زوجي الخائن ومقطع الفيديو الذي يغني ويتمايل فيه مع امرأة أجنبية في الخارج !!

[نسايم ربيع]

اهم شي لااتجيبين عيال حتى اتشوفي وضعك معاه

 

[فاطمة ام محمد]

الي جابه اجيب غيره والله مراح تنسين حتى في نومك راح تنسين الي حولك والله العظيم اتركيه نصيح

 

[اريز]

الله يهون عليك يااختي بس بصراحة افضل شي روحي لناس مختصين

 

[رقيقة الحس]

حبيبتي استخيري واستشيري.. فلا خاب من استخار ولاندم من استشار ..ولا تستعجلي قبل ذلك ..واكثري من الدعاء والالتجاء لله وخاصة الثلث الأخير من الليل ..فلا تدري ربما تكون هدايته على يدك ..وتحدثي دائما معه برقة وحنية فالأسلوب الرقيق مهم في جلبه لصالحك وجذبه عن طريق السوء.. هداه الله وأصلح قلبه .. ​

 

[blqees2009]

جزاكم الله خيرا أخواتي على نصائحكم ..

ومقطع الفيديو كان قبل زواجنا تقريبا بخمس شهور

والرسائل بعد الزواج ..
​

 

[توما]

اله يعييييييييينك من جد
إذا هذه اولها شنو تاليها؟؟؟؟؟


الطلاق احسن احل بحالتك

 

[gamoool]

الحمد الله الذي عافانا مما ابتلاكم به
بالفعل الشخص لما يشوف مصايب غيره تهون عليه مصيبته
والله انكم تكسرون الخاطر يعني هذي فتحت الموضوع وكم وحدة اطرقت تشتكي
وادعو الله ان يفرج همكم
ولكن عليكم بالتحاكم لرجلين حكيمين من عائلتكما ليتمكنا من حل المشكلة او الذهاب
لمركز استشاري وبالفعل احذري من الحمل في هذه الفترة
حتى لاتندمي حين لا ينفع الندم
اللهم ازل همها واغفر ذنبها ورد زوجها اليك ردا جميلا

 

[معلمة نيرس]

اللهم أصلح لهازوجها ورده إليها ردا جميلا......أختي الكريمة عليك بالإستغفار والله لكانت تنشب بيني وبين زوجي نشايب أقول ألحين بيطلق وأستغفر وأستغفر أجعله كنفسي أو أسرع وما أشوف إلا وهو داخل يبتسم وأقول في نفسي سبحااااااانك يا الله يا من قلوب العباد بين أصابعك تقلبها كيف تشاء......

 

[انا اعترض]

ابغي اقول لج تطلقي اشتبين منه .. بس انتي ما حاولتي تصلحينه ؟؟ يعني بس صبرتي والصبر لوحده ما يفيد لازم شي فعال وملموس . لا احد كلمه ولا انتي كلمتيه ؟!!

وابغي اقول لج اقعدي اصلحيه واصبري وحاولي تدورين على طرق تبعده عن الحرام وتقربه من رب العالمين . بس اخاف ان هالانسان ماراح يتعدل ..

لذا اقول لج اذا انتي مصممه على الطلاق استخيري الله وقومي بالليل صلي وادعي وان كان خير لج الطلاق او خير لج انج تتمين معاه فربي العالم والمسهل . الله يعينج اختي .

 

[love4life]

اطلعي منها يوم انج ما عندج عيال .. آخرتها بييب الايدز عافانا الله وإياكم

ولا تكوني كوالدتي التي اكتشفت بعد 30 سنة ان الـ 30 سنة اللي فاتت كان زوجها نفس زوجج .. اطلعي منها يا بنت الحلال .. الا اذات تاب توبة نصوحه

 

[Ms.Cute]

هالاشكال ما ينفع وياها الكلام انا لو منج اول ما اشوف الفيديو اطلع من البيت
بعدين يوم عرف انك شفتي موبايله الموفروض يجي يكلمج ويبرر اظن انه مو هامنه
اقولج من الحين دام ما عندج منه عيال انكم تنفصلون احس وصدقيني الله بيعوظج باللي احسن منه

 

[يحق لك]

ايتغفر الله العظيم الحليم

 

[يحق لك]

استغفر الله العظيم الحليم

 

[أنشودة الحب]

مافيه رجال في الكون بستاهل اني اتحمله وتعب نفستي عشانه حبيبتي اهم شي نفسيتك ليه تفضلين طول الوقت مقهوره وماتفكرين الا فيه خلاص اطلقي منه تعب كم يوم بسب الطلاق ولاتعب طول العمر من خيانة رجال مايستاهل وبعد ماشفتي منه شي زين يخليكي تصبرين عليه وتغفرين له اخطائه على حساب نفسك استغفر الله

 

[سـمــر]

مدري انا حلي متسرع لا شلون..صراحة انعمى عقلي عن التفكير..
اغلي من جوا
لكن جربي تلمحين له انك بتطلبين الطلاق وانه لو هو خطب وجو اهل زوجته يسألونك عن سبب الطلاق انك بتقولين لهم عن قلة حياه وي ما بقلبه ايمان ولا حيا ولا ضمير
بالله اش يحترم هذا
اهنيك هاى صبرك وقوة تحملك

