زوجي الخائن ومقطع الفيديو الذي يغني ويتمايل فيه مع امرأة أجنبية في الخارج !!

[blqees2009]

السلام عليكم ..

آآآآآه بس ,, ما أدري من وين أبدأ ..

أنا ماصار لي متزوجة غير سنة وشهرين ..

واكتشفت ومن أول أسبوعين من زواجنا تخيلوا !!

إن زوجي ( الموقر ) له علاقة مع بنت يراسلها بالجوال والايميل

وبينهم محادثات ورسايل أستحي أذكر الكلام اللي فيها

لأنه كلام بمنتهى الوقاحة وقلة الأدب والحقارة ..

أستغفر الله العظيم .. إذا من أولها ومالنا أسبوعين جالس تخون

كيف بعدين .. إذا انشغلت أنا بالحياة والأطفال !!!

بياخذ راحته الأخ ويسوي مصايب الله أعلم بها ..



لما اكتشفت المحاثات أنا سكت قلت لا أظلم الرجال

يمكن الرسايل تجيه بالغلط

لكن لما فتحت الرسائل المرسلة كانت المصيبة

صبرت وقفلت على الموضوع لمدة 7 شهور وكأني ما أدري عن شي ..

علّمت أهلي .. وأيّدوا موقفي وقالوا اسكتي ولا تواجهينه ..

صبرت وصبرت إلى أن طفح الكيل

نفسيتي دمااااار .. صرت ما أستحمل أناظر وجه هالخاين

واكتشفت بعد انه مضيف بنات كثييييير بايميله غير هاللي دريت عنها ..



كرهته وكرهت اليوم اللي جمعني فيه

صرت ما أطيق أناظر وجهه ولا حتى أسمع صوتي

طول وقتي كان ذهني شارد بهالمصيبة اللي اكتشفتها

لين لاحظ التغير اللي فيني

سألني وش فيك ؟ قلت : مافيني شي

أصرّ إلا أقوله وش فيني

هنا انفجرت بالبكاء وقلت له ..

أخذ يلومني ويهاوشني , ويقول لي : أنت أصلا من سمح لك تفتشين بجوالي !!؟؟

طلع من البيت وخلاني ..

بالله شفتوا إنسان أحقر وأنذل من كذا !!

صرت الحين أنا الغلطانة



مرت الأيام والشهور , إلا أن اكتشفت الصاعقة والمصيبة قبل كم يوم

شفت له مقطع مع وحدة أجنبية إلهي ياخذ روحها وروحه , في دولة أجنبية

المكشوف من جسمها أكثر من المغطى

لابسة فستان قصير إلى نص الفخذ , عاري بدون أكمام طبعا وضيق ..

واقفين بجانب بعض ويغنون ويتمايلون والأخت تغمز له

والرجال أنواع الابتسامات ومتشقق من الفرح

الابتسامة من الأذن للأذن

ويغني معها مبسوط , طبعا الأغنية كلها غزل وحب



أنا هنا كل الصبر اللي فيني انفجر

حياتي مع هالآدمي لا تطااااااق

إنسان حقير تافه خاين , وش يصبرني عليه

وع وع وع وع ما عاد أبيه , قرفت منه

صرت أفكر جديا بالانفصال خصوصا إن ما عندنا أطفال , قلت لأمي : يمه خلاص ما عاد أبيه

قالت لي : اعقلي بس ش هالتفكير ..



حطوا نفسكم مكاني , خيانة من أول أسبوعين زواج , أجل وش ترك لبعدين !!؟؟

تفكيره سطحي وتااااافه , يحسب نفسه أحلى واحد بهالدنيا وان البنات ميتين عليه

شايف نفسه مرررررة ومغروووور

بالله هذا كيف بيربي عياله بكرى وهو بعقلية البزران هذي !!



ذهني مشتت , الصراحة ما ودي أحمل لقب مطلقة

وبنفس الوقت استحالة أعيش مع هالإنسان التافه الخاين ..

أكرهه بل أمقته ..










​

 

[sweet student]

الله يعينك على المصيبه اللي انتي فيها لانها فعلا مصيبه ماراح اجاملك

بس لحظه لا تفكرين في الطلاق الحين

كل زوجين لازم يمرون بمواقف في هالمرحله

انتي اجلسي معه وتفاهموا وان شاء الله تتوصلون لحل

هواكيد متعود على الخرابيط هذي من كان شاب عزابي

ان شاء الله مسالة وقت وبينحل كل شي انتي بس تصبري

وادعي ربك يهديه

الله يرده ردا جميلا لك

 

[قصر الأمل]

الله يفرجها عليك ويهونها من عنده

 

[كندر]

لا حول وولا قوة الا بالله اسئل الله في هذة الليله ان يقرب بينكم ويبعد كل مايؤذيكم ويعيشكم حياه سعيدة وهادئه وهانئه ويصلحه ويهديه اختي الجئي للدعاء ان الله لا ينسى احدا وربما هاذا اختبار لك لكن الله يريد منك الرجوع اليه والدعاء لزوجك ولن انساك من دعواتي لك ابدائي من اليوم في الدعاء والتقرب الى الله
ربي يسعدك يالغاليه

 

[amonh1]

