عضوة منهاااااارة بحاجة لنصايحكم

[دانـــة]

هلا وغلا بالغالية عنقود عنب

مو عارفة شو اقول لج بجد ماشاء الله عليج

وانا هالفكرة جت ببالي وان شاء الله راح اطبقها ... ونوعا ما اعرف كثير من الشغلات اللي يحبها واللي تفرحه

يعني صرت عارفة شخصيته تقريبا بس باقي التنفيذ والابتعاد عن الافكار البايخه:flex:

والحين بروح اشوف دراستي والتهي فيها لين يجي وبالمرة باخذ لي ورقة وامليها بالخطط الجهنمية والافكار الحلوة:blush-anim-cl:

تسلمين حبيبتي ماقصرتي .. شجعتيني ورفعتي معنوياتي .. وفعلا لا يغير الله مابقوم حتى يغيوا ما بأنفسهم

الله يوفقج بالدارين ويجزيج كل الخير

ولا تنسيني من دعواتج بظهر الغيب اني اخلص من الافكار والنكد

ربي يحفظج

 

[عنقود عنب]

اهلين دندونه

والله فرحتيني بما كتبتي

صدقيني حالتك مو مستعصية ابدا ... راح تتغير مع الوقت

لكن اذا تبغين تتغيرين بسرعة لازم تتعبين على نفسك

وربي يوفقك ويسعدكم ويخلي لك زوجك اللي والواحد تتمنى صفة واحدة من صفاته ..اللهم لا حسد

اختك ومحبتك عنقود عنب

 

[دانـــة]

هلا بأحلى عنقود عنب

تسلمين فديتج ..

انا كنت محتاجه اللي يرفع معنوياتي ويعطيني شوية ثقه .. وانتي ماقصرتي

كلماتج عسل والله

ربي يوفقج ويعطيج على قد نيتج

 

[عنقود عنب]

دندونه حبيبتي

طمنينا بين فترة واخرى ان احدث التطورات في شخصيتك مع زوجك

في انتظار كل جديد منك حبيبتي ابنتي

محبتك المخلصة عنقود عنب

 

[meerna]

اختي الغالية دانة والله عندما قرات قصتك تذكرت نفسي كيف كانت غيرتي وتملكي له الى ان جاء اليوم الذي رايته مع اخرى وهنا عرفت فداحة الش الذي عملته كانني كنت ادفعه الى هذا التصرف وقررت ان املاء الفراغ وعملت مشروع صغير والحمد لله احيانا لا يوجد عندي وقت على الرد على الهاتف واكتشفت ان الرجل يجن عندما المراة لا تساله عن شى ويشوفها مهتمة بنفسها يصير هو يفكر فيها ويخاف عليها اتمنى لك التوفيق

 

[.-. ذوق .-.]

ماشاءالله عنـدج ذهبـه ،،
حافظي عليـه حبيبتي ..

ترى الريال اللي من هالنوع ما عنده خرابيط ومعطي كل حبه وحنانه واهتمامه لج ،،
فـ ديري بالج تزرعين فـ باله فكرة البديل عنج ،،

انسي موضوع الشك ،، وخليله حياته الخاصه مع ربعه وأهله ومو مشكله اذا سالتيه شسوى بيومه عشان تتطمنين وانتي تسألينه لا تحسسينه انه استجواب !
بالعكس تسإلين عنه لأنج تبين تتطمنين عليه ..

عززي ثقتج بنفسج من خلال الكتب والدورات ونمي هواياتج وخليه يشوف من هالهوايات عشان يعجب فيج أكثر ..

مشكلتج حدها هينه الحمدالله ..

وانتي قدها بالتغيير :icon30: ..

