عجوز في الاربعين تبغى حل!!!

[مترفة الاوجاع]

الله يسخره لك

 

[شخصية]

حبيبتي اذا انتي حسيتي انك عجوز راح يحس زوجج بهالاحساس .. كوني على يقين مليون في المية انج صغيرة و بعدج روعة في كل شي .. لما تمشين امشي باعتدال لا تمشين متهدلة .. و غير قصة شعرج و لونه .. غير فرش السرير و مكانه في الغرفة .. و في النهاية خلي زوجج ياخذ عسل الزلوع يمكن عنده ضعف بس ما يعترف و يبا يحط اللوم عليج ترا هالرجال مب هينين .ربي يسخره لج و يحنن قلبه عليج .

 

[السعادة مُنيتي]

أختي الغالية الغلط منك اولاً لانك خليتي كلامه يأثر فيك تأثير شديد والدليل العنوان
انتي قلتي زوجك جنوبي غربي يعني لازم تقرأين عن شخصيتة قبل اي شي وقبل ماتدورين حلول عند الناس
ونصيحة مهمه جدا جدا لاتردين عليه بنفس كلامه زي ماقالوا الأخوات لان الجنوبي يحب يكون فارس احلام زوجته واجمل الناسي في نظرها :32:
لكن فيه شي مهم ولازم تسوينه وتتحملين كثير لحد مايصيرابعدي عنه هو يحب انه يلحق ورا زوجته ماهو هي اللي تلحق وراه
ويحب انها تهتم بحياتها وشكلها ونفسها اكثر منه ويحب تكون حياتها غامضه وكلها خصوصيه حتى لو بين انه مايبغى ذا الشي
يعني من هذي اللحظه اهتمي بنفسك بشكل كبير :2: وبهواياتك :34: وفي نفس الوقت لاتهملين زوجك ولازم كل مايشوفك يلقاك مبتسمة مهما كنتي شايلة عليه :31: ولازم يحس فيك بدلع طفولي :39: واهم شي لاتحسسيه ابدا انك تبغي منه الفراش لان الجنوبي الغربي يحب هو اللي يبادر
اختي لازم انتي تقرأين عن شخصيته ووالله العظيم انك ستلاحظي التغيير بنفسك وبتلاقين انك ظلمتيه في اشياء كثيرة
لكن اهم شي ماتحطمين نفسك ودلعيها قد ماتقدرين بعدين انتظري زوجك يدلعك
طمنينا عليك دائماً
​

 

[امرأة انا]

هههههههههههه الله يسامحك لا تكبرينا كلنا فريبين من الاربعين اختي اتركيك منه ومن كلامه عيشي لنفسك لا يهزك لا احرصي على الشياكه ولا تهتمين بتحطيمه لك يرحع هو زي ما قالت الاخت ان قالك عجوز اضجكي وقولي ما ادري مين فينا وامشي ثقي بربك ثم بنفسك ولا تخليه لا هو ولا عيره يحطمك

 

[سنكرس]

قولي له :
لو سمحت كل واحد يتكلم عن نفسه
إذا أنت شايف نفسك كبرت وعجّزت فأنا أحس إني في عز شبابي .
ولا تسمحي له يهز ثقتك بنفسك ويحطمك نهائياً .

 

[العاقبة للمتقين]

زوجي بقولي عجوز وني بالثلاثين لان بصراحه من الثلاتين بتبدا الامراض والوهن

لانكذب على انفسنا خلاص بعد الثلاثين بتكون مرحلة الامراض من سكر وغدد وربو وغيره

والرجال كلهم بيقولو كذا

الله يسخره لك

 

[عنقود عنب]

اختي....اول شي ...باين عليك ثقتك في نفسة ضعيفة ...بدليل انه من اول مرة يقول لك انك عجوز اهتزيتي

انا في نفس الوقت لا الومك....اكيد الكلمة جاءت بعد تصرفات من زوجك مثل البرود في العلاقة والبعد عنك ...وجاءت الكلمة و كملت على الناقص ...ولكن يجب ان تكوني اقوى من كذا

عزيزتي.... اتوقع ان زوجك عنده مثلا مشاكل في العمل

او

يمر بأزمة منتصف العمر ((اعملي بحث في الانترنت عن هذه المرحلة من عمر الرجل))

