقييني وانا احبك ونزل لرجولي يسلم عليهم ويترجاني مااتركه وبصراحه قصته العجيبه مادخلت مزاجي بس كسر خاطري وانتبهي ياحواء ينكسر خاطرك لخاين لان الخيانه بدمه المهم قلت ابااصدقك واعطيك فرصه بس بشرط تقسم عالمصحف ماترد لها وجاب المصحف واقسم ووعدته مااحد يدري بالي صار حتى اختي لما كلمتني قلت ابد ياحبي له مافيه غيري بحياته:31: ومشت الايام وهو متعدل معاي وصاير حنون ورومنسي ومدللني وخاصه لما حملت استانس ودامت هالسعاده حتى رحت لاهلي للولاده ومااخفيكم شعور الشك تملكني ولا صرت اثق فيه وهو حاس لان اوقات يلاحظ افتش ثيابه واوراقه وكان يقول لا تخافين مافيه غيرك واطمني وولدت الحمدالله وكان مستانس ورجعت له بعد الاربعين وانا متغير شكلي وصايره متينه وجسمي متغير بس الحمدالله رديت مثل قبل وهو بعد متغير ورجع شوي شوي مثل اول وقلت مايخالف تحملي يمكن عشان شغله او عشان صار اب او او او وكل يوم اختلق له عذر غير وكملت بنوتي سنه واحنا على هالحال تمر شهرين ولا ينام معي وزي الاخوان ويتعذر بشغله ويرد متاخر ولو لبست او مالبست مايعلق واذا سالته قال والله انك فاضيه او عاتبته وقلت احسك متغير واخاف رجعت لها يعصب ويطلع من البيت واذا رجع يجلس زعلان حتى اعتذر الف مره وانا شاكه ومتاكده انه رجع يخوني بس اطمن نفسي واقول مستحيل يتساهل بقسمه على المصحف واصبر نفسي المهم كنت مسافره لاهلي ابي احضر زواج اخوي وهو طبعا زعلان ليش لاني طالبته مصروف لي ولبنتي وخصوصا اني ماكلفت عليه بقيمة فستاني ومنزلني المطار ومايكلمني وحضرت الزواج والكل يسأل وشفيك ذبلانه وماكأنك مرتاحه وانا اتعذر ببنتي وانها متعبتني ومن هالكلام وزوجي طبعا تنازل وحضر الزواج بس تخيلوا ماشافني ولاسأل عني ورجع نام عند اهله وسافر اليوم الثاني وتفشلت قدام هلي وش اقول غير اني انا الي قلت تراني تعبان:31:ه ومالي خلق هههههه ورجعت بيتي وكان هو من اسوء في اسوء لدرجه انه كذب علي وقال انا مريض بالضغط واحتاج رعايه خاصه وراحه نفسيه وخصوصا منك انتي لانك تنكدين علي فانا طبعا قلت ولا يهمك واوعدك مااضايقك ابد وكسر خاطري ورحمته وصرت البي كل شي حتى لو ماابيه انا ولا ازعل منه مهما يصلح تدرون مريض ولازم اتحمل وياعمري طلع فعلا مريض بس مو بالضغط بالكذب عشان اريحه وعرفت انه يكذب علي بعدين وفي رمضان كنت اصلي قبل الفجر ودعيت ربي يهدي قلبي ولو كان هالرجال يخوني فيارب اكشف امره وصليت الفجر ورديت انام وماقدرت كان احد يقول افتحي جواله فتحت الجوال ولقيته نظيف ورديت انام وماقدرت تدرون حدس المراه يقول الشي الي ممكن تلقين فيه السياره ولبست عباتي ونزلت و انا خايفه حد يشوفني ولا هو ينزل علي وتصير سالفه وقلت توكلي عالله ولو نزل قولي نسيت رضاعة بنتك وابي اخذها وارجع واخذ رضاعتها :13: وانزل وافتح السياره وادور بكل مكان ومافيه شي واقفلها وارد لفوق وانا بوسط الدرج تذكرت شنطة السياره وانطلق بسرعه افتحها وماشفت غير عربية بنوتي الحلوه وجلست شوي وارفع الفرش واناظر زين الا وانا بجوال كنت شايفته معه وقايل لي انه لخوييه عطاه يجربه عشان لو بيشتري مثله واخذ الجوال وافتحه وانا اذكر اسم الله لاني خفت انهار وسط الشارع والقى اسم بنت ومسجات واخر مسج كاتب لها مااقدر اتحمل لبكره واشوفك ياندى انتي الغلا واقفل انا الجوال وارجعه مكانه واقفل السياره وهو طبعا مسافر لها وقايل لشغله وانا ياعمري مرتبه الشنطه وحاطتله ورده حمرا والشوكلاته الي يحبها وكاتبه له بتوحشني هههه من جد مستغفلني وسنه كاااااامله وهو يضحك علي يسافر لشغله ويروح لها وعرفت بعدين ان الاوقات الي اروح لاهلي فيه هي تجي عنده المهم طلعت الدرج وفتحت الباب الا هو بوجهي ومااقدر اكمل لاني بديت اتعب من ذكرياتي ومحتاجه اصلي ركعتين لرب العالمين واسأله ان يهديني للصواب وان يثبتني وان يعوضني خير انتظروني حبيباتي