الله يسعدج ويوفقج يـارب ولا يغير عليج إلا للأحسن ،،

لا تنسين الدعاء بظهر الغيب وكثرة الاستغفار يوم تحسين بالأفكار السلبيه ..​

 

[دانـــة]

هلا غاليتي عنقود عنب

الحمدلله الاحوال بأحسن مايكون من جهته

بس مشكلتي مع نفسي مازالت موجوده

وحساسيتي كل مرة تزيد أكثر .. اذا انا نفسي طفشت منها هو شو بيقول ؟؟

هالحساسية تجيبلي افكار شينة واحس باكتئاب والنار تاكلني وما اقدر اخلي بقلبي

علشان اريحه المفروض انا اول شي ارتاح واخلص من هالشي اللي بنفسي بس مو عارفة كيف

الحين انا ماقمت ادور راحته كثر ما ادور اني انا ارتاح من هالشي

لانه فعلا عذاب مابعده عذاب

صحيح بعدين اروق وانسى واحس اني غلطت والموضوع تافيه .. بس بلحظة الحساسية احس فيني نار

وكل يوم على هالحاله .. ولا مرات على كل كلمه ادقق وازعل

ماراح اقدر امثل وابين اني مو مهتمه الا لما فعلا اتخلص من هالشي

حتى اليوم رجعت فتحت موضوع التغيير .. ومن يوم ماقال لي انه راح يتغير وانا اربط كل حركه يسويها بهالشي

وفتحت الموضوع رغم انه قال لي لا تفتحينه ابد.. بس تفهم الوضع وحس اني متضايقه كثير وقال لي مافيه شي تغير بس انتي حساسة وحطيتي هالكلام براسك رغم اني طنشته وماغيرت شي

علموني طريقة اخلص فيها من الحساسية واتعلم التطنيش والثقة بدال الشك تعببببببببببببت

 

[دانـــة]

اختي الغالية دانة والله عندما قرات قصتك تذكرت نفسي كيف كانت غيرتي وتملكي له الى ان جاء اليوم الذي رايته مع اخرى وهنا عرفت فداحة الش الذي عملته كانني كنت ادفعه الى هذا التصرف وقررت ان املاء الفراغ وعملت مشروع صغير والحمد لله احيانا لا يوجد عندي وقت على الرد على الهاتف واكتشفت ان الرجل يجن عندما المراة لا تساله عن شى ويشوفها مهتمة بنفسها يصير هو يفكر فيها ويخاف عليها اتمنى لك التوفيق

غاليتي ميرنا

كلامج صحيح .. فعلا لما تمنحيه الثقه يكون دافع للاخلاص ويحس وقتها انه لازم يكون قد ثقتج فيه

ولما تشكين كأنج تدفعينه للخيانه

وانا فعلا لمست هالشي معاه يعني لما اوريه اني واثقه فيه يكن كلامه غير ويقول مستحيل بعد هالثقه اجازيج بشي مو زين واكون قليل اصل لو اسوي هالشي

ولما اشك فيه يتضايق ويتغير الكلام واحس انه راح يطفش

انا مشكلتي مع نفسي

هالمرض اللي فيني مو ملاقيه له علاج

سنة ونص واحنا كل يومين على هالموال ..حساسية وشك .. الله يعين

يمكن الانشغال حل مثل ماتقولين .. بس انا متعلقه فيه كثييييييير وما اقدر انشغل عنه

 

[دانـــة]

ماشاءالله عنـدج ذهبـه ،،
حافظي عليـه حبيبتي ..

ترى الريال اللي من هالنوع ما عنده خرابيط ومعطي كل حبه وحنانه واهتمامه لج ،،
فـ ديري بالج تزرعين فـ باله فكرة البديل عنج ،،

انسي موضوع الشك ،، وخليله حياته الخاصه مع ربعه وأهله ومو مشكله اذا سالتيه شسوى بيومه عشان تتطمنين وانتي تسألينه لا تحسسينه انه استجواب !
بالعكس تسإلين عنه لأنج تبين تتطمنين عليه ..

