عسى من ترد علي ربي يحقق لها كل ماتتمنى ( وربي تعبانه نفسيتي )

[محبة مكة]

الله يشفيه

 

[ملانة]

الله يعافيه ويشفيه

 

[meme99]

الله يشفيك ويكون في عونك ادعيله في السجود وفي جوف الليل الله بيكون قريب اشكيله همك واترجيه انو يعطي الصحه لخطيبك
والله قادر ادا اراد شيء ان يقول له كن فيكون​

 

[أم البيان]

الله يشفيه ويقرعينك بشوفته بلباس الصحه والعافيه
في دكتوره عواطف ميرزا في جده تعالج بالغذاء الطبيعه
هي عالجت نفسها من السرطان بدون ما تاخذ كيماوي
وتوكلواعلى الله وخذه بالاسباب والله الشافي

 

[المــهــا]

الله يشفيه وياعافيه ياحي ياقيووم وجميع مرضى المسلمين

الله يكوون بالعوون الدنياا ابتلاااء يارب لك الحمد والشكررر

 

[لحضنها اشتاق]

انصحيه بقيام الليل بسورة البقره يعني يقراها بصلاته ويتصدق
وادعيله بإلحاح في الثلث الاخير وقولي اللهم انت المجيب وانا المضطر ويشرب ماء زمزم اعرف خلطه للسرطان اذا لقيتها برسلها لك ع الخاص اسأل الله العظيم ان يشفيه شفاء لايغادر سقما ويجمعكم بالدنيا والاخره ويسعدكم انه سميع مجيب

 

[kity]

آآآآآميييين يااارب ,, عسى ربي يسعدكم ويسخر لكم ويوفقكم
انا خايفه عليه عنده عمليه بالنخاع الشوكي وبيسافر امريكا يسوي العمليه
كل 3 شهور يغيرون دمه
يعني الي ابي اعرفه سرطان الدم اخطر شي ؟
وهل هو معدي ؟ وهل اقدر احمل ؟ والي تعرف شيخ يقرى وناس تعالجو عنده ترسله لي
جالسه اكتب وابكي من حرقة قلبي على ابوي والحين على خطيبي بسم الله عليه عسى ربي يشفيه ويسعدني معه
الله يجمعني فيه يااااااااااااااااااارب عاجل غير آجل بس هو يقولي كل بنت تتمنى فارس احلامها مافيه الا العافيه
يعني يقصد انه مايبي يظلمني معه وانا ابيه بكل حالاته وهو يبيني ويحبني
بس خايفه من اهلي يرفضون لأنهم مايدرون عن المرض الي فيه وش تنصحوني ؟؟

اختي اكيد السرطان هب معدي وما اعتقد يأثر عالحمل ... واللي اعرفه انه سرطان الدم من اهون انواع السرطانات يعني له علاج .. هذا اللي اعرفه بس انصحج تسوين سيرج ف النت وتقرين عن المرض عسب تفهمينه اكثر ..... واكثري من الدعااااااااااااااء والله مالج غير الله هو الشافي ماحد غيرة بينفعج
والتصدق مثل ما قالو الخوات..... والله يشفيه ويردة لج بالسلامه وتتزوجون وتعيشون حياة حلوة وسعيدة

 

[اسيرة الزمان2]

الله يشفية ويخليه يارب لك
شوفي والله بنت عمي صار فيه سرطان الدم من 20 سنة وسوت زراعة نجاع وماشاء الله تعيش بحسن صحة وعافية مافية شي انتي ادعي له وهو خليه يكثر من الاستغفار والله يشفية ويشفي مرضى المسلمين يارب

 

[ايلان التركي]

اوقفي معاه هو محتاجك اكثر من اي وقت ادعي له استغفروا كثيييييييييييييييييييييير وتصدقو

 

[سبحان الله العظيم]

حبيبتي أنا نفسها نوووووووووووووووني حاولت ادخل بنكي الاول مو راضي فدخلت بنك ثاني الوصفه ياقلبي اللي ناشرها ضابط في الحرس الوطني كان يعاني من سرطان في المخ وتشافى بعد قدرة الله مافيه شي مستحيل على الله وعلينا ان نعمل بالاسباب واستخدمها ايضآ واحد يعاني من سرطان في القصبه الهوائيه واستطاع بمشيئة الله الاكل والشرب بعد معاناة من هذا المرض وكان يدخل في غيبوبه لفترات طويله
اختي الغاليه بعد فيه علاج آخر استخدمه صديق زوجي كان يعاني من سرطان في الدم والله الذي لا اله الا هو انه طيب وبصحه وعافيه والعلاج هو بول الابل اعزك الله مع حليبها لكن مااعرف الطريقه بسأل زوجي وارد لك على طول أهم شي التوكل على الله ووالله ان قلبي معاك واني ادعيله عسى ربي يخليه لك ولايحرمكم من بعض والله لايفجعك في غالي ان شاء الله اجيب لك طريقة استخدام الوصفه الثانيه وبرد لك يالغاليه

