شات ***جمهورية مصر العربية***

[كتكوتة كتكوتة]

بالنسبة بقى لموضوع الجواز اللى اتكلمتوا عليه انا وجوزى كنا دفعة واحدة فرق السن بينا 6 شهور بس وماشيين الحمد لله كويس بس طبعا لازم كل فترة طرف يكبر دماغه علشان المركب تمشى وحاسة ده موجود فى كل بيت يعنى لازم مهما كان فرق السن لازم ان الراجل ياخد وضعه وبرستيجه فى البيت مع لمسات الست الضرورية واللى بتظبط حاجات كتيير يعنى الايدين سوا
بس الحق يتقال انا تعبته كتيير فترة خطوبة لحد ما اتجوزنا بشويتين كده كنت حاسة اننا لسه فريش كده ومفيش مشاكل والحياة بسيطة بس طبعا على رأى شيرى اللى ما اتعلمش الحياة بتعلمه
بس لازم طبعا وحتما ولابد ان الراجل يكون قادر على شيل المسئولية يعنى مش جواز وخلاص لان فيه بيت واسرة بتتكون لازمها استقرار نفسى وعاطفى علشان نقدر نربى اولادنا يطلعوا اجيال عارفة معنى المسئولية
بسسسسس كده

 

[كتكوتة كتكوتة]

طيب انا هاخلع بقى علشان جوزى على وصول يادوب اصلى العشا واجهز الغدا سلاااااااام

 

[هالةالقمر]

سما
انا لله وانا اليه راجعون
معلش يا حبيبتي لما ترجع ابقى روحى عزيها وقوليلها انك تعبتى لما عرفتى ومقدرتيش تجيلها
بعدين في الوقت ده تلاقيها ملاحظتش اصلا مين الموجود
ربنا يربط على قلبها ويصبرها ويجعله شفيع لها في الاخره



ورده

انا لله وانا اليه راجعون
ربنا يجعله من اهل الجنه

ام نوران
معلش انا مدخلتش لان النفسويه تعبانه شويه لان مرت سنه على وفاه اخويا وطبعا ماما مجدده الاحزان تانى
وتعبانه شويه فتلاقينى ممش مظبطه

الحمد لله الجو عندنا دفئ شويه بس بليل تلللللللللللج برده

 

[هالةالقمر]

طيب اديكم موضوع تانى تتكلموا فيه
وقفه مع النفس ياتري عملتى ايه السنه الفاتت ايه الانجاز اللى عملتيه فيها
وايه اللى كان نفسك تعمليه ومقدرتيش
ومخططه لايه السنه دى ربنا يدينا ويديكم طوله العمر

 

[om mena]

bnaaaaaaaaaaaaaaaaaat ento fen

 

[اعماق البحر]

يا صباااااااااااااااااااااح الفل
ام منه اخبارك ايه
اخبار السمبوسه ايه

 

[um-hajar]

صباح الخير يابنات

ايه هي فتحت بسرعه كده ليه

 

[um-hajar]

ورده


البقاء لله في جدك ربنا يجعل مثواه الجنه ز يجعل له القبر روضه من رياض الجنه

ويبدل سيئاته حسنات



ابقي طمنينا عليك لو قدرتي





سما سحاب

ازيك عامله ايه دلوقتي ربنا يصبر جارتك علي فراق ابنها

و يكون شفيع لها يوم القيامه

هي رجعت من بلدها ولا لسه

المفروض انك تروحيلها

ربنا مايكتبها علي حد

حكايات اطفال غزه كمان مقطعه قلبي و منظر الاطفال المصابين تقطع القلب



هاله

ربنا يصبر مامتك بس اجمدي شويه و كل ماتفتكريه ادعيله بالرحمه و اقراي له قران

ثواب لك وليه



حبيبه


ان شاء الله ماما تيجي بالسلامه و انت تنتظريها اول يوم و بعد كده اولدي بقي براحتك

بس ابقي افتكرينا في الدعاء

ربنا يقومك بالسلامه و تكون ولاده سهله ان شاء الله


كلبز

مش عارفه انا قلقانه من موضوع العلاج الطبيعي ده ياريت

لو تروحي لدكتور تاني تتاكدي من الكلام ده

وربنا يشفيك و ترجعي لنا بسرعه علشان انت كده كولتي اوووي



ام نوران


تصدقي فعلا الموضوع اختفي خالص خيرها في غيرها الجيات اكتر من الريحات



بنت اسكندريه


انت فين الرجيم عمل فيك ايه مش قادره تكتبي حاجه واخبار الامتحانات ايه

 