الله يكون في عونك والله اول شي انصحك فيه ابداي في الستغفار بنيه صلاح الزوج اذا ماتبين الانفصال ثاني اذا اهلك ماساعدوك الجئي بعد الله الى المشايخ واستشيرهيم لان هذه خيانه يعني مصيبه و الله يعلم بعد الرقص شو حصل وانا مادخل اشك في قلبك ولا اقذفه بس شي معروف الله يكون في عونك ويخرجك من الهم الي انتي فيه واوصيك بدعاء والاستخاره

 

[نعومه كول]

لاحول ولاقوة الا بالله
انا اايدك على قرارك الانفصال افضل حل

 

[أم سعوودي]

افضل حل لة هو الانفصال خصوصا انة مابينكم اطفال هاذي نصيحتي لك ولو انا مكانك كان طلبت لانفصال من اول لية اتعب نفسيتي وهو ماهمة..................؟؟؟ تقبلي مروري

 

[مايصحش هالحتسي]

الله يهون عليك
بس لازم تجلسين معه وتتفاهمين وتحطين خطوط حمراء عشان مايتجاوزها ويعقل اما انه يتادب ويحترم نفسه ويحترمك ولاتسريح باحسن دام ماعندكم اطفال
الي هذا بدايته كذا ينعاف تاليه والله يعوضك

 

[السكره]

الطلاق ولا الخيانه ولا انه يجبلى مرض اتحسر طول عمرى

 

[مهرة زوجها]

فرج الله همك لكن؟؟؟؟؟؟لا تؤذي نفسك من اجله اجتمعي به وخليه يوضح لك لكن بهدوء يعني من اول اسبوعين يعني لم تلحقي على التقصير من ناحيته حتى يذهب لغيرك فسارعي بايجاد الحل الجدي لموضوعك قبل ان يصير عندك اطفال وهنا مشكلة اخرى

 

[كلمات مبدعة]

الله يفرج همك ويهونها عليكى

 

[الحُرّه]

اخذي المقطع بجوالج

وخلي امك وابوك يشوفونه


انسان مثل هالحقارة....مااستحمل اعيش معه


اعوذ بالله

 

[ورد الشوق]

الله يفرجها عليك وعلينا جميعا مالك الا الدعاء والاستغفار

 

[شخصية قيادية]

استخيري حبيبتي بكل شي تنوين تسوينه والله يكون بعونك

 

[واثقة بنفسي]

حبيبتي ضروري تستخيرين عن طريق صلاة الاستخاره
يعني الي شفتيه مو بسيط يرقص مع وحده اعوذ بالله
وبعدها شاوري احد حكيم بقرار الانفصال
وانا من رايي ان مثل هذا النوع صحبته خساره
وما يتحسف عليه
استغفر الله
ابو طبيع ما يتوب عن طبعه
يمكن يتأدب بس مو بعيده يرجع لطبعه
بعدها بتتعقد الامور خاصة اذا ارتبطتوا بأطفال

 

[حياتى بلا حنانك]

فرج الله همك

 

[وردة الحنون]

صلي الاستخره على الانفصال اذا ارتحتي انفصلي
كان الله بعونك
الحمدلله مادام فيه أطفال الامور أسهل بكثير وأحسن من بينكم أطفال
أهم شي اجمعي لك الادله من صور والفيديو
وخوذيهن معك
أخاف باكر يخليك معلقه
اذا رحتي لبيت أهلك
حتى تهددينه فيهن

روحي لبيت أهلك في الوقت الحالي
واسترخي واستخيري وفكري زين وبعدها اتخذي قرارك وخبريه عن كل الامور اللي شفتيها
وانك كرهتيه ولا تحملين واحد وصخ ونذل وحقير وخاين
ربه قبل زوجته ....
أسعدك الله بالدنيا والآخره ...

 

[άн»»мệйќ ะ..]

الله وأكبر على الرجال ما تملى عين وحده ولا تنتين ؟؟أفضلكـ تنفصله عنه وتريح بالك منه

 

[دلووعة]

انا لو مكانج وماااااا عندي اطفاااال ما اتم وياه دقيقه وحده ... انا شو مصبرني عليه غيرهم

 

[ღ لحن الحياة ღ]

لاحول ولا قوة الا بالله

لكل من نصحت الاخت بالانفصال ارجوكن مراعاة شعورها كزوجة جديدة...

ثانيا حبيبتي انسي موضوع الانفصال وابدأي بالتقرب لله
بالدعاء له بالهداية
فربما يكون زواجك منه خيرا له برجوعه لله وهدايته
فكل مايقدمه الله لنا خير

واذا تطلقتي هل تظمنين زوج صالح فالازواج الصالحين نادرين هالايام الله المستعان

وممكن تكون هالمقاطع قبل زواجه منك ؟؟؟
يعني ايام طيشة وعزوبيته احسني الظن..


حاولي معاه واصبري وابعدي عن التفتيش من وراه
لانك ماراح تجدين شي يسعدك
وصدقيني جرا لنا اعظم مما تتصورين وصبرنا
ولن اقول لك من اجل ابناءي فوالله لم يصبرني
عليه الا حبي له وحبي لهدايته فهو اول رجل عرفه قلبي

اصبري ولن تندمي وحاولي دعوته والتفاهم معه باساليب هادئة ....


واكثري من الاستخارة والاستغفار
فرج الله همك ....
​