شوفي يا ختي انا بالذات حــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاسه فيك لاني عانيت معاناة غير طبيعيه من ولدي لدرجة ان كل اللي حولي كرهو المواليد من كثر بكائه وكنت ارحمممممممممممه واجلس اطالعه وابكي احيانا اكون حاضنته وهو يبكي ويطيح من يدي من شدة بكائه من الالم ماخليت طبيب ولا دواء مغص وموية غريب وشراب الذره كل كل شئ جربته خمس شهور وان على الحال كان الله يكرمك يجلس سبع او ثمان ايام مايتبرز وسوينا له اشعه وكانت امعائه منتفخه من كثر الغازات وفيها عقد والله قالي الطبيب لاتلومينه اذا جلس يبكي الكبير مايتحمل اللي هو متحمله وكنت اذا رحت للمستشفى مافيه حرمه ولا سستر الا تحاول تشيله وتسكته تخيلي الممرضات يتركون شغلهم ويجون يحاولون يهدونه وماهدأ وخف مغصه بعد الله الا لما وديته لطبيبه شعبيه بالرياض اسمها السديريه قرت عليه وعطتني دواء بخمس وعشرين ريال بسسسسسسسسس كان مثل البودره بيضاء طعمه سكر نبات قالت حطي من ملعقة الشاهي الصغيره مرتين برضاعته ملره الصبح ومره الليل وزيدي رضعته بمويه مقري فيها هي عطتني اياها بعد وقبل ماينام عطيه ملعقه صغيره زيت زيتون الوزير لانه خفيف والله كلها اسبوعين بدال ماتجيه نوبات البكاء 12_13 مره باليوم كل مره نص ساعه متواصله صارت تجيه 3_4 مرات في اليوم كل نوبة بكاء ماتتعدى عشر دقايق واستمريت لحد ماخلص دواها والله على السته شهور صار طفل عادي ولله الحمد معليش ادري طولت عليك بس والله لاني عانيت مثلك ودي اخدمك واذا بغيتي رقمها او عنوانها انا اعطيك اياه هالكلام صار له سنتين والحمد لله
على فكره تراي كنت ارفض اروح انا او اولادي لاي حرمه اوطبيبه شعبيه ارفض وبشده وبعد ماشفت اللي شفته قلت اوديه لو للهند بس المهم يرتاح وانتي ومولودك انتي اجتمع عليه مصع ومغص الله يعينك ويعافيه امين