يابنات انا والله مااحبه هالجوال ولا احب اصير ادمان مثله والله اضحك عليه مره جالسه اقهوي خالته وهو مادرى عنا بس ساكت معه هالجوال احس تقول خالته وش قلت الادب جاي عندي ومدمج مع الجوال
اليوم انا ساكته كاتمه قبل ساعه تقريبآ يوم خلاص انفجرت قلت انت عايش على هالجوال 24 ساعه عليه ماتحترمني انت تراني زوجتك مو خدامه عندك ونزلت كم دمعه
قال ايه ازين من اللي نايمه اليوم ولا عبرتني
هو كذاب قبل كنت اذا قام اقوم معه والله مايعطيني اي اهتمام
بعدين مليت صرت اذا قام نمت وذا قمت نام حتى اليوم قمت العصر وهو بالمجلس ولا عطاني اي اهتمام
مادخل علي الا العشاء قال ابغى العشاء بعد الصلاة مباشره