عززي ثقتج بنفسج من خلال الكتب والدورات ونمي هواياتج وخليه يشوف من هالهوايات عشان يعجب فيج أكثر ..

مشكلتج حدها هينه الحمدالله ..

وانتي قدها بالتغيير :icon30: ..

الله يسعدج ويوفقج يـارب ولا يغير عليج إلا للأحسن ،،

لا تنسين الدعاء بظهر الغيب وكثرة الاستغفار يوم تحسين بالأفكار السلبيه ..​

هلا وغلا حبيبتي ألم

أسعدني مرورج الطيب .. وكلماتج ترفع المعنويات

ربي يوفقج ويحفظج ويسعدج دنيا وآخرة ويبعد عنج الالم والهموم

فعلاً انا اللي ازرع هالافكار بباله .. لاني انبهه على شغلات وافكار ماتكون بباله اصلا ولا مفكر فيها

وانا بشكي اقولها واخليها موجوده

مشكوورة يالغاليه على المرور ولا تنسيني من دعواتج

 

[الرمش الناعس]

صدقيني اسلوبك ينفر زوجك منك

 

[om maleke]

ماعندي شي ضيفه البنات كفو ووفو

الله يصلح الحال

 

[أم ألودي]

دانة أنت بعقلك حبيبتي لا شكلك مابقي فيك عقل عارفة انت زي إيه ؟ زي الفاضي إلي لقي حاجة يتسلى عليها حياتك توب ومرتاحة وتبغى النكد وتشتريه بفلوسك ترى انتبهي زواج المسيار ماقال شئ وحدة تحبه وتوسع صدره إذا تحمل نكدك الحين وشكك مو ظال طول العمر يبي وقت يحس أنه عايش ويتنفس بعيد عنك وبعدين أهله ياترى كيف نظرتهم لك أكيد يقولوا نكدية مسكين ولدنا حتى لو ما بينتي مافيه شئ يتخبى وفكري لو هو حب يفضفض لأحد عن مشاكلك معاه أيش حايرد عليه ؟ حنا حريم زي بعض وكلانيك بقشورك عيل أهله وربعه ايش . عيوني أتمنى أن تقربي لله عز وجل حتى لايكون للشيطان عليك مدخل وترى الرجال يمل بسرعة فلا تجعليه يملك اغلي نفسك بأشياء أخرى . قبل أن يكرهك فعلا فالرجل لا يحب المرأة النكدية الزنانة وكمان تقوميه من النوم عشان تكملي نكد لا أنت أستاذة بقوة ولما اداكي العين الحمراء هجدتي وسرتي تتأسفي شكله هو دا الاسلوب إلي ينفع معاكي . معليش أنا شديدة عليكي بس لمصلحتك وإذا كنت قدامي كفختك.

 

[أمة الودود]

لاتلتصقي به فيملك ولاتبتعدي فيسلاك ،، كوني معتدلة في سلوكياتك معه فطبعك مثل التعلق أو الشك استعيني بالله واكثري من الدعاء لتتحلصي منه قبل أن يهرب زوجك من الحاحك والتصاقك ثم من قال أن الحب بين الزوجين يعني التلازم و نسيان الاخرين ،،،انشغال الزوج بالمباحات لاينفي الحب وماقل لكى من نصح سابقحاولي تطبيقه

 

[أنا وزوجي]

