شات ***جمهورية مصر العربية***

[هالةالقمر]

ههههههههههههههههههه
الله يعينك

 

[habeba]

صباح الفل على الكل

ازيكم جميعا

هاله العسل
أكنك شايفنى قفشتينى و أنا بنضف و بغسل ونفسى الحق قبل ماما ما تيجى
عندك حق بالراحه شويه

أم هجورة
ربنا يكرمك فعلا الوقت البدل الضايع
كل يوم تيجى لى أعراض شكل الحمدلله

كلبوزة
ربنا يتم شفاكى على خير يارب

كل البنات بتوحشنى

 

[تحيا مصر]

صباح الخير ياحبيبه
براحه شويه كل يوم اعملى حاجه

 

[habeba]

هاله
بالنسبه اللى كان نفسى احققه واللى ماحققتهوش وكده

أول حاجه كان نفسى اراجع و احفظ جديد قبل ما أولد و للأسف أنا وحشه قووووى

تانى حاجه كان نفسى اتغير مع زوجى للأفضل و اعمله اللى بيحبه وكنت فاكرة إنى قربت كتير
لكن برده للأسف واضح إنى فشلت برده وهو قالى كده امبارح و متخنقين خناقه عسل قوووى

تالت حاجه كان نفسى احج و ربنا مكتبهاليش للأسف

رابع حاجه كان نفسى ربنا يشفينى من حاجه والحمدلله ربنا تمها عليا وشفانى

خامسا كان نفسى أحمل و ربنى رزقنى الحمدلله ربنا مايحرم أحد

سادسا كان نفسى اتشطر شويه بالمطبخ و البيت و الحمدلله تطورت شويه

بس كده كفايه عليكم ده السنه اللى فاتت

السنه ديه نفسى أحقق اللى ماحققتهوش
الى جانب
ربنى يهدينى ويحسن اخلاقى و يصبرنى على زوجى وهو كمان يتغير وربنا يهديه وتتحسن اخلاقه

ربنا يرزقنى بولاده طبيعيه سهله
وكمان اقدر اتعامل مع النونو وحياتى تكون بيه أجمل

ونفسى ايمانى يزيد شويتين يارب

كفايه كده صدعتك صح عايزين الباقى يقووول

 

[habeba]

صباح الفل نيفين
من بخاف أقوم تانى يوم اكون حأولد
ربك يسترها

 

[om-noran]

السلام عليكم ورحمة الله وبركاته

هالولة

انا هنا اهو..والله امبارح مافضيت اقعد على الكمبيوتر غير بالليل...الأجازة بتاعة العيال طالعة على دماغي الحمد لله
ولسه عاوزة الم الغسيل واغسل تاني وانشر واكمل بقية الأكل وانضف الحمام...ااااااااااااااااااه يااااااااااني ...ربنا يقدرنا جميعا ان شاء الله

حبيبة
بالراحة شوية على التنضيف..وفعلا اول ماتحسي ان فيه ميه..مش هاقدر افيدك في الحكاية دي..خخخخخخخ...اصلي عمري ماولدت طبيعي وعمري مانتظرت لما نزلت عليا ميه ولا عمري حسيت بطلق غير في نوران حاطولي لبوس طلق صناعي وبرضه مش اشتغل كويس..وعلشان كده البطيخة بتاعتي اتفتحت من ساعتها..هههههههه

ربنا يديلك ساعة سهلة يارب

نوفا

عندكم برد؟؟؟

طيب ممكن اجي ازورك لو سمحتي..على الأقل انتي اقرب من ام هاجر...خخخخخخ
الجو عندنا مشمش خالص..ايوة مشمش مش مشمس...ومش عارفة هاتكلفت امتى يا ناااااااااس..عاوزة اتكلفت من البرد...تك تك تك

أم هاجر...
شفتي قصة حياتي...طيب شفتي اللي حصل لي امبارح...يع يع يع

رنا كانت نايمة على السرير بالليل وانا قاعدة معاهم في الأوضة على الكمبيوتر..المهم طبعا لأن انا عندي نمل بيطلع في الصيف في الشقة وهي دي الحمد لله الحشرات الأليفة اللي متواجدة معانا دايما..هي ماتعرفش غيرها
لقيتها بتقولي..ماما...نملة...قلتلها فين؟؟؟ قالتلي على السرير...انا بقولها فين بالظبط وبكل شجاعة عمالة ادور على السرير...طلعت مش نملة ..طلع صرصار في كي جي وان ههههههه

المهم انا شفت اخينا ده ورقعت بالصوت...وكنت هاخد ديلي في سناني واهرب من ساحة المعركة..بس خفت يطلع على العيال تاني...