 

[حياة القلب]

الله يكون بعونك حبيبتي

 

[um_rqawy]

الله يكون بعونج وحبيبتي لاتعبينوا روحج كتبي على راحتج وربي معاج انا انتظرج

 

[فروع الياسمينه]

متابعه
و أسأل الله ان يفرج همك

 

[بقــايا أنثى]

هههههههههههههههههههه شر البلية مايضحك كثير من اعذار زوجك نفس اعذار زوجي لما اشك فيه سبحان الله نفس الكذب جوال خويي والبنت مرسلها علي واحد انا متاكد بس بجاملها لين اعرف منو وراها ههههههه جتني حاله نفسيه وانا اقرا موضوعك اضحك وابكي لاني صدقت زوجي وانتي بكلامك كنك تقوليييين كذاااااااب بعينه

عموما حبيبتي انا اتوقع متزوج بالحلال وذا مايعتبر خيانه واتوقع انها شاميه او هيك شي


مااقول الا الله يهديهم ويردهم لنا ردا جميلا ويجعل كل وحده بنظر زوجها اجمل نساء العالم امييييين ياررررب

اختي عليك بطرق باب الحي القيوم ومدام الرجال شاريك ومايبغى يطلقك شي حلو لان فيه قصص مثلك هنا بالمنتدى ولما الزوجه تواجهه يطلقها او يهينها ومن ذا القبيل

 

[زوجه مؤدبه]

ننتظرك ياقلبي الله يعينك على مابلاك .

 

[سموإنسانة]

لا تضيقي صدرك الدنيا ماتسوى ...
الله يخلي لك بنتك وشيلي زوجك من بالك وراح ترتاحين بس لا تكثري التفكير
واسال الله ان يوفقك ويرجع زوجك لك ويرزقك الذريه الصالحة يارب

أنا مع كلام الاخت كلامها صح 100 %100

 

[انثى رقيقه]

متاااااااابعتك بصمت

 

[$بنوته فله$]

لاتوجعي قلبك على واحد زي كذا
آآآآآه ياقلبي عليك

 

[ice creeem]

ياعمري الله يفرج لك متابعين

 

[minimoon]

تنحبس أنفاسي أكثر وأكثر مع كل موقف تكتبينه.
الله يخليك عندي طلب... يا ريت تكتبين الموضوع مرة وحده بالوورد وبعدين تنزلينه. ربي يفرج همك ويرفع عنك الظلم ويرد لك زوجك ذليلا نادما,, ما في شي بعيد عن رب العالمين.
وفقك الله​

 

[فراولة العين]

لاااا ياختي لا تفكرين بالطلاااق الا كحل نهاااااائي

أول شي لااازم تتأكدين انه زوجك ما خانك انتي بس !!

لااا

هو بالاول خاااااان رب العالمين ،،

والخياانه عند رب العالمين كبييييييره وأكيد ربنا موب راضي على اللي سواااه

ولو كاان معرس لااازم يعدل بينج وبينهااا ،،،،

يعني مالج غير الدعاااء والاستغفاااااار على طوول

واشغلي نفسج بدوراات أو اي شي تقدرين عليه

انسيييييييه هالموضووع خلاااص

وتوكلي على رب العالمين وثقي بان الله ماا ينسى عبااده مهمـآآآ طااال الزماان

وياااااارب ييسر امووورج

 

[pinkgloss]

انا اللي ابي اعرفه ليه الرجااااال يتزوجون ويظلمون بنات الناس وهو لسه عايش في مراهقته والله قهررر

 

[ام المياسة]

\\\\\رجل خائن بمعنى الكلمه\\\\\

السلام عليكم هذا مايستاهل الحب والتضحيه انتي ضحيتي كثير ليه مشان بنتك اقول مايتفع الي تسوينه معه الرجل الخائن صلي الاستخاره وعليكي بالدعاء اخر اليل وووواخر ساعه من يوم الجمعه وباالتوفيق لكي ولاغيرك

 

[شحنة غرور]

كملي قصتك لاتتأخرين ربي يسخره لك ويصرفه عنها
من جد تحمست معااااااااك لاتتأخرين

 

[الراايقه]

الله يفرجه لك ياارب

 

[ترياق القلوب]

وينك كملي

 

[ملكة متوجه]

اقرئي قصة ام بسمه وام الوليد اكتبي بقوقل وراح تفيدك ان شاء الله