او انت فعلا مقصرة في حق زوجك

لا بد ان يكون فيه سبب يخلي زوجك يعاملك بهذه الطريقة

احنا ما نعرف عن حياتك شي ..انت الوحيدة القادرة عن معرفة السبب

احنا هنا نعطيك بعض الافكار او المقترحات

لكن انت يجب ان تعرفي السبب الرئيسي لوصول حياتك الى هذا المستوى

وطمنينا عنك يا قلبي

 

[ضياع أول حب]

ياقلبي انتي
والله ولا عليج منه يبي يحطمج ويبين انج خلاص
ترى انتي مازلتي في قمة عطاءج وشبابج ولا عليج منه
واذا قال لج مرة ثانية مثل هالكلام
قولي له لا عاد ارجوك يا قمر 14 وعطيه ذيك الضحكة الحلوة
وقولي لا تنسى انا وانت بنفس العمر ونفس المركب يعني بلا فلسفة

والله اعرف وحدة ماشالله عليها ربي يحفظها ويبارك فيها عمرها 50 لكن ما شالله تقولين في الثلاثة مهتمة بنفسها وعايشة حياتها وفوق هذا ملتزمة ومتمسكة بدينها
ترى العمر ماله دخل
ياما بنات في العشرين وكنهم في الخمسين والعكس صحيح
ربي يوفقج

بس انتي التزمي الاستغفار ولا عليج منه
بيرجع لج وهو يضحك ويحبج باذن الله

 

[ام نصيب]

كلنا حول عمرك الله يعينا وياك المشكله عند زوجك شوفي ايش وحاولي تحليها

 

[كاتياباسل]

على فكره لازم تواجهين المشكله من كل النواحي
شوفي نفسك في الفراش هل ترضينه وشفي المنطقه عندك بعد الولادات قد ايش تغيرت او تضررت واذا احتاج الامر وكنتي كثير متوسعه تقدرين تسوين عمليه تجميليه ترجعك مثل البنت
ومارسي الرياضه وتمارين الاسترخاء
لانها مفيده طبعا بدنيا ونفسيا
وقبل هذا كله الدين والصلاه ولاتجعلين الدنيا اكبر همك
تراني اقول هذا الكلام لنفسي قبل مااقوله لك هههههه كلنا يبغالنا اعادة تأهيل وانا اختك

اذا كان الرجال الي توهم متزوجين مطلعين عيون زوجاتهم فلا تشرهين على زوجك هذا كله من الانفتاح والبلاوي الي نشوفها
انهبلو الرجال !!!!
طنشي وعيشي لله ثم لنفسك وطوري نفسك وقولي اللهم لاتجعل الدنيا اكبر همي ولا مبلغ علمي

وادعيلي الله يفرج همي فأنا في امس الحاجه للدعاء....

سلمت يدااااااااااااااااااك
معـــك في كــــــل كلمـــة

 

[فوفة الاموره]

جددي بحياتك
الله يسخره لك

 

[الجده الصغيره]

ومن قال الاربعينيه عجوز؟

كيف شكلك؟...هل انت ممن تهتم بالتسريحات والقصات والصبغات والتجديد...؟وعطورك ولباسك سواء للنوم او البيت؟

راجعي نفسك وجددي في كل شي...بس لا تبينين انه عشانه....عشان نفسك...وشوفي هو بيلاحظ بس مو قايل شي...واقلبي حياااتك فوق حدر...جددي علاقاتك الاجتماعيه وتواصلك مع صديقاتك..هذا يحسسه انك انسانه متجدده...

وان كانت نفسه طااايبه فالحمد لله...الحياة ماتاقف على رجال...الحياااة أحلى واجمل...كن جميلا ترى الوجود جميلااااااااااااااااااااااااااا

 

[ونة العاشقين]

لقد شدني موضوعك ويشهد علي ربي اني تضايقت لكن ماتضايقت من زوجك لاوالف لا
منك انتي تدرين ليه
لان كلامه وتصرفاته اثرت فيكي سلبيا وخلتك تصدقين بانك زي أي حاجة لها فترة صلاحية معينة وانتهت

بمعنى كلامك اننا كلنا يحط علينا علامة x كلنا عجز
الله يهديكي بس
لاوالله حنا شباب واحسن من الشباب قلوبنا شابة ولله الحمد والمنة
وبعدين صدقيني من اخت مجربة بحق لو زوجك يبغى الزواج كان مايرده لا مادة ولا أي شئ اخر
بس ابعدي عنه فترة وراقبي تصرفاته من بعيدولا تكونين لحوحة بالاسئلة معاه وشفيك وايش فيك خليه فترة لانها فترة حرجة بالنسبة للرجال وتعرف بمرحلة ازمة منتصف العمر وعليكي ان تقراي فيها علشان تعرفي تتصرفي كويس معاه
عليك بالدعاء والتقرب لله صدقيني ازمة وراح تعدي وتكونون احسن من يومكم عرسان بس ييغى لها صبر وحسن تصرف

الله يسخر لنا ازواجنا

 

[قطـــــريه]

هههههههههههه اما عجوز .. انا عمري 39 سنه .. واي حد يشوفني يقول عمري 28 .. اذا انتي شايفه نفسج صغيره وحلوة واموره بتنقلين هالشي لكل اللي حواليج .. قصي شعرج دلعي نفسج سوي مكياج خفيف ليش لا .. ليش تكبرين نفسج .. هو ما قال كذا الا لانه شايفج بهالصورة .. والله اني مرات انسى اني على الاربعين ولا كأني في الاربعين .. العب رياضه احب اضحك واونس عمري امارس السباحه اروح الصالون واحب القراءة واسافر واستانس والبس لبس شبابي يناسب سني ومرات استعبط ..
ليه تكبرين نفسج ..
روحي الصالون وقصي شعرج قصه تناسبج واصبغيه لون بني فاتح شوي او شوكولا .. وسوي مناكير وباديكير ولونيهم شوفي انج للحين شابه بعين نفسج ..
خلي كله على لسانج باروح الصالون .. بالعب رياضه .. مو فاضيه .. مشغوله .. اقري نكت وضحكي نفسج .. لين شفتي روحج رجعتي شباب بيشوفج هو انسانه ثانية .. بس لا تتغيرين عشانه لانج بتتعبين .. تغيري عشان نفسج ..

 

[ريم الغلاااا]

منوه قال انج عيوز


اول مره اعرف سن 40 بتكون المراه عيوز بالعكس انتي بعدج باول شباب


ماعليج من كلام ريايل اللي مايخلص ومايعجبهم العجب



ولاتكدرين خاطرج تزعلين



اهم شي اهتمي بعمرج وصحتج




الله يسعدج دنيا واخره يوفجج

 

[i can do]

حبيبيتي .. فيه مشكله ويمكن اكون جريئه شوي ..
انتي ضامنه نفسك بعد الاطفال والولادات ماتوسعتي .. ترى الجنس يأثر على الحياة الزوجيه بقوووه لو ماصار فيه متعه
انتي سوي عمليه تجميل من تحت .. تراها بسيطه جداً ومافيها تعب ..


وبعدها روحي سوي لك لوك جديد .. لبس ,, شعر ,, صبغه ..

وبتتغير حياتك باذن الله للأفضل ..​

 

[ديم1]

اختي طلعي نمط زوجك وادخلي قسم الزوج الزواج واقري مواضيع دانه بنت الخليج راح تستفيدين كثير او اعرضي مشكلتك تحلها الله ييوفقك

 

[بك آمنت ربي]

اللحين من قال 40 عجووووز<<<ما ألومه يوم يقول لك عجوز لأنك آنت مقتنعة بهذا الشيء لا يا حبيبتي توووك وأنت لآن تعتبرين في سن النضج والحيوية والصحة بس ابذلي وجددي مو عشانه (لأنه ما راح يغير رأيه ويعتقد نفسه صادق بهالكلام) لكن جددي لنفسك وحياتك واسعدي عمرك وكل هذا سويه لنفسك وحاولي توضحي له إنه ما فكرت فيك وإنما بعمري وروحي (صدقيني راح يقتنع من تلقاء نفسه ويرجع لك )
والدعـــــــــــــاء قبل كل شيء

 

[^أختهم^]

ومين قال ان الاربعين عجوز
في كتاب الله تعالى
حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً
َسورة الأحقاف - سورة 46 - آية 15
ويعني انتي اربعين هو عشرين والله بعض الرجال مسخره
اهم شي حبيتي لاتخلين على قلبك البسي ومتعي نفسك وانظري لنفسك انك صغيرة وحلوة وشابه ولاتتأثرين بكلامه
ولاتبينين ان الكلام أثر فيك بالعكس خليك جبل ماتهزه ريح

والدعـــــــــــــــــــــــــــــــــــــــــاء والإستغفار يفك طلاسم السحر بقدرة الله فما بالك بقلب زوجك

الله يهديه لك ويسخر لك قلبه

 

[الزوجه الاولى]

حبيبتي لا تخلين كلامه ياثر عليج شوفي نفسج جددي شبابج الله يعينج ويسر امرج