ساعدوني ابي حل

[عطرنانا]

ساعدوني ابي كذا حل

 

[i can do]

..الله يكون في عونك .. حاولي تكلمينه بالمسن من دون نقاشات ..
بس سلام .. وكذا ..
ومع الوقت ان شاء الله بترجع المياه لمجاريها ..

 

[ج َــوًآنُــآ]

الله يخليكم لبعض ويسخره لك يااارب ويحنن قلبه عليك

 

[سنكرس]

حبيبتي
مادام قال تعالوا شيلوا أغراضها خلاص لاترمين نفسك عليه ، اتركي كل شي بيد رب العالمين وماتدرين وين الخيرة فيه ،ودائماً إسألي الله أنه يكتب لك اللي فيه مصلحتك وخيرك في الدنيا والآخرة، وعليك بالصبر (إنّما يوفّى الصابرون أجرهم بغير حساب).

 

[عطرنانا]

يابنات دقيت على امه وتقول الولد تعبان مررررررة وهو يقرى ويعالج نفسه والدوام معد يداوم الحين مدري وشفيه اخاف فيه حسد

 

[أم حميدة]

أختي العزيزة :
لا تستعجلي في قراراتك ،
أنت مازلت جديدة ، تحتاجين سنتين أو ثلاث أو خمس لتدرسي شخصية زوجك ، وإلى أن تفهميه جيدا ،،وتتأقلمي معه
ولا تدخلي أهلك ولا أهله في مشاكلك هذه ،، وحلي مشاكلك بينكم ، ادعي الله واستعيني بالله وافهميه ، وعامليه بأنه طفلك الصغير فأعطيه من الحنان والاهتمام وإن لم يهتم بك ،، خلي الأخلاق الحلوة كلها منك ،،
وتذكري أن زوجك هو جنتك ونارك كما جاء في الحديث ،،
لذا عليك أن تكوني حضنه الذي يدفيه ، وتعينه على متاعب الحياة ، وتواسيه ،، لا تجيبي له النكد ،، وانظري إلى إيجابياته وأسعدي نفسك بها ولا تنظري إلأى الجوانب السيئة في شخصيته ، وتذكري عليك بحفظ أسراره وكلها وكل شيء يفعله معك عليك بكتمه لأن الله يحاسبك عليبها ويأخذ من حسناتك بقدر ما نشرت من أموركم التي بينكم ،،
وكوني له غطاءه ولحافه ،، احفظيه
وارجعي له بسرعة ولا تثقلي ، إذا رجعك بأي طريقة ،،
أهم شيء أنت لا تطلعين من بيتك حتى لو قال لك اخرجي ،، لأنك بهذه الطريقة تهدمين حياتك ،،،

واذا عصب عليك أريدك أن تقرئي هذا :
http://www.niswh.com/vb/showthread.php?t=247728

 

[عطرنانا]

كيف ياام حميدة هل اكلمه بنفسه والمشكله انه قال لاخوي خلوها تاخذ اغراضها وماادري كيف اتصرف وامه تقوله لاتستعجل في القرار الطلاق وبعدين لوكلمته يمكن مايعطيني وجه واهلي لو دروا بيذبحوني وبيقولون لي انتي تهينين نفسك بس واله لو يدق هو كان يريحني والله

 

[عطرنانا]

عطوني ادعيه تصد عنه فكرة الطلاق ويصرف نظره عنه ويتغير علي

 

[عطرنانا]

ماتوقعت انكم ماتردون علي وانا بحاجه لكم

 

[my first love]

الله يكون بعونك اختي ويفرجه لك كثري من الاستغفار والدعاء

 

[عطرنانا]

زعلت منكم كلكم

 

[محبة مكة]

لا لا انتي لا تكلميه

خلي الاهل هم اللي يكلموا

 

[باسقة]

