ساعدوني ابي حل

[عطرنانا]

انا شادة فيكم الظهر انا متزوجه من 6شهور وانا الحين في بيت اهلي من شهر ونص والمشكله تخاصمنا على شي تافهه المهم قبل مايوديني شايف قارورة مويه مقري فيها وانا ماقلت له لان امه طلبت مني كذا وهوشافها بالصدفه لان اذا جت زيارتي لاهلي يقعد يتزعل او يسوي مشكله عشان مايخليني اروح لاهلي مع العلم اني مااروح الايوم في الاسبوع ومستكثر علي هالروحه المهم تجادلنا بالسيارة وقالي كلام اول مرة يقولهالي انا خلاص الله يستر عليك ويرزقك مع واحد ثاني وانا خلاص مااصلحلك وخلينا نختمها على خير وكل واحد يذكر الثاني بالخير وانا ساكته لاني انصدمت من كلامه ومعد قدرت وش اقول وهوسكت ونزلت من السيارة على بيت اهلي لانه هو موصلني ونزلت من هنا كلمت اخوي وقلت له السالفه كلها له وسكرها من هنا دق اخوي عليه وهو مقفل جواله المهم ماعمري قصرت في حقه وحق اهله ولاعمري مسيتهم بكلمه وهم يشهدون علي وكلمت امه لانا مرسه علم نفس واحس انها تفهم في هالامور وبعدين امه وابوه منفصلين من ولدته وهو عند ابوة وامه ماتدري عنه الايوم كبر وانا احس انه فاقد حنان كبير وهوكان يقولي حطيني في حضنك وكانه مثل البزر في تصرفاته والمهم حتى امه تساله وينها يقولها عند اهلها والى الان ماقال لامه عن زعلنا لانه مايتكلم معها الا رسمي مثل وين رحتو او من بجيكم بس وامه بين فترة وفترة تساله عني وش فيكم متزاعلين وهومايرد عليها وما ادري هو يفكر بالطلاق والالاولو فكر كان قال لاهله انه مايبيني وانتم وش رايكم وحتى اهله من ابوه يسالونه ويقولهم دواعليها واسالوها وش قصدة وهم يبغونها يقول وهو مانطق ولا بكلمه وش السوات مع العلم كل يوم عالمسن فاتحه وانا فاتحته وابيه يتكلم ووانا مطنشته ولاكلمته وانا اخاف نيته هالسكوت شي شين والله اني مااخلي صلاة الليل ان الله يردة لي ويحنن قلبة علي وادعولي بنات ان الله يحل مشكلتنا والمشكله اذا سولفت عالمسن رجعنا للمشاكل وهومتقلب يومين حلو والباقي هواش وزعل وهو اول فيه نفس واهله قروا عليه وتمكنوا منه وقبل ماياخذني كانت امه تقولي

 

[ماينلام من حبك]

ياقلبو خلي السالفه على ماهي عليه لين يمل ويتكلم وانتي خليكي ساكته لا تغلطين بشيء
واعتبري قعدتك انتي عند اهلك من صالحك كانك تتسلين وتغيرين جو وخليك على الصلاه والاستغفار وصدقيني رح يرجعلك كذا من حاله لان بالعاده هذولا الي فاقدين الحنان مايصدقون يحصلون حد يحتويهم بعدين زين ماقلتي ولا كلمه يوم قلك شوفي نصيبك مع حد ثاني لانو رح يندم وكان وده انك تترجينه لكنك شاااااطره واكثري الاستغفار
ولا تكلمينه وانتي داخله عالمسن وربي يوفقك ويفرج همك

 

[نجوم نص اليل]

من رايي خلي الامور على ماهي عليه ولا تتكلمي معاه وخلي واحد من اخوانك يكون مقرب منه يكلمه ويعرف السبب منه انا حاسه انه من الناس الي يهول الموضوع ويكبره لو هومايستاهل وهانوعيه تكون حسااااسه للغايه صح اولا

 

[عطرنانا]

الله يخليكم لي ولايحرمني منكم وهوكان مطلق سابقا وانا اخذته بنت والله وش حلوة معي بس اكثر مشاكلنا بالاشهر الاخيرة والله فاقدته

 

[مناوووي]

كل الكلام اللي قاله لك بالسياره يدل على انه يبيك تترجيه يعني كلامه مو من قلب انتي لاتكلميه ابدا استغلي هالوقت والجاي الى الله لحد مايجي هو ويطلب مقابلتك واذاطالت المده خلي اخوك يكلمه

 

[زوجه مؤدبه]

رددي لاحول ولاقوة الا بالله قد ماتقدرين .. وحسبنا الله ونعم الوكيل الله يفرجلك ويفرجلي يارب .