هلا ياقلبي ، حتى انا نفس المشكله ماقدر ارد الا بطلعة الروح وحتى يضيع موضوعي اجلس ساعه ادوره
آآآآآآآآآآآآآآآآآهـ بس وربي منهاااااره تعبانه وربي فيه وحده كتبت رد موتني من الصياح تقول انه اصعب شي سرطان الدم وقريبها تعبان منه وربي خوفتني وبكيييييييييت ياربي مدري وش اسوي
المشكله انه طيب وحبيب ويصلي بالمسجد وسمعته كويسه وانا ابيه واحبه يارب ياكريم اجمعني فيه عاجل غير اجل واشفه انت الشافي المعافي اللهم لاترد دعاء دعيته
ويغفر لأبوي ويرحمه اششششششتقت له والله احسه مسافر وبيرجع للحين ثوبه عندي وفيها ريحته
منهاره منهاره منهاره
الله يثبتني، وجزاكم الله خير والله يوفق كل من ردت علي وعساكم ماتفقدون غالي ولا تمرون بالي مريت فيه

 

[صفرانه]

ان مع العســــــــــــــر يسرا))

خلي ايمانك بالله قوووب

 

[موووج الشوق]

دامك تحبينه خليه معاه وتأكدي إن الله ما يظلم ولا يقسى على عبيده

الله يكتب لك اللي فيه الخير يارب يا كريم

واستخيري يا أختي لا خــــــــــــــــــــــاب من استخـــار

الله يحقق لك ولنا كل الامنيات يا كريم

 

[قطرة في بحر]

اسألي طبيب عن مضاعفات المرض وتأثيره عليه عشان تعرفي لأي مدى راح يأثر المرض على حياتكم الزوجية وأستخيري
الله يشفيه ويعافيه

 

[قطفة اولى]

شوفي عزيزتي
انا ابني ايضا مصاب بسرطان الدم الليمفاوي الحاد أسأل الله ان يشفيهم اجمعين
وفعلا كل ثلاثة اشهر عنده ابرة كيماوي في النخاع الشوكي
ولكن مافي شيء اسمه تغيير دم هذه للأسف معلومة خاطئة مريض سرطان الدم زيه زي اي مريض بالسرطان يتعالج بالكيماوي واحيانا جلسات اشعاع
لأن الخلايا السرطانية ليست في الدم وانما في نخاع العظم اللي هو المصنع المسئوول عن انتاج الكريات الدموية الحمراء والبيضاء
لذلك في اخطر حالاته يتم زرع نخاع للمريض مطابق إما من ابويه او احد اخوانه الاشقاء أو شخص لا يمت للمريض بصلة وتنتهي المشكله ويتعافى المريض بإذن الله
وعمليات الزراعة متوفرة بس اهم شيء يلاقوا احد يتطابق معاه

وسرطان الدم اربع انواع
انتي خطيبك من اي نوع ؟؟؟؟​

عسى الله يشفيهم اجمعين​

 

[ماليزيا]

اللهم رب الناس اذهب عنه الباس واشفه انت الشافي شفاء لايغادر سقمآ
الله يفرح قلبك بشفااااااااااااااااااااااااااه يااااااااااااارب
ياحي ياقيوم
ياحي ياقيوم
ياحي ياقيوم
​

 

[انامل ناعمة]

اسال الله العظيم رب العرش ان يشفية ويخلية ويطول في عمرة اختي عليك بالصدقةوالدعاء يرد القضاء

 

[جوهرة الغد]

يا حبيبتي

نصيحة من أخت تحبك

مني أنا اللي فقدت أختي الوحيدة بنفس المرض ( الله لا يقدر عليك )

السرطان عيييييييييييييييييييييييييين

عليك بزمزم والرقية والعسل
باستمرار ويقين
صلي ركعتين وادعي ربي إني لما أنزلت إلي من خير فقير
اشكي لله في آخر الليل حالك ..

وكوني مؤمنة حتى لو طول المرض بيروح إن شاء الله

قلبي معاااااااااااك

 

[نجمة الثرياء]

الله يشفيه ويخليه لك اصبري واكثري من الدعاء والصدقه وسرطان الدم له علاج بزراعة النخاع وعليه بالرقيه الشرعيه القران فيه شفاء وان شاء الله يرجعه ربي لك سالم ويشفيه وجميع مرضى المسلمين

 

[زارمنيا]

الله يشفيه ياااااااااااارب

 

[دفء]

