زوجي والجوال

[ام لــودي]

طيب الحين هو نايم من الساعه وحده والحين الساعه 5 وربع
وانا الحين مافيني النوم يعني تقريبأبعد ساعه انام اول ماانام هو يصحى
طيب كيف اعدل نوم واخليه معه عشان مايقول انت ماتبيني عشان كذا معي البلاك
يارب ساعدني

 

[كل من حولي يغار]

طنشيه ولاتبيني انك مهتمـــــه فيه

واطلبي منه بلاك بيري ..؟؟؟ شوفي وش يقولك ؟؟ شنو ردة فعله لما تطلبينه ؟؟؟؟

والله يصبررر قلبك ع اللي عندك

 

[كل من حولي يغار]

واذا ع تعديل نومك حاولي انك لما تنامين تصحين قبل ماتشبعين نوووووم

ولا جاء ينام نومي معه ..

 

[ياربي انصرني]

الله يعينك ---والله اني كرهت البلاك بيري ---من كثر ماشوفه مشغل الناس عن ذكر ربي --- تلاقينهم بعد سنه كل واحد فيه تقوس في الظهر وبيصير احدب وبيقل شوفه من كثر ماهو منكب عليه ---اعوذ بالله000

 

[عاشقة الريان]

اهلين ام لودي
حبيبتي لاتكدرين خاطرك ترى انا مثلك طول يومه يطالع في الجوال وانا ساكنه في بلد بعيد عن اهلي ومااعرف احد في هذا البلد وربي مارزقني اطفال
يعني مالي الا الله ثم هو وازيد على مشكلتك انه مستحيل يخلي الجوال مفتوح او يعلمني الرقم السري ومليت من كثر ما ازعل واعاتبه وحاولت بكل الطرق الي تتوقعينها ولكن لاجدوى​

 

[إن شاء الله خير]

الله يعينا عليهم بس ومنهم حتى لو اعترف وحاسس نفسه غلطان إلا يكابر ويعاند ويكمل خيانات

الله يعينا ويصبرنا يا رب

والله دموعنا غالية عليهم يا قلبي لا تبكي ولا تحرقي أعصابك خليك كووووول واهتمي بنفسك وطنشي محادثاته وبنفس الوقت حاولي تتقربي منه يالكلام وارسليله صورك مثل ما بنات الحرام يسون معه يمكن يحس على دمه


الله يسخر أزواجنا لنا يا رب
أحبكن ف الله

 

[بووسي]

الله يهدي وانتي لاتكثري شك دامك ما تاكدتي
الله يحفظه لك
بس حبايبي زوجي جاب اتنين بلاك بري لي وله
بس فعل الخدمة عنده ما فعلها عندي وش قصدوو

 

[ام بنوتة]

الله يهدي الرجال ماادري ايشفيهم استخفو الحمدالله على كل حال

 

[وحده من الخلق]

الله يكون بعوووونك ياقلبي

 

[&شوكليت&]

الله يهون عليك اللزقي فيه وخليك حلوة و تعطري ودلعيه و قدميله عصير وأشياء حلوة و سولفي بكل براءة ولا كأنه يسوي شيء خطاء لانه يا عزيزتي من أمن العقاب اساء الأدب
ولا تحسسينه انك حاسه بشي خطاء
وممكن بكل براءة حريم تضيعين شاحن البلاك بيري و إذا مرة مصخها خلي ولدك الله لا يحرمك منه ومن شقاوته يحطه بكوب موي أو حتى يضيع الجهاز بكبره وانت ما شفتي شيء وانتبهي تسوين هذي الخطط وانت مبينتله ان الجهاز مضايقك لانك رح تكونين المتهم الأول والأخير
بس اتذكري ايام زواجك وكيف كانت حركاتك معه وعيديه على شوش شوي لا تفجعينه ولا تنشغلين عنه و لو بتروحين مكان في البيت طبعا قوليله خل الولد عندك لا يحرقه الشاهي ومن هذا القبيل
ان سفهتيه فهو بيبوس راسك على هذا الجميل اللي سويتيه و يمكن يجيبلك هديه لانك وفرتيله جو رايق
بس زي ما قلتلك خليك ظله بس على خفه وحلاوة....
والله يقويك

 

[انا مميزة]

حبيبتي اسمعي نصيحة الاخت اللي قالت لك البسي له زين وتعطري انصحكي تبينين له كل شيء حلو فيكي كوني ذكية اغريه بشتى الوسائل لا تخليه يروح لغيرك قدمي له الشيء اللي هو يدوره برة ومو لاقيه عندك فاهمة عليه يعني اغراء كامل سواء من الناحية العاطفية او الجنسية خليكي رومانسية وقولي له كلام حلو حسسيه انك تحبيه وهو رايح يبطل هالسوالف وحاولي توقفين حمل وولادة الين تنصلح اموركم وتكسبي زوجك بصفك

 

[انا هي]

والله ماطلع بخير
زوجي منجن يبي يشتريه

 

[تحيه لوطني]

الله يكون في عونك .. ادعي له ربي يهديه ويبعده هن هالبلا

 

[بداري5]

الله يصلح مابينكم
يااااااااااارب يااااااااارب يااااااارب
انك تهدي زوج ام لودي ويترك الخرابيط

 

[وجدان الأحمدي]

حبيبتي فتره وتعدي يارب

 

[ام لــودي]

الله يجزاكم خير خواتي قسم بالله خانقتني العبره من شفت ردودكم استانست
ووسعة صدري

 

[لمعة أمل]

يا حبيبتي انتي اذا انك بديتي تهمليه بتخليه يلاقي عليك حجه انك صرتي مهمله معاه
انصحك انك ما تهملينه حتى لو جاء منه هو تقصير حاولي انك تكسبيه في صفك حاولي معاه انك تشوفي وش قاعد يسوي عليه يعني قوليله مثلا خليني اشوف السوالف معاك وقولي انك ما راح تزعلي عادي انتي تبغيه يتسلى علشان يصير يسولف قدامك وتشوفي ايش يسوي قدام عيونك احسن من انه يسولف من وراك وانتي تقعدي تحرقي في اعصابك
ترا الدنيا يبغالها صبر وحكمة وهو اذا شافك انك بتصير تجلسي معها وتهتمي بنفس اهتماماته وانك مو متضايقه من الشي اللي بيسويه صدقيني هو بنفسه راح يسيب كل شي لانه فتره وراح يمل منها بس اهم شي تكوني انتي معاه دايما
ولا تحسسيه انك متضايقه علشان يعطيك الامان
والله يهديه لك ويسعدكم مع بعض يارب​

 

[مفـــاهيم الغلا]

الله يفرج هم كل مهمومه ويسخر لكل زوجه زوجها ويجعلها قرة عين له ويحفظ أزواجنا من الفتن والمعاصي ماظهر منها وما بطن ....آميـــــــــــــــن يارب

 

[ام لــودي]

انا قسم بالله اني اجلس اقابل الجدران وهو والله ماهمه يجلس على البلاك مادرى عني
وانا اموووت قهر الى درجة اذا نام معي اول مايخلص يمسك الجوال وانا طفشة صرت اقوله انا مااحب انك تنام معي ملييت منه

 

[أم وريف11]

الله يصبرك ويصبرنا والله ماندري وش نلاحق عيالنا ولا ابونهم المرهقين؟؟؟؟؟؟؟؟؟؟