بصراحة دعتورة ييتي على العوق
أنا سمينة
يعني طولي 162 ووزني 91 كيلو جراااام
والأدهى إنه مافي ملامح في جسمي ..
ساعات أشوف بنات متان .. لكن ما شاء الله متنهم متناسق مع إنهم يكونون مثل وزني ويمكن أكثر
عيبي إن سمنتي كلها من فوووق .. وأكثر شيء بطني الكبير
ووايد متعقدة من هالشيء .. والمشكلة إنه مترهل وايد .. يعني بطني نازل على الـ .. (أستحي أقول)
وكل حد يشوفني يقول لي كم عندج من العيال ... ياااااااااااه كيف تحطمني هالجملة وهالسؤال ..
غير هذا .. السمنة عاطتني زيادة في العمر .. وويهي مستوي متين موب مثل قبل .. وخشمي موب طويل .. قصير وايد ولله الحمد .. بس أنا راضية عن شكل ويهي الحمد لله لأنه الله سبحانه صورني في أحسن صورة
كم مرة فكرت إني أسوي عملية شفط وشد .. ما أدري تنصحيني بهالعملية يا أستاذة ؟؟
لأنه الكل يقول لي إنتي مستحيل تتزوجين وبطنج بهالطريقة متين ..
يقولولي إنه الريال على طول بيشرد مني عشان بطني بس
يا ربي شقايل أعاني من هالمنطقة .. وللأسف ماشيء خصر أبداً
وإللي سبب لي هالشيء اليلسة في الدوام .. لأنه شغلي يحتم عليه أتم يالسة معظم الوقت .. فالبطن بهالطريقة ياخذ راحته ويواصل في النزول
جربت جميع أنواع الرجيمات .. أضعف وأرد أمتن .. بس بطني هو المكان الوحيد إللي ما يبغي يضعف فيني
شو رايج دكتورة .. أنا وايد أفكر أسوي عملية شفط وشد .. حد يقول لي سويها واتوكلي .. وحد يقول شو ضمنج بنتائج العملية ..
ما أدري هالبطن هو الشيء الوحيد إللي أفكر فيه في الفترة الأخيرة .. خصه إنه وزني أشوفه زايد أكثر عن كل مرة وموب متحملة بطني أبداً .. لأنه سمنة البطن عندي تبتدي من تحت الصدر على طول لين ما قبل الــ
شوري عليه يا أستاذة