الدرس الثاني :
أساس الدرس :
عن أبي سعيد الخدري – رضي الله عنه – أن رسول الله قال: (( إن الرجل إذا نظر إلى امرأته, ونظرت إليه, نظر الله تعالى إليهما نظرة رحمة,فإذا أخذ بكفها تساقطت ذنوبهما من خلال أصابعهما )) صحيح الجامع حديث رقم 1977
أين علماء الإجتماع , وخبراء العلاقات الزوجية , والمصلحون من هذا الحديث العظيم , الذي يوصي الزوجين ببعضهما غاية الإيصاء , ويسمو بعلاقتهما إلى أعلى مكان , ويعدهما بالأجر الكبير على تواددهما وتراحمهما؟!
إنها دعوة للأزواج إلى عدم التهوين من رسائل المودة بينهما . فحتى النظرةالتي لا تكلف جهدًا , ولا تفقد مالاً , تجلب رحمة الله بالزوجين , رحمة الله التي تحمل معها كل خير لهما , تحمل الرزق والسلام والسعادة , رحمة الله التي يهون معهاكل صعب , ويقرب كل بعيد , وينفرج كل كرب . والنبي لم يحدد نوعنظرة الرجل إلى زوجته , ولا نظرة زوجته إليه ,ليترك المجال رحباً أمام نظرات المحبة،والمودة ،والشفقة ، والحنان، .
وواضح أن النبي عليه الصلاة والسلام , يحث الزوج على البدء بالنظرة الطيبة , لكنه يحث المرأة على مبادلة زوجها تلك النظرة (( ونظرت إليه )) وفي هذا تشجيع الزوجة على الإيجابية والإستجابة لتودد الزوج بتودد مماثل منها . وحتى تزيد المودة وتتضاعف المحبة , وتتعانق المشاعر الحانية , دعا الرسول صلى عليه وسلم إلى عدم الإقتصار على هذه النظرات المتبادلة , وذلك حين قال : (( فإذا أخذ بكفّها ..) وياله من تعبير بديع دقيق يرسم صورة غاية في الرفق واللطف والحب , فلم يقل عليه الصلاة والسلام : فإذا أمسك يدها ... بل قال : (( فإذا أخذبكفها ..)) وهذا التعبير يصّور كف المرأة وكأنها عصفور صغير يحتضنه الزوج بيديه , يمسح عليه , ويدفئه ويرعاه . وما ثمرة هذا الحنو من الزوج ؟ مشاعر حب دافق تشيع فينفس الزوجة , وأحاسيس راحة تذهب عنها تعب كفّها , بل جسمها كله , واستعداد كامللطاعة الزوج وعدم عصيانه .وقمة هذه الثمرة مابشر به النبي الزوجين كليهما بتساقط ذنوبهما من خلال أصابعهما ( تساقطت ذنوبهما من خلال أصابعهما )) لا لأنهما صاما , أو صليا في الليل , أو أنفقا من مالهما . إنما لأنهما تصافياوتحابا في لحظات مودة صادقة .
(( نظرة رحمة )) من ربهما , و(( تساقطت ذنوبهما)) من أصابعهما , أليستا ثمرتين عظيمتين كبيرتين لمودة سهلة قريبة في متناول كل زوجين؟!.
طريقة التنفيذ :
أبدأي عهد الصداقه الجديد بينكما بنظرات ولمسات حانيه فقط بمعنى ... اذا دخل البيت صافحيه واحضني كفوفه ( لاحظي احضني كفوفه بس مو الرجال بكبره ) اثقلي الثقل صنعه .... ونظرات موده ورحمه لهالصديق اللي جاي من العمل تعبان انتي اصلا بدون تمثيل طبيعتك حنونه بس شيلي التراكمات اللي بصدرك منه انسي الماضي وابد من جديد ابليس ماراح يخليك راح يذكرك بين فتره والثانيه بعيوبه بس تعوذي منه وكملي الخطه عيشي معاه حياه مليانه نظرات موده وحنان وصافحيه والمسي يدينه وهو يسولف معاك خلك جنبه واضحكي بحنان وعلقي تعليقات حنونه مثلا ( قال زوجك اليوم والله كرفونا في العمل ) لاتقولين على طول ( اوف لييييه ) ؟؟؟ مسويه روحك مهتمه لا .... قولي ( واعليه عليك ) ( ياحياتي عساك تعبت ) ( واااو حرام عليهم ) ( ياعله فيني ) من هالكلام اللي يزخ مثل المطر لوكانت صديقتك تشتكي لك من زوجها او عملها او حماتها او سلفتها أو أو أو والقائمه تطول نتعاطف لو انا ماندري وش السالفه او مين الغلطان اهم شي اجبر بخاطر صديقتي ... مثله الزوج بالضط تعاطفي معاه وخلك سريعة البديهه مثلا قال شي مفرح قولي ( الله يوفقك ) ( تستاهل اكثر ) ( طبيعي من زيك ) وهكذا من الكلام اللي هدفه الموده والعطف ..... ابعدي عن المبالغات في المشاعر حتى لاتكون مستهلكه وابتعدي عن الجفاء في التعامل يعني شوي شوي
مثال آخر لتتضح الصوره أكثر كان صديقك تعبان ... هل تتمين جنبه طول الوقت وكأنه في العايه المركزة لاسمح الله ... غلط لكن اهتمي فية من ناحية اللمسه الحنونه والنظره العطوفه أعطيه علاجه بيدينك وتطنيعليه بعدين اطلعي من الغرفه اعطيه مساحة حريه وتفقديه من فتره لأخرى ممنووووووووع نلزق لكن نود ونرحم .