بصراحه يادانة زوجك يبغاله جايزة على صبره

لو انا مكانه كان وريتك شغلك من اول يوم خخخخخخخخخخخ

شوفي لاتجنني الرجال والمثل يقول ان كان حبيبك عسل لاتلحسه كلو
زوجك واضح انه يحبك ويغليكي فلا تخربي علاقتك به واحمدي ربك
وربي ابو ولدي كنت اتمنى منه بسمه بس مو عاد يجلس معايا وهو كان يبخل عليا فيها
ويغيب علي بالاسابيع مااشوفه واحنا بشقة وحدة هو ينام بغرفة وانا بغرفة وياويلي لو قلت كلمة
يقلب البيت علي ومايترك سبة مايقولها
والمصيبة لو صحيته من النوم يومها قامت القيامة على راسي وانواع السب والتحقير ويومي مايفوت على خير
تصدقي لما عرفت اني حامل جريت عليه وصحيته قلت له يقلبي قوم انا حامل
وكنت بطير من ا لفرحه
قام سبني ودفني من السرير وقلي وجع فيكي انا نايم وتزعجينني يالي فيكي وفيكي
ولا فرح بحملي ولا حتى ضمني بعد اسبوع جا وقلي يلا الله يعينك تقومي بالسلامة

احمدي ربك على زوجك ياقلبي ولاتضايقيه اكتر ترا يشرد منك ويدور على وحدة ماتنكد عليه

تقولي يعرف انك كنتي تحبي واحد وسامحك ياشيخه اشكري الله على دي النعمه
انا زوجي الحالي مجنني كل شوية يسئل عن ابو ولدي ومين افضل انا ولا هو
ومين اوسم انا ولا هو
حبيتني انا اكتر ولا هو
جننني وربي مايمر يوم الا ويجيب سيرته
واول يوم لنا عمل تحقيق مفصل لعلاقتي مع ابو ولدي وعن سبب طلاقنا يعني من جد شي يعور القلب

حطي زوجك بعينك واتركي له مجال انه يشتاق لكي ويرجع مبسوط
خليكي وديعه طيعه بيده لاتكوني نكدية حقت مشاكل
واضح انو زوجك من النوع الودود المسالم ودا نادر يابنت امسكي بيه وحافظي عليه

الله يوفقك ويوفقنا اجمعين

 

[أم زيزي]

مرحبااااااااااااااا
بصراااحة أخواتي العضوات ما قصروا بالرد ...
بس نصيحتي لج انج تشغلين نفسج بشي مفيد ولا تنكدين عليه كل يوم الريال بيمل وبيطفش...
والاحسن انج تواضبي على قراءة القرآن الكريم فهو شفااااااااء النفوس الضعيفة...




والسمووووحة

 

[حنين احمد]

غاليتي
مشكلتك قله ثقتك بنفسك مش في زوجك
و بعدين ليش هذا الالتصاق و القيود عليه بتخنقيه لو استمريتي على هذا الحال و بيجي يوم ينفذ صبرة وينفجر فانتبهي !
اولا كون انك حساسه جدا و شكاكه جدا و من هالكلام انتي المتضررة الاكبر لانه كله قلق و توتر و بكى و حتجيبي لنفسك ضغط و سكر و بلاوي لا يعلم بها الا الله بعيد الشر عنك
ارحمي نفسك و ارحمي زوجك و حافظي عليه ترى اللي تسويه حرااااااااااااااااااااااااام
انتي بتدفعيه انه يدور على راحة باله براا و بعدين تندمي في وقت ما ينفع الندم
اولا اشغلي نفسك باشياء مفيدة و خليه يشتغل و يخرج و يعيش حياااته مش تسجنيه
ثانيا استقلي عاطفيا و لا تلتصقي فيه عشان ما تكوني ممله
ثالثا عالجي نفسك و مشاكلك اما بقراءة كتب عن تطوير الذات او الالتحاق بدورات او حتى لو اضطريتي انك تلجأي لمعالج نفسي اذا فشلتي انك تعالجي نفسك بنفسك
الوضع اللي انتي فيه مش طبيعي و حيجي اليوم اللي ينفجر فيه اذا ما تداركتي الموضوع
و انتي من الذكاء و القوة بما يكفي عشان تتغيري و تعيشي التغيير و تستمتعي بلحظة التحول و تمتعي زوجك المسكين
اكثري من الدعاء و الاستغفار و استعيني بالله و ابداي و الله كريم
الله يسخر لك قلب زوجك و يهديكي و يوفقك يا رب

 

[خبايا سنين]

الله يثبتك على دينك ومحبتك لزوجك

 

[**دلوعة بابا**]

دانه .. حبيبتي

اسم عزيز علي ...ربي يخليك

شوفي عمري.. بما اني لي 23 سنة زواج ..راح اعطيك بعض النصايح

اتوقع انك صغيرة في السن.. يعني اذا ما كنت قريبة من العشرين فانتي في اوله
واتوقع بعد انك لسة عروسة جديدة ما عندك اطفال..