وفي لحظات...استعملت السلاح الأكثر فتكا ضد الصراصير...الشبشب...ورفعت السلاح بايدي...وهوب...جريت وراه...
فص ملح وداااااااااب

واديني قاعدة خايفة لغايه دلوقتي احسن يطلع عليا تاني ولا يارا تمسكه تحطه في بقها ولا حاجة...ربنا يستر

 

[habeba]

يا جماعه ماتعرفوش حاجه للغسيل لما ينضح عليه لون تانى

 

[habeba]

صباح الخير أم نوران

 

[om-noran]

بنت اسكندرية

معلش...اوعي تخلي الاكتئاب يسيطر عليكي..طيب ماتروحي لدكتور تغذية وروحي جيم..اللي اعرفه من خبرتي المتواضعة ان الواحدة المفروض تلعب رياضة مع الريجيم. الجيم والأيروبكس بيحرقوا سعرات كتير وبيشدوا الجسم..ربنا يسهللك الأمور ان شاء الله

كلبوزة

الف سلامة على رقبتك ياقمر..ان شاء الله تكوني احسن في اسرع وقت

شيمو..
جزاك الله خيرا ...انا كمان استفدت من الحاجات اللي انتي حاطاها دي

غريبة

غريبة فين..طيب ام سهيلة؟؟؟خخخخخخخ

شيري...

انت فين يا بركات؟؟؟ههههههه...لسه قاعدة في المطبخ هناك...ماتيجي بأه يا بنتي...مش عارفة ايه الحكاية يا بنات..الملف مش بقى زي الأول ليه..عاوزين نتجمع كلنا مع بعض في وقت ونقعد نرغي لوك لوك لوك..ماينفعش كده

 

[om-noran]

صباح النور يا حبيبة...حطي فانيش او كلور الوان

 

[habeba]

اغسله تانى بفانش و هل حيحؤ

 

[om-noran]

اما بالنسبة لانجازاتي العام الماضي..ههههههه

الست يارا شرفت الحمد لله وطبعا زي مانتم عارفين ولدتها هنا من غير ماما ماتيجي ودعيت ربنا يقدرني على تربيتها وهي فعلا الحمد لله كانت الوحيدة في اخواتها اللي بتنام بالليل كانت بتنام على 2 او 3 كده مش زي اخواتها كانوا بيقعدوا للفجر ..

الحمد لله قربت اخلص دار التجويد اللي بروحها ويارب ربنا يتم لي على خير وانجح امتحاناتي اخر الشهر ان شاء الله

رنا دخلت المدرسة وده اعطاني وقت زيادة اعرف انام فيه براحتي ههههههه

واهم حاجة اني رحت عمرة..ودي حاجة كان نفسي فيها من يوم مارجعت مع اهلي من السعودية..الحمد لله يارب...اكتر حاجة والله فرقت معايا في نفسيتي..طبعا انا كان نفسي تكون المده اكبر لأني رحت تقريبا 4 أيام..بس اهو زي العطشان لما بيصبروه بشوية ميه...ربنا يكتبهالكم يارب جميعا...ياااااااااه والله مش مصدقة لغاية دلوقتي...يارب اطلع تاني بس مش اقل من 10 ايام..ادعولي بأه

اما الحاجات اللي مش...

طبعا اولها كان وفاة والدي وانا مش شفته قبلها

برضه كان نفسي احفظ اكتر للأسف نسيت كتير من اللي كنت حافظاه..ركزت على التلاوة وتحسينها فقط وتركت الحفظ

نوران مطلعة عيني في الحفظ..ادعولها ربنا يكرمني ويكرمها ويطول بالي عليها في التحفيظ

كان نفسي اجازتي في مصر السنة اللي فاتت تبقى كويسة وده طبعا ماحصلش...ربنا يستر السنة دي بأه ان شاء الله

دي الحاجات اللي فاكراها دلوقتي ..

 

[om-noran]

اغسله تانى بفانش و هل حيحؤ

لو اللون اللي بهت بهت على ابيض..حطي كلوركس هايروح علطول ان شاء الله

لو على الوان..حطي شوية فانيش مباشرة على اللي بهت وبعدين اغسليها

لو ماحصلش حاجة...ارمي اللي باظ..خخخخخخخخخ

 

[om-noran]

يا بنات..السلطة دي لطيفة جدا وسهلة مش محتاجة حاجة

اسمها سلطة البطاطس المقلية

المكونات والمقادير

بطاطا مقطعة مربعات طبعآ بحجم صغير ...وكمية البطاطا حسب عدد أفراد الأسرة
عصير ليمونة ...
فصين ثوم مهروسين...
قليل من البقدونس أو الكسبرة مفرومة للنكهة ...
ملعقتين مايونيز ....طبعآ ملعقة طعام ...
رشة ملح ...