حبيبتي الله يكون في عونك والله حاسين فيك..
بس انتي تقولي انه تعبان مرة .. وقبل كان يقرا يعني وضعه مو طبيبعي .. وانتي خلاص الحين وداك هو بنفسه لأهلك .. وبعد قلتي انه قال لأخوك خليها تشيل اغراضها..
يعني ياقلبي والله ما ابي اضيق صدرك بس تصرفاته تدل انه خلاص مو مرتاح..
بس الحمدلله عنده ام واعية وقالت له مايعجل الطلاق .. يعني ان شاء الله مازال فيه أمل.. وانتي مابيدك الحين الا تتوضي وتجلسين في سجادتك وترفعين ايديك للي مايخيب داعيه.. وتدعين ان ربي يكتب لكم الخيرة ويرضييييييكم فيها.. وان الله يشفيه ويرده احسن من الاول اذا في ردته خيره لك.. او يمسح مودته من قلبك ويرزقك خير منها اذا الخيرة في فراقكم ..
وكثثثثثثثثري من الاستغفار ..
وحلو لو تفهمين اهلك انه مريض ومحتاج مساعدة واحد ياقف معه..ولو سمحوا لك تسلمي عليه وتدعي له وتشوفي نظرته الحقيقية بحياتكم في المستقبل .. عشان ماتتعلقين بسرااب ..
واذا ماسمحوا لك مالك الا الدعاء والتواصل مع أمه بحدوود حتى ماتبيني انك رامية نفسك عليه لهالدرجة..
والله يفرج همك يــــــــــارب..
طمنينا عنك..

 

[ياغيابه]

حبيبتي المويا المقري لزوجكـ ؟؟

اللي فيهم سحر او مس او عين مايحبو الرقيه كثير عشان كذا خلي كل المويا اللي تشربونها في البيت رقيه مثلا موية البراده او الترمس او العصير كله ماء رقيه ولا يعرف ..

والكلام اللي قاله بالسياره صدقيني غصب عنه كانه بلا وعي وهو مبتلاء بنفس او عين على ماقلتي عادي عطيه وقته وبالنسبه للمسنجر لاتتكلمي بس ارسلي له اختصارات ورده بوسه مثلا بيت شعر بس حسكـ عينكـ تعاتبيه ع الكلام او المشاكل اللي عدت ابدي من الصفر وكانكـ لسى في الملكه ولو جاب طاري المشاكل قولي انا مو معصومه بس طول ما فيه حب قادرين نتحمل خطايانا ونعفي ونصفح وانت الكبير وقلبكـ اكبر ..

خليكـ رومااااااااااااااااااااانتكـ

​

 

[M!ss Heart]

الله يفرج لج همج,,,,


ويسوي لج اللي فيه الخير ,,, ويهدي زوجج ويحنن قلبه



:
.

 

[عطرنانا]

يابنا ت قعدت 5 ايام ولاشفت احد تحرك مع العلم جالسه عند اهلي شهرين واسبوع وهوساكت واهله وانا بطق منهم واهله اللي باردين يقولون اصبري وهم ماتحركواولا كلموا ولدهم وابوة مايدري عنه ودي اكلمه واقوله لانه مايزورة دايما وامه تدري عنه لان امه وابوة منفصلين وكل واحد متزوج وهو بينهم ومايعطونه اعتبار واخوي يقول ودي ادبه

 

[عطرنانا]

يابنات انا تطلقت الحين وامه وابوة مايدرون انه طلقني

 

[عطرنانا]

حلفت لي امه انها ماتدري عنه والولد مهب طبيعي يطلقك بها لسهوله

 

[باسقة]

استغفر الله .. طلقك .. خلاص حبيبتي لاتضيقي صدرك..انتي اللي عليكي سويتيه وبذلتي الاسباب ... يعني يمكن انها الخيرة .. والله حاااااااسة فيك بس برضو لاتنسي انه مريض وضروري يتعالج لأنك لو كنتي رجعتي له كان يمكن ماراح يتحسن الوضع..
حتى يا اختي بعد الطلاق لا تيأسي من رحمة ربك هو الوحيد اللي عالم بحجم معاناتك .. صلي وادعي وألحححححححححي بالدعاء لعل الله يعجل لكي بالفرج اما شفاؤه ورجعته لك او ابداله بخير منه ..وكمان لاتهملي كثرررررررة الاستغفار ففيها الفرج بإذن الله
مع خاااااااااالص دعواتي لك بالتوفيق..

 

[اناالدلوعه]

خلي الموضوع مثل ماقالو البنات ولاتكلمينه ولا حاجه بس اكثري من الدعاء والاستغفار واقراء سورة البقره وعليكي بقيام الليل وصدقيني مادام الله معك وامه وابوه معك الله مارح يتركك وبيرجعلك والله يوفقك ويفرج همك اللهم ااااااامين