حبيبتي ...الظاهر ان زوجك هو اللي يبغيله علاج...لانه طيب معك بزيادة...
وكثير من النساء اذا كان زوجها طيب ... تصير تتدلع بزيادة عليه...لحد ما تخلية ينفجر.. وبعدين تتندم اذا طفش منها ومن دلعها اللي زاج عن حدة

خلي عقلك كبير.. واتركي تصرفات الصغار
وش تبغين اكثر من انه يعرف ان لك علاقة سابقة ومتسامح معك ولا يحاسبك عليها مثل كثير من الرجال او يشك فيك ...هذه نعمة لا تقدر حبيبتي ..
و تجين انتي اللي تشكين بكل الرجال؟؟؟ والله امرك عجيب ابنتي

جالس معك وتارك ربعة واهلة .. وبعد مو عاجبك ؟؟؟ هذه نعمة ثانية انت مو مقدرتها.. غيرة من بعد شهر العسل ..يطلع مع ربعة وما يرجع الا وجة الفجر!!!
عطية مساحة من الحرية حتى يؤدي واجباته الاجتماعية .. وبكذا انت تشتاقين له وهو يشتاق لك

اقول زوجك عنده اعصاب باردة... تصحينة من النوم عشان تتناقشين معاه او يمكن تتخانقين معاه... وهو يجلس ويسمع لك ..والله هذه نعمة ثالثة تحسدين عليها حبيبتي
غيرة تجي تصحية زوجة الصبح بوجة بشوش وحنية ورقة والفطور جاهز له من احلى ما يكون .. وهو يقوم وجة معفوس ما له خلق حتى يرد عليك ويقول لك صباح النور ... !!!!!وش تبغين اكثر من هذا الزوج المتسامح

ابنتي الحبيبة .. لازم تعرفين ان اللي تفكرين فيه مو شرط ان يكون زوجك يفكر فيه
يعني انت تقولين هذا انا اجلس معها واترك اهلي وربعي.. لا تتوقعين انه عنده نفس تفكيرك..
الرجل يختلف عن المراة في التفكير و كيفية التضحية..

ابنتي .... انت لم تشتكي ان زوجك بخيل.. او له علاقات .. او يهينك اويهين اهلك.. يعني انت في نعمة مو حاسة فيها
هذه امور اتوقع انكم راح تتجاوزونها مع الوقت
وانصحك ان تقراي كتاب (رجال من المريخ ونساء من الزهرة) عن جد را ح تستفيدين منه

اتمنى لك التوفيق واعتذر عن اي كلمة قد تسبب لك جرح .. ولكن عن جد احسست انك مثل ابنتي
وهذه النصايح سوف اعطيها ابنتي لم تتزوج

لك كل تحياتي

دررررررر عزيزتي


بتمنا تتمعني بكلام الغالية


لان من جد انتي في نعمة كبيرة

احمدي الله عليها

ع نفسك وبيتك وزوجك

وتذكري ان ضغوط هذي هي اللي ممكن تطفش منك زوجك ومن هنا بتقلعي عن ها التصرفات


والله يستر عليك يارب

 

[ظبي]

تقبلي مروري

 

[هالةالقمر]

حبيبتى
الاخوات وفوا وكفوا والله
انتى جالسه تكرهيه في عيشته معاك
انتبهى لنفسك وغيري حالك
لا يجيك الكف اللى يصحيك