 

[الزوجه الاولى]

الله يكون في عونج وكلي امرج لى الله ولازم اهلج يدخلون ويشوفون لهم حل معاه اذا بداية حياتج معاه جذيه عيل اشراح يسوي بعد كم سنه

 

[عطرنانا]

والله يابنات مليت واحس كل ماطالت المساله تتعقد علي وامس كلمتني امه تقولي انه كلمته و يقول خلاص طيب يعني مافيه جواب يريحني وقالت له ترى يبغالك قرايه وناظر نفسك وهو ساكت وبنت الناس مافيها شي ودق اخوي على اختي بس يتطمن علي ويسال هو دق وامه دقت بس يستفسر

 

[عطرنانا]

وهوموجود عالمسن يوميا فاتحه مع ان ودي اكلمه بس اخاف نذكر لمشاكلنا ونرجع زي اول

 

[basbosa m]

ربى يهديلك جوزك
وترجعى بيتك عاجلا غير اجلا

 

[عطرنانا]

يابنات كلمت استشاريه نفسيه وشخصت حاله زوجي لها وانشا الله بتلرد علي وتقولي عرفت حالته وراح استشير اخصائي وبينا تلفون وشرايكم حسيت ان الله فرجلي واخوي يقول له مهله اسبوع واشوف عنه

 

[عطرنانا]

يابنات كلمه اخوي اليوم وتكلم معه بالطيب لكن ماتوقعته كذا يقول لاخوي خل الاهل يجون يشيلون اغراضها كلها

 

[عطرنانا]

بنات اليوم راحوا اهلي يشيلون اغراضي كلها وامه مادقت تتعذر وكانها داريه عن ولدها والله ضايق صدري وشكله متهاوش ويا اخوي ودق علينا اخوي يقول روحوا شيلوا اغراضها واخوي ماخلاه غسل شراعه وهد فيه بالكلام

 

[ANGE]

والله حاسه فيك ياعمري ربي مايخيب رجاك فيه وعسى ان تكرهوا شيئا وهو خير لكم قوي صلتك بالله وخلي ذكره على لسانك وحاولي تطلعين تغيرين جو وان شاء الله ربي يكتب اللي فيه الخير

 

[عطرنانا]

وش رايكم ادق على امه وابوة ويشوفون حل مع ولدهم لانها وصلت لخروج اغراضي كلها من البيت لان امه وابوة منفصلين وكل واحد متكل على الثاني وامه لها اخو شيخ وودي اكلمها عشان تكلم اخوها والمشكله من حطني عند اهلي ماعاد داوم وله شهرين ماراح للدوام والله خايفه عليه لاني اموت فيه وكنت قبل الزعل بيوم نايمين بحضن بعض و

 

[عطرنانا]

وانا لل حظت متغير علي في الشهرين الاخيرة وكان عصبي واي شي اسويه يدور مشكله ويتزعل ومدري وش فيه حتى طلعاته كثييييييييييرة ومايجي الاالفجر وهذا اللي مضيق صدرة وانا ماقهرني الا يوم قال لخوي خلاص شيلوا اغراضه وبس

 

[بيرو العمودي]

ما انصحك تدقي على احد من اهله لانه قال لي اهلك شيلو اغراضها
يمكن اهلك يتفاهمو مع اهله
اما انتي خليكي بعيده ​

 

[عطرنانا]

وينكم وين الردود

 

[زوجةاسير]

اسال الله ان يجمع شملك به عاجلا غير اجل وان يحنن قلبه عليك

 

[نظرت المستقبل]

ليه ما تخليه يجي وتجلسي بهدوء تتكلمي معاه وتشوفي هو ايش يبغى وحطي النقط على الحروف لسه دوبكم في بداية الطريق