طريقة التحضير

أولا وبعد تقطيع البطاطا نقوم بقليها ... وقت ما تنقلى البطاطا أنتى حضري إناء وضعى فيه كل المقادير الباقية طبعآ السر في طعمها أنك تضعى البطاطا من القلى وهى ساخنة على الخلطة وتقومى بتقليبها وتقدم ساخنة

 

[om-noran]

صباح الخير يا كتكوتة...

الانسة مريومة عاملة ايه فيكم...بدأت تحط كل حاجة في بقها ولا لسه؟؟؟هي عندها اد ايه دلوقتي؟؟؟

هاقوم اصلي الضهر يا حلوين..

اسمي معاكم يونسكم على ماجي ان شاء الله

 

[habeba]

لو اللون اللي بهت بهت على ابيض..حطي كلوركس هايروح علطول ان شاء الله

لو على الوان..حطي شوية فانيش مباشرة على اللي بهت وبعدين اغسليها

لو ماحصلش حاجة...ارمي اللي باظ..خخخخخخخخخ

حجرب ياخد فوم تانى لأنه غسيل كتير بالفانيش نفع نفع مانفعش عنه ما .........
خخخخخخ
تسلمى يا عسل

 

[تحيا مصر]

ام نونو
اتفضلى تعالى تكتكى معانا
الجو اتحسن دلوقتى عن الصبح دلوقتى درجه الحرارة 7 لكن الصبح 1

 

[om-noran]

ايوة ايوة..

فيه انجاز رهيب تحقق الحمد لله وده خير دليل على ان طولة البال تبلغ الأمل..

جوزي وافق بعد 6 سنوات من الاقناع ان واحدة تيجي تنضفلي الشقة هنا...لولولولوووووووي..وده بشروط معينة..انها مش تدخل الأوض واني اقعد على ايديها...يعني هاتنضف الحمامات والمطبخ والبلكونة والصالة..مش مشكلة..الحمد لله يارب

اتصلت على واحدة..الوحيدة اللي معايا تليفوناها...ماردتش عليا...خخخخخخ..هاتصل تاني ان شاء الله

شفتم بأه...لاحياة مع اليأس ولا يأس مع الحياة...ههههههه

 

[كتكوتة كتكوتة]

صباح الخير يا كتكوتة...

الانسة مريومة عاملة ايه فيكم...بدأت تحط كل حاجة في بقها ولا لسه؟؟؟هي عندها اد ايه دلوقتي؟؟؟

هاقوم اصلي الضهر يا حلوين..

اسمي معاكم يونسكم على ماجي ان شاء الله

صباح السكر يا ام نوران وكل البنات
مريم دى نسمة هههههههه هى بتاكل اى حاجة قدامها وطبعا الخسائر محدودة الحمد لله حتى الان علشان لسه مش بتتحرك ربنا يستر على المرحلة الجاية
هى بدات السادس ما شاء الله يوم 10 اللى فات يلا عاوزين نصايح بخصوص الاكل :essen:

 

[كتكوتة كتكوتة]

ربي
حبيبتى المنتدى مليان افكار وموضوعات خليها تشارك وهى حتستفيد كتير


ام هاجر دى غير البهائيه كمان
وغير بقى الشيعه اللى بقى ليهم مجلس منظم ومدير مجلس وحاجه ابهه كده

لا وكمان اللي بيدخلوا البوذيه عن طريق تعليم اليوجا
ااقولك كفايه كده يا اختى

صيح يا بنات
انا جوزى طالع في دماغه نعيش في مطروح ونعمل مشروع هناك ونستقر فيها طبعا مش دلوقت يعنى لما نفكر ننزل
الصراحه المدينه بتتطور ولسه بكر ومحتاجه مشاريع
حد راح مطروح قريب وشاف العمران في عجيبه وصل لحد فين
؟؟؟؟؟؟؟؟؟؟؟؟؟؟؟؟؟؟؟؟؟؟

انا رحت اسبوع عسل هناك فى عجيبة بس من 3 سنين قريب برضه صح؟
ههههههه بس جمييييييلة