[um-hajar]

لليوم فقطْ سأعيشُ فأجتهدُ في طاعةِ ربِّي ، وتأديةِ صلاتي على أكملِ وجهِ ، والتزودِ بالنوافلِ ، وتعاهدِ مصحفي ، والنظرِ في كتبي ، وحفظِ فائدةٍ ، ومطالعةِ كتابٍ نافعٍ .
لليومِ فقطْ سأعيشُ فأغرسُ في قلبي الفضيلةً وأجتثُّ منه شجرة الشرِّ بغصونِها الشائكةِ من كِبْرٍ وعُجبٍ ورياءٍ وحسدٍ وحقدٍ وغِلًّ وسوءِ ظنٍّ .
لليوم فقط سوف أعيشُ فأنفعُ الآخرين ، وأسدي الجميلَ إلى الغير ، أعودُ مريضاً ، أشيِّعُ جنازةً ، أدُلُّ حيران ، أُطعمُ جائعاً ، أفرِّجُ عن مكروبٍ ، أقفٌ مع مظلومٍ ، أشفعُ لضعيفٍ ، أواسي منكوباً، أكرمُ عالماً ، أرحمُ صغيراً ، أجِلُّ كبيراً .
لليوم فقط سأعيشُ ؛ فيا ماضٍ ذهب وانتهى اغربْ كشمِسك ، فلن أبكي عليك ولن تراني أقفُ لأتذكرك لحظة ؛ لأنك تركتنا وهجرتنا وارتحلْت عنَّا ولن تعود إلينا أبد الآبدين .
ويا مستقبلُ أنْت في عالمِ الغيبِ فلنْ أتعامل مع الأحلامِ ، ولن أبيع نفسي مع الأوهام ولن أتعجَّلَ ميلاد مفقودٍ ، لأنَّ غداً لا شيء ؛ لأنه لم يخلق ولأنه لم يكن مذكوراً.
يومك يومُك أيها الإنسانُ أروعُ كلمةٍ في قاموسِ السعادةِ لمن أراد الحياة في أبهى صورِها وأجملِ حُلِلها.

 

[um-hajar]

يتصفح الموضوع حالياً : 2 (1 عضو و 1 ضيف) ‏um-hajar

رجعنالك علشان متقعدش لوحدك

 

[ام محمود]

صباح الفل عاملين ايه
وحشتونى قوى قوى
ورده البقاء لله ربنا يرحمهويدخله فسيح جناته
كلبوزه وحشانى موت
حبيبه ان شاء الله تقومى بالسلامه
ام هاجر عامله ايه واخبار الامتحانات ايه
معاميقو عاش من شافك مبتدخليش المازنجر ولا ايه
هاله عامله ايه واخبار الرجيم ايه انا لسه مبدأتش كسلانه خالص خالص
دكتوره شيمو عامله ايه
كتكوته اخبارك واخبار مريومه العسل ايه طلعلك مريومه جديده بنت فريده اهلا اهلا بيكى يا فريده
بنوته فين يا بنات مش ظاهره
ام نوران اخبار البطات ايه وحشونى خالص مالص وخصوصا عروسة ابنى هههههههههههه

 

[ام محمود]

هو فى ايه حظى معاكى يا دنيا كده ليه ليه
ايه يا بنات كل ما ادخل مش الاقى حد موجود ولا ايه
شرين يا حبيبتى انتى فين
ام مانو فين وعامله ايه
سما سحاب اخبار ابنك ايه ومنمونه العسله والشتا والجميل
انا كده دماغى هنجت حد يفكرنى بقا انا اسمى ايه

 

[كتكوتة كتكوتة]

بقى انتم هنا وانا فاكراه لسه مقفول طيب برضه هادخل انام وابقى اجيلكم تانى ان شاء الله
صباح الفل يا ام محمود منورة

هالة
ربنا يصبرك ويصبر والدتك ويرحم اخوكى وكل اموات المسلمين ويجعل مثواه الجنة

 