السلام عليكم:
ياقلبي..
مافيه داء إلا وله دواء..
والمؤمن مبتلى..
بنت أختي وعمرها ست شهور جاتها عين قوية كل يومين يطلع مرض حتى غسيل للكلى سووا لها وشوي يقولون جرثومة فالقلب..
بعدين الحالب الأيمن ماهوفيه..
بعدين انتفخ جسمها كامل وتعبى زي المويا..
أقسم بالله ماكان فيه أمل إلا بالرحمن الرحيم إنها تعيش..
سبحان الله أخذت سنتين في المستشفى هي وأمها فالبداية كانت في العناية المركزة بعدين كملت أمها معاها لمدة سنتين..
طبعآ..
أبوها خلال السنتين هذي كان يتصدق ..
والله ثم والله ياخلق 3مرات يوقف قلبها وترجع للحياة..
ونصلي وندعي لها..
وأبوها يصلي بالليل ويدعي لها..
وذلك فضل الله يؤتيه من يشاء الآن فتاة على وجه زواج..
عليك بالصدقة..
تصدقي عنه في الخفاء..
ذكريه بالعمرة والتضلع من ماء زمزم..
إليك هذه القصة الواقعية100%..
رجل يشرب مسكرات ويتعاطى لايعرف الدين ولايصلي وله من الذنوب ماالله به عليم..
إستمر على العصيان سنوات عديدة من مسكر في مسكر..
حمانا الله وإياكم..
فجأة مرض أحس بألم شديد..
ذهب إلى المستشفى ..
وقاموا بعمل الفحوصات اللازمة له..
إكتشف الطبيب أن معه سرطان في الكبد شديد يستحال علاجه..
وليس على الله محال..
فقط الدكتور أعطاه مهدئات لتخفيف الألم..
خرج من المستشفى وأخذ يبكي ويبكي لايعلم إلى أين يلتجأ علم بأنه كان يعصي الله وهذا عقابه..
فتاب لله توبة نصوحا..
تطهر وأخذيصلي قرر أن يذهب إلى مكة للعمرة...
وهناك تضلع من ماء زمزم وتعلق بأستار الكعبة..
وجلس يبكي ويدعو الله..
بعد ذلك الدعاء أخذ يستفرغ ويخرج من بطنه كأمثال اللحم أسود اللون الكل ينظر بتعجب لما رأوه من هذا الرجل عند الكعبة..
أحس الرجل بنشاط غريب..
عاد إلى أهله بعد العمرة وأراد مراجعة الطبيب ..
ليكشف عليه..
طلب الطبيب إجراء التحاليل والفحوصات اللازمة..
أخذ ينتظر..وينتظر..والحزن يمزق قلبه..
ناداه الطبيب عند انتهاء التحاليل ..
يمشي بفزع..نبضات قلبه سريعة..
كأنها تخبره بأن موته غدآ..
الطبيب لم يصدق مارأى..
سأل المريض مالذي فعلته؟؟؟!!!!!!!
فوالله الذي لا إله غيره التحاليل سليمة100%..
حينها سجد الرجل لله شكرآ وأناب...
غاليتي:
أصبحت نظرة الناس لمريض السرطان شافاه الله وأعاذني وإياك..إنسان ميت لامحاله..
لماذااااااااااااااااااااا؟؟؟؟؟؟؟؟؟؟؟؟؟
هل ذكر الله ذلك في كتابه العزيز؟؟!!!!
هل ذكرته أحاديث المصطفى صلى الله عليه وسلم؟؟ّ!!!!
كل هذا من الشيطان..
حتى يشغلك عن الدعاء والصدقة لخطيبك شافاه الله..
والله ثم والله ثم والله هناك من الناس من فيه من الأمراض الخطيرة مالله به عليم..عاش أعوام عديدة..
وأزمنة مديدة..
ومن الناس في تمام الصحة والعافية قبضت روحه وجسمه صحيح..
حبيبتي:
كوني قوية..
قوي صلتك بالله..
كوني مع خطيبك ولاتكوني عليه..
قفي معه ذكريه بالدعاء..
بالصدقة..
بالإستغفار..
بترك المعاصي..
أشعريه بأنه هو زوجك..
وسوف يعيش بإذن الله..
أحيي الأمل في نفسه..
عالجي لديه الجانب النفسي..
يصح الجانب العضوي..
ذكريه بأن الله أعظم من مرضه..
ليس عظيم غير الله ..
هو الذي خلقه..
بيده الشفاء فليسأله..
ذكريه بفضل التوكل..
(لو أنكم توكلون على الله حق توكله لرزقكم كما يرزق الطير تغدو خماصآ وتروح بطانآ)
الله القادر على كل أمر قادر على أن ينتزع منك ذلك المرض..
وليس على الله بعزيز..
ذكريه ضعف مرضه أمام قدرة من لاند له..
والله لابد من الصبر على الإبتلاء..
وبإذن الله الذي لا إله إلاهو أنه سوف يتشافى وسوف تتزوجينه وتنجبين..
وتعيشين أجمل حياة معه..
ولكن ثقي بالله..
فالله عند ظن عبده به..
وقبل أن يتسرع في العملية:
أوصيه بالإستخارة واستخيري له..
فيها..
أسأل الله الواحد الأحد الذي لاند له ولاشريك المشافي المعافي أن يشفي خطيبك شفاء لايغادر سقما وأن يبدل حزنه بفرح وألمه بأمل وأن يجمع بينكم على خير وأن يهبكم العمر المديد..
آمين وأنت ياربي على كل شيئ قدير..