خطيبي و مكالمات الجنس

[ملاك الشوق]

السلام عليكم و رحمه الله و بركاته ..​

والله محتاجه مشورتكم و العون ..​

انا مالجه من 4 شهور و اكلم خطيبي يومياا بس زياراته لي قليله بس هذا الشي ​

نحن متفقين عليه مع انه واااااااااااااااايد يشتاق يشوفني بس لانه مدة الملجة راح ​

اطول اكثر من سنه أحس من الافضل ما يشوفني دايما ..​

مشكلـــــــــــتي ...
خطيبي يطلب مني أمارس الجنس معاه عن طريق الهاتف و أنا أحاول ما ارضى ​

فالبداية بحكم إني استحى و غير هذا السبب هالشي مب عاجبني بهذي الطريقة .. ​

لكن هو يكون مصر و يقولي انا حلالج و انتي حلالي يعني هالمواضيع ما أقدر اتكلم ​

فيها الا وياج .. و أنتي الإنسانه الوحيدة فالدنيا اللي تقدرين تريحيني .. و اكثر من مرة ​

يقولي اذا هالشي يضايقج قوليلي و الله ما أريد شي فهذي الدنيا يضايقج .. ​

أبـــي رايكم فالموضوع .. ​

سبق و قلتلكم نحن مدة ملجتنا راح اطول اكثر من سنه و أخاف هالشي يأثر علينا ​

بعدين والله مب عارفة كيف اتصرف معاه بلــــــــــــــــــــيز والله محتاجه نصيحتكم





​

 

[جود الجسار]

من رأيي انك ماتوفقينه ع كلامه وخليه يصبر كلها سنه ونتم باذن الله مع بعض
لاتخلينه ياخذ عنك فكره شينه !!!

 

[الامل البعيد""]

انا من رايي انك ما تسوين معه شي او حتى تتكلمون

لان الشي راح يزيد

قوليلوه ان هشي ايضايقك

صدقيني راح ياخذ عنك فكره

 

[متفاائلة]

انتي قولي له انك تستحين وراح يعذرك احس توة بدري على هاالسوالف حلات ايام الملكة ان الوحدة تستحي وبعدين راح تكبرين في نظرة

امممم وشوفي راي البنات يمكن فيه احد زيك ومر بنفس حالتك خليها تقولك تجربتها وبعدين ابسالك سؤال زوجك من اي نمط جنوبي شمالي او000

 

[$نسايم$]

حبيبتي لا تسمعين كلامه والله بتندمين بعدين انوثة الوحده في حياها
قوليله فيه اشياء اهم من هاذا
بعدين يمكنه يبغى يختبرك قولي معليش هاذا الموضوع ماحب افتحه وخلاص انهيه لاعاد تفتحونه

 

[بشائر نجد]

حبيبتي يمكن هذا اختبار لك بيشوف انت سهلة ولا لا نصيحة لاتطعينه قولي لالالا

 

[ليه يازمن]

انتبهي لاتوافقين والله تطحين من عينه

 

[دانينو]

الله يكون في عونك

 

[الريم 2008]

صح كلام الآخوات يمكن بكره يعايرك إنك استجبت عاى طول ما استحيتي

 

[مس كشخة]

بنات انا عيل على نياااتي وافقته والحين يعني طحت من عينه

 

[جراده شياكه]

لا توافقينه نهااااااااااااااائي

 

[مس كشخة]

خواتي ساعدووني اشلون اصحح الموقف

 

[كلي احزان]

لا تكبرون السالفه وتسونها انها يختبرها ومادري شنو

خلاص هذا ريلج سوي معاه بالتلفون شنو يعني مافيها شي

واذا مالاقا هالشي عندج عادي بيسوي بعد مايسكر منج بروحه

عادي خليها عادي ولا تكبرين الموضوع وهو في النهايه ريلج

 

[لمار9994]

ليش كذا بنات هذا زوجها حلالها لاتقولون فيه حدود اذا ماسوته لها غيرها راح يسويه هو محتاج ذا الشي واذا ردته وقالت لا راح يزعل وبتصير مشاكل بينهم حبيبتي من رايي عاااااااادي ترا فيه كثير يسوونها عادي هذا شرعن جااااااااااااائز لانه زوجك

 

[كويتية كيوت]

انا مادري عن نوعه انتي ادرى بزوجك ،،، بس مو شرط يكون يختبرك يمكن صج اهوا يبي منك

ومايبي من غيرك بس دام سويتي هالشي معاه ،،،،، حاولي انك ماتكلمينة وايد وخاصة

بالليل كله اعتذري وقولي تعبانه وخليه يتعود ان جهازك دايم مسكر

 

[بحر العفة]

مو شرط تطيحين من عينه
بس الممنوع يظل مرغوب
قوليله انا استحي وهالشيء امكن يتعبني واش الفايدة اثارة وبالنهاية مانقدر
قوليله اللي صبرنا العمر هذا بنصبر سنة وسنة قليلة

 

[أم ذياب89]

الغاليه لابطحين من عينه ولا شياته

بالعكس هو ريلج هب واحد غريب


هب لازم كل مره تسوين جيه عادي مرات ظهري لج اعذار او عندج شي تسوينه وجيه


اهم شي لاترفضينه له طلب لانه عادي يسوي شي من وراج وسبه رفضج لطلبه



خلاف ما ينفع الندم



لانه طبع ريال ما يحب كل شي لا لا او ماقدر



الله يتمم عليج ع خير الغاليه

 

[أم ذياب89]

خواتي ساعدووني اشلون اصحح الموقف

الغاليه لاتخافين مابطحين من عينه


قوي قلبج ولاتخافين


هذا حلالج ريلج هب واحد غريب عشان طحين من عينه


الله يسعدج



ويتمم عليج

 

[nla]

انا رأيي ما توافقي بس حاولي يكون ردك عليه لطيف وبلباقة

ممكن تحكيله انا احب الرومانسية اكثر من الجنس بهاي المرحلة

خلينا نعيش الرومانسية الان ونستمتع بحلاوتها والجنس ان شاء الله بوقته يكون ممتع

 

[ابلة ابتدائي]

حاولي انك تتهربين اسأليع عن شي ثاني ونفس ما قالت اختي خلو ايام الخطوبه رومانسيه