[habeba]

صباااح الفل على الكل

هى فتحت
كويس بسرعه المرة ديه

هاله القمر
ربنا يصبرك و يصبر ماما يارب وينسيها
وربنا يرحمه يارب و يجمعكم فى الأخرة فى الفردوس الأعلى بالجنه يارب ونكون معاكم

أم هجورة
ربنا يستر ومعملهاش قبل ماما ماتيجى
حروح للدكتورة النهارده إن شاء الله اصلى مش مظبطه قوووى
و إن شاء الله ادعى لكم كلكم يارب

أم محمود
صباحك فل يا ست المديرة
ايه اخر أخبارتك؟؟؟

كل البنات وحشتووونى

 

[ام محمود]

حبيبه شيفاكى منوره يا قمر عامله ايه واخبار حبظلم ايه هو انتى شوفتى نوعه ولا لاء معلش على ما فوقت من الغيبوبة هههههههههه

 

[ام محمود]

الحمد لله يا حبيبه اخر اخبارى ان الشغل بدل ما يهدى زاد مدير المخازن قدم استقاله ومشى وطبعا بحكم ان شغلى مرتبط بالمخزن فطبعا المدير العام قالى معلش يا رشا بصى بصه على المخازن مع الاستاذ اشرف عشان هو جديد وميعرفش حاجه لحد ما نجيب مدير مخازن ههههههههههههههه شوية شوية رئيس مجلس الادارة يستقيل واقعد مكانه ههههههههههههههههههههههههههههههههههههههههه اصل عندنا بيوفروا العماله وانا بصراحه عشان عارفه ان مفيش مكان تانى ممكن يقبلنى وطبعا عشان النقاب فرضيه بالى انا فيه وساكته بس وحياتكم هما اقدامهم معايا شهر بكتيره اول ما يخلص شهر يناير ومجبوش مدير هشيل ايدى منها بلا وجع دماغ ههههههههههههه

 

[اعماق البحر]

صبااااح الفل على حبيبه و ام حوده

 

[كلبوزه هانم]

السلام عليكم

وحشتونى ............الورده الحالمه حبيبتى ربنا يرحم جدك ويسكنه فسيح جناته معلش حبيبتى كلنا حنموت ربنا يصبرك ياوردتى ياحبيبتى

سما البقاء لله فى مين معرفش بس حبيتاعزيك حبيبتى ربنا يصبركم يارب



يارب انتقم من اسرائيل فانهم لا يعجزونك ياارحم الراحمين ........بجد انا بطلت اشوف الاخبار نفسيتى تعبت على الاخر
يارب وحد صفوف المسلمين ولم شملهم

 

[habeba]

عائلتان فلسطينيتان من غزة تناشدان من أجل فك حصار قوات الاحتلال لهما
[ 10/01/2009 - 10:15 ص ]

غزة - المركز الفلسطيني للإعلام​

وجهت عائلتان فلسطينيتان من قطاع غزة، تحاصرهما قوات الاحتلال في بيوتهم منذ أسبوع، مناشدة للجنة الدولية للصليب الأحمر والمنظمات الدولية بالعمل على إخراجهم من منازلهم في أطراف مدينة غزة.
وقالت عائلة المواطن سلامة الوحيدي والتي تقطن في بلدة المغراقة، أن قوات الاحتلال تحتجزهم في غرفة واحدة منذ أسبوع دون ماء أو كهرباء وتمنعهم من التحرك في تلك المنطقة، معربين عن خشيتهم أن يموتوا وأطفالهم عطشاً.
كما وجهت عائلة المواطن عطية أبو عيسى المكونة من عشرة أشخاص من قرية جحر الديك، مناشدة مماثلة من أجل إجلائهم من منطقة سكناهم التي تسيطر عليها قوات الاحتلال منذ أسبوع.

 

[habeba]

حبيبه شيفاكى منوره يا قمر عامله ايه واخبار حبظلم ايه هو انتى شوفتى نوعه ولا لاء معلش على ما فوقت من الغيبوبة هههههههههه

الحمدلله يا أم محمود
حلوة شفتى نوعه هههههه
على ما بيقولوا ولد إن شاء الله
ربنا يكرمك يا بنتى ده وجع دماغ اللى انتى فيه
ربنا يقويكى