تجربه من الواقع
احداهن تقول لي ودموعها أربع اربع( والله انه قد تصل الى عشر عشر من حرقتها عليه ) تقول تصدقين انه زوجي جاه عسر هضم وحسرني لما تعب قعد بالبيت وانا صرت له ممرضه والله ماارتحت بس البي طلباته حتى عيالي اهملتهم ذاك اليوم وبس اصارخ عليهم عشان مايزعجونه واول ماحس بريحة العافي فتح الماسنجر وهاتك ياسوالف .... سألتها بنات ؟ قالت مدري بساذا دخلت يحاول يلف الشاشه واذاقربت عالسرير سكر الصفحه أكيد انه يسولف مع حرمه .... سألتها يش مايسولف معك انتي انتي موحرمه ؟؟؟؟
قالت هذا اللي قاهرني : أنا زوجته وطول اليوم مفنيه نفسي عشانه وهو ولا على باله قلت لها :شوفي حبيبتي أتي مثلها بالعكس انتي ارحم منهاعليه وان لكن الرجال مل منك طول الوقت في وجهه بعدين عسر الهضم مشكله ماتستدعي النوم في السرير يعني مشكله حمام اعزكم الله ( اسهال واستفراغ ) بمجلرد ماتنتهي الأزمه ادوب ينام الشخص ساعه يريح جسمه انتي ليش صكيي عليه واغريتيه بالخلوه بدليل انه قاعد يسولف يعني يبي يغير جو من التعب بس انتي ماعطيتيه فرصه يشتاق أو يدور عليك باختصار ( ارحمي ضعفه في المرض على حسب الحاله لاتبالغين في الحرص احنا الحريم تعجبا هالزقه يعني لو انتي تعبانه ماعندك مشكله تظلين بالسرير ويخدمك وتددللين عليه بالساعات بدون ملل هم غير بسرعه يملون حتى من الحنيه الزايده يعني يبي تريحينه وتخلينه لابد يبقى له مساحة حريه مايتنازل عنها والا يحس روحه محاصر فيحاول يهرب من هالحصار بأي شكل ولو قعد بحريه على طول راح يمل ويرجع للحضن الحنون زي المجنون )والدليل جميع اللي ينادون بالحريه رجال متزوجين ليش تزوجوا طالما يبون حريه ... ليش يخسر مهر وبيت ومصاريف والحرام استغفر الله ميسر في كل مكان لأن الرجال يبي استقرار مع شخص يعتبره صديق مو حارس شخصي ......؟؟؟؟
بمعنى لوصديقتك تعبانه وكنتوا مع بعض في العمل هل تراكمين شغلك وتقابلينها...؟؟ هل تظلين بس تلبين رغباتها ..؟؟ مو معقول اكيدبتوقفين معاها بس ماراح تنسين نفسك او تقصرين بشغلك مثلها الزوج ليش نفني أنفسنا عشانهم لا حبيبتي احنا بشر لنا مثل اللي علينا أهم شي مانفقد التراحم والموده بيننا انتي لما تقعدين م عيالك بالصاله وواحد منهم بالغرفه طيب مافيه الا العافيه تتمين تسألين في خاطرك عنه وينه وش يسوي وراه ماقعد معنا وهكذا مع ان الباقين قدامك وكلهم عيالك بس مشغلك هالبعيد .... النفس تحب البعيد دايم .. ماغاب عن العين لذعالكبد ..
انتهى ملخص الدرس الثاني دعواتي لكم :32:
