عجوز في الاربعين تبغى حل!!!

[زورق المحبة]

اخواتي

انا عمري اربعين سنة وزوجي بنفس عمري

وعاطفته معي باردة الى ابعد حد وانا امرأة عاطفية واحبه بجنون

من سنتين وهو متغير لا كلام حلو لامزح لانظرة حلوة

واليوم يقول لي يالعجوز !!!

هل المراة في عين الرجل اذا وصلت الاربعين تكون عجوز؟؟؟


انا محتارة من صمته وقلة مزحه وانعدام الكلام الحلو منه

حتى الفراش ماصار يطلبني

صاير على اتفه الكلام يزعل ويقول عني اني سليطة اللسان

وتخلقين المشاكل

وانا صايرة اعصابي تلفانه من تعامله البارد معي وكأني امرأة غريبة

وش اسوي تكفون وش الحل معه

الله يبارك فيكن ويجزاكم عني بكل خير



​

 

[تائهه لامكان له]

اهلين اختي
جدد ي حياتك وغيري شكلك حاولي تتغيرين في هالفتره

اجعليه يبحث عنك وتكوني بعينه بنت العشرين

الله يوفقك ويسخره لك وجعلك بعينه حوريه ويريح بالكم​

 

[حنانوو]

حاولي تغيرين من نفسك حتى يعرف انك موخلاص وصلتي الاربعين ماعاد تنفعين
اويمكن عنده ضغوط ومشاكل بشغله اوانه موقادر انه يجامعك ترى تصير وهالشي يذبح الرجال ويجننه بعد
والله يسعدكم يارب

 

[زورق المحبة]

جزاكن الله خير

اخواتي وماقصرتوا

انا جاء في بالي انه نفسه يتزوج بس حالته الماديه ماتساعد

شكله منتهي مني ومنتهية صلاحيتي في قلبه

البارح يقول لي انتي واثاث الغرفة واحد

لكن اثاث الغرفة يستفاد منه

شكل الرجل حاط علامة xعلي انتهت المحبة وطلعت على غير رجعة

مااقول الاحسبي الله ونعم الوكيل.

​

 

[Morning Glory]

يقهرون هالرجال
طنشي وجددي عمرك وشوفي الاجنبيات الوحده بالاربعين وتقول انا لسا شباب وتفكر بمشاريع حياتيه جديده اوتجدد موهبه قديمه

العمرماله علاقه الشباب شباب القلب والروح
اذا كان بنفس عمرك معناتها هو بعد شايب
يعني هو الي ماشاءلله بعنفوان وشباب الي عمره عشرين مثلا؟؟؟؟؟
لاتخلينه يهز ثقتك بنفسك وواضح من عنوان الموضوع ان ثقتك قليله بنفسك
وعلى فكره الرجل يمر في الاربعين بفترة يسمونها أزمة منتصف العمر
ابحثي عنها في المنتدى وقوقل

الله يعين على هالرجال
اوف شي يقهر

 

[Morning Glory]

على فكره لازم تواجهين المشكله من كل النواحي
شوفي نفسك في الفراش هل ترضينه وشفي المنطقه عندك بعد الولادات قد ايش تغيرت او تضررت واذا احتاج الامر وكنتي كثير متوسعه تقدرين تسوين عمليه تجميليه ترجعك مثل البنت
ومارسي الرياضه وتمارين الاسترخاء
لانها مفيده طبعا بدنيا ونفسيا
وقبل هذا كله الدين والصلاه ولاتجعلين الدنيا اكبر همك
تراني اقول هذا الكلام لنفسي قبل مااقوله لك هههههه كلنا يبغالنا اعادة تأهيل وانا اختك

اذا كان الرجال الي توهم متزوجين مطلعين عيون زوجاتهم فلا تشرهين على زوجك هذا كله من الانفتاح والبلاوي الي نشوفها
انهبلو الرجال !!!!
طنشي وعيشي لله ثم لنفسك وطوري نفسك وقولي اللهم لاتجعل الدنيا اكبر همي ولا مبلغ علمي

وادعيلي الله يفرج همي فأنا في امس الحاجه للدعاء....

 

[سرااااااااااب]

اذا قال لك يا عجوز قولي (الشباب شباب القلب .. تصدق اني احبك وابيك اكثر من ايام الزواج .. لكن الله يعلم من العجوووز ) .. واضحكي وروحي ..

وووفعلا جددي حياتك .. وشاركية بعض اهتماماتك .. سولفي عليه سوالف حلوه .. احتفلي بمرور عمر على زواجكم وقولي له الله لايحرمني منك ...
وهيك حركات ...

ان شاء الله انه يحبك ومافي في باله شي ..

والله معاك ..