 

[شنكوته العسل]

الله يهون عليكي والله احساس الخيانه شي مو هين بس اهم شي دحين انك تنتبهي من سالفة الحمل لازم تاخذي مانع عشان تاخذي وقت تفكري وتقرري صح 000 وانا اشوف تعطي نفسك فرصه مع قيام الليل والدعاء والصدقه بنية هداية الزوج لو طفح الكيل معاكي ومااتعدل لاتتاخري في طلب الانفصال لانو مايستاهل تضيعي عمرك معاه 000 وياريت ياجماعه الواحد يسال مضبوط عن الخطيب قبل ماتطيح الفاس في الراس

 

[ترى هونت]

حبيبتي حاسه فيك ياقلبي ..الامر صعب ومو سهل ..بس ادرسي وضعك اولا...هل انتي قادرة على العيش مطلقة ؟؟هل ضروف اهلك مناسبة لكي الان .
ثانيا:اجتمعي معاه وانتي نيتك الاصلاح وتجملي وتحدثي معه عن اسباب فعلته بس بدون لوم لانك خايفه عليه وتحبين تساعدينه ..
وخذي كلامه برحابه صدر واتركيه فترة يفكر بكلامك وبدون زعل بينكم او شد
ثالثا: اذا طنش ولا فيه اي ردود فعل ايجابية
اجلسي معاه جلسه فيها الكثير من الجديه وقولي له: صحيح انت مهم عندي واحبك بس انا احب نفسي اكثر وما ارضى لها هذا الوضع الله يسهل لك امرك وخلني اعيش بسلام بعدك وانت تاخذ راحتك . وقولي له انا بعد اسبوع بطلع لبيت اهلي ولا راح تشوفني بعدها ..
واذا الرجال ما اهتز ولا عنده نيه
اتركيه فانتي الكسبانه . حبيبتي هذي المواقف صعبه بس انتي مشاء الله عليك قوية طمنينا عليك...

 

[استغفر الله&]

اختي بصراحة ما اؤيد الي قالو طلاق
الظاهر من زواجكم انه تقليدي جداا يعني ما تعرفو بعض لا من قريب او بعيد
يعني الطيش الي هو فيه الان عادي لانه قبل زواجك اكيد كان بهالطريق
عزيزتي دورك انتي الان في تغييره
صعب جدا عليك بالبداية لانك كنتي تتخيلي شيء ولقيتي شيء ثاني غر متوقع
طيب هاذا نصيبك ولازم ترضي بيه لانك اخترتي وخلاص
انتي الان بيدك شخص تقدري تصنعيه م جديد شخص ما يعرف الصح من الخطا
انا ما كنت اعرف المنتدى لكن فيه كثير مواضيع تساعدك جداا
انا ما اقلك غيري نفسك لا لسبب بسيط ان زوجك ما يعرفك حتى يبعد عنك ويخونك
انتي دورك وبكل اختصار عبري عن نفسك بصدق من خلال افعالك واقوالك ومن الداخل والمظهر الخارجي
وشوفي هو رايه
طيب تخيلي ان الي شفتيه معاها زوجته الثانية وانتي تعرفي انه متزوجها
طيب لو هو سعيد معاها اكيد راح يرقصو من الفرح هاذا اكيد لكن انتي ما راح تشوفي او يصورلك نفسه يقولك شوفي نفس الشيء تخيلي ان هذيك ضرتك وانتي تعرفيها ودورك انك تخلي شي مميز فيك انتي يخليه يبعد عنها وينتبه لك وهاذا يكون بطريقة وعيك بالامور وصبرك وتطنيشك في بعض الاحيان وتابعي المواضيع الثانية بالمنتدى شوفي هو ايش شخصيته وميولاته وجربي مالك خسرانة شيء احبيه تجديد بحياتك
فان حسيتي ان فيه تغيير ولو بسيط فاكيد التغيير الجذري بالطريق هاذا اكيييييييييد
وربي يوفقك

 

[rorona]

عزيزتي ...

أغلب الرجال عندهم هالشغلة تسلية ... ويمكن كانت سوالفه هذي قبل الزواج ويمكن يعقل عقب الزواج ... واجهيه وناقشيه بكل عقل وبكل ثقافة لا تصارخين وتتهاوشين ترا طبع الانسان يحب العناد والرجال يحب اللي تكلم بكل عقل ... وفهميه ان الحين صارت عندك زوجة ولازم تحترمها واللي كان قبل الزواج مومهم ... الاهم اللي بعد الزواج ... وحاولي تتقربين له وتهتمين فيه ترا الرجال يحب اللي تدلعه ...

واي شي انا حاضر والبنات بالمنتدى ماراح يقصرون ...​

 

[hhmm]

انا مع الاخت الي تقول اذا ما فيه اطفال تطلقي وش لك با الغثا تتعب نفسيك وتتبهذلين اذا جا ك اطفال يعوضك الله خير منه