موضوووع كششخه مع انه مر عليه كم شهر ...
عسى الله يوفقنا في تغيير انفسنا لكل ماهو خير لنا ولأزواجنا ولحيانتنا في الدنيا والآخرة....
أنا عن نفسي قبل ..
كنت اصرخ واتكلم بصووت عاالي وطبعا اذا عصب وصارخ علي اررد عليه وبزياااده !! احس اني كنت شريييرة ..كنت دلووعه بس دلعي مايل للطفووله احب اي شي يخص الأطفال اللبس الألوان الألعاب والحلويااات.. كان شعري قصير ودايم اقصه,,كنت اسمع اغاني واايد الله يغفرلنا... كل شي يصير بينا كنت اقوله حق خواتي وصديقاتي واهله بعد ...اي مشكله تصير كنت دايم اكبرها واروح بيت اهلي...كنت اقارن بينه وبين اي رجال...كان بيتي معفوووس مااحب انظف الا يادوووب...كنت ابكي برووحي واقوله كلام قاسي ...كنت انعزاليه وعصبية وممله وانانية ولاحظت عليه صار اناني بعد...ماكنت اعرف اطبخ..
بعد...
صرت اتكلم بصوت خفيف بس بدلع وانووثه ومرات اصير فرفووشه بس قليل عشان نغير الورتين ومايكون عارف شو بسوي او شو بقوول.. صرت راااايقة بدرجه اذا عصب وصاارخ ابتسم واقوله فدييته اللي يحاول يعصب او اضحك جدامه وعلطوول يبتسم الحمدالله..غيرت من ذووقي وستاايلي رميت كل شي يخص الاطفال من بيتي من دباديب ولبس والعاب وبديت اشتري الأشياء من الذوق الراااقي والهااادي وحسيييته متخببل على ذوقي وستايلي.. اهتميت بشعري وطووولته ما شاء الله وبين فترات يمدحلي شعري خاصة لو زاد طوله..خففت من الأغاني واايد خاصه لما اتذكر ان الشياطين تكون جنبنا واحنا نسمع اغاني اخاااف وابند...مسكت لساااني مب شوي الا واااايد اي شي يصير بينا مااقوله حق اي حد حتى لو مشااكل حتى اهلي دايم يسالوني فيكم شي وانا اقول لا الحمدالله كل شي تمااام احس اني كبرت فعيينه وفعييين ابوي الله يحفظه حتى اخي المتزوجه احسها صارت تغااار مني لأن مابينا مشااكل الحمدالله... طبعا ماصرت اقاارن وسبحاان الله احس ان زوجي صارت فيه واايد شغلات حلوة باسلوبه وطبعه ...صرت انظف بيتي علطووول اخصص يوم حق التنظيف واخليه يلق لق ههه... ماصرت ابكي احس اني نسيته بس باوقاات تهز القلب لما احد يسافر من اهلي او موقف محزن وجييي...ابتعدت عن الانعزالية يعني صرت اندمج شوي واكلم صديقاتي وبعدني احااول اكثر..صرت اتعلم الطبه شوي شوي .. وابتعدت عن الأنانية ..صح نسيت شي مهم واللي هو اني اتقربت من ربي وااايد والحمدالله اقرا الأذكار والقراان يومبا واستغفر دااايما واي شغل اسويه من طبه او تنظيف او اهتمام بزوجي انوي بخاطري انه يكووون صدقة او حسنه بعدد جميع المسلمين والمسلمات والمؤمنين والمؤمنات الاحياء منهم والأموات سبحااان الله والله احس بعدها ان نشيييطه واسوي الشي من خاااطري بدون تعب طبقووها وان شاء الله بتحسووون بهالشي...
الحمدالله رب العالميين اللي هداااني وان شاء الله عساه يهديييكم جمييعا ياااارب