 

[زاهده من الدنيا]

اولا ياليت تغيرى العنوان ياعزيزتى من قال ان سن الاربعين الواحده تسير عجوز انا ارى انو سن الشباب انت شوفى الان بنات تعدو الاربعين وماتزوجو حبيبتى انتى اذا اهملتى نفسك حتى لو عمرك 20سنه بتسيرى كانك عجوز اهتمى بنفسك وماعليك منه واهتمى فيه من ناحيه الفراش زوجك ربما عنده ضعف او شايف شوفه انتى سوى اللى عليك وتوكلى على الله واهتمى فى لبسك واناقتك وعطرك وايضا منزلك واهتمى فيه وشوفى نمطه وشو والله يسخره لكى دعواتك لى اختى

 

[زورق المحبة]

(اخواتي الله يسعدكن بدنياكم واخرتكم)

هو اقرب للجنوبي الغربي

واحيانا يختلف شوي:8:​

 

[اخفي دموعي]

لا 40 مو عجوز قولي له انا لسه شباب بس انت الي شكلك شيبت وماعاد تشوف زين

لكل وقت رونق وجمال
يعني سوي الاشياء الي تناسب لك ولعمرك وتخليك حلوه بدون ماتصغرين نفسك

شوفي هالاجانب الحرمه يوصل عمرها 80 سنه ماتحتار محلات خاصه للعمر هذا ملابس روعه
موديلات وقصات شعر جديده
وتلقينها ببدلة الرياضه تركض بهالحدايق ماقالت انا عجوز ولا تحطمت
لا وازيدك من الشعر بيت بعد ممكن يكون عندها خطيب وزواجها براس السنه ناس مرتاحه
مجتمعاتهم قليل فيها الحسد والقيل والقال بالرغم من انهم مو مسلمين

الله يرزقنا الشباب الدائم والنشاط والصحه

وانتي عمرك 40 ويقول عجوز

 

[احلى فجوري]

لا تقولي على نفسك عجوووز ابد لو سمحتي مثل ماقالو الاخوات العجز في القلب مو الشكل والعمر اهم شي تكوني مهتمه في نفسك روحي اطلعي لا تخليه في بالك طنشيه ونام وريحي بالك وسوي كل شي في نفسك وقولي العجوز يشوف كل شي قدامه عجوز يعني العبي في اعصابه ولا تضايقي نفسك والله يسعدك ويصلح حالك ياارب

 

[ديآلآ]

ياااقلبي انتي
من قال انك عجوز !!!
وربي اعرف " بناات " بالاربعين وعندهم كوم عيال
هي وبنتها مثل الاخوات وربي حتى انها احلى من بنتها واشيك
هذي الفكرة انتي حاطتها ببالك وشيليها
و حطي ببالك انك توك شابة والحياة توها بعز شبابها معك
الله يسخر قلبة لك​

 

[بـدويـه مـودرن]

لـــيـــــــش لــــيــــــــش بس تسكتين له
اذ قال لك عجوز قولي العجوز انت
اصلك مالك وفا هذي اخرة عمري معاك
وانا لساتني بشبابي
خلي هينك قويه وانتي تكلميه صدق صدق انه نذل

 

[غندورا]

كلام الاخوات مفيد وازيد عليه امدحي بشكلك باستمرار او كل مارجعتي من عزيمه او زواج خلي بنتك ان كانها تفهم تقوله يابابا اليوم كلهم يمدحون بجمال ماما يقولون كنها اختك مو امك والا اخواتك يقولونها قدام عيالك عشان يوصله الكلام باي طريقه يمكن يحس انو انتي كنز وهو مو حاس فيك فيبدا يتراجع
استعملي كيد النسا لان كلام العقل مايمشي عندهم

 

[وفاءأمينة]

حبيبتي لازم تتجاهليه و ما تبينيلو الإهتمام او انك تبغيه و في نفس الوقت إهتمي بنفسك كثير و فرفشي

و ما لك منو بعدك شباب

في نوع من الرجال يحب يخلخل ثقة المرأة في نفسها من الغيرة

شو رأيك اني نعرف وحدة عمرها في 59 و متزوجة واحد عمره 32 يموت في التراب اللي تمشي عليه مع

انها متزوجة قبله مرتين و عندها احفاد من اولادها من زوجها الول

و هي و لا تعطيها سنها تتدلع و تتغنج و تتامر عليه و هو طبعا سمعا و طاعة


الله يسعدك و يهنيك

 

[الورد والياسمين]

الله المستعان

 

[ماماي]

حبيبتي سن 40 لسه في عز الشباب اعرف كثير من بنات في سن اربعين بس اللي يشوفهم كأنهم في سن 20 ترا كل واحد وقلبه لو انتي حساسه وتأخذين كل امور بحساسيه فأكيد اتشوفين نفسك عيوز تحسي عمرك فوق 50 يالله عاد غيري تفكيرك وخليك ريلكس ويمكن انت تعصبيه من جي قالك عيوز ولا زعلان في شي مادام بينكم عشره عمر ماراح يتخلى عنك بس كوني واثقه من نفسك

 

[رولالان]

لا تلومين زوجك لانك انتي قلتي عن نفسك كذا من العنوان

يعني انتي مقتنعه انو انتي كذا ومتقبله

شيلي الفكره من راسك لانها لو بقت بتمارسينها بكل جوانبها يا حلوه لا شعوريا

وجددي حياتك

 

[دمعة الذيب]

جددي حياتك معه هديايا مثلا . حفله صغيره

 

[أم الوجيه]

( أليسا ) المغنية ..اللي طايرين فيها الرجال عمرها 41 .. وإذا كنت سمينة نقصي وزنك راح تصغرين بشكل ملفت للنظر و مارسي رياضة المشي و اهتمي بلبسك تتغيرين جذريا ً حتى الناس اللي ما يعرفونك بعد التغيير راح يظنون إنك صغيرة جدا ً صدقيني ..